שמות 20:10

תנ ך עברי מודרני

ויום השביעי שבת ליהוה אלהיך לא תעשה כל מלאכה אתה ובנך ובתך עבדך ואמתך ובהמתך וגרך אשר בשעריך׃

משאבים נוספים

פסוקים מקושרים

  • במ׳ 15:32-36 : 32 ויהיו בני ישראל במדבר וימצאו איש מקשש עצים ביום השבת׃ 33 ויקריבו אתו המצאים אתו מקשש עצים אל משה ואל אהרן ואל כל העדה׃ 34 ויניחו אתו במשמר כי לא פרש מה יעשה לו׃ 35 ויאמר יהוה אל משה מות יומת האיש רגום אתו באבנים כל העדה מחוץ למחנה׃ 36 ויציאו אתו כל העדה אל מחוץ למחנה וירגמו אתו באבנים וימת כאשר צוה יהוה את משה׃
  • דב׳ 5:14-15 : 14 ויום השביעי שבת ליהוה אלהיך לא תעשה כל מלאכה אתה ובנך ובתך ועבדך ואמתך ושורך וחמרך וכל בהמתך וגרך אשר בשעריך למען ינוח עבדך ואמתך כמוך׃ 15 וזכרת כי עבד היית בארץ מצרים ויצאך יהוה אלהיך משם ביד חזקה ובזרע נטויה על כן צוך יהוה אלהיך לעשות את יום השבת׃
  • שמ׳ 16:27-28 : 27 ויהי ביום השביעי יצאו מן העם ללקט ולא מצאו׃ 28 ויאמר יהוה אל משה עד אנה מאנתם לשמר מצותי ותורתי׃
  • שמ׳ 34:21 : 21 ששת ימים תעבד וביום השביעי תשבת בחריש ובקציר תשבת׃
  • בר׳ 2:2-3 : 2 ויכל אלהים ביום השביעי מלאכתו אשר עשה וישבת ביום השביעי מכל מלאכתו אשר עשה׃ 3 ויברך אלהים את יום השביעי ויקדש אתו כי בו שבת מכל מלאכתו אשר ברא אלהים לעשות׃
  • שמ׳ 23:9-9 : 9 וגר לא תלחץ ואתם ידעתם את נפש הגר כי גרים הייתם בארץ מצרים׃ 10 ושש שנים תזרע את ארצך ואספת את תבואתה׃ 11 והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתך׃ 12 ששת ימים תעשה מעשיך וביום השביעי תשבת למען ינוח שורך וחמרך וינפש בן אמתך והגר׃
  • שמ׳ 31:13 : 13 ואתה דבר אל בני ישראל לאמר אך את שבתתי תשמרו כי אות הוא ביני וביניכם לדרתיכם לדעת כי אני יהוה מקדשכם׃
  • דב׳ 16:11-12 : 11 ושמחת לפני יהוה אלהיך אתה ובנך ובתך ועבדך ואמתך והלוי אשר בשעריך והגר והיתום והאלמנה אשר בקרבך במקום אשר יבחר יהוה אלהיך לשכן שמו שם׃ 12 וזכרת כי עבד היית במצרים ושמרת ועשית את החקים האלה׃
  • דב׳ 24:14-22 : 14 לא תעשק שכיר עני ואביון מאחיך או מגרך אשר בארצך בשעריך׃ 15 ביומו תתן שכרו ולא תבוא עליו השמש כי עני הוא ואליו הוא נשא את נפשו ולא יקרא עליך אל יהוה והיה בך חטא׃ 16 לא יומתו אבות על בנים ובנים לא יומתו על אבות איש בחטאו יומתו׃ 17 לא תטה משפט גר יתום ולא תחבל בגד אלמנה׃ 18 וזכרת כי עבד היית במצרים ויפדך יהוה אלהיך משם על כן אנכי מצוך לעשות את הדבר הזה׃ 19 כי תקצר קצירך בשדך ושכחת עמר בשדה לא תשוב לקחתו לגר ליתום ולאלמנה יהיה למען יברכך יהוה אלהיך בכל מעשה ידיך׃ 20 כי תחבט זיתך לא תפאר אחריך לגר ליתום ולאלמנה יהיה׃ 21 כי תבצר כרמך לא תעולל אחריך לגר ליתום ולאלמנה יהיה׃ 22 וזכרת כי עבד היית בארץ מצרים על כן אנכי מצוך לעשות את הדבר הזה׃
  • נח׳ 10:31 : 31 ועמי הארץ המביאים את המקחות וכל שבר ביום השבת למכור לא נקח מהם בשבת וביום קדש ונטש את השנה השביעית ומשא כל יד׃
  • נח׳ 13:15-21 : 15 בימים ההמה ראיתי ביהודה דרכים גתות בשבת ומביאים הערמות ועמסים על החמרים ואף יין ענבים ותאנים וכל משא ומביאים ירושלם ביום השבת ואעיד ביום מכרם ציד׃ 16 והצרים ישבו בה מביאים דאג וכל מכר ומכרים בשבת לבני יהודה ובירושלם׃ 17 ואריבה את חרי יהודה ואמרה להם מה הדבר הרע הזה אשר אתם עשים ומחללים את יום השבת׃ 18 הלוא כה עשו אבתיכם ויבא אלהינו עלינו את כל הרעה הזאת ועל העיר הזאת ואתם מוסיפים חרון על ישראל לחלל את השבת׃ 19 ויהי כאשר צללו שערי ירושלם לפני השבת ואמרה ויסגרו הדלתות ואמרה אשר לא יפתחום עד אחר השבת ומנערי העמדתי על השערים לא יבוא משא ביום השבת׃ 20 וילינו הרכלים ומכרי כל ממכר מחוץ לירושלם פעם ושתים׃ 21 ואעידה בהם ואמרה אליהם מדוע אתם לנים נגד החומה אם תשנו יד אשלח בכם מן העת ההיא לא באו בשבת׃
  • לוק 23:56 : 56 ואחרי שובן הכינו סמים ומרקחות ובשבת שבתו כפי המצוה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דב׳ 5:12-15
    4 פסוקים
    94%

    12שמור את יום השבת לקדשו כאשר צוך יהוה אלהיך׃

    13ששת ימים תעבד ועשית כל מלאכתך׃

    14ויום השביעי שבת ליהוה אלהיך לא תעשה כל מלאכה אתה ובנך ובתך ועבדך ואמתך ושורך וחמרך וכל בהמתך וגרך אשר בשעריך למען ינוח עבדך ואמתך כמוך׃

    15וזכרת כי עבד היית בארץ מצרים ויצאך יהוה אלהיך משם ביד חזקה ובזרע נטויה על כן צוך יהוה אלהיך לעשות את יום השבת׃

  • שמ׳ 20:7-9
    3 פסוקים
    87%

    7לא תשא את שם יהוה אלהיך לשוא כי לא ינקה יהוה את אשר ישא את שמו לשוא׃

    8זכור את יום השבת לקדשו׃

    9ששת ימים תעבד ועשית כל מלאכתך׃

  • שמ׳ 23:10-12
    3 פסוקים
    85%

    10ושש שנים תזרע את ארצך ואספת את תבואתה׃

    11והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתך׃

    12ששת ימים תעשה מעשיך וביום השביעי תשבת למען ינוח שורך וחמרך וינפש בן אמתך והגר׃

  • ויק׳ 23:3
    82%

    3ששת ימים תעשה מלאכה וביום השביעי שבת שבתון מקרא קדש כל מלאכה לא תעשו שבת הוא ליהוה בכל מושבתיכם׃

  • שמ׳ 34:21
    82%

    21ששת ימים תעבד וביום השביעי תשבת בחריש ובקציר תשבת׃

  • שמ׳ 20:11-12
    2 פסוקים
    80%

    11כי ששת ימים עשה יהוה את השמים ואת הארץ את הים ואת כל אשר בם וינח ביום השביעי על כן ברך יהוה את יום השבת ויקדשהו׃

    12כבד את אביך ואת אמך למען יארכון ימיך על האדמה אשר יהוה אלהיך נתן לך׃

  • שמ׳ 35:2-3
    2 פסוקים
    79%

    2ששת ימים תעשה מלאכה וביום השביעי יהיה לכם קדש שבת שבתון ליהוה כל העשה בו מלאכה יומת׃

    3לא תבערו אש בכל משבתיכם ביום השבת׃

  • שמ׳ 31:13-17
    5 פסוקים
    79%

    13ואתה דבר אל בני ישראל לאמר אך את שבתתי תשמרו כי אות הוא ביני וביניכם לדרתיכם לדעת כי אני יהוה מקדשכם׃

    14ושמרתם את השבת כי קדש הוא לכם מחלליה מות יומת כי כל העשה בה מלאכה ונכרתה הנפש ההוא מקרב עמיה׃

    15ששת ימים יעשה מלאכה וביום השביעי שבת שבתון קדש ליהוה כל העשה מלאכה ביום השבת מות יומת׃

    16ושמרו בני ישראל את השבת לעשות את השבת לדרתם ברית עולם׃

    17ביני ובין בני ישראל אות הוא לעלם כי ששת ימים עשה יהוה את השמים ואת הארץ וביום השביעי שבת וינפש׃

  • ויק׳ 25:6
    78%

    6והיתה שבת הארץ לכם לאכלה לך ולעבדך ולאמתך ולשכירך ולתושבך הגרים עמך׃

  • יר׳ 17:21-22
    2 פסוקים
    78%

    21כה אמר יהוה השמרו בנפשותיכם ואל תשאו משא ביום השבת והבאתם בשערי ירושלם׃

    22ולא תוציאו משא מבתיכם ביום השבת וכל מלאכה לא תעשו וקדשתם את יום השבת כאשר צויתי את אבותיכם׃

  • במ׳ 28:25
    78%

    25וביום השביעי מקרא קדש יהיה לכם כל מלאכת עבדה לא תעשו׃

  • ויק׳ 23:31
    77%

    31כל מלאכה לא תעשו חקת עולם לדרתיכם בכל משבתיכם׃

  • דב׳ 16:8
    77%

    8ששת ימים תאכל מצות וביום השביעי עצרת ליהוה אלהיך לא תעשה מלאכה׃

  • ויק׳ 23:7-8
    2 פסוקים
    75%

    7ביום הראשון מקרא קדש יהיה לכם כל מלאכת עבדה לא תעשו׃

    8והקרבתם אשה ליהוה שבעת ימים ביום השביעי מקרא קדש כל מלאכת עבדה לא תעשו׃

  • במ׳ 29:35
    74%

    35ביום השמיני עצרת תהיה לכם כל מלאכת עבדה לא תעשו׃

  • ויק׳ 25:4
    74%

    4ובשנה השביעת שבת שבתון יהיה לארץ שבת ליהוה שדך לא תזרע וכרמך לא תזמר׃

  • שמ׳ 20:17
    74%

    17לא תחמד בית רעך לא תחמד אשת רעך ועבדו ואמתו ושורו וחמרו וכל אשר לרעך׃

  • שמ׳ 16:29-30
    2 פסוקים
    74%

    29ראו כי יהוה נתן לכם השבת על כן הוא נתן לכם ביום הששי לחם יומים שבו איש תחתיו אל יצא איש ממקמו ביום השביעי׃

    30וישבתו העם ביום השבעי׃

  • יר׳ 17:24
    74%

    24והיה אם שמע תשמעון אלי נאם יהוה לבלתי הביא משא בשערי העיר הזאת ביום השבת ולקדש את יום השבת לבלתי עשות בה כל מלאכה׃

  • ויק׳ 23:21
    74%

    21וקראתם בעצם היום הזה מקרא קדש יהיה לכם כל מלאכת עבדה לא תעשו חקת עולם בכל מושבתיכם לדרתיכם׃

  • בר׳ 2:2-3
    2 פסוקים
    73%

    2ויכל אלהים ביום השביעי מלאכתו אשר עשה וישבת ביום השביעי מכל מלאכתו אשר עשה׃

    3ויברך אלהים את יום השביעי ויקדש אתו כי בו שבת מכל מלאכתו אשר ברא אלהים לעשות׃

  • שמ׳ 16:26
    73%

    26ששת ימים תלקטהו וביום השביעי שבת לא יהיה בו׃

  • ויק׳ 23:28
    73%

    28וכל מלאכה לא תעשו בעצם היום הזה כי יום כפרים הוא לכפר עליכם לפני יהוה אלהיכם׃

  • יח׳ 20:20
    73%

    20ואת שבתותי קדשו והיו לאות ביני וביניכם לדעת כי אני יהוה אלהיכם׃

  • ויק׳ 19:30
    73%

    30את שבתתי תשמרו ומקדשי תיראו אני יהוה׃

  • דב׳ 24:14
    72%

    14לא תעשק שכיר עני ואביון מאחיך או מגרך אשר בארצך בשעריך׃

  • יש׳ 58:13
    72%

    13אם תשיב משבת רגלך עשות חפציך ביום קדשי וקראת לשבת ענג לקדוש יהוה מכבד וכבדתו מעשות דרכיך ממצוא חפצך ודבר דבר׃

  • ויק׳ 23:25
    72%

    25כל מלאכת עבדה לא תעשו והקרבתם אשה ליהוה׃

  • שמ׳ 21:2
    72%

    2כי תקנה עבד עברי שש שנים יעבד ובשבעת יצא לחפשי חנם׃

  • שמ׳ 22:30
    72%

    30כן תעשה לשרך לצאנך שבעת ימים יהיה עם אמו ביום השמיני תתנו לי׃

  • דב׳ 12:18
    72%

    18כי אם לפני יהוה אלהיך תאכלנו במקום אשר יבחר יהוה אלהיך בו אתה ובנך ובתך ועבדך ואמתך והלוי אשר בשעריך ושמחת לפני יהוה אלהיך בכל משלח ידך׃