ירמיהו 51:36

תנ ך עברי מודרני

לכן כה אמר יהוה הנני רב את ריבך ונקמתי את נקמתך והחרבתי את ימה והבשתי את מקורה׃

משאבים נוספים

פסוקים מקושרים

  • יר׳ 50:38 : 38 חרב אל מימיה ויבשו כי ארץ פסלים היא ובאימים יתהללו׃
  • רומ 12:19 : 19 אל תנקמו נקם ידידי כי אם תנו מקום לרגז כי כתוב לי נקם ושלם אמר יהוה׃
  • תה׳ 140:12 : 12 ידעת כי יעשה יהוה דין עני משפט אבינים׃
  • דב׳ 32:35 : 35 לי נקם ושלם לעת תמוט רגלם כי קרוב יום אידם וחש עתדת למו׃
  • דב׳ 32:43 : 43 הרנינו גוים עמו כי דם עבדיו יקום ונקם ישיב לצריו וכפר אדמתו עמו׃
  • יש׳ 44:27 : 27 האמר לצולה חרבי ונהרתיך אוביש׃
  • עבר 10:30-31 : 30 כי ידענו את האמר לי נקם ושלם ועוד כי ידין יהוה עמו׃ 31 מה נורא לנפל ביד אלהים חיים׃
  • התגל׳ 16:12 : 12 וישפך הששי את קערתו על הנהר הגדול נהר פרת ויחרבו מימיו למען תישר מסלה למלכים אשר ממזרח שמש׃
  • התגל׳ 19:1-3 : 1 ¶ אחרי כן שמעתי קול גדול כקול המון רב בשמים האמרים הללויה הישועה והכבוד והעז ליהוה אלהינו׃ 2 כי אמת וישר משפטיו כי שפט את הזונה הגדולה אשר השחיתה את הארץ בתזנתה וידרש מידה טאת דם עבדיו׃ 3 וישנו ויאמרו הללויה ועשנה יעלה לעולמי עולמים׃
  • יש׳ 47:6-9 : 6 קצפתי על עמי חללתי נחלתי ואתנם בידך לא שמת להם רחמים על זקן הכבדת עלך מאד׃ 7 ותאמרי לעולם אהיה גברת עד לא שמת אלה על לבך לא זכרת אחריתה׃ 8 ועתה שמעי זאת עדינה היושבת לבטח האמרה בלבבה אני ואפסי עוד לא אשב אלמנה ולא אדע שכול׃ 9 ותבאנה לך שתי אלה רגע ביום אחד שכול ואלמן כתמם באו עליך ברב כשפיך בעצמת חבריך מאד׃
  • יש׳ 49:25-26 : 25 כי כה אמר יהוה גם שבי גבור יקח ומלקוח עריץ ימלט ואת יריבך אנכי אריב ואת בניך אנכי אושיע׃ 26 והאכלתי את מוניך את בשרם וכעסיס דמם ישכרון וידעו כל בשר כי אני יהוה מושיעך וגאלך אביר יעקב׃
  • יר׳ 50:33-34 : 33 כה אמר יהוה צבאות עשוקים בני ישראל ובני יהודה יחדו וכל שביהם החזיקו בם מאנו שלחם׃ 34 גאלם חזק יהוה צבאות שמו ריב יריב את ריבם למען הרגיע את הארץ והרגיז לישבי בבל׃
  • יר׳ 51:6 : 6 נסו מתוך בבל ומלטו איש נפשו אל תדמו בעונה כי עת נקמה היא ליהוה גמול הוא משלם לה׃
  • מיכ׳ 7:8-9 : 8 אל תשמחי איבתי לי כי נפלתי קמתי כי אשב בחשך יהוה אור לי׃ 9 זעף יהוה אשא כי חטאתי לו עד אשר יריב ריבי ועשה משפטי יוציאני לאור אראה בצדקתו׃ 10 ותרא איבתי ותכסה בושה האמרה אלי איו יהוה אלהיך עיני תראינה בה עתה תהיה למרמס כטיט חוצות׃
  • חבק׳ 2:8-9 : 8 כי אתה שלות גוים רבים ישלוך כל יתר עמים מדמי אדם וחמס ארץ קריה וכל ישבי בה׃ 9 הוי בצע בצע רע לביתו לשום במרום קנו להנצל מכף רע׃ 10 יעצת בשת לביתך קצות עמים רבים וחוטא נפשך׃ 11 כי אבן מקיר תזעק וכפיס מעץ יעננה׃ 12 הוי בנה עיר בדמים וכונן קריה בעולה׃ 13 הלוא הנה מאת יהוה צבאות וייגעו עמים בדי אש ולאמים בדי ריק יעפו׃ 14 כי תמלא הארץ לדעת את כבוד יהוה כמים יכסו על ים׃ 15 הוי משקה רעהו מספח חמתך ואף שכר למען הביט על מעוריהם׃ 16 שבעת קלון מכבוד שתה גם אתה והערל תסוב עליך כוס ימין יהוה וקיקלון על כבודך׃ 17 כי חמס לבנון יכסך ושד בהמות יחיתן מדמי אדם וחמס ארץ קריה וכל ישבי בה׃
  • תה׳ 94:1-3 : 1 ¶ אל נקמות יהוה אל נקמות הופיע׃ 2 הנשא שפט הארץ השב גמול על גאים׃ 3 עד מתי רשעים יהוה עד מתי רשעים יעלזו׃
  • תה׳ 107:33 : 33 ישם נהרות למדבר ומצאי מים לצמאון׃
  • מש׳ 22:23 : 23 כי יהוה יריב ריבם וקבע את קבעיהם נפש׃
  • מש׳ 23:11 : 11 כי גאלם חזק הוא יריב את ריבם אתך׃
  • יש׳ 43:14 : 14 כה אמר יהוה גאלכם קדוש ישראל למענכם שלחתי בבלה והורדתי בריחים כלם וכשדים באניות רנתם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יר׳ 51:32-35
    4 פסוקים
    82%

    32והמעברות נתפשו ואת האגמים שרפו באש ואנשי המלחמה נבהלו׃

    33כי כה אמר יהוה צבאות אלהי ישראל בת בבל כגרן עת הדריכה עוד מעט ובאה עת הקציר לה׃

    34אכלנו הממנו נבוכדראצר מלך בבל הציגנו כלי ריק בלענו כתנין מלא כרשו מעדני הדיחנו׃

    35חמסי ושארי על בבל תאמר ישבת ציון ודמי אל ישבי כשדים תאמר ירושלם׃

  • יש׳ 44:27
    77%

    27האמר לצולה חרבי ונהרתיך אוביש׃

  • יר׳ 51:37
    77%

    37והיתה בבל לגלים מעון תנים שמה ושרקה מאין יושב׃

  • יש׳ 42:15
    77%

    15אחריב הרים וגבעות וכל עשבם אוביש ושמתי נהרות לאיים ואגמים אוביש׃

  • יר׳ 51:24
    77%

    24ושלמתי לבבל ולכל יושבי כשדים את כל רעתם אשר עשו בציון לעיניכם נאם יהוה׃

  • יר׳ 51:47-49
    3 פסוקים
    76%

    47לכן הנה ימים באים ופקדתי על פסילי בבל וכל ארצה תבוש וכל חלליה יפלו בתוכה׃

    48ורננו על בבל שמים וארץ וכל אשר בהם כי מצפון יבוא לה השודדים נאם יהוה׃

    49גם בבל לנפל חללי ישראל גם לבבל נפלו חללי כל הארץ׃

  • יש׳ 19:5
    76%

    5ונשתו מים מהים ונהר יחרב ויבש׃

  • יר׳ 50:28-30
    3 פסוקים
    76%

    28קול נסים ופלטים מארץ בבל להגיד בציון את נקמת יהוה אלהינו נקמת היכלו׃

    29השמיעו אל בבל רבים כל דרכי קשת חנו עליה סביב אל יהי פליטה שלמו לה כפעלה ככל אשר עשתה עשו לה כי אל יהוה זדה אל קדוש ישראל׃

    30לכן יפלו בחוריה ברחבתיה וכל אנשי מלחמתה ידמו ביום ההוא נאם יהוה׃

  • יר׳ 51:52
    76%

    52לכן הנה ימים באים נאם יהוה ופקדתי על פסיליה ובכל ארצה יאנק חלל׃

  • יר׳ 51:54-56
    3 פסוקים
    75%

    54קול זעקה מבבל ושבר גדול מארץ כשדים׃

    55כי שדד יהוה את בבל ואבד ממנה קול גדול והמו גליהם כמים רבים נתן שאון קולם׃

    56כי בא עליה על בבל שודד ונלכדו גבוריה חתתה קשתותם כי אל גמלות יהוה שלם ישלם׃

  • יר׳ 51:41-42
    2 פסוקים
    75%

    41איך נלכדה ששך ותתפש תהלת כל הארץ איך היתה לשמה בבל בגוים׃

    42עלה על בבל הים בהמון גליו נכסתה׃

  • יר׳ 51:44
    75%

    44ופקדתי על בל בבבל והצאתי את בלעו מפיו ולא ינהרו אליו עוד גוים גם חומת בבל נפלה׃

  • יש׳ 37:25
    75%

    25אני קרתי ושתיתי מים ואחרב בכף פעמי כל יארי מצור׃

  • יש׳ 14:22-23
    2 פסוקים
    75%

    22וקמתי עליהם נאם יהוה צבאות והכרתי לבבל שם ושאר ונין ונכד נאם יהוה׃

    23ושמתיה למורש קפד ואגמי מים וטאטאתיה במטאטא השמד נאם יהוה צבאות׃

  • יש׳ 51:22
    74%

    22כה אמר אדניך יהוה ואלהיך יריב עמו הנה לקחתי מידך את כוס התרעלה את קבעת כוס חמתי לא תוסיפי לשתותה עוד׃

  • יח׳ 30:12
    74%

    12ונתתי יארים חרבה ומכרתי את הארץ ביד רעים והשמתי ארץ ומלאה ביד זרים אני יהוה דברתי׃

  • יר׳ 51:29
    74%

    29ותרעש הארץ ותחל כי קמה על בבל מחשבות יהוה לשום את ארץ בבל לשמה מאין יושב׃

  • יר׳ 50:38
    74%

    38חרב אל מימיה ויבשו כי ארץ פסלים היא ובאימים יתהללו׃

  • יר׳ 51:13
    74%

    13שכנתי על מים רבים רבת אוצרת בא קצך אמת בצעך׃

  • יר׳ 50:15
    74%

    15הריעו עליה סביב נתנה ידה נפלו אשויתיה נהרסו חומותיה כי נקמת יהוה היא הנקמו בה כאשר עשתה עשו לה׃

  • יר׳ 50:13
    74%

    13מקצף יהוה לא תשב והיתה שממה כלה כל עבר על בבל ישם וישרק על כל מכותיה׃

  • יר׳ 50:34
    74%

    34גאלם חזק יהוה צבאות שמו ריב יריב את ריבם למען הרגיע את הארץ והרגיז לישבי בבל׃

  • יר׳ 51:1-2
    2 פסוקים
    74%

    1¶ כה אמר יהוה הנני מעיר על בבל ואל ישבי לב קמי רוח משחית׃

    2ושלחתי לבבל זרים וזרוה ויבקקו את ארצה כי היו עליה מסביב ביום רעה׃

  • יש׳ 1:24
    73%

    24לכן נאם האדון יהוה צבאות אביר ישראל הוי אנחם מצרי ואנקמה מאויבי׃

  • יר׳ 51:64
    73%

    64ואמרת ככה תשקע בבל ולא תקום מפני הרעה אשר אנכי מביא עליה ויעפו עד הנה דברי ירמיהו׃

  • יח׳ 21:31
    73%

    31ושפכתי עליך זעמי באש עברתי אפיח עליך ונתתיך ביד אנשים בערים חרשי משחית׃

  • יר׳ 51:6
    73%

    6נסו מתוך בבל ומלטו איש נפשו אל תדמו בעונה כי עת נקמה היא ליהוה גמול הוא משלם לה׃

  • יש׳ 50:2
    73%

    2מדוע באתי ואין איש קראתי ואין עונה הקצור קצרה ידי מפדות ואם אין בי כח להציל הן בגערתי אחריב ים אשים נהרות מדבר תבאש דגתם מאין מים ותמת בצמא׃

  • מל״ב 19:24
    73%

    24אני קרתי ושתיתי מים זרים ואחרב בכף פעמי כל יארי מצור׃

  • יח׳ 16:38
    73%

    38ושפטתיך משפטי נאפות ושפכת דם ונתתיך דם חמה וקנאה׃

  • יר׳ 50:18
    73%

    18לכן כה אמר יהוה צבאות אלהי ישראל הנני פקד אל מלך בבל ואל ארצו כאשר פקדתי אל מלך אשור׃

  • יר׳ 30:16
    73%

    16לכן כל אכליך יאכלו וכל צריך כלם בשבי ילכו והיו שאסיך למשסה וכל בזזיך אתן לבז׃

  • יר׳ 50:10
    73%

    10והיתה כשדים לשלל כל שלליה ישבעו נאם יהוה׃

  • יח׳ 17:20
    73%

    20ופרשתי עליו רשתי ונתפש במצודתי והביאותיהו בבלה ונשפטתי אתו שם מעלו אשר מעל בי׃

  • יש׳ 41:18
    72%

    18אפתח על שפיים נהרות ובתוך בקעות מעינות אשים מדבר לאגם מים וארץ ציה למוצאי מים׃

  • יר׳ 50:3
    72%

    3כי עלה עליה גוי מצפון הוא ישית את ארצה לשמה ולא יהיה יושב בה מאדם ועד בהמה נדו הלכו׃

  • יר׳ 46:26
    72%

    26ונתתים ביד מבקשי נפשם וביד נבוכדראצר מלך בבל וביד עבדיו ואחרי כן תשכן כימי קדם נאם יהוה׃

  • יר׳ 32:36
    72%

    36ועתה לכן כה אמר יהוה אלהי ישראל אל העיר הזאת אשר אתם אמרים נתנה ביד מלך בבל בחרב וברעב ובדבר׃