יוחנן 4:39

תנ ך עברי מודרני

ויאמינו בו שמרנים רבים מן העיר ההיא על דבר האשה אשר העידה לאמר הוא הגיד לי את כל אשר עשיתי׃

משאבים נוספים

פסוקים מקושרים

  • יוח 4:29 : 29 באו וראו איש אשר הגיד לי כל אשר עשיתי הכי זה הוא המשיח׃
  • יוח 4:5 : 5 ויבא לעיר מערי שמרון ושמה סוכר היא ממול חלקת השדה אשר נתנה יעקב לבנו ליוסף׃
  • יוח 4:42 : 42 ויאמרו אל האשה מעתה לא בעבור מאמרך נאמין כי באזנינו שמענו ונדע כי אמנם זה הוא המשיח מושיע העולם׃
  • יוח 10:41-42 : 41 ויבאו אליו רבים ויאמרו הנה יוחנן לא עשה אות אבל כל אשר דבר יוחנן על האיש הזה אמת היה׃ 42 ויאמינו בו רבים במקום ההוא׃
  • יוח 11:45 : 45 ורבים מן היהודים אשר באו אל מרים בראותם את אשר עשה ישוע האמינו בו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יוח 4:25-30
    6 פסוקים
    82%

    25ותאמר אליו האשה ידעתי כי יבא המשיח הנקרא כריסטוס הוא בבאו יגיד לנו את כל׃

    26ויאמר אליה ישוע אני הוא המדבר אליך׃

    27ויהי הוא מדבר ככה ותלמידיו באו ויתמהו על דברו עם אשה אך לא אמר לו איש מה זה תשאל או מה תדבר עמה׃

    28ותעזב האשה את כדה ותלך העירה ותאמר אל האנשים׃

    29באו וראו איש אשר הגיד לי כל אשר עשיתי הכי זה הוא המשיח׃

    30ויצאו מן העיר ויבאו אליו׃

  • יוח 4:40-43
    4 פסוקים
    82%

    40ויהי כאשר באו אליו השמרנים וישאלו ממנו לשבת אתם וישב שם יומים׃

    41ועוד רבים מהמה האמינו בו בעבור דברו׃

    42ויאמרו אל האשה מעתה לא בעבור מאמרך נאמין כי באזנינו שמענו ונדע כי אמנם זה הוא המשיח מושיע העולם׃

    43ויהי מקץ שני הימים ויצא משם ללכת הגלילה׃

  • יוח 4:4-11
    8 פסוקים
    77%

    4ויהי לו לעבר בארץ שמרון׃

    5ויבא לעיר מערי שמרון ושמה סוכר היא ממול חלקת השדה אשר נתנה יעקב לבנו ליוסף׃

    6ושם באר יעקב וישוע היה עיף מן הדרך וישב לו על הבאר והעת כשעה הששית׃

    7ותבא אשה משמרון לשאב מים ויאמר אליה ישוע תני נא לי לשתות׃

    8כי תלמידיו הלכו העירה לקנות אכל׃

    9ותאמר אליו האשה השמרונית הן יהודי אתה ואיככה תשאל ממני לשתות ואנכי אשה שמרונית כי לא יתערבו היהודים עם השמרונים׃

    10ויען ישוע ויאמר אליה לו ידעת את מתת אלהים ומי הוא האמר אליך תני נא לי לשתות כי עתה שאלת ממנו ונתן לך מים חיים׃

    11ותאמר אליו האשה אדני הן אין לך כלי לשאב בו והבאר עמקה ומאין לך אפוא מים חיים׃

  • יוח 4:13-19
    7 פסוקים
    76%

    13ויען ישוע ויאמר אליה כל השתה מן המים האלה ישוב ויצמא׃

    14ואשר ישתה מן המים אשר אנכי נתן לו לא יצמא לעולם כי המים אשר אתן לו יהיו בקרבו למקור מים נבעים לחיי העולמים׃

    15ותאמר אליו האשה אדני תנה לי המים ההם למען לא אצמא עוד ולא אוסיף לבוא הנה לשאב׃

    16ויאמר אליה ישוע לכי וקראי לאישך ושובי הלום׃

    17ותען האשה ותאמר אין לי איש ויאמר אליה ישוע כן דברת אין לי איש׃

    18כי בעלים חמשה היו לך ואשר לך עתה איננו בעלך לכן אמת הדבר אשר דברת׃

    19ותאמר אליו האשה אדני ראה אנכי כי נביא אתה׃

  • יוח 10:41-42
    2 פסוקים
    74%

    41ויבאו אליו רבים ויאמרו הנה יוחנן לא עשה אות אבל כל אשר דבר יוחנן על האיש הזה אמת היה׃

    42ויאמינו בו רבים במקום ההוא׃

  • יוח 4:38
    73%

    38אנכי שלחתי אתכם לקצר את אשר לא עמלתם בו ואחרים עמלו ואתם נכנסתם בעמלם׃

  • יוח 8:30
    71%

    30ויהי בדברו זאת ויאמינו בו רבים׃

  • יוח 11:45
    71%

    45ורבים מן היהודים אשר באו אל מרים בראותם את אשר עשה ישוע האמינו בו׃

  • יוח 11:27
    71%

    27ותאמר אליו כן אדני האמנתי כי אתה המשיח בן האלהים הבא לעולם׃

  • מע״ש 8:25
    70%

    25והמה אחרי אשר העידה ודברו את דבר יהוה שבו ירושלים ויבשרו את הבשורה בכפרים רבים אשר לשמרונים׃

  • יוח 12:11
    70%

    11כי בגללו באו שמה רבים מן היהודים ויאמינו בישוע׃

  • לוק 7:50
    69%

    50ויאמר אל האשה אמונתך הושיעה לך לכי לשלום׃

  • לוק 7:44
    69%

    44ויפן אל האשה ויאמר אל שמעון הראית את האשה הזאת הנה באתי אל ביתך ומים על רגלי לא נתת והיא הרטיבה את רגלי בדמעות ותנגב בשערותיה׃

  • יוח 8:10-11
    2 פסוקים
    69%

    10וישא ישוע את עיניו וירא כי אין איש בלתי האשה לבדה ויאמר אליה אשה איפה שטניך הכי הרשיעך איש׃

    11ותאמר לא אדני ויאמר לכן גם אני לא ארשיעך לכי לדרכך ואל תחטאי עוד׃

  • יוח 4:53
    69%

    53וידע אביהו כי היתה השעה אשר דבר לו ישוע בנך חי ויאמן הוא וכל ביתו׃

  • מע״ש 9:42
    69%

    42ויודע הדבר בכל יפו ויאמינו רבים באדון׃

  • יוח 1:39
    69%

    39ויאמר אליהם באו וראו ויבאו ויראו את מקום מלונו וישבו עמו ביום ההוא והעת כשעה העשירית׃

  • לוק 7:48
    69%

    48ויאמר אליה נסלחו לך חטאתיך׃

  • יוח 4:50
    69%

    50ויאמר אליו ישוע לך לך בנך חי והאיש האמין לדבר אשר דבר אליו ישוע וילך׃

  • יוח 4:21
    69%

    21ויאמר אליה ישוע אשה האמיני לי כי תבוא שעה אשר לא בהר הזה אף לא בירושלים תשתחוו לאב׃

  • לוק 8:47
    68%

    47ותרא האשה כי לא נסתרה ממנו ותחרד לקראתו ותפל לפניו ותגד באזני כל העם על מה נגעה בו ואיך נרפאה פתאם׃

  • יוח 9:35-36
    2 פסוקים
    68%

    35וישמע ישוע כי הדפהו החוצה ויפגשהו ויאמר אליו התאמין בבן האדם׃

    36ויען ויאמר מי הוא זה אדני למען אאמין בו׃

  • מרק 5:32-33
    2 פסוקים
    68%

    32ויבט סביב לראות את אשר עשתה זאת׃

    33ותירא האשה ותחרד כי ידעה את אשר נעשה לה ותבא ותפל לפניו ותגד לו את האמת כלה׃

  • לוק 7:39
    68%

    39וירא הפרוש הקרא אתו ויאמר בלבו אלו היה זה נביא כי עתה ידע ידע מי היא זאת ואי זו היא הנגעת בו כי אשה חטאת היא׃

  • יוח 8:4
    68%

    4ויאמרו אליו רבי האשה הזאת נתפשה כשנטמאת בנאופיה׃