בראשית 39:16

תנ ך עברי מודרני

ותנח בגדו אצלה עד בוא אדניו אל ביתו׃

משאבים נוספים

פסוקים מקושרים

  • תה׳ 37:12 : 12 זמם רשע לצדיק וחרק עליו שניו׃
  • תה׳ 37:32 : 32 צופה רשע לצדיק ומבקש להמיתו׃
  • יר׳ 4:22 : 22 כי אויל עמי אותי לא ידעו בנים סכלים המה ולא נבונים המה חכמים המה להרע ולהיטיב לא ידעו׃
  • יר׳ 9:3-5 : 3 וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃ 4 איש מרעהו השמרו ועל כל אח אל תבטחו כי כל אח עקוב יעקב וכל רע רכיל יהלך׃ 5 ואיש ברעהו יהתלו ואמת לא ידברו למדו לשונם דבר שקר העוה נלאו׃
  • טיט 3:3 : 3 כי גם אנחנו היינו מלפנים חסרי דעת וסוררים ותועים ועבדים לתאות ולתשוקות שנות ומתהלכים ברשעה וקנאה ושנואים ושנאים איש את אחיו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 39:6-15
    10 פסוקים
    86%

    6ויעזב כל אשר לו ביד יוסף ולא ידע אתו מאומה כי אם הלחם אשר הוא אוכל ויהי יוסף יפה תאר ויפה מראה׃

    7ויהי אחר הדברים האלה ותשא אשת אדניו את עיניה אל יוסף ותאמר שכבה עמי׃

    8וימאן ויאמר אל אשת אדניו הן אדני לא ידע אתי מה בבית וכל אשר יש לו נתן בידי׃

    9איננו גדול בבית הזה ממני ולא חשך ממני מאומה כי אם אותך באשר את אשתו ואיך אעשה הרעה הגדלה הזאת וחטאתי לאלהים׃

    10ויהי כדברה אל יוסף יום יום ולא שמע אליה לשכב אצלה להיות עמה׃

    11ויהי כהיום הזה ויבא הביתה לעשות מלאכתו ואין איש מאנשי הבית שם בבית׃

    12ותתפשהו בבגדו לאמר שכבה עמי ויעזב בגדו בידה וינס ויצא החוצה׃

    13ויהי כראותה כי עזב בגדו בידה וינס החוצה׃

    14ותקרא לאנשי ביתה ותאמר להם לאמר ראו הביא לנו איש עברי לצחק בנו בא אלי לשכב עמי ואקרא בקול גדול׃

    15ויהי כשמעו כי הרימתי קולי ואקרא ויעזב בגדו אצלי וינס ויצא החוצה׃

  • בר׳ 39:17-20
    4 פסוקים
    85%

    17ותדבר אליו כדברים האלה לאמר בא אלי העבד העברי אשר הבאת לנו לצחק בי׃

    18ויהי כהרימי קולי ואקרא ויעזב בגדו אצלי וינס החוצה׃

    19ויהי כשמע אדניו את דברי אשתו אשר דברה אליו לאמר כדברים האלה עשה לי עבדך ויחר אפו׃

    20ויקח אדני יוסף אתו ויתנהו אל בית הסהר מקום אשר אסורי המלך אסורים ויהי שם בבית הסהר׃

  • בר׳ 38:18-19
    2 פסוקים
    74%

    18ויאמר מה הערבון אשר אתן לך ותאמר חתמך ופתילך ומטך אשר בידך ויתן לה ויבא אליה ותהר לו׃

    19ותקם ותלך ותסר צעיפה מעליה ותלבש בגדי אלמנותה׃

  • שמ״ב 13:17-18
    2 פסוקים
    70%

    17ויקרא את נערו משרתו ויאמר שלחו נא את זאת מעלי החוצה ונעל הדלת אחריה׃

    18ועליה כתנת פסים כי כן תלבשן בנות המלך הבתולת מעילים ויצא אותה משרתו החוץ ונעל הדלת אחריה׃

  • מש׳ 20:16
    70%

    16לקח בגדו כי ערב זר ובעד נכרים חבלהו׃

  • בר׳ 37:23
    70%

    23ויהי כאשר בא יוסף אל אחיו ויפשיטו את יוסף את כתנתו את כתנת הפסים אשר עליו׃

  • בר׳ 37:36
    70%

    36והמדנים מכרו אתו אל מצרים לפוטיפר סריס פרעה שר הטבחים׃

  • רות 3:14-15
    2 פסוקים
    70%

    14ותשכב מרגלתו עד הבקר ותקם בטרום יכיר איש את רעהו ויאמר אל יודע כי באה האשה הגרן׃

    15ויאמר הבי המטפחת אשר עליך ואחזי בה ותאחז בה וימד שש שערים וישת עליה ויבא העיר׃

  • יהוש׳ 2:6
    69%

    6והיא העלתם הגגה ותטמנם בפשתי העץ הערכות לה על הגג׃

  • בר׳ 24:65
    69%

    65ותאמר אל העבד מי האיש הלזה ההלך בשדה לקראתנו ויאמר העבד הוא אדני ותקח הצעיף ותתכס׃

  • בר׳ 38:15
    69%

    15ויראה יהודה ויחשבה לזונה כי כסתה פניה׃

  • בר׳ 12:15
    69%

    15ויראו אתה שרי פרעה ויהללו אתה אל פרעה ותקח האשה בית פרעה׃

  • מש׳ 27:13
    69%

    13קח בגדו כי ערב זר ובעד נכריה חבלהו׃

  • רות 3:4
    69%

    4ויהי בשכבו וידעת את המקום אשר ישכב שם ובאת וגלית מרגלתיו ושכבתי והוא יגיד לך את אשר תעשין׃

  • בר׳ 24:39
    69%

    39ואמר אל אדני אלי לא תלך האשה אחרי׃

  • דב׳ 22:14
    69%

    14ושם לה עלילת דברים והוציא עליה שם רע ואמר את האשה הזאת לקחתי ואקרב אליה ולא מצאתי לה בתולים׃