יוחנן 15:8

תנ ך עברי מודרני

בזאת נכבד אבי בעשותכם פרי לרב והייתם לי לתלמידים׃

משאבים נוספים

פסוקים מקושרים

  • יוח 8:31 : 31 ויאמר ישוע אל היהודים המאמינים בו אם תעמדו בדברי באמת תלמידי אתם׃
  • מתי 5:16 : 16 כן יאר אורכם לפני בני האדם למען יראו מעשיכם הטובים ושבחו את אביכים שבשמים׃
  • קור״ב 9:10-15 : 10 והנתן זרע לזרע ולחם לאכל יתן וירבה את זרעכם ויפריא תנובות צדקתכם׃ 11 למען תעשירו בכל לכל התמימות הפעלת תודה לאלהים על ידינו׃ 12 כי שרות העבודה הזאת לא לבד ימלא את מחסרי הקדושים כי גם יודו רבים לאלהים בשרותכם הנאמן הזה׃ 13 ויכבדו את האלהים על משמעת הודאתכם לבשורת המשיח ועל תמת התחברותכם אליהם ואל כלם׃ 14 והם בהתחננם בעדכם נכספים לכם בעבור חסד האלהים אשר גבר עליכם׃ 15 ותודה לאלהים על מתנתו העצומה מספר׃
  • פיל 1:11 : 11 מלאים פרי הצדקה על ידי ישוע המשיח לכבוד אלהים ותהלתו׃
  • פט״א 4:11 : 11 איש כי ידבר יהי כאמרי אל ואיש כי יעזר תהי עזרתו מתוך החיל אשר חננו אלהים למען יכבד אלהים בכל על ידי ישוע המשיח אשר לו הכבוד והעז לעולמי עולמים אמן׃
  • תה׳ 92:12-15 : 12 צדיק כתמר יפרח כארז בלבנון ישגה׃ 13 שתולים בבית יהוה בחצרות אלהינו יפריחו׃ 14 עוד ינובון בשיבה דשנים ורעננים יהיו׃ 15 להגיד כי ישר יהוה צורי ולא עלתה בו׃
  • יש׳ 61:3 : 3 לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃
  • לוק 6:35 : 35 אבל אהבו את איביכם והיטיבו והלוו מבלי תוחלת ויהי שכרכם רב והייתם בני עליון כי טוב הוא גם לשכחי טובה ולרעים׃
  • טיט 2:5 : 5 ולהיות צנועות וטהרות צופיות הליכות ביתן וטבות ונכנעות לבעליהן למען לא יחלל דבר האלהים׃
  • טיט 2:10 : 10 ולא ימעלו מעל כי אם יראו כל אמונה טובה למען יפארו בכל את לקח אלהינו מושיענו׃
  • פט״א 2:12 : 12 והיטיבו דרככם בגוים למען יביטו אל מעשיכם הטובים והיה תחת אשר חרפו אתכם כפעלי און יכבדו את האלהים ביום הפקדה׃
  • יוח 15:5 : 5 אנכי הוא הגפן ואתם השריגים העמד בי ואני בו הוא יעשה פרי לרב כי בלעדי לא תוכלון עשות מאומה׃
  • קור״א 6:20 : 20 כי במחיר נקניתם על כן כבדו את האלהים בגופכם וברוחכם אשר לאלהים המה׃
  • קור״א 10:31 : 31 לכן אם תאכלו או אם תשתו או כל אשר תעשו את הכל עשו לכבוד אלהים׃
  • חג׳ 1:8 : 8 עלו ההר והבאתם עץ ובנו הבית וארצה בו ואכבד אמר יהוה׃
  • יש׳ 60:21 : 21 ועמך כלם צדיקים לעולם יירשו ארץ נצר מטעו מעשה ידי להתפאר׃
  • מתי 5:44 : 44 אבל אני אמר לכם אהבו את איביכם ברכו את מקקליכם היטיבו לשנאיכם והתפללו בעד מכאיביכם ורדפיכם׃
  • יוח 13:35 : 35 בזאת ידעו כלם כי תלמידי אתם בהיות אהבה ביניכם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יוח 15:1-7
    7 פסוקים
    80%

    1¶ אנכי הגפן האמתית ואבי הוא הכרם׃

    2כל שריג בי אשר איננו עשה פרי יסירנו ואשר יעשה פרי יטהרנו להרבות את פריו׃

    3אתם כעת מטהרים בעבור דברי אשר דברתי אליכם׃

    4עמדו בי ואני בכם כאשר השריג בל יעשה פרי מאליו אם לא יעמד בגפן כן גם אתם אם לא תעמדו בי׃

    5אנכי הוא הגפן ואתם השריגים העמד בי ואני בו הוא יעשה פרי לרב כי בלעדי לא תוכלון עשות מאומה׃

    6איש אשר לא יעמד בי השלך כשריג החוצה וייבש וילקטום וישליכום אל תוך האש והיה לבער׃

    7והיה אם תעמדו בי ודברי יהיו בכם ככל חפצכם תשאלו ויעשה לכם׃

  • יוח 15:9-12
    4 פסוקים
    80%

    9כאשר אהבני אבי אהבתי אתכם גם אני ואתם עמדו באהבתי׃

    10אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו׃

    11את אלה דברתי אליכם בעבור תהיה שמחתי בכם ותמלא שמחתכם׃

    12הנה זאת מצותי כי תאהבון איש את אחיו כאשר אהבתיכם׃

  • יוח 15:14-17
    4 פסוקים
    77%

    14ואתם ידידי אתם אם תעשו את אשר אני מצוה אתכם׃

    15לא אקרא לכם עוד עבדים כי העבד איננו ידע את אשר יעשה אדניו כי אם אמרתי ידידי אתם כי כל אשר שמעתי מאת אבי הודעתי אתכם׃

    16לא אתם בחרתם בי כי אם אנכי בחרתי בכם והפקדתי אתכם ללכת ולעשות פרי ופריכם יקום והיה כל אשר תשאלו מאבי בשמי יתן לכם׃

    17את אלה אני מצוה אתכם למען תאהבון איש את אחיו׃

  • יוח 8:31
    77%

    31ויאמר ישוע אל היהודים המאמינים בו אם תעמדו בדברי באמת תלמידי אתם׃

  • יוח 13:35
    75%

    35בזאת ידעו כלם כי תלמידי אתם בהיות אהבה ביניכם׃

  • יוח 14:20-21
    2 פסוקים
    75%

    20והיה ביום ההוא ידוע תדעו כי אני באבי ואתם בי ואני בכם׃

    21מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃

  • יוח 14:15
    74%

    15אם אהבתם אתי את מצותי תשמרו׃

  • יוח 8:38
    72%

    38אני מדבר את אשר ראיתי אצל אבי ואתם עשים את אשר ראיתם אצל אביכם׃

  • מתי 7:20
    72%

    20לכן בפרים תכירו אותם׃

  • יוח 17:21-24
    4 פסוקים
    72%

    21למען יהיו כלם אחד כאשר אתה אבי בי אתה ואני בך והיו גם המה בנו כאשר למען יאמין העולם כי אתה שלחתני׃

    22ואני נתתי להם את הכבוד אשר נתת לי למען יהיו אחד כאשר אנחנו אחד נחנו׃

    23אני בהם ואתה בי למען יהיו משלמים לאחד ולמען ידע העולם כי אתה שלחתני ואהבת אתם כאשר אהבתני׃

    24אבי חפצתי כי גם הם אשר נתתם לי יהיו עמי באשר אהיה אני למען יחזו את כבודי אשר נתת לי כי אהבתני לפני מוסדות עולם׃

  • יוח 14:28
    72%

    28הלא שמעתם כי אמרתי אליכם אלך לי ואשובה אליכם אם אהב תאהבוני כי עתה תשמחו באמרי לכם כי הלך אני אל האב כי אבי גדול ממני׃

  • יוח 12:26
    72%

    26החפץ לשרתני ילך אחרי ובאשר אהיה שם יהיה גם משרתי ואיש אשר ישרתני אתו יכבד אבי׃

  • יוח 14:13
    72%

    13וכל אשר תשאלו בשמי אעשנו למען יכבד האב בבנו׃

  • יוח 15:20
    71%

    20זכרו את דברי אשר דברתי אליכם העבד איננו גדול מאדניו אם רדפו אתי גם אתכם ירדפו אם שמרו את דברי גם את דברכם ישמרו׃

  • לוק 8:9
    71%

    9וישאלהו תלמידיו לאמר מה המשל הזה׃

  • יוח 13:17
    71%

    17אם ידעתם זאת אשריכם אם כן תעשו׃

  • יוח 12:24
    70%

    24אמן אמן אני אמר לכם אם לא יפל גרגר החטא אל תוך האדמה ומת ישאר לבדו וכאשר מת יעשה פרי הרבה׃

  • מתי 5:16
    70%

    16כן יאר אורכם לפני בני האדם למען יראו מעשיכם הטובים ושבחו את אביכים שבשמים׃

  • יוח 16:27
    70%

    27כי אבי גם הוא אהב אתכם עקב אשר אהבתוני והאמנתם כי מאת אלהים יצאתי׃

  • יוח 17:10
    70%

    10וכל אשר לי לך הוא ושלך שלי ונתפארתי בהם׃

  • יוח 16:15
    70%

    15כל אשר לאבי לי הוא על כן אמרתי כי משלי יקח ויגיד לכם׃

  • יוח 14:31
    70%

    31אך למען ידע העולם כי את אבי אני אהב וכאשר צוני אבי כן אני עשה קומו ונלכה מזה׃

  • יוח 8:28
    70%

    28אז אמר להם ישוע בעת תנשאו את בן האדם וידעתם כי אני הוא וכי אינני עשה דבר מנפשי כי אם כאשר למדני אבי אלה אדבר׃

  • לוק 14:33
    70%

    33ככה כל איש מכם אשר לא נפטר מכל רכושו לא יוכל להיות תלמידי׃

  • יוח 14:7
    70%

    7לו ידעתם אתי גם את אבי ידעתם ומעתה ידעתם אתו וראיתם אתו׃

  • יוח 13:32
    70%

    32אם האלהים נתפאר בו גם האלהים הוא יפארהו בעצמו ובמהרה יפארהו׃

  • מתי 7:16-17
    2 פסוקים
    70%

    16הכר תכירו אותם בפריהם היאספו ענבים מן הקצים או תאנים מן הברקנים׃

    17כן כל עץ טוב עשה פרי טוב והמשחת עשה פרי רע׃

  • יוח 8:36
    70%

    36לכן אם הבן יעשה אתכם בני חורין חפשים באמת תהיו׃

  • יוח 14:10
    70%

    10האינך מאמין כי אנכי באבי ואבי בי הוא הדברים אשר אדבר אליכם לא מנפשי אנכי דבר כי אבי השכן בקרבי הוא עשה את המעשים׃

  • יוח 13:15
    69%

    15כי מופת נתתי לכם למען תעשו גם אתם כאשר עשיתי לכם׃

  • יוח 14:23
    69%

    23ויען ישוע ויאמר אליו איש כי יאהבני ישמר את דברי ואבי יאהב אתו ונבואה אליו ונשים אצלו מעונתנו׃

  • לוק 13:9
    69%

    9אולי תעשה פרי ואם לא בשנה הבאה תגדענה׃

  • לוק 14:27
    69%

    27ואשר לא ישא את צלבו ובא אחרי לא יוכל להיות תלמידי׃