יוחנן 14:3

תנ ך עברי מודרני

והיה כי הלכתי והכינותי לכם מקום שוב אשוב ולקחתי אתכם אלי למען באשר אהיה שם תהיו גם אתם׃

משאבים נוספים

פסוקים מקושרים

  • יוח 12:26 : 26 החפץ לשרתני ילך אחרי ובאשר אהיה שם יהיה גם משרתי ואיש אשר ישרתני אתו יכבד אבי׃
  • יוח 14:18-23 : 18 לא אעזבכם יתומים אבואה אליכם׃ 19 עוד מעט והעולם לא יוסיף לראות אתי ואתם תראוני כי חי אני וגם אתם חיה תחיו׃ 20 והיה ביום ההוא ידוע תדעו כי אני באבי ואתם בי ואני בכם׃ 21 מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃ 22 ויאמר אליו יהודה לא יהודה איש קריות אדני מה הוא זה כי תחפץ להתודע אלינו ולא לעולם׃ 23 ויען ישוע ויאמר אליו איש כי יאהבני ישמר את דברי ואבי יאהב אתו ונבואה אליו ונשים אצלו מעונתנו׃
  • יוח 14:28 : 28 הלא שמעתם כי אמרתי אליכם אלך לי ואשובה אליכם אם אהב תאהבוני כי עתה תשמחו באמרי לכם כי הלך אני אל האב כי אבי גדול ממני׃
  • מע״ש 1:11 : 11 ויאמרו אתם אנשי הגליל מה תעמדו פה ועיניכם השמימה ישוע זה אשר לקח מאתכם השמימה כן בוא יבוא כאשר ראיתם אתו עלה השמימה׃
  • יוח 17:24 : 24 אבי חפצתי כי גם הם אשר נתתם לי יהיו עמי באשר אהיה אני למען יחזו את כבודי אשר נתת לי כי אהבתני לפני מוסדות עולם׃
  • תס״א 4:16-17 : 16 כי הוא האדון ירד מן השמים בתרועה בקול שר המלאכים ובשופר אלהים ואז יקומו ראשונה המתים במשיח׃ 17 אחרי כן אנחנו החיים הנשארים נלקח אתם יחדו בעננים לקראת האדון לרקיע ובכן נהיה תמיד עם האדון׃
  • תס״ב 1:12-2:1 : 12 למען יכבד בכם שם ישוע אדנינו ואתם תכבדו בו על פי חסד אלהינו ואדנינו ישוע המשיח׃ 1 ¶ והננו מבקשים מכם אחי על אדות ביאת אדנינו ישוע המשיח ואסיפתנו אליו׃
  • טימ״ב 2:12 : 12 אם נסבל גם נמלך אתו ואם ננכר גם הוא ינכר אתנו׃
  • עבר 9:28 : 28 כן הקרב המשיח פעם אחת למען שאת חטאי רבים ופעם שנית יראה בלי חטא לישועה למחכים לו׃
  • יוח״א 3:2-3 : 2 אהובי עתה בנים לאלהים אנחנו ועוד לא נגלה מה נהיה אך ידענו כי בהגלותו נדמה לו כי נראהו כאשר הוא׃ 3 וכל אשר לו תקוה כזאת יטהר את עצמו כאשר טהור גם הוא׃
  • התגל׳ 21:22-23 : 22 והיכל לא ראיתי בה כי יהוה אלהים צבאות היכלה הוא והשה׃ 23 והעיר איננה צריכה לאור השמש ולנגה הירח כי כבוד אלהים האיר לה ונרה הוא השה׃
  • התגל׳ 22:3-5 : 3 וכל חרם לא יהיה עוד וכסא האלהים והשה יהיה בה ועבדיו ישרתהו׃ 4 והמה יראו את פניו ושמו על מצחותם׃ 5 ולילה לא יהיה עוד ולא יצטרכו עוד לאור נר ולאור שמש כי יהוה אלהים הוא יאיר להם וימלכו עד עולמי עולמים׃
  • מתי 25:32-34 : 32 ונאספו לפניו כל הגוים והפריד בינותם כאשר יפריד הרעה את הכבשים מן העתודים׃ 33 והציב את הכבשים לימינו ואת העתודים לשמאלו׃ 34 אז יאמר המלך אל הנצבים לימינו באו ברוכי אבי ורשו את המלכות המוכנה לכם למן הוסד העולם׃
  • מע״ש 7:59-60 : 59 ויסקלו את אסטפנוס והוא משוע ואמר אדני ישוע קבל את רוחי׃ 60 ויכרע על ברכיו ויצעק בקול גדול יהוה אל תשמר להם את החטא הזה ויהי אחרי דברו כדבר הזה ויישן׃
  • רומ 8:17 : 17 ואם בנים אנחנו גם ירשים נהיה ירשי אלהים וחברי המשיח בירשה אם אמנם נתענה אתו למען גם אתו נכבד׃
  • קור״ב 5:6-8 : 6 לכן בטוחים אנחנו בכל עת וידעים כי כל עוד שמושבנו בגוף רחוקים אנחנו מן האדון׃ 7 כי באמונה נתהלך ולא בראות עינים׃ 8 אמנם בטוחים אנחנו ונבחרה לנו להתרחק מן הגוף ולהיות קרובים אל האדון׃
  • פיל 1:23 : 23 כי משוך אני מן השנים נפשי אותה להפטר ולהיות עם המשיח כי זה המבחר׃
  • התגל׳ 3:21 : 21 המנצח אתננו לשבת אתי על כסאי כאשר נצחתי גם אנכי ואשב את אבי על כסאו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יוח 14:1-2
    2 פסוקים
    91%

    1¶ אל יבהל לבבכם האמינו באלהים ובי האמינו׃

    2בבית אבי מעונות רבות ואם לא כן הוא כי עתה הגדתי לכם הנני הלך להכין מקום לכם׃

  • יוח 14:4-7
    4 פסוקים
    83%

    4ואל אשר אני הולך שמה ידעתם ואת הדרך ידעתם׃

    5ויאמר אליו תומא אדני לא ידענו אנה אתה הלך ואיככה נדע את הדרך׃

    6ויאמר אליו ישוע אנכי הנני הדרך והאמת והחיים לא יבא איש אל האב כי אם על ידי׃

    7לו ידעתם אתי גם את אבי ידעתם ומעתה ידעתם אתו וראיתם אתו׃

  • יוח 14:27-29
    3 פסוקים
    80%

    27שלום אניח לכם את שלומי אתן לכם לא כאשר יתן העולם אנכי נתן לכם אל יבהל לבבכם ואל יחת׃

    28הלא שמעתם כי אמרתי אליכם אלך לי ואשובה אליכם אם אהב תאהבוני כי עתה תשמחו באמרי לכם כי הלך אני אל האב כי אבי גדול ממני׃

    29ועתה הנה הגדתי זאת לכם בטרם היותה למען בבואה תאמינו׃

  • יוח 14:15-21
    7 פסוקים
    77%

    15אם אהבתם אתי את מצותי תשמרו׃

    16ואני אשאלה מאבי והוא יתן לכם פרקליט אחר אשר ישכן אתכם לנצח׃

    17את רוח האמת אשר לא יכל העולם להשיגו באשר לא יראהו ולא ידעהו ואתם ידעתם אתו כי אתכם שכן הוא אף יהיה בתוככם׃

    18לא אעזבכם יתומים אבואה אליכם׃

    19עוד מעט והעולם לא יוסיף לראות אתי ואתם תראוני כי חי אני וגם אתם חיה תחיו׃

    20והיה ביום ההוא ידוע תדעו כי אני באבי ואתם בי ואני בכם׃

    21מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃

  • יוח 14:23
    76%

    23ויען ישוע ויאמר אליו איש כי יאהבני ישמר את דברי ואבי יאהב אתו ונבואה אליו ונשים אצלו מעונתנו׃

  • יוח 13:32-33
    2 פסוקים
    76%

    32אם האלהים נתפאר בו גם האלהים הוא יפארהו בעצמו ובמהרה יפארהו׃

    33בני עוד מעט מזער אהיה עמכם אתם תבקשוני וכאשר אמרתי אל היהודים כי אל אשר אני הולך לא תוכלו לבוא שמה כן אליכם אמר אני עתה׃

  • יוח 16:14-17
    4 פסוקים
    75%

    14הוא יפארני כי משלי יקח ויגיד לכם׃

    15כל אשר לאבי לי הוא על כן אמרתי כי משלי יקח ויגיד לכם׃

    16הן מעט ולא תראוני ועוד מעט ותחזוני כי אני הלך אל אבי׃

    17ומקצת תלמידיו נדברו איש אל אחיו לאמר מה זה אמר אלינו הן מעט ולא תראוני ועוד מעט ותחזוני ואמרו אני הלך אל אבי׃

  • יוח 8:21-22
    2 פסוקים
    74%

    21ויוסף ישוע ויאמר אליהם אני הלך מזה ותבקשוני ובחטאתכם תמותו אל אשר אני הלך שמה אתם לא תוכלו לבוא׃

    22ויאמרו היהודים ההמת ימית את נפשו כי אמר אל אשר אני הולך שמה אתם לא תוכלו לבוא׃

  • מרק 14:14-15
    2 פסוקים
    74%

    14ובאשר יבוא שמה אמרו לבעל הבית כה אמר הרב איה המלון אשת אכלה שם את הפסח עם תלמידי׃

    15והוא יראה אתכם עליה גדולה מצעה ומוכנה ושם הכינו לנו׃

  • יוח 16:27-28
    2 פסוקים
    74%

    27כי אבי גם הוא אהב אתכם עקב אשר אהבתוני והאמנתם כי מאת אלהים יצאתי׃

    28מאת האב יצאתי ואבא לעולם אשובה אעזב את העולם ואלך אל אבי׃

  • יוח 16:7
    73%

    7אולם האמת אגיד לכם כי לכתי אך טוב לכם כי אם לא אלך לא יבא אליכם הפרקליט ואם אלך אשלחהו אליכם׃

  • יוח 7:33-34
    2 פסוקים
    73%

    33ויאמר אליהם ישוע אך למצער עודני עמכם והלכתי אל אשר שלחני׃

    34תשחרנני ולא תמצאנני ובאשר אני שם אתם לא תוכלו לבוא׃

  • יוח 14:25
    72%

    25את אלה דברתי אליכם בעוד היותי עמכם׃

  • יוח 14:31
    72%

    31אך למען ידע העולם כי את אבי אני אהב וכאשר צוני אבי כן אני עשה קומו ונלכה מזה׃

  • יוח 16:10
    72%

    10ועל הצדק כי אלך אל אבי ולא תוסיפו לראות אתי׃

  • מרק 14:28
    72%

    28ואחרי קומי מן המתים אלך לפניכם הגלילה׃

  • יוח 17:23-24
    2 פסוקים
    72%

    23אני בהם ואתה בי למען יהיו משלמים לאחד ולמען ידע העולם כי אתה שלחתני ואהבת אתם כאשר אהבתני׃

    24אבי חפצתי כי גם הם אשר נתתם לי יהיו עמי באשר אהיה אני למען יחזו את כבודי אשר נתת לי כי אהבתני לפני מוסדות עולם׃

  • יוח 16:22
    71%

    22וגם אתם כעת תתעצבו אך אשוב אראה אתכם ושש לבכם ואין לקח שמחתכם מכם׃

  • יוח 14:10-12
    3 פסוקים
    71%

    10האינך מאמין כי אנכי באבי ואבי בי הוא הדברים אשר אדבר אליכם לא מנפשי אנכי דבר כי אבי השכן בקרבי הוא עשה את המעשים׃

    11האמינו לי כי אנכי באבי ואבי בי הוא ואם לא אך בגלל המעשים האמינו לי׃

    12אמן אמן אני אמר לכם המאמין בי יעשה גם הוא את המעשים אשר אנכי עשה וגדלות מאלה יעשה כי אני הולך אל אבי׃

  • יוח 13:36
    70%

    36ויאמר אליו פטרוס אדני אנה תלך ויען אתו ישוע אל אשר אני הולך שמה לא תוכל עתה ללכת אחרי אך אחרי כן תלך אחרי׃

  • יוח 8:14
    70%

    14ויען ישוע ויאמר אליהם אף אם אעיד על נפשי עדותי נאמנה יען כי ידעתי מאין באתי ואנה אני הלך ואתם לא ידעתם מאין באתי ואנה אלך׃

  • יוח 16:5
    70%

    5ועתה הלך אנכי אל שלחי ולא ישאלני איש מכם אנה תלך׃

  • יוח 17:21
    69%

    21למען יהיו כלם אחד כאשר אתה אבי בי אתה ואני בך והיו גם המה בנו כאשר למען יאמין העולם כי אתה שלחתני׃

  • יוח 17:13
    69%

    13ועתה הנני בא אליך ואלה אני מדבר בעולם למען תמלא להם שמחתי בקרבם׃

  • יוח 12:26
    69%

    26החפץ לשרתני ילך אחרי ובאשר אהיה שם יהיה גם משרתי ואיש אשר ישרתני אתו יכבד אבי׃

  • יוח 15:26
    69%

    26ובבוא הפרקליט אשר אשלחנו לכם מאת אבי רוח האמת היוצא מאת אבי הוא יעיד עלי׃

  • תס״א 4:14
    69%

    14כי אם נאמין אשר מת ישוע ויחי כן יביא האלהים על ידי ישוע גם את הישנים אתו׃