ויקרא 23:15

תנ ך עברי מודרני

וספרתם לכם ממחרת השבת מיום הביאכם את עמר התנופה שבע שבתות תמימת תהיינה׃

משאבים נוספים

פסוקים מקושרים

  • שמ׳ 34:22 : 22 וחג שבעת תעשה לך בכורי קציר חטים וחג האסיף תקופת השנה׃
  • ויק׳ 23:10-11 : 10 דבר אל בני ישראל ואמרת אלהם כי תבאו אל הארץ אשר אני נתן לכם וקצרתם את קצירה והבאתם את עמר ראשית קצירכם אל הכהן׃ 11 והניף את העמר לפני יהוה לרצנכם ממחרת השבת יניפנו הכהן׃
  • ויק׳ 25:8 : 8 וספרת לך שבע שבתת שנים שבע שנים שבע פעמים והיו לך ימי שבע שבתת השנים תשע וארבעים שנה׃
  • דב׳ 16:9-9 : 9 שבעה שבעת תספר לך מהחל חרמש בקמה תחל לספר שבעה שבעות׃ 10 ועשית חג שבעות ליהוה אלהיך מסת נדבת ידך אשר תתן כאשר יברכך יהוה אלהיך׃
  • במ׳ 28:26 : 26 וביום הבכורים בהקריבכם מנחה חדשה ליהוה בשבעתיכם מקרא קדש יהיה לכם כל מלאכת עבדה לא תעשו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • ויק׳ 23:16-17
    2 פסוקים
    89%

    16עד ממחרת השבת השביעת תספרו חמשים יום והקרבתם מנחה חדשה ליהוה׃

    17ממושבתיכם תביאו לחם תנופה שתים שני עשרנים סלת תהיינה חמץ תאפינה בכורים ליהוה׃

  • דב׳ 16:8-10
    3 פסוקים
    83%

    8ששת ימים תאכל מצות וביום השביעי עצרת ליהוה אלהיך לא תעשה מלאכה׃

    9שבעה שבעת תספר לך מהחל חרמש בקמה תחל לספר שבעה שבעות׃

    10ועשית חג שבעות ליהוה אלהיך מסת נדבת ידך אשר תתן כאשר יברכך יהוה אלהיך׃

  • ויק׳ 23:3-12
    10 פסוקים
    82%

    3ששת ימים תעשה מלאכה וביום השביעי שבת שבתון מקרא קדש כל מלאכה לא תעשו שבת הוא ליהוה בכל מושבתיכם׃

    4אלה מועדי יהוה מקראי קדש אשר תקראו אתם במועדם׃

    5בחדש הראשון בארבעה עשר לחדש בין הערבים פסח ליהוה׃

    6ובחמשה עשר יום לחדש הזה חג המצות ליהוה שבעת ימים מצות תאכלו׃

    7ביום הראשון מקרא קדש יהיה לכם כל מלאכת עבדה לא תעשו׃

    8והקרבתם אשה ליהוה שבעת ימים ביום השביעי מקרא קדש כל מלאכת עבדה לא תעשו׃

    9וידבר יהוה אל משה לאמר׃

    10דבר אל בני ישראל ואמרת אלהם כי תבאו אל הארץ אשר אני נתן לכם וקצרתם את קצירה והבאתם את עמר ראשית קצירכם אל הכהן׃

    11והניף את העמר לפני יהוה לרצנכם ממחרת השבת יניפנו הכהן׃

    12ועשיתם ביום הניפכם את העמר כבש תמים בן שנתו לעלה ליהוה׃

  • ויק׳ 23:34-40
    7 פסוקים
    79%

    34דבר אל בני ישראל לאמר בחמשה עשר יום לחדש השביעי הזה חג הסכות שבעת ימים ליהוה׃

    35ביום הראשון מקרא קדש כל מלאכת עבדה לא תעשו׃

    36שבעת ימים תקריבו אשה ליהוה ביום השמיני מקרא קדש יהיה לכם והקרבתם אשה ליהוה עצרת הוא כל מלאכת עבדה לא תעשו׃

    37אלה מועדי יהוה אשר תקראו אתם מקראי קדש להקריב אשה ליהוה עלה ומנחה זבח ונסכים דבר יום ביומו׃

    38מלבד שבתת יהוה ומלבד מתנותיכם ומלבד כל נדריכם ומלבד כל נדבותיכם אשר תתנו ליהוה׃

    39אך בחמשה עשר יום לחדש השביעי באספכם את תבואת הארץ תחגו את חג יהוה שבעת ימים ביום הראשון שבתון וביום השמיני שבתון׃

    40ולקחתם לכם ביום הראשון פרי עץ הדר כפת תמרים וענף עץ עבת וערבי נחל ושמחתם לפני יהוה אלהיכם שבעת ימים׃

  • במ׳ 28:25-26
    2 פסוקים
    78%

    25וביום השביעי מקרא קדש יהיה לכם כל מלאכת עבדה לא תעשו׃

    26וביום הבכורים בהקריבכם מנחה חדשה ליהוה בשבעתיכם מקרא קדש יהיה לכם כל מלאכת עבדה לא תעשו׃

  • ויק׳ 25:8
    77%

    8וספרת לך שבע שבתת שנים שבע שנים שבע פעמים והיו לך ימי שבע שבתת השנים תשע וארבעים שנה׃

  • שמ׳ 34:21-22
    2 פסוקים
    77%

    21ששת ימים תעבד וביום השביעי תשבת בחריש ובקציר תשבת׃

    22וחג שבעת תעשה לך בכורי קציר חטים וחג האסיף תקופת השנה׃

  • שמ׳ 13:6
    76%

    6שבעת ימים תאכל מצת וביום השביעי חג ליהוה׃

  • במ׳ 28:17-19
    3 פסוקים
    76%

    17ובחמשה עשר יום לחדש הזה חג שבעת ימים מצות יאכל׃

    18ביום הראשון מקרא קדש כל מלאכת עבדה לא תעשו׃

    19והקרבתם אשה עלה ליהוה פרים בני בקר שנים ואיל אחד ושבעה כבשים בני שנה תמימם יהיו לכם׃

  • שמ׳ 12:15-16
    2 פסוקים
    75%

    15שבעת ימים מצות תאכלו אך ביום הראשון תשביתו שאר מבתיכם כי כל אכל חמץ ונכרתה הנפש ההוא מישראל מיום הראשן עד יום השבעי׃

    16וביום הראשון מקרא קדש וביום השביעי מקרא קדש יהיה לכם כל מלאכה לא יעשה בהם אך אשר יאכל לכל נפש הוא לבדו יעשה לכם׃

  • ויק׳ 23:14
    75%

    14ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משבתיכם׃

  • ויק׳ 23:20-21
    2 פסוקים
    74%

    20והניף הכהן אתם על לחם הבכורים תנופה לפני יהוה על שני כבשים קדש יהיו ליהוה לכהן׃

    21וקראתם בעצם היום הזה מקרא קדש יהיה לכם כל מלאכת עבדה לא תעשו חקת עולם בכל מושבתיכם לדרתיכם׃

  • יח׳ 45:21
    74%

    21בראשון בארבעה עשר יום לחדש יהיה לכם הפסח חג שבעות ימים מצות יאכל׃

  • ויק׳ 23:32
    73%

    32שבת שבתון הוא לכם ועניתם את נפשתיכם בתשעה לחדש בערב מערב עד ערב תשבתו שבתכם׃

  • במ׳ 29:12
    73%

    12ובחמשה עשר יום לחדש השביעי מקרא קדש יהיה לכם כל מלאכת עבדה לא תעשו וחגתם חג ליהוה שבעת ימים׃

  • במ׳ 29:35
    73%

    35ביום השמיני עצרת תהיה לכם כל מלאכת עבדה לא תעשו׃

  • שמ׳ 23:15-16
    2 פסוקים
    73%

    15את חג המצות תשמר שבעת ימים תאכל מצות כאשר צויתך למועד חדש האביב כי בו יצאת ממצרים ולא יראו פני ריקם׃

    16וחג הקציר בכורי מעשיך אשר תזרע בשדה וחג האסף בצאת השנה באספך את מעשיך מן השדה׃

  • שמ׳ 16:26
    72%

    26ששת ימים תלקטהו וביום השביעי שבת לא יהיה בו׃

  • דב׳ 16:13
    72%

    13חג הסכת תעשה לך שבעת ימים באספך מגרנך ומיקבך׃

  • במ׳ 28:9
    72%

    9וביום השבת שני כבשים בני שנה תמימם ושני עשרנים סלת מנחה בלולה בשמן ונסכו׃

  • דב׳ 16:4
    71%

    4ולא יראה לך שאר בכל גבלך שבעת ימים ולא ילין מן הבשר אשר תזבח בערב ביום הראשון לבקר׃

  • דב׳ 16:15
    71%

    15שבעת ימים תחג ליהוה אלהיך במקום אשר יבחר יהוה כי יברכך יהוה אלהיך בכל תבואתך ובכל מעשה ידיך והיית אך שמח׃

  • ויק׳ 23:25
    71%

    25כל מלאכת עבדה לא תעשו והקרבתם אשה ליהוה׃

  • שמ׳ 12:18
    71%

    18בראשן בארבעה עשר יום לחדש בערב תאכלו מצת עד יום האחד ועשרים לחדש בערב׃

  • שמ׳ 22:30
    71%

    30כן תעשה לשרך לצאנך שבעת ימים יהיה עם אמו ביום השמיני תתנו לי׃