דברים 22:15

תנ ך עברי מודרני

ולקח אבי הנער ואמה והוציאו את בתולי הנער אל זקני העיר השערה׃

משאבים נוספים

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דב׳ 22:16-21
    6 פסוקים
    88%

    16ואמר אבי הנער אל הזקנים את בתי נתתי לאיש הזה לאשה וישנאה׃

    17והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר׃

    18ולקחו זקני העיר ההוא את האיש ויסרו אתו׃

    19וענשו אתו מאה כסף ונתנו לאבי הנערה כי הוציא שם רע על בתולת ישראל ולו תהיה לאשה לא יוכל לשלחה כל ימיו׃

    20ואם אמת היה הדבר הזה לא נמצאו בתולים לנער׃

    21והוציאו את הנער אל פתח בית אביה וסקלוה אנשי עירה באבנים ומתה כי עשתה נבלה בישראל לזנות בית אביה ובערת הרע מקרבך׃

  • דב׳ 22:13-14
    2 פסוקים
    85%

    13כי יקח איש אשה ובא אליה ושנאה׃

    14ושם לה עלילת דברים והוציא עליה שם רע ואמר את האשה הזאת לקחתי ואקרב אליה ולא מצאתי לה בתולים׃

  • דב׳ 22:23-30
    8 פסוקים
    80%

    23כי יהיה נער בתולה מארשה לאיש ומצאה איש בעיר ושכב עמה׃

    24והוצאתם את שניהם אל שער העיר ההוא וסקלתם אתם באבנים ומתו את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבך׃

    25ואם בשדה ימצא האיש את הנער המארשה והחזיק בה האיש ושכב עמה ומת האיש אשר שכב עמה לבדו׃

    26ולנער לא תעשה דבר אין לנער חטא מות כי כאשר יקום איש על רעהו ורצחו נפש כן הדבר הזה׃

    27כי בשדה מצאה צעקה הנער המארשה ואין מושיע לה׃

    28כי ימצא איש נער בתולה אשר לא ארשה ותפשה ושכב עמה ונמצאו׃

    29ונתן האיש השכב עמה לאבי הנער חמשים כסף ולו תהיה לאשה תחת אשר ענה לא יוכל שלחה כל ימיו׃

    30לא יקח איש את אשת אביו ולא יגלה כנף אביו׃

  • שמ׳ 22:16-17
    2 פסוקים
    78%

    16וכי יפתה איש בתולה אשר לא ארשה ושכב עמה מהר ימהרנה לו לאשה׃

    17אם מאן ימאן אביה לתתה לו כסף ישקל כמהר הבתולת׃

  • דב׳ 21:19
    74%

    19ותפשו בו אביו ואמו והוציאו אתו אל זקני עירו ואל שער מקמו׃

  • במ׳ 30:16
    72%

    16אלה החקים אשר צוה יהוה את משה בין איש לאשתו בין אב לבתו בנעריה בית אביה׃

  • דב׳ 25:7-8
    2 פסוקים
    72%

    7ואם לא יחפץ האיש לקחת את יבמתו ועלתה יבמתו השערה אל הזקנים ואמרה מאן יבמי להקים לאחיו שם בישראל לא אבה יבמי׃

    8וקראו לו זקני עירו ודברו אליו ועמד ואמר לא חפצתי לקחתה׃

  • שמ׳ 21:9
    71%

    9ואם לבנו ייעדנה כמשפט הבנות יעשה לה׃

  • במ׳ 5:16
    71%

    16והקריב אתה הכהן והעמדה לפני יהוה׃

  • שופ׳ 19:24
    70%

    24הנה בתי הבתולה ופילגשהו אוציאה נא אותם וענו אותם ועשו להם הטוב בעיניכם ולאיש הזה לא תעשו דבר הנבלה הזאת׃

  • במ׳ 30:3-6
    4 פסוקים
    70%

    3ואשה כי תדר נדר ליהוה ואסרה אסר בבית אביה בנעריה׃

    4ושמע אביה את נדרה ואסרה אשר אסרה על נפשה והחריש לה אביה וקמו כל נדריה וכל אסר אשר אסרה על נפשה יקום׃

    5ואם הניא אביה אתה ביום שמעו כל נדריה ואסריה אשר אסרה על נפשה לא יקום ויהוה יסלח לה כי הניא אביה אתה׃

    6ואם היו תהיה לאיש ונדריה עליה או מבטא שפתיה אשר אסרה על נפשה׃

  • דב׳ 17:5
    70%

    5והוצאת את האיש ההוא או את האשה ההוא אשר עשו את הדבר הרע הזה אל שעריך את האיש או את האשה וסקלתם באבנים ומתו׃

  • ויק׳ 21:13
    70%

    13והוא אשה בבתוליה יקח׃

  • שופ׳ 11:38
    70%

    38ויאמר לכי וישלח אותה שני חדשים ותלך היא ורעותיה ותבך על בתוליה על ההרים׃

  • דב׳ 21:12-14
    3 פסוקים
    69%

    12והבאתה אל תוך ביתך וגלחה את ראשה ועשתה את צפרניה׃

    13והסירה את שמלת שביה מעליה וישבה בביתך ובכתה את אביה ואת אמה ירח ימים ואחר כן תבוא אליה ובעלתה והיתה לך לאשה׃

    14והיה אם לא חפצת בה ושלחתה לנפשה ומכר לא תמכרנה בכסף לא תתעמר בה תחת אשר עניתה׃

  • במ׳ 5:13
    69%

    13ושכב איש אתה שכבת זרע ונעלם מעיני אישה ונסתרה והיא נטמאה ועד אין בה והוא לא נתפשה׃

  • שופ׳ 19:3
    69%

    3ויקם אישה וילך אחריה לדבר על לבה להשיבו ונערו עמו וצמד חמרים ותביאהו בית אביה ויראהו אבי הנערה וישמח לקראתו׃

  • יח׳ 22:10-11
    2 פסוקים
    69%

    10ערות אב גלה בך טמאת הנדה ענו בך׃

    11ואיש את אשת רעהו עשה תועבה ואיש את כלתו טמא בזמה ואיש את אחתו בת אביו ענה בך׃

  • שמ׳ 21:7
    69%

    7וכי ימכר איש את בתו לאמה לא תצא כצאת העבדים׃

  • מש׳ 31:31
    69%

    31תנו לה מפרי ידיה ויהללוה בשערים מעשיה׃

  • דב׳ 21:4
    69%

    4והורדו זקני העיר ההוא את העגלה אל נחל איתן אשר לא יעבד בו ולא יזרע וערפו שם את העגלה בנחל׃

  • שופ׳ 15:2
    69%

    2ויאמר אביה אמר אמרתי כי שנא שנאתה ואתננה למרעך הלא אחתה הקטנה טובה ממנה תהי נא לך תחתיה׃

  • מש׳ 31:23
    68%

    23נודע בשערים בעלה בשבתו עם זקני ארץ׃

  • תה׳ 45:14
    68%

    14לרקמות תובל למלך בתולות אחריה רעותיה מובאות לך׃

  • בר׳ 24:16
    68%

    16והנער טבת מראה מאד בתולה ואיש לא ידעה ותרד העינה ותמלא כדה ותעל׃

  • קור״א 7:36
    68%

    36וכי יחשב איש למעשה שלא כהגן לבתולתו אם תעבר פרקה ודבר חובה הוא אז יעשה כאשר עם לבבו איננו חוטא ישיאנה׃

  • דב׳ 24:1
    68%

    1¶ כי יקח איש אשה ובעלה והיה אם לא תמצא חן בעיניו כי מצא בה ערות דבר וכתב לה ספר כריתת ונתן בידה ושלחה מביתו׃

  • בר׳ 24:57
    68%

    57ויאמרו נקרא לנער ונשאלה את פיה׃

  • שופ׳ 19:26
    68%

    26ותבא האשה לפנות הבקר ותפל פתח בית האיש אשר אדוניה שם עד האור׃