יוחנן 2:1

תנ ך עברי מודרני

¶ וביום השלישי היתה חתנה בקנה אשר בגליל ואם ישוע היתה שם׃

משאבים נוספים

פסוקים מקושרים

  • יוח 4:46 : 46 ויבא ישוע עוד הפעם אל קנה אשר בגליל מקום שומו המים ליין ואיש היה מעבדי המלך ובנו חלה בכפר נחום׃
  • יוח 21:2 : 2 שמעון פטרוס ותומא הנקרא דידומוס ונתנאל מקנה אשר בארץ הגליל ובני זבדי ועוד שנים אחרים מתלמידיו ישבו יחדו׃
  • יוח 1:43 : 43 ויהי ממחרת ויואל ישוע לצאת הגלילה וימצא את פילפוס ויאמר אליו לך אחרי׃
  • מש׳ 19:14 : 14 בית והון נחלת אבות ומיהוה אשה משכלת׃
  • מש׳ 31:10-12 : 10 אשת חיל מי ימצא ורחק מפנינים מכרה׃ 11 בטח בה לב בעלה ושלל לא יחסר׃ 12 גמלתהו טוב ולא רע כל ימי חייה׃
  • מתי 12:46 : 46 עודנו מדבר אל המון העם והנה אמו ואחיו עמדו בחוץ מבקשים לדבר אתו׃
  • יוח 1:29 : 29 ויהי ממחרת וירא יוחנן את ישוע בא אליו ויאמר הנה שה האלהים הנשא חטאת העולם׃
  • יוח 1:35 : 35 ויהי ממחרת ויסף יוחנן ויעמד ושנים מתלמידיו עמו׃
  • בר׳ 1:27-28 : 27 ויברא אלהים את האדם בצלמו בצלם אלהים ברא אתו זכר ונקבה ברא אתם׃ 28 ויברך אתם אלהים ויאמר להם אלהים פרו ורבו ומלאו את הארץ וכבשה ורדו בדגת הים ובעוף השמים ובכל חיה הרמשת על הארץ׃
  • בר׳ 2:18-25 : 18 ויאמר יהוה אלהים לא טוב היות האדם לבדו אעשה לו עזר כנגדו׃ 19 ויצר יהוה אלהים מן האדמה כל חית השדה ואת כל עוף השמים ויבא אל האדם לראות מה יקרא לו וכל אשר יקרא לו האדם נפש חיה הוא שמו׃ 20 ויקרא האדם שמות לכל הבהמה ולעוף השמים ולכל חית השדה ולאדם לא מצא עזר כנגדו׃ 21 ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתנה׃ 22 ויבן יהוה אלהים את הצלע אשר לקח מן האדם לאשה ויבאה אל האדם׃ 23 ויאמר האדם זאת הפעם עצם מעצמי ובשר מבשרי לזאת יקרא אשה כי מאיש לקחה זאת׃ 24 על כן יעזב איש את אביו ואת אמו ודבק באשתו והיו לבשר אחד׃ 25 ויהיו שניהם ערומים האדם ואשתו ולא יתבששו׃
  • יהוש׳ 19:28 : 28 ועברן ורחב וחמון וקנה עד צידון רבה׃
  • תה׳ 128:1-4 : 1 ¶ שיר המעלות אשרי כל ירא יהוה ההלך בדרכיו׃ 2 יגיע כפיך כי תאכל אשריך וטוב לך׃ 3 אשתך כגפן פריה בירכתי ביתך בניך כשתלי זיתים סביב לשלחנך׃ 4 הנה כי כן יברך גבר ירא יהוה׃
  • מש׳ 18:22 : 22 מצא אשה מצא טוב ויפק רצון מיהוה׃
  • אפס 5:30-33 : 30 כי אברי גופו אנחנו משברו ומעצמיו׃ 31 על כן יעזב איש את אביו ואת אמו ודבק באשתו והיו שניהם לבשר אחד׃ 32 גדול הסוד הזה ואני מפרש אתו על המשיח ועל עדתו׃ 33 ואולם גם אתם כל איש מכם יאהב את אשתו כנפשו והאשה היא תזהר ותירא את בעלה׃
  • טימ״א 4:1-3 : 1 ¶ אבל הרוח אמר בפרוש כי באחרית הימים יהיו אנשים אשר יסורו מן האמונה בפנותם אל הרוחות המטעות ואל תורת השדים׃ 2 דברי שקרים בחנפה ונכוים הם במדעת׃ 3 אסרים לקחת אשה ומנעים ממיני מאכל אשר בראם האלהים שיאכלות בתודה המאמינים וידעי האמת׃
  • עבר 13:4 : 4 האישות תיקר בכל וערש יצועכם אל יחלל את הזנים ואת המנאפים ידין אלהים׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יוח 2:2-13
    12 פסוקים
    87%

    2וישוע ותלמידיו היו גם הם קרואים אל החתנה׃

    3ויחסר היין ותאמר אם ישוע אליו יין אין להם׃

    4ויאמר אליה ישוע מה לי ולך אשה עתי עדין לא באה׃

    5ותאמר אמו אל המשרתים ככל אשר יאמר לכם תעשו׃

    6והנה ששה כדי אבן ערוכים שם כמשפט היהודים לטהרתם שתים או שלש בתים יכיל כל אחד׃

    7ויאמר אליהם ישוע מלאו לכם הכדים מים וימלאום עד למעלה׃

    8ויאמר שאבו נא והביאו אל רב המסבה ויביאו׃

    9ויטעם רב המסבה את המים אשר נהפכו ליין ולא ידע מאין הוא ואולם המשרתים אשר שאבו את המים ידעו ויקרא רב המסבה אל החתן׃

    10ויאמר אליו כל איש יתן בראשונה את היין הטוב וכאשר ישכרו יתן להם את הגרוע ואתה צפנת היין הטוב עד עתה׃

    11זאת תחלת האתות אשר עשה ישוע בקנה אשר בארץ הגליל וגלה את כבודו ויאמינו בו תלמידיו׃

    12ויהי אחרי כן וירד אל כפר נחום הוא ואמו ואחיו ותלמידיו ולא ארכו ימי שבתם שם׃

    13ויקרבו ימי חג הפסח אשר ליהודים ויעל ישוע ירושלים׃

  • יוח 3:22
    74%

    22ויהי אחרי הדברים האלה ויבא ישוע ותלמידיו אל ארץ יהודה ויגר שם עמהם ויטבל׃

  • יוח 4:45-46
    2 פסוקים
    73%

    45ויהי הוא בא ארץ הגליל ויאספהו אנשי הגליל כי ראו את כל אשר עשה בירושלים בימי החג כי גם הם עלו לחג את החג׃

    46ויבא ישוע עוד הפעם אל קנה אשר בגליל מקום שומו המים ליין ואיש היה מעבדי המלך ובנו חלה בכפר נחום׃

  • יוח 19:25-27
    3 פסוקים
    73%

    25ועל יד צלב ישוע עמדו אמו ואחות אמו מרים אשת קלופס ומרים המגדלית׃

    26וירא ישוע את אמו ואת תלמידו אשר אהב עמדים אצלו ויאמר אל אמו אשה הנה זה בנך׃

    27ואחר אמר אל תלמידו הנה זאת אמך ומן השעה ההיא אסף אתה התלמיד אל ביתו׃

  • מתי 27:56
    72%

    56ובתוכן מרים המגדלית ומרים אם יעקב ויוסי ואם בני זבדי׃

  • יוח 4:43
    71%

    43ויהי מקץ שני הימים ויצא משם ללכת הגלילה׃

  • יוח 4:54
    71%

    54זה הוא האות השני אשר עשה ישוע בבאו מיהודה לארץ הגליל׃

  • מתי 22:1-2
    2 פסוקים
    70%

    1¶ ויען ישוע ויסף דבר במשלים אליהם לאמר׃

    2דומה מלכות השמים למלך בשר ודם אשר עשה חתנה לבנו׃

  • מרק 1:9
    70%

    9ויהי בימים ההם ויבא ישוע מנצרת אשר בגליל ויטבל על ידי יוחנן בירדן׃

  • מרק 15:47
    69%

    47ומרים המגדלית ומרים אם יוסי היו ראות את המקום אשר הושם שמה׃

  • מרק 3:31
    69%

    31ויבאו אמו ואחיו ויעמדו מחוץ לבית וישלחו אליו לקרא לו׃

  • יוח 21:1-2
    2 פסוקים
    69%

    1¶ ויהי אחרי כן ויסף ישוע הגלות אל תלמידיו על ים טיבריה וכה נגלה אליהם׃

    2שמעון פטרוס ותומא הנקרא דידומוס ונתנאל מקנה אשר בארץ הגליל ובני זבדי ועוד שנים אחרים מתלמידיו ישבו יחדו׃

  • מתי 1:18
    68%

    18והלדת ישוע המשיח כה היתה מרים אמו ארשה ליוסף ובטרם יבא אליה נמצאת הרה לרוח הקדש׃

  • יוח 1:35
    68%

    35ויהי ממחרת ויסף יוחנן ויעמד ושנים מתלמידיו עמו׃

  • מתי 3:13
    68%

    13ויבא ישוע מן הגליל הירדנה אל יוחנן להטבל על ידו׃

  • לוק 1:27
    68%

    27אל בתולה מארשה לאיש אשר שמו יוסף מבית דוד ושם הבתולה מרים׃

  • יוח 5:1
    68%

    1¶ אחר הדברים האלה היה חג ליהודים ויעל ישוע ירושלים׃

  • יוח 6:1
    68%

    1¶ ויהי אחרי כן ויצא ישוע אל עבר ים הגליל אשר לטיבריה׃

  • יוח 6:22
    68%

    22ויהי ממחרת וירא המון העם העמד מעבר לים כי לא היתה אניה בזה בלתי אחת אשר ירדו בה תלמידיו וכי ישוע לא בא עם תלמידיו אל האניה אך תלמידיו לבדם נסעו מזה׃

  • יוח 4:7
    68%

    7ותבא אשה משמרון לשאב מים ויאמר אליה ישוע תני נא לי לשתות׃

  • יוח 4:2-3
    2 פסוקים
    68%

    2ואולם ישוע הוא לא הטביל כי אם תלמידיו׃

    3ויעזב את ארץ יהודה וילך שנית הגלילה׃

  • יוח 11:30
    68%

    30וישוע טרם יבא אל הכפר כי עודנו עמד במקום אשר פגשתו שם מרתא׃

  • מתי 27:61
    68%

    61ומרים המגדלית ומרים האחרת היו ישבות שם ממול הקבר׃

  • מרק 3:34-35
    2 פסוקים
    67%

    34ויבט סביב אל הישבים סביביו ויאמר הנה אמי ואחי׃

    35כי כל אשר יעשה רצון האלהים הוא אחי ואחותי ואמי׃

  • מע״ש 1:14
    67%

    14כל אלה היו שקדים יחדו בלב אחד להתפלל ולהתחנן ועמהם הנשים ומרים אם ישוע וגם אחיו׃

  • מרק 1:29
    67%

    29ויהי אחרי צאתם מבית הכנסת ויבאו ביתה שמעון ואנדרי המה ויעקב ויוחנן עמם׃

  • לוק 7:11
    67%

    11ויהי ממחרת וילך אל עיר ושמה נעים ורבים מתלמידיו הלכים אתו והמון עם רב׃

  • יוח 11:20
    67%

    20ויהי כשמע מרתא כי ישוע בא ותצא לקרתו ומרים יושבת בבית׃

  • לוק 2:33
    67%

    33ויוסף ואמו תמהים על הדברים הנאמרים עליו׃

  • יוח 10:40
    67%

    40וילך וישב אל עבר הירדן אל המקום אשר הטביל שם יוחנן בתחלה וישב שם׃

  • יוח 1:28
    67%

    28זאת היתה בבית עברה מעבר לירדן מקום אשר יוחנן מטביל שם׃

  • לוק 1:39
    67%

    39ותקם מרים בימים ההם ותמהר ללכת ההרה אל עיר יהודה׃