דברים 22:21

תנ ך עברי מודרני

והוציאו את הנער אל פתח בית אביה וסקלוה אנשי עירה באבנים ומתה כי עשתה נבלה בישראל לזנות בית אביה ובערת הרע מקרבך׃

משאבים נוספים

פסוקים מקושרים

  • בר׳ 34:7 : 7 ובני יעקב באו מן השדה כשמעם ויתעצבו האנשים ויחר להם מאד כי נבלה עשה בישראל לשכב את בת יעקב וכן לא יעשה׃
  • דב׳ 13:5 : 5 והנביא ההוא או חלם החלום ההוא יומת כי דבר סרה על יהוה אלהיכם המוציא אתכם מארץ מצרים והפדך מבית עבדים להדיחך מן הדרך אשר צוך יהוה אלהיך ללכת בה ובערת הרע מקרבך׃
  • שופ׳ 20:6 : 6 ואחז בפילגשי ואנתחה ואשלחה בכל שדה נחלת ישראל כי עשו זמה ונבלה בישראל׃
  • שופ׳ 20:10 : 10 ולקחנו עשרה אנשים למאה לכל שבטי ישראל ומאה לאלף ואלף לרבבה לקחת צדה לעם לעשות לבואם לגבע בנימן ככל הנבלה אשר עשה בישראל׃
  • שמ״ב 13:12-13 : 12 ותאמר לו אל אחי אל תענני כי לא יעשה כן בישראל אל תעשה את הנבלה הזאת׃ 13 ואני אנה אוליך את חרפתי ואתה תהיה כאחד הנבלים בישראל ועתה דבר נא אל המלך כי לא ימנעני ממך׃
  • ויק׳ 21:9 : 9 ובת איש כהן כי תחל לזנות את אביה היא מחללת באש תשרף׃
  • דב׳ 17:7 : 7 יד העדים תהיה בו בראשנה להמיתו ויד כל העם באחרנה ובערת הרע מקרבך׃
  • דב׳ 19:19 : 19 ועשיתם לו כאשר זמם לעשות לאחיו ובערת הרע מקרבך׃
  • דב׳ 21:21 : 21 ורגמהו כל אנשי עירו באבנים ומת ובערת הרע מקרבך וכל ישראל ישמעו ויראו׃
  • דב׳ 22:22 : 22 כי ימצא איש שכב עם אשה בעלת בעל ומתו גם שניהם האיש השכב עם האשה והאשה ובערת הרע מישראל׃
  • דב׳ 22:24 : 24 והוצאתם את שניהם אל שער העיר ההוא וסקלתם אתם באבנים ומתו את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבך׃
  • דב׳ 23:17-18 : 17 לא תהיה קדשה מבנות ישראל ולא יהיה קדש מבני ישראל׃ 18 לא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שניהם׃
  • ויק׳ 24:16 : 16 ונקב שם יהוה מות יומת רגום ירגמו בו כל העדה כגר כאזרח בנקבו שם יומת׃
  • ויק׳ 24:23 : 23 וידבר משה אל בני ישראל ויוציאו את המקלל אל מחוץ למחנה וירגמו אתו אבן ובני ישראל עשו כאשר צוה יהוה את משה׃
  • במ׳ 15:35-36 : 35 ויאמר יהוה אל משה מות יומת האיש רגום אתו באבנים כל העדה מחוץ למחנה׃ 36 ויציאו אתו כל העדה אל מחוץ למחנה וירגמו אתו באבנים וימת כאשר צוה יהוה את משה׃
  • דב׳ 13:10 : 10 וסקלתו באבנים ומת כי בקש להדיחך מעל יהוה אלהיך המוציאך מארץ מצרים מבית עבדים׃
  • דב׳ 17:5 : 5 והוצאת את האיש ההוא או את האשה ההוא אשר עשו את הדבר הרע הזה אל שעריך את האיש או את האשה וסקלתם באבנים ומתו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דב׳ 22:22-29
    8 פסוקים
    89%

    22כי ימצא איש שכב עם אשה בעלת בעל ומתו גם שניהם האיש השכב עם האשה והאשה ובערת הרע מישראל׃

    23כי יהיה נער בתולה מארשה לאיש ומצאה איש בעיר ושכב עמה׃

    24והוצאתם את שניהם אל שער העיר ההוא וסקלתם אתם באבנים ומתו את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבך׃

    25ואם בשדה ימצא האיש את הנער המארשה והחזיק בה האיש ושכב עמה ומת האיש אשר שכב עמה לבדו׃

    26ולנער לא תעשה דבר אין לנער חטא מות כי כאשר יקום איש על רעהו ורצחו נפש כן הדבר הזה׃

    27כי בשדה מצאה צעקה הנער המארשה ואין מושיע לה׃

    28כי ימצא איש נער בתולה אשר לא ארשה ותפשה ושכב עמה ונמצאו׃

    29ונתן האיש השכב עמה לאבי הנער חמשים כסף ולו תהיה לאשה תחת אשר ענה לא יוכל שלחה כל ימיו׃

  • דב׳ 22:13-20
    8 פסוקים
    85%

    13כי יקח איש אשה ובא אליה ושנאה׃

    14ושם לה עלילת דברים והוציא עליה שם רע ואמר את האשה הזאת לקחתי ואקרב אליה ולא מצאתי לה בתולים׃

    15ולקח אבי הנער ואמה והוציאו את בתולי הנער אל זקני העיר השערה׃

    16ואמר אבי הנער אל הזקנים את בתי נתתי לאיש הזה לאשה וישנאה׃

    17והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר׃

    18ולקחו זקני העיר ההוא את האיש ויסרו אתו׃

    19וענשו אתו מאה כסף ונתנו לאבי הנערה כי הוציא שם רע על בתולת ישראל ולו תהיה לאשה לא יוכל לשלחה כל ימיו׃

    20ואם אמת היה הדבר הזה לא נמצאו בתולים לנער׃

  • דב׳ 17:4-5
    2 פסוקים
    84%

    4והגד לך ושמעת ודרשת היטב והנה אמת נכון הדבר נעשתה התועבה הזאת בישראל׃

    5והוצאת את האיש ההוא או את האשה ההוא אשר עשו את הדבר הרע הזה אל שעריך את האיש או את האשה וסקלתם באבנים ומתו׃

  • דב׳ 21:21-22
    2 פסוקים
    82%

    21ורגמהו כל אנשי עירו באבנים ומת ובערת הרע מקרבך וכל ישראל ישמעו ויראו׃

    22וכי יהיה באיש חטא משפט מות והומת ותלית אתו על עץ׃

  • ויק׳ 19:20
    77%

    20ואיש כי ישכב את אשה שכבת זרע והוא שפחה נחרפת לאיש והפדה לא נפדתה או חפשה לא נתן לה בקרת תהיה לא יומתו כי לא חפשה׃

  • דב׳ 13:10-11
    2 פסוקים
    76%

    10וסקלתו באבנים ומת כי בקש להדיחך מעל יהוה אלהיך המוציאך מארץ מצרים מבית עבדים׃

    11וכל ישראל ישמעו ויראון ולא יוספו לעשות כדבר הרע הזה בקרבך׃

  • ויק׳ 20:10-13
    4 פסוקים
    75%

    10ואיש אשר ינאף את אשת איש אשר ינאף את אשת רעהו מות יומת הנאף והנאפת׃

    11ואיש אשר ישכב את אשת אביו ערות אביו גלה מות יומתו שניהם דמיהם בם׃

    12ואיש אשר ישכב את כלתו מות יומתו שניהם תבל עשו דמיהם בם׃

    13ואיש אשר ישכב את זכר משכבי אשה תועבה עשו שניהם מות יומתו דמיהם בם׃

  • שמ׳ 22:16-17
    2 פסוקים
    75%

    16וכי יפתה איש בתולה אשר לא ארשה ושכב עמה מהר ימהרנה לו לאשה׃

    17אם מאן ימאן אביה לתתה לו כסף ישקל כמהר הבתולת׃

  • דב׳ 17:2
    75%

    2כי ימצא בקרבך באחד שעריך אשר יהוה אלהיך נתן לך איש או אשה אשר יעשה את הרע בעיני יהוה אלהיך לעבר בריתו׃

  • יח׳ 23:47
    74%

    47ורגמו עליהן אבן קהל וברא אותהן בחרבותם בניהם ובנותיהם יהרגו ובתיהן באש ישרפו׃

  • שופ׳ 21:11
    74%

    11וזה הדבר אשר תעשו כל זכר וכל אשה ידעת משכב זכר תחרימו׃

  • יח׳ 22:11
    73%

    11ואיש את אשת רעהו עשה תועבה ואיש את כלתו טמא בזמה ואיש את אחתו בת אביו ענה בך׃

  • שופ׳ 19:24
    73%

    24הנה בתי הבתולה ופילגשהו אוציאה נא אותם וענו אותם ועשו להם הטוב בעיניכם ולאיש הזה לא תעשו דבר הנבלה הזאת׃

  • במ׳ 5:13
    73%

    13ושכב איש אתה שכבת זרע ונעלם מעיני אישה ונסתרה והיא נטמאה ועד אין בה והוא לא נתפשה׃

  • איוב 31:11
    73%

    11כי הוא זמה והיא עון פלילים׃

  • יח׳ 16:40
    73%

    40והעלו עליך קהל ורגמו אותך באבן ובתקוך בחרבותם׃

  • דב׳ 21:12-14
    3 פסוקים
    73%

    12והבאתה אל תוך ביתך וגלחה את ראשה ועשתה את צפרניה׃

    13והסירה את שמלת שביה מעליה וישבה בביתך ובכתה את אביה ואת אמה ירח ימים ואחר כן תבוא אליה ובעלתה והיתה לך לאשה׃

    14והיה אם לא חפצת בה ושלחתה לנפשה ומכר לא תמכרנה בכסף לא תתעמר בה תחת אשר עניתה׃

  • יר׳ 3:9
    73%

    9והיה מקל זנותה ותחנף את הארץ ותנאף את האבן ואת העץ׃

  • שמ׳ 21:9
    72%

    9ואם לבנו ייעדנה כמשפט הבנות יעשה לה׃

  • במ׳ 31:17
    72%

    17ועתה הרגו כל זכר בטף וכל אשה ידעת איש למשכב זכר הרגו׃

  • ויק׳ 21:9
    72%

    9ובת איש כהן כי תחל לזנות את אביה היא מחללת באש תשרף׃

  • דב׳ 19:12
    72%

    12ושלחו זקני עירו ולקחו אתו משם ונתנו אתו ביד גאל הדם ומת׃

  • יח׳ 23:10
    72%

    10המה גלו ערותה בניה ובנותיה לקחו ואותה בחרב הרגו ותהי שם לנשים ושפוטים עשו בה׃

  • במ׳ 5:20
    72%

    20ואת כי שטית תחת אישך וכי נטמאת ויתן איש בך את שכבתו מבלעדי אישך׃

  • דב׳ 21:19
    72%

    19ותפשו בו אביו ואמו והוציאו אתו אל זקני עירו ואל שער מקמו׃