יחזקאל 32:2

תנ ך עברי מודרני

בן אדם שא קינה על פרעה מלך מצרים ואמרת אליו כפיר גוים נדמית ואתה כתנים בימים ותגח בנהרותיך ותדלח מים ברגליך ותרפס נהרותם׃

משאבים נוספים

פסוקים מקושרים

  • יח׳ 29:3 : 3 דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשר אמר לי יארי ואני עשיתני׃
  • יח׳ 27:2 : 2 ואתה בן אדם שא על צר קינה׃
  • נח׳ 2:11-13 : 11 איה מעון אריות ומרעה הוא לכפרים אשר הלך אריה לביא שם גור אריה ואין מחריד׃ 12 אריה טרף בדי גרותיו ומחנק ללבאתיו וימלא טרף חריו ומענתיו טרפה׃ 13 הנני אליך נאם יהוה צבאות והבערתי בעשן רכבה וכפיריך תאכל חרב והכרתי מארץ טרפך ולא ישמע עוד קול מלאככה׃
  • יח׳ 19:1-6 : 1 ¶ ואתה שא קינה אל נשיאי ישראל׃ 2 ואמרת מה אמך לביא בין אריות רבצה בתוך כפרים רבתה גוריה׃ 3 ותעל אחד מגריה כפיר היה וילמד לטרף טרף אדם אכל׃ 4 וישמעו אליו גוים בשחתם נתפש ויבאהו בחחים אל ארץ מצרים׃ 5 ותרא כי נוחלה אבדה תקותה ותקח אחד מגריה כפיר שמתהו׃ 6 ויתהלך בתוך אריות כפיר היה וילמד לטרף טרף אדם אכל׃
  • יח׳ 28:12 : 12 בן אדם שא קינה על מלך צור ואמרת לו כה אמר אדני יהוה אתה חותם תכנית מלא חכמה וכליל יפי׃
  • יח׳ 32:16 : 16 קינה היא וקוננוה בנות הגוים תקוננה אותה על מצרים ועל כל המונה תקוננה אותה נאם אדני יהוה׃
  • יח׳ 34:18 : 18 המעט מכם המרעה הטוב תרעו ויתר מרעיכם תרמסו ברגליכם ומשקע מים תשתו ואת הנותרים ברגליכם תרפשון׃
  • יח׳ 38:13 : 13 שבא ודדן וסחרי תרשיש וכל כפריה יאמרו לך הלשלל שלל אתה בא הלבז בז הקהלת קהלך לשאת כסף וזהב לקחת מקנה וקנין לשלל שלל גדול׃
  • יש׳ 27:1 : 1 ¶ ביום ההוא יפקד יהוה בחרבו הקשה והגדולה והחזקה על לויתן נחש ברח ועל לויתן נחש עקלתון והרג את התנין אשר בים׃
  • יר׳ 4:7 : 7 עלה אריה מסבכו ומשחית גוים נסע יצא ממקמו לשום ארצך לשמה עריך תצינה מאין יושב׃
  • יר׳ 9:18 : 18 ותמהרנה ותשנה עלינו נהי ותרדנה עינינו דמעה ועפעפינו יזלו מים׃
  • יר׳ 46:8 : 8 מצרים כיאר יעלה וכנהרות יתגעשו מים ויאמר אעלה אכסה ארץ אבידה עיר וישבי בה׃
  • יש׳ 51:9 : 9 עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃
  • בר׳ 49:9 : 9 גור אריה יהודה מטרף בני עלית כרע רבץ כאריה וכלביא מי יקימנו׃
  • במ׳ 24:9 : 9 כרע שכב כארי וכלביא מי יקימנו מברכיך ברוך וארריך ארור׃
  • תה׳ 74:13-14 : 13 אתה פוררת בעזך ים שברת ראשי תנינים על המים׃ 14 אתה רצצת ראשי לויתן תתננו מאכל לעם לציים׃
  • מש׳ 28:15 : 15 ארי נהם ודב שוקק משל רשע על עם דל׃
  • יח׳ 32:18 : 18 בן אדם נהה על המון מצרים והורדהו אותה ובנות גוים אדרם אל ארץ תחתיות את יורדי בור׃
  • יח׳ 27:32 : 32 ונשאו אליך בניהם קינה וקוננו עליך מי כצור כדמה בתוך הים׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יח׳ 31:1-2
    2 פסוקים
    83%

    1¶ ויהי באחת עשרה שנה בשלישי באחד לחדש היה דבר יהוה אלי לאמר׃

    2בן אדם אמר אל פרעה מלך מצרים ואל המונו אל מי דמית בגדלך׃

  • יח׳ 29:1-6
    6 פסוקים
    83%

    1¶ בשנה העשרית בעשרי בשנים עשר לחדש היה דבר יהוה אלי לאמר׃

    2בן אדם שים פניך על פרעה מלך מצרים והנבא עליו ועל מצרים כלה׃

    3דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשר אמר לי יארי ואני עשיתני׃

    4ונתתי חחיים בלחייך והדבקתי דגת יאריך בקשקשתיך והעליתיך מתוך יאריך ואת כל דגת יאריך בקשקשתיך תדבק׃

    5ונטשתיך המדברה אותך ואת כל דגת יאריך על פני השדה תפול לא תאסף ולא תקבץ לחית הארץ ולעוף השמים נתתיך לאכלה׃

    6וידעו כל ישבי מצרים כי אני יהוה יען היותם משענת קנה לבית ישראל׃

  • יח׳ 32:1
    80%

    1¶ ויהי בשתי עשרה שנה בשני עשר חדש באחד לחדש היה דבר יהוה אלי לאמר׃

  • יח׳ 31:18
    79%

    18אל מי דמית ככה בכבוד ובגדל בעצי עדן והורדת את עצי עדן אל ארץ תחתית בתוך ערלים תשכב את חללי חרב הוא פרעה וכל המונה נאם אדני יהוה׃

  • יח׳ 32:11-18
    8 פסוקים
    78%

    11כי כה אמר אדני יהוה חרב מלך בבל תבואך׃

    12בחרבות גבורים אפיל המונך עריצי גוים כלם ושדדו את גאון מצרים ונשמד כל המונה׃

    13והאבדתי את כל בהמתה מעל מים רבים ולא תדלחם רגל אדם עוד ופרסות בהמה לא תדלחם׃

    14אז אשקיע מימיהם ונהרותם כשמן אוליך נאם אדני יהוה׃

    15בתתי את ארץ מצרים שממה ונשמה ארץ ממלאה בהכותי את כל יושבי בה וידעו כי אני יהוה׃

    16קינה היא וקוננוה בנות הגוים תקוננה אותה על מצרים ועל כל המונה תקוננה אותה נאם אדני יהוה׃

    17ויהי בשתי עשרה שנה בחמשה עשר לחדש היה דבר יהוה אלי לאמר׃

    18בן אדם נהה על המון מצרים והורדהו אותה ובנות גוים אדרם אל ארץ תחתיות את יורדי בור׃

  • יח׳ 32:3
    77%

    3כה אמר אדני יהוה ופרשתי עליך את רשתי בקהל עמים רבים והעלוך בחרמי׃

  • יר׳ 46:7-8
    2 פסוקים
    76%

    7מי זה כיאר יעלה כנהרות יתגעשו מימיו׃

    8מצרים כיאר יעלה וכנהרות יתגעשו מים ויאמר אעלה אכסה ארץ אבידה עיר וישבי בה׃

  • יח׳ 32:31-32
    2 פסוקים
    76%

    31אותם יראה פרעה ונחם על כל המונה חללי חרב פרעה וכל חילו נאם אדני יהוה׃

    32כי נתתי את חתיתו בארץ חיים והשכב בתוך ערלים את חללי חרב פרעה וכל המונה נאם אדני יהוה׃

  • יח׳ 30:10-11
    2 פסוקים
    73%

    10כה אמר אדני יהוה והשבתי את המון מצרים ביד נבוכדראצר מלך בבל׃

    11הוא ועמו אתו עריצי גוים מובאים לשחת הארץ והריקו חרבותם על מצרים ומלאו את הארץ חלל׃

  • שמ׳ 7:18
    73%

    18והדגה אשר ביאר תמות ובאש היאר ונלאו מצרים לשתות מים מן היאר׃

  • יח׳ 29:8-10
    3 פסוקים
    72%

    8לכן כה אמר אדני יהוה הנני מביא עליך חרב והכרתי ממך אדם ובהמה׃

    9והיתה ארץ מצרים לשממה וחרבה וידעו כי אני יהוה יען אמר יאר לי ואני עשיתי׃

    10לכן הנני אליך ואל יאריך ונתתי את ארץ מצרים לחרבות חרב שממה ממגדל סונה ועד גבול כוש׃

  • יח׳ 30:20-22
    3 פסוקים
    72%

    20ויהי באחת עשרה שנה בראשון בשבעה לחדש היה דבר יהוה אלי לאמר׃

    21בן אדם את זרוע פרעה מלך מצרים שברתי והנה לא חבשה לתת רפאות לשום חתול לחבשה לחזקה לתפש בחרב׃

    22לכן כה אמר אדני יהוה הנני אל פרעה מלך מצרים ושברתי את זרעתיו את החזקה ואת הנשברת והפלתי את החרב מידו׃

  • יח׳ 27:2
    72%

    2ואתה בן אדם שא על צר קינה׃

  • זכ׳ 10:11
    71%

    11ועבר בים צרה והכה בים גלים והבישו כל מצולות יאר והורד גאון אשור ושבט מצרים יסור׃

  • יח׳ 32:6
    70%

    6והשקיתי ארץ צפתך מדמך אל ההרים ואפקים ימלאון ממך׃

  • יש׳ 11:15
    70%

    15והחרים יהוה את לשון ים מצרים והניף ידו על הנהר בעים רוחו והכהו לשבעה נחלים והדריך בנעלים׃

  • שמ׳ 7:21
    70%

    21והדגה אשר ביאר מתה ויבאש היאר ולא יכלו מצרים לשתות מים מן היאר ויהי הדם בכל ארץ מצרים׃

  • יר׳ 46:20
    70%

    20עגלה יפה פיה מצרים קרץ מצפון בא בא׃

  • יר׳ 25:19
    70%

    19את פרעה מלך מצרים ואת עבדיו ואת שריו ואת כל עמו׃

  • יח׳ 30:4
    70%

    4ובאה חרב במצרים והיתה חלחלה בכוש בנפל חלל במצרים ולקחו המונה ונהרסו יסודתיה׃

  • יח׳ 26:17
    69%

    17ונשאו עליך קינה ואמרו לך איך אבדת נושבת מימים העיר ההללה אשר היתה חזקה בים היא וישביה אשר נתנו חתיתם לכל יושביה׃

  • יר׳ 46:12-14
    3 פסוקים
    69%

    12שמעו גוים קלונך וצוחתך מלאה הארץ כי גבור בגבור כשלו יחדיו נפלו שניהם׃

    13הדבר אשר דבר יהוה אל ירמיהו הנביא לבוא נבוכדראצר מלך בבל להכות את ארץ מצרים׃

    14הגידו במצרים והשמיעו במגדול והשמיעו בנף ובתחפנחס אמרו התיצב והכן לך כי אכלה חרב סביביך׃

  • יש׳ 19:1
    69%

    1¶ משא מצרים הנה יהוה רכב על עב קל ובא מצרים ונעו אלילי מצרים מפניו ולבב מצרים ימס בקרבו׃

  • יש׳ 18:2
    69%

    2השלח בים צירים ובכלי גמא על פני מים לכו מלאכים קלים אל גוי ממשך ומורט אל עם נורא מן הוא והלאה גוי קו קו ומבוסה אשר בזאו נהרים ארצו׃

  • יח׳ 30:24
    69%

    24וחזקתי את זרעות מלך בבל ונתתי את חרבי בידו ושברתי את זרעות פרעה ונאק נאקות חלל לפניו׃

  • מל״ב 24:7
    69%

    7ולא הסיף עוד מלך מצרים לצאת מארצו כי לקח מלך בבל מנחל מצרים עד נהר פרת כל אשר היתה למלך מצרים׃

  • יר׳ 46:17
    69%

    17קראו שם פרעה מלך מצרים שאון העביר המועד׃

  • יר׳ 43:11
    69%

    11ובאה והכה את ארץ מצרים אשר למות למות ואשר לשבי לשבי ואשר לחרב לחרב׃