בראשית 47:3

תנ ך עברי מודרני

ויאמר פרעה אל אחיו מה מעשיכם ויאמרו אל פרעה רעה צאן עבדיך גם אנחנו גם אבותינו׃

משאבים נוספים

פסוקים מקושרים

  • בר׳ 46:33-34 : 33 והיה כי יקרא לכם פרעה ואמר מה מעשיכם׃ 34 ואמרתם אנשי מקנה היו עבדיך מנעורינו ועד עתה גם אנחנו גם אבתינו בעבור תשבו בארץ גשן כי תועבת מצרים כל רעה צאן׃
  • עמ׳ 7:14-15 : 14 ויען עמוס ויאמר אל אמציה לא נביא אנכי ולא בן נביא אנכי כי בוקר אנכי ובולס שקמים׃ 15 ויקחני יהוה מאחרי הצאן ויאמר אלי יהוה לך הנבא אל עמי ישראל׃
  • יונה 1:8 : 8 ויאמרו אליו הגידה נא לנו באשר למי הרעה הזאת לנו מה מלאכתך ומאין תבוא מה ארצך ואי מזה עם אתה׃
  • תס״ב 3:10 : 10 כי גם בהיותנו אצלכם צוינו אתכם לאמר מי שלא ירצה לעבד גם אכול לא יאכל׃
  • בר׳ 4:2 : 2 ותסף ללדת את אחיו את הבל ויהי הבל רעה צאן וקין היה עבד אדמה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 46:31-34
    4 פסוקים
    88%

    31ויאמר יוסף אל אחיו ואל בית אביו אעלה ואגידה לפרעה ואמרה אליו אחי ובית אבי אשר בארץ כנען באו אלי׃

    32והאנשים רעי צאן כי אנשי מקנה היו וצאנם ובקרם וכל אשר להם הביאו׃

    33והיה כי יקרא לכם פרעה ואמר מה מעשיכם׃

    34ואמרתם אנשי מקנה היו עבדיך מנעורינו ועד עתה גם אנחנו גם אבתינו בעבור תשבו בארץ גשן כי תועבת מצרים כל רעה צאן׃

  • בר׳ 47:4-8
    5 פסוקים
    85%

    4ויאמרו אל פרעה לגור בארץ באנו כי אין מרעה לצאן אשר לעבדיך כי כבד הרעב בארץ כנען ועתה ישבו נא עבדיך בארץ גשן׃

    5ויאמר פרעה אל יוסף לאמר אביך ואחיך באו אליך׃

    6ארץ מצרים לפניך הוא במיטב הארץ הושב את אביך ואת אחיך ישבו בארץ גשן ואם ידעת ויש בם אנשי חיל ושמתם שרי מקנה על אשר לי׃

    7ויבא יוסף את יעקב אביו ויעמדהו לפני פרעה ויברך יעקב את פרעה׃

    8ויאמר פרעה אל יעקב כמה ימי שני חייך׃

  • בר׳ 47:1-2
    2 פסוקים
    82%

    1¶ ויבא יוסף ויגד לפרעה ויאמר אבי ואחי וצאנם ובקרם וכל אשר להם באו מארץ כנען והנם בארץ גשן׃

    2ומקצה אחיו לקח חמשה אנשים ויצגם לפני פרעה׃

  • בר׳ 45:16-18
    3 פסוקים
    80%

    16והקל נשמע בית פרעה לאמר באו אחי יוסף וייטב בעיני פרעה ובעיני עבדיו׃

    17ויאמר פרעה אל יוסף אמר אל אחיך זאת עשו טענו את בעירכם ולכו באו ארצה כנען׃

    18וקחו את אביכם ואת בתיכם ובאו אלי ואתנה לכם את טוב ארץ מצרים ואכלו את חלב הארץ׃

  • בר׳ 44:19
    77%

    19אדני שאל את עבדיו לאמר היש לכם אב או אח׃

  • בר׳ 37:12-13
    2 פסוקים
    76%

    12וילכו אחיו לרעות את צאן אביהם בשכם׃

    13ויאמר ישראל אל יוסף הלוא אחיך רעים בשכם לכה ואשלחך אליהם ויאמר לו הנני׃

  • שמ׳ 2:19
    75%

    19ותאמרן איש מצרי הצילנו מיד הרעים וגם דלה דלה לנו וישק את הצאן׃

  • בר׳ 44:7
    74%

    7ויאמרו אליו למה ידבר אדני כדברים האלה חלילה לעבדיך מעשות כדבר הזה׃

  • בר׳ 37:16
    74%

    16ויאמר את אחי אנכי מבקש הגידה נא לי איפה הם רעים׃

  • בר׳ 50:18
    74%

    18וילכו גם אחיו ויפלו לפניו ויאמרו הננו לך לעבדים׃

  • בר׳ 47:25
    74%

    25ויאמרו החיתנו נמצא חן בעיני אדני והיינו עבדים לפרעה׃

  • בר׳ 47:17-19
    3 פסוקים
    74%

    17ויביאו את מקניהם אל יוסף ויתן להם יוסף לחם בסוסים ובמקנה הצאן ובמקנה הבקר ובחמרים וינהלם בלחם בכל מקנהם בשנה ההוא׃

    18ותתם השנה ההוא ויבאו אליו בשנה השנית ויאמרו לו לא נכחד מאדני כי אם תם הכסף ומקנה הבהמה אל אדני לא נשאר לפני אדני בלתי אם גויתנו ואדמתנו׃

    19למה נמות לעיניך גם אנחנו גם אדמתנו קנה אתנו ואת אדמתנו בלחם ונהיה אנחנו ואדמתנו עבדים לפרעה ותן זרע ונחיה ולא נמות והאדמה לא תשם׃

  • בר׳ 43:7
    74%

    7ויאמרו שאול שאל האיש לנו ולמולדתנו לאמר העוד אביכם חי היש לכם אח ונגד לו על פי הדברים האלה הידוע נדע כי יאמר הורידו את אחיכם׃

  • בר׳ 45:10
    73%

    10וישבת בארץ גשן והיית קרוב אלי אתה ובניך ובני בניך וצאנך ובקרך וכל אשר לך׃

  • בר׳ 42:13-14
    2 פסוקים
    72%

    13ויאמרו שנים עשר עבדיך אחים אנחנו בני איש אחד בארץ כנען והנה הקטן את אבינו היום והאחד איננו׃

    14ויאמר אלהם יוסף הוא אשר דברתי אלכם לאמר מרגלים אתם׃

  • מע״ש 7:12-13
    2 פסוקים
    72%

    12וישמע יעקב כי יש שבר במצרים וישלח שמה את אבותינו בפעם הראשונה׃

    13ובפעם השנית התודע יוסף אל אחיו ומולדת יוסף נגלתה לפרעה׃

  • בר׳ 43:2
    72%

    2ויהי כאשר כלו לאכל את השבר אשר הביאו ממצרים ויאמר אליהם אביהם שבו שברו לנו מעט אכל׃

  • בר׳ 42:10
    72%

    10ויאמרו אליו לא אדני ועבדיך באו לשבר אכל׃

  • בר׳ 50:8
    72%

    8וכל בית יוסף ואחיו ובית אביו רק טפם וצאנם ובקרם עזבו בארץ גשן׃

  • בר׳ 42:3
    71%

    3וירדו אחי יוסף עשרה לשבר בר ממצרים׃

  • בר׳ 42:7
    71%

    7וירא יוסף את אחיו ויכרם ויתנכר אליהם וידבר אתם קשות ויאמר אלהם מאין באתם ויאמרו מארץ כנען לשבר אכל׃

  • בר׳ 47:11-12
    2 פסוקים
    71%

    11ויושב יוסף את אביו ואת אחיו ויתן להם אחזה בארץ מצרים במיטב הארץ בארץ רעמסס כאשר צוה פרעה׃

    12ויכלכל יוסף את אביו ואת אחיו ואת כל בית אביו לחם לפי הטף׃

  • במ׳ 20:15
    71%

    15וירדו אבתינו מצרימה ונשב במצרים ימים רבים וירעו לנו מצרים ולאבתינו׃

  • בר׳ 41:55
    71%

    55ותרעב כל ארץ מצרים ויצעק העם אל פרעה ללחם ויאמר פרעה לכל מצרים לכו אל יוסף אשר יאמר לכם תעשו׃

  • שמ׳ 5:15
    71%

    15ויבאו שטרי בני ישראל ויצעקו אל פרעה לאמר למה תעשה כה לעבדיך׃

  • בר׳ 42:1
    71%

    1¶ וירא יעקב כי יש שבר במצרים ויאמר יעקב לבניו למה תתראו׃

  • בר׳ 43:27
    71%

    27וישאל להם לשלום ויאמר השלום אביכם הזקן אשר אמרתם העודנו חי׃