ויקרא 11:43

תנ ך עברי מודרני

אל תשקצו את נפשתיכם בכל השרץ השרץ ולא תטמאו בהם ונטמתם בם׃

משאבים נוספים

פסוקים מקושרים

  • ויק׳ 20:25 : 25 והבדלתם בין הבהמה הטהרה לטמאה ובין העוף הטמא לטהר ולא תשקצו את נפשתיכם בבהמה ובעוף ובכל אשר תרמש האדמה אשר הבדלתי לכם לטמא׃
  • ויק׳ 11:41-42 : 41 וכל השרץ השרץ על הארץ שקץ הוא לא יאכל׃ 42 כל הולך על גחון וכל הולך על ארבע עד כל מרבה רגלים לכל השרץ השרץ על הארץ לא תאכלום כי שקץ הם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • ויק׳ 11:34-42
    9 פסוקים
    88%

    34מכל האכל אשר יאכל אשר יבוא עליו מים יטמא וכל משקה אשר ישתה בכל כלי יטמא׃

    35וכל אשר יפל מנבלתם עליו יטמא תנור וכירים יתץ טמאים הם וטמאים יהיו לכם׃

    36אך מעין ובור מקוה מים יהיה טהור ונגע בנבלתם יטמא׃

    37וכי יפל מנבלתם על כל זרע זרוע אשר יזרע טהור הוא׃

    38וכי יתן מים על זרע ונפל מנבלתם עליו טמא הוא לכם׃

    39וכי ימות מן הבהמה אשר היא לכם לאכלה הנגע בנבלתה יטמא עד הערב׃

    40והאכל מנבלתה יכבס בגדיו וטמא עד הערב והנשא את נבלתה יכבס בגדיו וטמא עד הערב׃

    41וכל השרץ השרץ על הארץ שקץ הוא לא יאכל׃

    42כל הולך על גחון וכל הולך על ארבע עד כל מרבה רגלים לכל השרץ השרץ על הארץ לא תאכלום כי שקץ הם׃

  • ויק׳ 11:44
    88%

    44כי אני יהוה אלהיכם והתקדשתם והייתם קדשים כי קדוש אני ולא תטמאו את נפשתיכם בכל השרץ הרמש על הארץ׃

  • ויק׳ 11:20-31
    12 פסוקים
    84%

    20כל שרץ העוף ההלך על ארבע שקץ הוא לכם׃

    21אך את זה תאכלו מכל שרץ העוף ההלך על ארבע אשר לא כרעים ממעל לרגליו לנתר בהן על הארץ׃

    22את אלה מהם תאכלו את הארבה למינו ואת הסלעם למינהו ואת החרגל למינהו ואת החגב למינהו׃

    23וכל שרץ העוף אשר לו ארבע רגלים שקץ הוא לכם׃

    24ולאלה תטמאו כל הנגע בנבלתם יטמא עד הערב׃

    25וכל הנשא מנבלתם יכבס בגדיו וטמא עד הערב׃

    26לכל הבהמה אשר הוא מפרסת פרסה ושסע איננה שסעת וגרה איננה מעלה טמאים הם לכם כל הנגע בהם יטמא׃

    27וכל הולך על כפיו בכל החיה ההלכת על ארבע טמאים הם לכם כל הנגע בנבלתם יטמא עד הערב׃

    28והנשא את נבלתם יכבס בגדיו וטמא עד הערב טמאים המה לכם׃

    29וזה לכם הטמא בשרץ השרץ על הארץ החלד והעכבר והצב למינהו׃

    30והאנקה והכח והלטאה והחמט והתנשמת׃

    31אלה הטמאים לכם בכל השרץ כל הנגע בהם במתם יטמא עד הערב׃

  • דב׳ 14:3
    81%

    3לא תאכל כל תועבה׃

  • ויק׳ 11:10-12
    3 פסוקים
    80%

    10וכל אשר אין לו סנפיר וקשקשת בימים ובנחלים מכל שרץ המים ומכל נפש החיה אשר במים שקץ הם לכם׃

    11ושקץ יהיו לכם מבשרם לא תאכלו ואת נבלתם תשקצו׃

    12כל אשר אין לו סנפיר וקשקשת במים שקץ הוא לכם׃

  • ויק׳ 20:25
    80%

    25והבדלתם בין הבהמה הטהרה לטמאה ובין העוף הטמא לטהר ולא תשקצו את נפשתיכם בבהמה ובעוף ובכל אשר תרמש האדמה אשר הבדלתי לכם לטמא׃

  • דב׳ 14:19
    79%

    19וכל שרץ העוף טמא הוא לכם לא יאכלו׃

  • ויק׳ 11:46-47
    2 פסוקים
    79%

    46זאת תורת הבהמה והעוף וכל נפש החיה הרמשת במים ולכל נפש השרצת על הארץ׃

    47להבדיל בין הטמא ובין הטהר ובין החיה הנאכלת ובין החיה אשר לא תאכל׃

  • ויק׳ 11:7-8
    2 פסוקים
    79%

    7ואת החזיר כי מפריס פרסה הוא ושסע שסע פרסה והוא גרה לא יגר טמא הוא לכם׃

    8מבשרם לא תאכלו ובנבלתם לא תגעו טמאים הם לכם׃

  • ויק׳ 22:5-6
    2 פסוקים
    78%

    5או איש אשר יגע בכל שרץ אשר יטמא לו או באדם אשר יטמא לו לכל טמאתו׃

    6נפש אשר תגע בו וטמאה עד הערב ולא יאכל מן הקדשים כי אם רחץ בשרו במים׃

  • ויק׳ 18:24
    77%

    24אל תטמאו בכל אלה כי בכל אלה נטמאו הגוים אשר אני משלח מפניכם׃

  • ויק׳ 11:3-5
    3 פסוקים
    76%

    3כל מפרסת פרסה ושסעת שסע פרסת מעלת גרה בבהמה אתה תאכלו׃

    4אך את זה לא תאכלו ממעלי הגרה וממפריסי הפרסה את הגמל כי מעלה גרה הוא ופרסה איננו מפריס טמא הוא לכם׃

    5ואת השפן כי מעלה גרה הוא ופרסה לא יפריס טמא הוא לכם׃

  • דב׳ 7:26
    76%

    26ולא תביא תועבה אל ביתך והיית חרם כמהו שקץ תשקצנו ותעב תתעבנו כי חרם הוא׃

  • ויק׳ 18:26-30
    5 פסוקים
    76%

    26ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם׃

    27כי את כל התועבת האל עשו אנשי הארץ אשר לפניכם ותטמא הארץ׃

    28ולא תקיא הארץ אתכם בטמאכם אתה כאשר קאה את הגוי אשר לפניכם׃

    29כי כל אשר יעשה מכל התועבות האלה ונכרתו הנפשות העשת מקרב עמם׃

    30ושמרתם את משמרתי לבלתי עשות מחקות התועבת אשר נעשו לפניכם ולא תטמאו בהם אני יהוה אלהיכם׃

  • דב׳ 14:10
    75%

    10וכל אשר אין לו סנפיר וקשקשת לא תאכלו טמא הוא לכם׃

  • דב׳ 14:7-8
    2 פסוקים
    74%

    7אך את זה לא תאכלו ממעלי הגרה וממפריסי הפרסה השסועה את הגמל ואת הארנבת ואת השפן כי מעלה גרה המה ופרסה לא הפריסו טמאים הם לכם׃

    8ואת החזיר כי מפריס פרסה הוא ולא גרה טמא הוא לכם מבשרם לא תאכלו ובנבלתם לא תגעו׃

  • ויק׳ 22:8
    73%

    8נבלה וטרפה לא יאכל לטמאה בה אני יהוה׃

  • בר׳ 7:8
    73%

    8מן הבהמה הטהורה ומן הבהמה אשר איננה טהרה ומן העוף וכל אשר רמש על האדמה׃

  • שמ׳ 22:31
    72%

    31ואנשי קדש תהיון לי ובשר בשדה טרפה לא תאכלו לכלב תשלכון אתו׃