ויקרא 23:36

תנ ך עברי מודרני

שבעת ימים תקריבו אשה ליהוה ביום השמיני מקרא קדש יהיה לכם והקרבתם אשה ליהוה עצרת הוא כל מלאכת עבדה לא תעשו׃

משאבים נוספים

פסוקים מקושרים

  • נח׳ 8:18 : 18 ויקרא בספר תורת האלהים יום ביום מן היום הראשון עד היום האחרון ויעשו חג שבעת ימים וביום השמיני עצרת כמשפט׃
  • יוח 7:37 : 37 ויהי ביום החג האחרון הגדול עמד ישוע ויקרא לאמר איש כי יצמא יבא נא אלי וישתה׃
  • יואל 1:14 : 14 קדשו צום קראו עצרה אספו זקנים כל ישבי הארץ בית יהוה אלהיכם וזעקו אל יהוה׃
  • יואל 2:15 : 15 תקעו שופר בציון קדשו צום קראו עצרה׃
  • במ׳ 29:12-38 : 12 ובחמשה עשר יום לחדש השביעי מקרא קדש יהיה לכם כל מלאכת עבדה לא תעשו וחגתם חג ליהוה שבעת ימים׃ 13 והקרבתם עלה אשה ריח ניחח ליהוה פרים בני בקר שלשה עשר אילם שנים כבשים בני שנה ארבעה עשר תמימם יהיו׃ 14 ומנחתם סלת בלולה בשמן שלשה עשרנים לפר האחד לשלשה עשר פרים שני עשרנים לאיל האחד לשני האילם׃ 15 ועשרון עשרון לכבש האחד לארבעה עשר כבשים׃ 16 ושעיר עזים אחד חטאת מלבד עלת התמיד מנחתה ונסכה׃ 17 וביום השני פרים בני בקר שנים עשר אילם שנים כבשים בני שנה ארבעה עשר תמימם׃ 18 ומנחתם ונסכיהם לפרים לאילם ולכבשים במספרם כמשפט׃ 19 ושעיר עזים אחד חטאת מלבד עלת התמיד ומנחתה ונסכיהם׃ 20 וביום השלישי פרים עשתי עשר אילם שנים כבשים בני שנה ארבעה עשר תמימם׃ 21 ומנחתם ונסכיהם לפרים לאילם ולכבשים במספרם כמשפט׃ 22 ושעיר חטאת אחד מלבד עלת התמיד ומנחתה ונסכה׃ 23 וביום הרביעי פרים עשרה אילם שנים כבשים בני שנה ארבעה עשר תמימם׃ 24 מנחתם ונסכיהם לפרים לאילם ולכבשים במספרם כמשפט׃ 25 ושעיר עזים אחד חטאת מלבד עלת התמיד מנחתה ונסכה׃ 26 וביום החמישי פרים תשעה אילם שנים כבשים בני שנה ארבעה עשר תמימם׃ 27 ומנחתם ונסכיהם לפרים לאילם ולכבשים במספרם כמשפט׃ 28 ושעיר חטאת אחד מלבד עלת התמיד ומנחתה ונסכה׃ 29 וביום הששי פרים שמנה אילם שנים כבשים בני שנה ארבעה עשר תמימם׃ 30 ומנחתם ונסכיהם לפרים לאילם ולכבשים במספרם כמשפט׃ 31 ושעיר חטאת אחד מלבד עלת התמיד מנחתה ונסכיה׃ 32 וביום השביעי פרים שבעה אילם שנים כבשים בני שנה ארבעה עשר תמימם׃ 33 ומנחתם ונסכהם לפרים לאילם ולכבשים במספרם כמשפטם׃ 34 ושעיר חטאת אחד מלבד עלת התמיד מנחתה ונסכה׃ 35 ביום השמיני עצרת תהיה לכם כל מלאכת עבדה לא תעשו׃ 36 והקרבתם עלה אשה ריח ניחח ליהוה פר אחד איל אחד כבשים בני שנה שבעה תמימם׃ 37 מנחתם ונסכיהם לפר לאיל ולכבשים במספרם כמשפט׃ 38 ושעיר חטאת אחד מלבד עלת התמיד ומנחתה ונסכה׃
  • דב׳ 16:8 : 8 ששת ימים תאכל מצות וביום השביעי עצרת ליהוה אלהיך לא תעשה מלאכה׃
  • דה״ב 7:8-9 : 8 ויעש שלמה את החג בעת ההיא שבעת ימים וכל ישראל עמו קהל גדול מאד מלבוא חמת עד נחל מצרים׃ 9 ויעשו ביום השמיני עצרת כי חנכת המזבח עשו שבעת ימים והחג שבעת ימים׃ 10 וביום עשרים ושלשה לחדש השביעי שלח את העם לאהליהם שמחים וטובי לב על הטובה אשר עשה יהוה לדויד ולשלמה ולישראל עמו׃ 11 ויכל שלמה את בית יהוה ואת בית המלך ואת כל הבא על לב שלמה לעשות בבית יהוה ובביתו הצליח׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • ויק׳ 23:6-9
    4 פסוקים
    95%

    6ובחמשה עשר יום לחדש הזה חג המצות ליהוה שבעת ימים מצות תאכלו׃

    7ביום הראשון מקרא קדש יהיה לכם כל מלאכת עבדה לא תעשו׃

    8והקרבתם אשה ליהוה שבעת ימים ביום השביעי מקרא קדש כל מלאכת עבדה לא תעשו׃

    9וידבר יהוה אל משה לאמר׃

  • במ׳ 29:35-36
    2 פסוקים
    89%

    35ביום השמיני עצרת תהיה לכם כל מלאכת עבדה לא תעשו׃

    36והקרבתם עלה אשה ריח ניחח ליהוה פר אחד איל אחד כבשים בני שנה שבעה תמימם׃

  • במ׳ 28:24-26
    3 פסוקים
    88%

    24כאלה תעשו ליום שבעת ימים לחם אשה ריח ניחח ליהוה על עולת התמיד יעשה ונסכו׃

    25וביום השביעי מקרא קדש יהיה לכם כל מלאכת עבדה לא תעשו׃

    26וביום הבכורים בהקריבכם מנחה חדשה ליהוה בשבעתיכם מקרא קדש יהיה לכם כל מלאכת עבדה לא תעשו׃

  • ויק׳ 23:34-35
    2 פסוקים
    86%

    34דבר אל בני ישראל לאמר בחמשה עשר יום לחדש השביעי הזה חג הסכות שבעת ימים ליהוה׃

    35ביום הראשון מקרא קדש כל מלאכת עבדה לא תעשו׃

  • ויק׳ 23:25-28
    4 פסוקים
    85%

    25כל מלאכת עבדה לא תעשו והקרבתם אשה ליהוה׃

    26וידבר יהוה אל משה לאמר׃

    27אך בעשור לחדש השביעי הזה יום הכפרים הוא מקרא קדש יהיה לכם ועניתם את נפשתיכם והקרבתם אשה ליהוה׃

    28וכל מלאכה לא תעשו בעצם היום הזה כי יום כפרים הוא לכפר עליכם לפני יהוה אלהיכם׃

  • ויק׳ 23:37-39
    3 פסוקים
    84%

    37אלה מועדי יהוה אשר תקראו אתם מקראי קדש להקריב אשה ליהוה עלה ומנחה זבח ונסכים דבר יום ביומו׃

    38מלבד שבתת יהוה ומלבד מתנותיכם ומלבד כל נדריכם ומלבד כל נדבותיכם אשר תתנו ליהוה׃

    39אך בחמשה עשר יום לחדש השביעי באספכם את תבואת הארץ תחגו את חג יהוה שבעת ימים ביום הראשון שבתון וביום השמיני שבתון׃

  • דב׳ 16:8
    84%

    8ששת ימים תאכל מצות וביום השביעי עצרת ליהוה אלהיך לא תעשה מלאכה׃

  • שמ׳ 12:16
    83%

    16וביום הראשון מקרא קדש וביום השביעי מקרא קדש יהיה לכם כל מלאכה לא יעשה בהם אך אשר יאכל לכל נפש הוא לבדו יעשה לכם׃

  • במ׳ 28:18-19
    2 פסוקים
    83%

    18ביום הראשון מקרא קדש כל מלאכת עבדה לא תעשו׃

    19והקרבתם אשה עלה ליהוה פרים בני בקר שנים ואיל אחד ושבעה כבשים בני שנה תמימם יהיו לכם׃

  • ויק׳ 23:2-4
    3 פסוקים
    83%

    2דבר אל בני ישראל ואמרת אלהם מועדי יהוה אשר תקראו אתם מקראי קדש אלה הם מועדי׃

    3ששת ימים תעשה מלאכה וביום השביעי שבת שבתון מקרא קדש כל מלאכה לא תעשו שבת הוא ליהוה בכל מושבתיכם׃

    4אלה מועדי יהוה מקראי קדש אשר תקראו אתם במועדם׃

  • במ׳ 29:12
    82%

    12ובחמשה עשר יום לחדש השביעי מקרא קדש יהיה לכם כל מלאכת עבדה לא תעשו וחגתם חג ליהוה שבעת ימים׃

  • ויק׳ 23:21
    81%

    21וקראתם בעצם היום הזה מקרא קדש יהיה לכם כל מלאכת עבדה לא תעשו חקת עולם בכל מושבתיכם לדרתיכם׃

  • במ׳ 29:7-8
    2 פסוקים
    80%

    7ובעשור לחדש השביעי הזה מקרא קדש יהיה לכם ועניתם את נפשתיכם כל מלאכה לא תעשו׃

    8והקרבתם עלה ליהוה ריח ניחח פר בן בקר אחד איל אחד כבשים בני שנה שבעה תמימם יהיו לכם׃

  • דה״ב 7:9
    77%

    9ויעשו ביום השמיני עצרת כי חנכת המזבח עשו שבעת ימים והחג שבעת ימים׃

  • ויק׳ 23:31-32
    2 פסוקים
    77%

    31כל מלאכה לא תעשו חקת עולם לדרתיכם בכל משבתיכם׃

    32שבת שבתון הוא לכם ועניתם את נפשתיכם בתשעה לחדש בערב מערב עד ערב תשבתו שבתכם׃

  • ויק׳ 8:33
    77%

    33ומפתח אהל מועד לא תצאו שבעת ימים עד יום מלאת ימי מלאיכם כי שבעת ימים ימלא את ידכם׃

  • שמ׳ 13:6
    76%

    6שבעת ימים תאכל מצת וביום השביעי חג ליהוה׃

  • שמ׳ 35:2-3
    2 פסוקים
    76%

    2ששת ימים תעשה מלאכה וביום השביעי יהיה לכם קדש שבת שבתון ליהוה כל העשה בו מלאכה יומת׃

    3לא תבערו אש בכל משבתיכם ביום השבת׃

  • במ׳ 29:1-2
    2 פסוקים
    76%

    1¶ ובחדש השביעי באחד לחדש מקרא קדש יהיה לכם כל מלאכת עבדה לא תעשו יום תרועה יהיה לכם׃

    2ועשיתם עלה לריח ניחח ליהוה פר בן בקר אחד איל אחד כבשים בני שנה שבעה תמימם׃

  • ויק׳ 23:15-16
    2 פסוקים
    75%

    15וספרתם לכם ממחרת השבת מיום הביאכם את עמר התנופה שבע שבתות תמימת תהיינה׃

    16עד ממחרת השבת השביעת תספרו חמשים יום והקרבתם מנחה חדשה ליהוה׃

  • ויק׳ 16:29
    74%

    29והיתה לכם לחקת עולם בחדש השביעי בעשור לחדש תענו את נפשתיכם וכל מלאכה לא תעשו האזרח והגר הגר בתוככם׃

  • שמ׳ 16:26
    74%

    26ששת ימים תלקטהו וביום השביעי שבת לא יהיה בו׃

  • יח׳ 43:26-27
    2 פסוקים
    74%

    26שבעת ימים יכפרו את המזבח וטהרו אתו ומלאו ידו׃

    27ויכלו את הימים והיה ביום השמיני והלאה יעשו הכהנים על המזבח את עולותיכם ואת שלמיכם ורצאתי אתכם נאם אדני יהוה׃

  • דב׳ 16:15
    73%

    15שבעת ימים תחג ליהוה אלהיך במקום אשר יבחר יהוה כי יברכך יהוה אלהיך בכל תבואתך ובכל מעשה ידיך והיית אך שמח׃

  • שמ׳ 31:15
    73%

    15ששת ימים יעשה מלאכה וביום השביעי שבת שבתון קדש ליהוה כל העשה מלאכה ביום השבת מות יומת׃

  • שמ׳ 34:21
    73%

    21ששת ימים תעבד וביום השביעי תשבת בחריש ובקציר תשבת׃

  • דה״א 23:31
    73%

    31ולכל העלות עלות ליהוה לשבתות לחדשים ולמעדים במספר כמשפט עליהם תמיד לפני יהוה׃

  • ויק׳ 23:18
    73%

    18והקרבתם על הלחם שבעת כבשים תמימם בני שנה ופר בן בקר אחד ואילם שנים יהיו עלה ליהוה ומנחתם ונסכיהם אשה ריח ניחח ליהוה׃

  • שמ׳ 29:35
    73%

    35ועשית לאהרן ולבניו ככה ככל אשר צויתי אתכה שבעת ימים תמלא ידם׃