יחזקאל 1:24

תנ ך עברי מודרני

ואשמע את קול כנפיהם כקול מים רבים כקול שדי בלכתם קול המלה כקול מחנה בעמדם תרפינה כנפיהן׃

משאבים נוספים

פסוקים מקושרים

  • דנ׳ 10:6 : 6 וגויתו כתרשיש ופניו כמראה ברק ועיניו כלפידי אש וזרעתיו ומרגלתיו כעין נחשת קלל וקול דבריו כקול המון׃
  • התגל׳ 1:15 : 15 ומרגלתיו כעין נחשת קלל כצרופות בכור וקולו כקול מים רבים׃
  • התגל׳ 19:6 : 6 ואשמע כקול המון רב וכקול מים רבים וכקול רעמים חזקים ויאמרו הללויה כי מלך אלהינו יהוה צבאות׃
  • יח׳ 43:2 : 2 והנה כבוד אלהי ישראל בא מדרך הקדים וקולו כקול מים רבים והארץ האירה מכבדו׃
  • יח׳ 10:5 : 5 וקול כנפי הכרובים נשמע עד החצר החיצנה כקול אל שדי בדברו׃
  • מל״ב 7:6 : 6 ואדני השמיע את מחנה ארם קול רכב קול סוס קול חיל גדול ויאמרו איש אל אחיו הנה שכר עלינו מלך ישראל את מלכי החתים ואת מלכי מצרים לבוא עלינו׃
  • תה׳ 68:33 : 33 לרכב בשמי שמי קדם הן יתן בקולו קול עז׃
  • איוב 37:2 : 2 שמעו שמוע ברגז קלו והגה מפיו יצא׃
  • איוב 37:4-5 : 4 אחריו ישאג קול ירעם בקול גאונו ולא יעקבם כי ישמע קולו׃ 5 ירעם אל בקולו נפלאות עשה גדלות ולא נדע׃
  • תה׳ 18:13 : 13 וירעם בשמים יהוה ועליון יתן קלו ברד וגחלי אש׃
  • תה׳ 29:3-9 : 3 קול יהוה על המים אל הכבוד הרעים יהוה על מים רבים׃ 4 קול יהוה בכח קול יהוה בהדר׃ 5 קול יהוה שבר ארזים וישבר יהוה את ארזי הלבנון׃ 6 וירקידם כמו עגל לבנון ושרין כמו בן ראמים׃ 7 קול יהוה חצב להבות אש׃ 8 קול יהוה יחיל מדבר יחיל יהוה מדבר קדש׃ 9 קול יהוה יחולל אילות ויחשף יערות ובהיכלו כלו אמר כבוד׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יח׳ 1:25-26
    2 פסוקים
    92%

    25ויהי קול מעל לרקיע אשר על ראשם בעמדם תרפינה כנפיהן׃

    26וממעל לרקיע אשר על ראשם כמראה אבן ספיר דמות כסא ועל דמות הכסא דמות כמראה אדם עליו מלמעלה׃

  • יח׳ 1:4-23
    20 פסוקים
    87%

    4וארא והנה רוח סערה באה מן הצפון ענן גדול ואש מתלקחת ונגה לו סביב ומתוכה כעין החשמל מתוך האש׃

    5ומתוכה דמות ארבע חיות וזה מראיהן דמות אדם להנה׃

    6וארבעה פנים לאחת וארבע כנפים לאחת להם׃

    7ורגליהם רגל ישרה וכף רגליהם ככף רגל עגל ונצצים כעין נחשת קלל׃

    8וידו אדם מתחת כנפיהם על ארבעת רבעיהם ופניהם וכנפיהם לארבעתם׃

    9חברת אשה אל אחותה כנפיהם לא יסבו בלכתן איש אל עבר פניו ילכו׃

    10ודמות פניהם פני אדם ופני אריה אל הימין לארבעתם ופני שור מהשמאול לארבעתן ופני נשר לארבעתן׃

    11ופניהם וכנפיהם פרדות מלמעלה לאיש שתים חברות איש ושתים מכסות את גויתיהנה׃

    12ואיש אל עבר פניו ילכו אל אשר יהיה שמה הרוח ללכת ילכו לא יסבו בלכתן׃

    13ודמות החיות מראיהם כגחלי אש בערות כמראה הלפדים היא מתהלכת בין החיות ונגה לאש ומן האש יוצא ברק׃

    14והחיות רצוא ושוב כמראה הבזק׃

    15וארא החיות והנה אופן אחד בארץ אצל החיות לארבעת פניו׃

    16מראה האופנים ומעשיהם כעין תרשיש ודמות אחד לארבעתן ומראיהם ומעשיהם כאשר יהיה האופן בתוך האופן׃

    17על ארבעת רבעיהן בלכתם ילכו לא יסבו בלכתן׃

    18וגביהן וגבה להם ויראה להם וגבתם מלאת עינים סביב לארבעתן׃

    19ובלכת החיות ילכו האופנים אצלם ובהנשא החיות מעל הארץ ינשאו האופנים׃

    20על אשר יהיה שם הרוח ללכת ילכו שמה הרוח ללכת והאופנים ינשאו לעמתם כי רוח החיה באופנים׃

    21בלכתם ילכו ובעמדם יעמדו ובהנשאם מעל הארץ ינשאו האופנים לעמתם כי רוח החיה באופנים׃

    22ודמות על ראשי החיה רקיע כעין הקרח הנורא נטוי על ראשיהם מלמעלה׃

    23ותחת הרקיע כנפיהם ישרות אשה אל אחותה לאיש שתים מכסות להנה ולאיש שתים מכסות להנה את גויתיהם׃

  • יח׳ 3:12-13
    2 פסוקים
    82%

    12ותשאני רוח ואשמע אחרי קול רעש גדול ברוך כבוד יהוה ממקומו׃

    13וקול כנפי החיות משיקות אשה אל אחותה וקול האופנים לעמתם וקול רעש גדול׃

  • יח׳ 10:5
    78%

    5וקול כנפי הכרובים נשמע עד החצר החיצנה כקול אל שדי בדברו׃

  • התגל׳ 9:9
    78%

    9ושרינים להם כשריני ברזל וקול כנפיהם כקול מרכבות סוסים רבים הרצים למלחמה׃

  • יח׳ 10:15-19
    5 פסוקים
    76%

    15וירמו הכרובים היא החיה אשר ראיתי בנהר כבר׃

    16ובלכת הכרובים ילכו האופנים אצלם ובשאת הכרובים את כנפיהם לרום מעל הארץ לא יסבו האופנים גם הם מאצלם׃

    17בעמדם יעמדו וברומם ירומו אותם כי רוח החיה בהם׃

    18ויצא כבוד יהוה מעל מפתן הבית ויעמד על הכרובים׃

    19וישאו הכרובים את כנפיהם וירומו מן הארץ לעיני בצאתם והאופנים לעמתם ויעמד פתח שער בית יהוה הקדמוני וכבוד אלהי ישראל עליהם מלמעלה׃

  • יח׳ 10:21-22
    2 פסוקים
    75%

    21ארבעה ארבעה פנים לאחד וארבע כנפים לאחד ודמות ידי אדם תחת כנפיהם׃

    22ודמות פניהם המה הפנים אשר ראיתי על נהר כבר מראיהם ואותם איש אל עבר פניו ילכו׃

  • יח׳ 10:10-13
    4 פסוקים
    75%

    10ומראיהם דמות אחד לארבעתם כאשר יהיה האופן בתוך האופן׃

    11בלכתם אל ארבעת רבעיהם ילכו לא יסבו בלכתם כי המקום אשר יפנה הראש אחריו ילכו לא יסבו בלכתם׃

    12וכל בשרם וגבהם וידיהם וכנפיהם והאופנים מלאים עינים סביב לארבעתם אופניהם׃

    13לאופנים להם קורא הגלגל באזני׃

  • שמ״ב 22:11
    74%

    11וירכב על כרוב ויעף וירא על כנפי רוח׃

  • יח׳ 11:22
    73%

    22וישאו הכרובים את כנפיהם והאופנים לעמתם וכבוד אלהי ישראל עליהם מלמעלה׃

  • יש׳ 6:2-3
    2 פסוקים
    73%

    2שרפים עמדים ממעל לו שש כנפים שש כנפים לאחד בשתים יכסה פניו ובשתים יכסה רגליו ובשתים יעופף׃

    3וקרא זה אל זה ואמר קדוש קדוש קדוש יהוה צבאות מלא כל הארץ כבודו׃

  • התגל׳ 4:7-8
    2 פסוקים
    73%

    7ודמות החיה הראשונה כאריה והחיה השנית כשור ופני החיה השלישית כפני אדם ודמות החיה הרביעית כנשר מעופף׃

    8ולכל אחת מארבע החיות שש כנפים מסביב ולפנימה הנה מלאות עינים ואין דמי להן יומם ולילה ואמרות קדוש קדוש קדוש יהוה אלהים צבאות היה והוה ויבוא׃

  • תה׳ 18:10
    73%

    10וירכב על כרוב ויעף וידא על כנפי רוח׃

  • דה״ב 3:13
    71%

    13כנפי הכרובים האלה פרשים אמות עשרים והם עמדים על רגליהם ופניהם לבית׃

  • בר׳ 1:20
    70%

    20ויאמר אלהים ישרצו המים שרץ נפש חיה ועוף יעופף על הארץ על פני רקיע השמים׃

  • יח׳ 10:8
    70%

    8וירא לכרבים תבנית יד אדם תחת כנפיהם׃

  • התגל׳ 14:2
    69%

    2ואשמע קול מן השמים כקול מים רבים וכקול רעם גדול ואשמע קול תפשי כנור המנגנים בכנורותיהם׃

  • תה׳ 104:3
    69%

    3המקרה במים עליותיו השם עבים רכובו המהלך על כנפי רוח׃

  • דה״ב 3:11
    69%

    11וכנפי הכרובים ארכם אמות עשרים כנף האחד לאמות חמש מגעת לקיר הבית והכנף האחרת אמות חמש מגיע לכנף הכרוב האחר׃