בראשית 50:18

תנ ך עברי מודרני

וילכו גם אחיו ויפלו לפניו ויאמרו הננו לך לעבדים׃

משאבים נוספים

פסוקים מקושרים

  • בר׳ 37:7-9 : 7 והנה אנחנו מאלמים אלמים בתוך השדה והנה קמה אלמתי וגם נצבה והנה תסבינה אלמתיכם ותשתחוין לאלמתי׃ 8 ויאמרו לו אחיו המלך תמלך עלינו אם משול תמשל בנו ויוספו עוד שנא אתו על חלמתיו ועל דבריו׃ 9 ויחלם עוד חלום אחר ויספר אתו לאחיו ויאמר הנה חלמתי חלום עוד והנה השמש והירח ואחד עשר כוכבים משתחוים לי׃ 10 ויספר אל אביו ואל אחיו ויגער בו אביו ויאמר לו מה החלום הזה אשר חלמת הבוא נבוא אני ואמך ואחיך להשתחות לך ארצה׃ 11 ויקנאו בו אחיו ואביו שמר את הדבר׃
  • בר׳ 42:6 : 6 ויוסף הוא השליט על הארץ הוא המשביר לכל עם הארץ ויבאו אחי יוסף וישתחוו לו אפים ארצה׃
  • בר׳ 44:14 : 14 ויבא יהודה ואחיו ביתה יוסף והוא עודנו שם ויפלו לפניו ארצה׃
  • בר׳ 27:29 : 29 יעבדוך עמים וישתחו לך לאמים הוה גביר לאחיך וישתחוו לך בני אמך ארריך ארור ומברכיך ברוך׃
  • בר׳ 45:3 : 3 ויאמר יוסף אל אחיו אני יוסף העוד אבי חי ולא יכלו אחיו לענות אתו כי נבהלו מפניו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 50:15-17
    3 פסוקים
    86%

    15ויראו אחי יוסף כי מת אביהם ויאמרו לו ישטמנו יוסף והשב ישיב לנו את כל הרעה אשר גמלנו אתו׃

    16ויצוו אל יוסף לאמר אביך צוה לפני מותו לאמר׃

    17כה תאמרו ליוסף אנא שא נא פשע אחיך וחטאתם כי רעה גמלוך ועתה שא נא לפשע עבדי אלהי אביך ויבך יוסף בדברם אליו׃

  • בר׳ 42:6-8
    3 פסוקים
    81%

    6ויוסף הוא השליט על הארץ הוא המשביר לכל עם הארץ ויבאו אחי יוסף וישתחוו לו אפים ארצה׃

    7וירא יוסף את אחיו ויכרם ויתנכר אליהם וידבר אתם קשות ויאמר אלהם מאין באתם ויאמרו מארץ כנען לשבר אכל׃

    8ויכר יוסף את אחיו והם לא הכרהו׃

  • בר׳ 44:14-18
    5 פסוקים
    80%

    14ויבא יהודה ואחיו ביתה יוסף והוא עודנו שם ויפלו לפניו ארצה׃

    15ויאמר להם יוסף מה המעשה הזה אשר עשיתם הלוא ידעתם כי נחש ינחש איש אשר כמני׃

    16ויאמר יהודה מה נאמר לאדני מה נדבר ומה נצטדק האלהים מצא את עון עבדיך הננו עבדים לאדני גם אנחנו גם אשר נמצא הגביע בידו׃

    17ויאמר חלילה לי מעשות זאת האיש אשר נמצא הגביע בידו הוא יהיה לי עבד ואתם עלו לשלום אל אביכם׃

    18ויגש אליו יהודה ויאמר בי אדני ידבר נא עבדך דבר באזני אדני ואל יחר אפך בעבדך כי כמוך כפרעה׃

  • בר׳ 45:3-4
    2 פסוקים
    80%

    3ויאמר יוסף אל אחיו אני יוסף העוד אבי חי ולא יכלו אחיו לענות אתו כי נבהלו מפניו׃

    4ויאמר יוסף אל אחיו גשו נא אלי ויגשו ויאמר אני יוסף אחיכם אשר מכרתם אתי מצרימה׃

  • בר׳ 50:19
    78%

    19ויאמר אלהם יוסף אל תיראו כי התחת אלהים אני׃

  • בר׳ 43:26
    77%

    26ויבא יוסף הביתה ויביאו לו את המנחה אשר בידם הביתה וישתחוו לו ארצה׃

  • בר׳ 47:5
    77%

    5ויאמר פרעה אל יוסף לאמר אביך ואחיך באו אליך׃

  • בר׳ 42:10
    77%

    10ויאמרו אליו לא אדני ועבדיך באו לשבר אכל׃

  • בר׳ 45:15-17
    3 פסוקים
    77%

    15וינשק לכל אחיו ויבך עליהם ואחרי כן דברו אחיו אתו׃

    16והקל נשמע בית פרעה לאמר באו אחי יוסף וייטב בעיני פרעה ובעיני עבדיו׃

    17ויאמר פרעה אל יוסף אמר אל אחיך זאת עשו טענו את בעירכם ולכו באו ארצה כנען׃

  • בר׳ 48:12
    77%

    12ויוצא יוסף אתם מעם ברכיו וישתחו לאפיו ארצה׃

  • בר׳ 47:25
    77%

    25ויאמרו החיתנו נמצא חן בעיני אדני והיינו עבדים לפרעה׃

  • בר׳ 43:28
    76%

    28ויאמרו שלום לעבדך לאבינו עודנו חי ויקדו וישתחו׃

  • בר׳ 50:1
    76%

    1¶ ויפל יוסף על פני אביו ויבך עליו וישק לו׃

  • בר׳ 46:31
    76%

    31ויאמר יוסף אל אחיו ואל בית אביו אעלה ואגידה לפרעה ואמרה אליו אחי ובית אבי אשר בארץ כנען באו אלי׃

  • בר׳ 42:13-14
    2 פסוקים
    75%

    13ויאמרו שנים עשר עבדיך אחים אנחנו בני איש אחד בארץ כנען והנה הקטן את אבינו היום והאחד איננו׃

    14ויאמר אלהם יוסף הוא אשר דברתי אלכם לאמר מרגלים אתם׃

  • בר׳ 44:7
    75%

    7ויאמרו אליו למה ידבר אדני כדברים האלה חלילה לעבדיך מעשות כדבר הזה׃

  • בר׳ 45:9
    75%

    9מהרו ועלו אל אבי ואמרתם אליו כה אמר בנך יוסף שמני אלהים לאדון לכל מצרים רדה אלי אל תעמד׃

  • בר׳ 33:6
    74%

    6ותגשן השפחות הנה וילדיהן ותשתחוין׃

  • בר׳ 43:15
    74%

    15ויקחו האנשים את המנחה הזאת ומשנה כסף לקחו בידם ואת בנימן ויקמו וירדו מצרים ויעמדו לפני יוסף׃

  • בר׳ 47:3
    74%

    3ויאמר פרעה אל אחיו מה מעשיכם ויאמרו אל פרעה רעה צאן עבדיך גם אנחנו גם אבותינו׃

  • בר׳ 44:23
    74%

    23ותאמר אל עבדיך אם לא ירד אחיכם הקטן אתכם לא תספון לראות פני׃

  • בר׳ 42:3
    74%

    3וירדו אחי יוסף עשרה לשבר בר ממצרים׃

  • בר׳ 37:7
    74%

    7והנה אנחנו מאלמים אלמים בתוך השדה והנה קמה אלמתי וגם נצבה והנה תסבינה אלמתיכם ותשתחוין לאלמתי׃

  • בר׳ 33:3
    74%

    3והוא עבר לפניהם וישתחו ארצה שבע פעמים עד גשתו עד אחיו׃

  • תה׳ 105:17
    74%

    17שלח לפניהם איש לעבד נמכר יוסף׃

  • בר׳ 42:21
    73%

    21ויאמרו איש אל אחיו אבל אשמים אנחנו על אחינו אשר ראינו צרת נפשו בהתחננו אלינו ולא שמענו על כן באה אלינו הצרה הזאת׃

  • בר׳ 47:1
    73%

    1¶ ויבא יוסף ויגד לפרעה ויאמר אבי ואחי וצאנם ובקרם וכל אשר להם באו מארץ כנען והנם בארץ גשן׃