שמות 35:15

תנ ך עברי מודרני

ואת מזבח הקטרת ואת בדיו ואת שמן המשחה ואת קטרת הסמים ואת מסך הפתח לפתח המשכן׃

📖 ניתוח דקדוקי

הטקסט המקורי

וְאֶת־מִזְבַּ֤ח הַקְּטֹ֙רֶת֙ וְאֶת־בַּדָּ֔יו וְאֵת֙ שֶׁ֣מֶן הַמִּשְׁחָ֔ה וְאֵ֖ת קְטֹ֣רֶת הַסַּמִּ֑ים וְאֶת־מָסַ֥ךְ הַפֶּ֖תַח לְפֶ֥תַח הַמִּשְׁכָּֽן׃

תעתיק

And-ʾet-mizbaḥ the-qəṭōret and-ʾet-baddāyw and-ʾēt šemen the-mišḥâ and-ʾēt qəṭōret the-sammîm and-ʾet-māsak the-petaḥ for-petaḥ the-miškān

פרטי דקדוק

• *ʾet*: direct object marker
• *mizbaḥ*: masculine singular construct - altar of
• *qəṭōret*: feminine singular - incense/smoke
• *baddāyw*: masculine plural with 3rd masculine singular suffix - its poles
• *šemen*: masculine singular construct - oil of
• *mišḥâ*: feminine singular - anointing
• *sammîm*: masculine plural - spices/fragrances
• *māsak*: masculine singular construct - screen of
• *petaḥ*: masculine singular - entrance/doorway
• *miškān*: masculine singular - tabernacle/dwelling place

משמעויות מילים

• *mizbaḥ ha-qəṭōret*: altar of incense/incense altar
• *baddāyw*: its poles/its staves
• *šemen ha-mišḥâ*: anointing oil
• *qəṭōret ha-sammîm*: fragrant incense/aromatic incense
• *māsak ha-petaḥ*: screen for the entrance/door covering
• *petaḥ ha-miškān*: entrance of the tabernacle/doorway of the dwelling place

פסוקים מקושרים

• שמ׳ 30:1-9 : 1 ¶ ועשית מזבח מקטר קטרת עצי שטים תעשה אתו׃ 2 אמה ארכו ואמה רחבו רבוע יהיה ואמתים קמתו ממנו קרנתיו׃ 3 וצפית אתו זהב טהור את גגו ואת קירתיו סביב ואת קרנתיו ועשית לו זר זהב סביב׃ 4 ושתי טבעת זהב תעשה לו מתחת לזרו על שתי צלעתיו תעשה על שני צדיו והיה לבתים לבדים לשאת אתו בהמה׃ 5 ועשית את הבדים עצי שטים וצפית אתם זהב׃ 6 ונתתה אתו לפני הפרכת אשר על ארן העדת לפני הכפרת אשר על העדת אשר אועד לך שמה׃ 7 והקטיר עליו אהרן קטרת סמים בבקר בבקר בהיטיבו את הנרת יקטירנה׃ 8 ובהעלת אהרן את הנרת בין הערבים יקטירנה קטרת תמיד לפני יהוה לדרתיכם׃ 9 לא תעלו עליו קטרת זרה ועלה ומנחה ונסך לא תסכו עליו׃ 10 וכפר אהרן על קרנתיו אחת בשנה מדם חטאת הכפרים אחת בשנה יכפר עליו לדרתיכם קדש קדשים הוא ליהוה׃
• שמ׳ 30:22-38 : 22 וידבר יהוה אל משה לאמר׃ 23 ואתה קח לך בשמים ראש מר דרור חמש מאות וקנמן בשם מחציתו חמשים ומאתים וקנה בשם חמשים ומאתים׃ 24 וקדה חמש מאות בשקל הקדש ושמן זית הין׃ 25 ועשית אתו שמן משחת קדש רקח מרקחת מעשה רקח שמן משחת קדש יהיה׃ 26 ומשחת בו את אהל מועד ואת ארון העדת׃ 27 ואת השלחן ואת כל כליו ואת המנרה ואת כליה ואת מזבח הקטרת׃ 28 ואת מזבח העלה ואת כל כליו ואת הכיר ואת כנו׃ 29 וקדשת אתם והיו קדש קדשים כל הנגע בהם יקדש׃ 30 ואת אהרן ואת בניו תמשח וקדשת אתם לכהן לי׃ 31 ואל בני ישראל תדבר לאמר שמן משחת קדש יהיה זה לי לדרתיכם׃ 32 על בשר אדם לא ייסך ובמתכנתו לא תעשו כמהו קדש הוא קדש יהיה לכם׃ 33 איש אשר ירקח כמהו ואשר יתן ממנו על זר ונכרת מעמיו׃ 34 ויאמר יהוה אל משה קח לך סמים נטף ושחלת וחלבנה סמים ולבנה זכה בד בבד יהיה׃ 35 ועשית אתה קטרת רקח מעשה רוקח ממלח טהור קדש׃ 36 ושחקת ממנה הדק ונתתה ממנה לפני העדת באהל מועד אשר אועד לך שמה קדש קדשים תהיה לכם׃ 37 והקטרת אשר תעשה במתכנתה לא תעשו לכם קדש תהיה לך ליהוה׃ 38 איש אשר יעשה כמוה להריח בה ונכרת מעמיו׃
• שמ׳ 36:37-38 : 37 ויעש מסך לפתח האהל תכלת וארגמן ותולעת שני ושש משזר מעשה רקם׃ 38 ואת עמודיו חמשה ואת וויהם וצפה ראשיהם וחשקיהם זהב ואדניהם חמשה נחשת׃
• שמ׳ 37:25-28 : 25 ויעש את מזבח הקטרת עצי שטים אמה ארכו ואמה רחבו רבוע ואמתים קמתו ממנו היו קרנתיו׃ 26 ויצף אתו זהב טהור את גגו ואת קירתיו סביב ואת קרנתיו ויעש לו זר זהב סביב׃ 27 ושתי טבעת זהב עשה לו מתחת לזרו על שתי צלעתיו על שני צדיו לבתים לבדים לשאת אתו בהם׃ 28 ויעש את הבדים עצי שטים ויצף אתם זהב׃
• תה׳ 141:2 : 2 תכון תפלתי קטרת לפניך משאת כפי מנחת ערב׃
• שמ׳ 26:36-37 : 36 ועשית מסך לפתח האהל תכלת וארגמן ותולעת שני ושש משזר מעשה רקם׃ 37 ועשית למסך חמשה עמודי שטים וצפית אתם זהב וויהם זהב ויצקת להם חמשה אדני נחשת׃