שמות 23:16

תנ ך עברי מודרני

וחג הקציר בכורי מעשיך אשר תזרע בשדה וחג האסף בצאת השנה באספך את מעשיך מן השדה׃

📖 ניתוח דקדוקי

הטקסט המקורי

וְחַ֤ג הַקָּצִיר֙ בִּכּוּרֵ֣י מַעֲשֶׂ֔יךָ אֲשֶׁ֥ר תִּזְרַ֖ע בַּשָּׂדֶ֑ה וְחַ֤ג הָֽאָסִף֙ בְּצֵ֣את הַשָּׁנָ֔ה בְּאָסְפְּךָ֥ אֶֽת־מַעֲשֶׂ֖יךָ מִן־הַשָּׂדֶֽה׃

תעתיק

And-ḥag the-qāṣîr bikkûrê maʿăśeykā which tizraʿ in-the-śādeh and-ḥag the-ʾāsip in-ṣēʾt the-šānāh in-ʾāsĕpĕkā ʾet-maʿăśeykā from-the-śādeh

פרטי דקדוק

• *ḥag*: noun masculine singular construct - feast/festival
• *qāṣîr*: noun masculine singular - harvest
• *bikkûrê*: noun masculine plural construct - firstfruits of
• *maʿăśeykā*: noun masculine plural with 2nd person masculine singular suffix - your works/produce
• *tizraʿ*: qal imperfect 2nd person masculine singular - sow/plant
• *śādeh*: noun masculine singular - field/open country
• *ʾāsip*: noun masculine singular - ingathering/harvest
• *ṣēʾt*: qal infinitive construct - going out/departure
• *šānāh*: noun feminine singular - year
• *ʾāsĕpĕkā*: qal infinitive construct with 2nd person masculine singular suffix - your gathering

משמעויות מילים

• *ḥag ha-qāṣîr*: feast of harvest/harvest festival
• *bikkûrê*: firstfruits/first produce/earliest yield
• *maʿăśeykā*: your works/produce/labor/fruit
• *ḥag ha-ʾāsip*: feast of ingathering/gathering festival
• *ṣēʾt ha-šānāh*: end of the year/departure of the year
• *ʾāsĕpĕkā*: your gathering/collecting/bringing in

פסוקים מקושרים

• שמ׳ 34:22 : 22 וחג שבעת תעשה לך בכורי קציר חטים וחג האסיף תקופת השנה׃
• ויק׳ 23:9-9 : 9 וידבר יהוה אל משה לאמר׃ 10 דבר אל בני ישראל ואמרת אלהם כי תבאו אל הארץ אשר אני נתן לכם וקצרתם את קצירה והבאתם את עמר ראשית קצירכם אל הכהן׃ 11 והניף את העמר לפני יהוה לרצנכם ממחרת השבת יניפנו הכהן׃ 12 ועשיתם ביום הניפכם את העמר כבש תמים בן שנתו לעלה ליהוה׃ 13 ומנחתו שני עשרנים סלת בלולה בשמן אשה ליהוה ריח ניחח ונסכה יין רביעת ההין׃ 14 ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משבתיכם׃ 15 וספרתם לכם ממחרת השבת מיום הביאכם את עמר התנופה שבע שבתות תמימת תהיינה׃ 16 עד ממחרת השבת השביעת תספרו חמשים יום והקרבתם מנחה חדשה ליהוה׃ 17 ממושבתיכם תביאו לחם תנופה שתים שני עשרנים סלת תהיינה חמץ תאפינה בכורים ליהוה׃ 18 והקרבתם על הלחם שבעת כבשים תמימם בני שנה ופר בן בקר אחד ואילם שנים יהיו עלה ליהוה ומנחתם ונסכיהם אשה ריח ניחח ליהוה׃ 19 ועשיתם שעיר עזים אחד לחטאת ושני כבשים בני שנה לזבח שלמים׃ 20 והניף הכהן אתם על לחם הבכורים תנופה לפני יהוה על שני כבשים קדש יהיו ליהוה לכהן׃ 21 וקראתם בעצם היום הזה מקרא קדש יהיה לכם כל מלאכת עבדה לא תעשו חקת עולם בכל מושבתיכם לדרתיכם׃
• ויק׳ 23:34-44 : 34 דבר אל בני ישראל לאמר בחמשה עשר יום לחדש השביעי הזה חג הסכות שבעת ימים ליהוה׃ 35 ביום הראשון מקרא קדש כל מלאכת עבדה לא תעשו׃ 36 שבעת ימים תקריבו אשה ליהוה ביום השמיני מקרא קדש יהיה לכם והקרבתם אשה ליהוה עצרת הוא כל מלאכת עבדה לא תעשו׃ 37 אלה מועדי יהוה אשר תקראו אתם מקראי קדש להקריב אשה ליהוה עלה ומנחה זבח ונסכים דבר יום ביומו׃ 38 מלבד שבתת יהוה ומלבד מתנותיכם ומלבד כל נדריכם ומלבד כל נדבותיכם אשר תתנו ליהוה׃ 39 אך בחמשה עשר יום לחדש השביעי באספכם את תבואת הארץ תחגו את חג יהוה שבעת ימים ביום הראשון שבתון וביום השמיני שבתון׃ 40 ולקחתם לכם ביום הראשון פרי עץ הדר כפת תמרים וענף עץ עבת וערבי נחל ושמחתם לפני יהוה אלהיכם שבעת ימים׃ 41 וחגתם אתו חג ליהוה שבעת ימים בשנה חקת עולם לדרתיכם בחדש השביעי תחגו אתו׃ 42 בסכת תשבו שבעת ימים כל האזרח בישראל ישבו בסכת׃ 43 למען ידעו דרתיכם כי בסכות הושבתי את בני ישראל בהוציאי אותם מארץ מצרים אני יהוה אלהיכם׃ 44 וידבר משה את מעדי יהוה אל בני ישראל׃
• במ׳ 28:26-31 : 26 וביום הבכורים בהקריבכם מנחה חדשה ליהוה בשבעתיכם מקרא קדש יהיה לכם כל מלאכת עבדה לא תעשו׃ 27 והקרבתם עולה לריח ניחח ליהוה פרים בני בקר שנים איל אחד שבעה כבשים בני שנה׃ 28 ומנחתם סלת בלולה בשמן שלשה עשרנים לפר האחד שני עשרנים לאיל האחד׃ 29 עשרון עשרון לכבש האחד לשבעת הכבשים׃ 30 שעיר עזים אחד לכפר עליכם׃ 31 מלבד עלת התמיד ומנחתו תעשו תמימם יהיו לכם ונסכיהם׃
• במ׳ 29:12-39 : 12 ובחמשה עשר יום לחדש השביעי מקרא קדש יהיה לכם כל מלאכת עבדה לא תעשו וחגתם חג ליהוה שבעת ימים׃ 13 והקרבתם עלה אשה ריח ניחח ליהוה פרים בני בקר שלשה עשר אילם שנים כבשים בני שנה ארבעה עשר תמימם יהיו׃ 14 ומנחתם סלת בלולה בשמן שלשה עשרנים לפר האחד לשלשה עשר פרים שני עשרנים לאיל האחד לשני האילם׃ 15 ועשרון עשרון לכבש האחד לארבעה עשר כבשים׃ 16 ושעיר עזים אחד חטאת מלבד עלת התמיד מנחתה ונסכה׃ 17 וביום השני פרים בני בקר שנים עשר אילם שנים כבשים בני שנה ארבעה עשר תמימם׃ 18 ומנחתם ונסכיהם לפרים לאילם ולכבשים במספרם כמשפט׃ 19 ושעיר עזים אחד חטאת מלבד עלת התמיד ומנחתה ונסכיהם׃ 20 וביום השלישי פרים עשתי עשר אילם שנים כבשים בני שנה ארבעה עשר תמימם׃ 21 ומנחתם ונסכיהם לפרים לאילם ולכבשים במספרם כמשפט׃ 22 ושעיר חטאת אחד מלבד עלת התמיד ומנחתה ונסכה׃ 23 וביום הרביעי פרים עשרה אילם שנים כבשים בני שנה ארבעה עשר תמימם׃ 24 מנחתם ונסכיהם לפרים לאילם ולכבשים במספרם כמשפט׃ 25 ושעיר עזים אחד חטאת מלבד עלת התמיד מנחתה ונסכה׃ 26 וביום החמישי פרים תשעה אילם שנים כבשים בני שנה ארבעה עשר תמימם׃ 27 ומנחתם ונסכיהם לפרים לאילם ולכבשים במספרם כמשפט׃ 28 ושעיר חטאת אחד מלבד עלת התמיד ומנחתה ונסכה׃ 29 וביום הששי פרים שמנה אילם שנים כבשים בני שנה ארבעה עשר תמימם׃ 30 ומנחתם ונסכיהם לפרים לאילם ולכבשים במספרם כמשפט׃ 31 ושעיר חטאת אחד מלבד עלת התמיד מנחתה ונסכיה׃ 32 וביום השביעי פרים שבעה אילם שנים כבשים בני שנה ארבעה עשר תמימם׃ 33 ומנחתם ונסכהם לפרים לאילם ולכבשים במספרם כמשפטם׃ 34 ושעיר חטאת אחד מלבד עלת התמיד מנחתה ונסכה׃ 35 ביום השמיני עצרת תהיה לכם כל מלאכת עבדה לא תעשו׃ 36 והקרבתם עלה אשה ריח ניחח ליהוה פר אחד איל אחד כבשים בני שנה שבעה תמימם׃ 37 מנחתם ונסכיהם לפר לאיל ולכבשים במספרם כמשפט׃ 38 ושעיר חטאת אחד מלבד עלת התמיד ומנחתה ונסכה׃ 39 אלה תעשו ליהוה במועדיכם לבד מנדריכם ונדבתיכם לעלתיכם ולמנחתיכם ולנסכיכם ולשלמיכם׃
• דב׳ 16:9-9 : 9 שבעה שבעת תספר לך מהחל חרמש בקמה תחל לספר שבעה שבעות׃ 10 ועשית חג שבעות ליהוה אלהיך מסת נדבת ידך אשר תתן כאשר יברכך יהוה אלהיך׃ 11 ושמחת לפני יהוה אלהיך אתה ובנך ובתך ועבדך ואמתך והלוי אשר בשעריך והגר והיתום והאלמנה אשר בקרבך במקום אשר יבחר יהוה אלהיך לשכן שמו שם׃ 12 וזכרת כי עבד היית במצרים ושמרת ועשית את החקים האלה׃ 13 חג הסכת תעשה לך שבעת ימים באספך מגרנך ומיקבך׃ 14 ושמחת בחגך אתה ובנך ובתך ועבדך ואמתך והלוי והגר והיתום והאלמנה אשר בשעריך׃ 15 שבעת ימים תחג ליהוה אלהיך במקום אשר יבחר יהוה כי יברכך יהוה אלהיך בכל תבואתך ובכל מעשה ידיך והיית אך שמח׃
• נח׳ 8:14-18 : 14 וימצאו כתוב בתורה אשר צוה יהוה ביד משה אשר ישבו בני ישראל בסכות בחג בחדש השביעי׃ 15 ואשר ישמיעו ויעבירו קול בכל עריהם ובירושלם לאמר צאו ההר והביאו עלי זית ועלי עץ שמן ועלי הדס ועלי תמרים ועלי עץ עבת לעשת סכת ככתוב׃ 16 ויצאו העם ויביאו ויעשו להם סכות איש על גגו ובחצרתיהם ובחצרות בית האלהים וברחוב שער המים וברחוב שער אפרים׃ 17 ויעשו כל הקהל השבים מן השבי סכות וישבו בסכות כי לא עשו מימי ישוע בן נון כן בני ישראל עד היום ההוא ותהי שמחה גדולה מאד׃ 18 ויקרא בספר תורת האלהים יום ביום מן היום הראשון עד היום האחרון ויעשו חג שבעת ימים וביום השמיני עצרת כמשפט׃
• זכ׳ 14:16-19 : 16 והיה כל הנותר מכל הגוים הבאים על ירושלם ועלו מדי שנה בשנה להשתחות למלך יהוה צבאות ולחג את חג הסכות׃ 17 והיה אשר לא יעלה מאת משפחות הארץ אל ירושלם להשתחות למלך יהוה צבאות ולא עליהם יהיה הגשם׃ 18 ואם משפחת מצרים לא תעלה ולא באה ולא עליהם תהיה המגפה אשר יגף יהוה את הגוים אשר לא יעלו לחג את חג הסכות׃ 19 זאת תהיה חטאת מצרים וחטאת כל הגוים אשר לא יעלו לחג את חג הסכות׃
• יוח 7:2 : 2 ויקרב חג היהודים הוא חג הסכות׃
• יוח 7:37 : 37 ויהי ביום החג האחרון הגדול עמד ישוע ויקרא לאמר איש כי יצמא יבא נא אלי וישתה׃
• מע״ש 2:1 : 1 ¶ וביום מלאת שבעת השבעות ויתאספו כלם לב אחד׃
• שמ׳ 22:29 : 29 מלאתך ודמעך לא תאחר בכור בניך תתן לי׃