לוקס 8:31

תנ ך עברי מודרני

ויתחנן לו לבלתי צות אתם לרדת אל התהום׃

משאבים נוספים

פסוקים מקושרים

  • התגל׳ 9:1-2 : 1 ¶ והמלאך החמישי תקע בשופר וארא כוכב נפל מן השמים לארץ וינתן לו מפתח באר התהום׃ 2 ויפתח את באר התהום ויעל עשן מן הבאר כעשן כבשן גדול ויחשך השמש והרקיע מקיטר הבאר׃
  • התגל׳ 9:11 : 11 ומלאך התהום הוא מלך עליהם ושמו אבדון בעברית והוא אפוליון בלשון יון׃
  • התגל׳ 11:7 : 7 ואחרי השלימם עדותם החיה העלה מן התהום תעשה עמהם מלחמה ותוכל להם והרגתם׃
  • התגל׳ 17:8 : 8 החיה אשר ראיתה היתה ואיננה ועתידה לעלות מן התהום וללכת לאבדון וישבי הארץ אשר שמם איננו נכתב בספר החיים מיום הוסד תבל ישתוממו בראתם את החיה אשר היתה ואיננה ותבוא׃
  • התגל׳ 19:20 : 20 ותתפש החיה ונביא השקר אתה אשר עשה האותות לפניה אשר הדיח בהן את נשאי תו החיה והמשתחוים לצלמה וחיים השלכו שניהם באגם האש הבער בגפרית׃
  • התגל׳ 20:1-3 : 1 ¶ וארא מלאך יורד מן השמים ובידו מפתח התהום וכבל גדול׃ 2 ויתפש את התנין את הנחש הקדמוני הוא המלשין והוא השטן ויאסרהו לאלף שנים׃ 3 וישליכהו בתהום ויסגר בעדו ויחתם עליו למען לא ידיח עוד את הגוים עד כלות אלף השנים ואחרי כן יתר לזמן מצער׃
  • התגל׳ 20:14-15 : 14 והמות והשאול השלכו באגם האש והוא המות השני׃ 15 וכל איש אשר לא נמצא כתוב בספר החיים השלך באגם האש׃
  • איוב 1:11 : 11 ואולם שלח נא ידך וגע בכל אשר לו אם לא על פניך יברכך׃
  • איוב 2:5 : 5 אולם שלח נא ידך וגע אל עצמו ואל בשרו אם לא אל פניך יברכך׃
  • מתי 25:41 : 41 ואז יאמר גם אל הנצבים לשמאלו לכו מעלי אתם הארורים אל אש עולם המוכנה לשטן ולמלאכיו׃
  • לוק 8:28 : 28 וירא את ישוע ויפל לפניו ויקרא בקול גדול מה לי ולך ישוע בן אל עליון מבקש אני ממך אשר לא תענני׃
  • פיל 2:10-11 : 10 למען אשר בשם ישוע תכרע כל ברך אשר בשמים ובארץ ומתחת לארץ׃ 11 וכל לשון תודה כי אדון הוא ישוע המשיח לכבוד אלהים האב׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 8:27-34
    8 פסוקים
    87%

    27ויתמהו האנשים ויאמרו מי אפוא הוא אמר גם הרוחות והים לו ישמעון׃

    28ויהי כבאו אל עבר הים אל ארץ הגרגשים ויפגשוהו שני אנשים אחוזי שדים יצאים מבתי הקברות והמה רגונים מאד עד אשר לא יכל איש לעבר בדרך ההוא׃

    29והנה הם צעקים לאמר מה לנו ולך ישוע בן האלהים הבאת הלם לענותנו בלא עתנו׃

    30ועדר חזירים רבים היה שם במרעה הרחק מהם׃

    31ויתחננו אליו השדים לאמר אם תגרשנו שלחנו בעדר החזירים׃

    32ויאמר אליהם לכו לכם ויצאו ויבאו בעדר החזירים והנה השתער כל עדר החזירים מן המורד על הים וימותו במים׃

    33וינוסו הרעים ויבאו העירה ויגידו את הכל ואת אשר נעשה לאחוזי השדים׃

    34והנה כל העיר יצאה לקראת ישוע וכראותם אתו ויבקשו ממנו לעבר מגבולם׃

  • לוק 8:32-38
    7 פסוקים
    86%

    32ויהי שם עדר חזירים רבים על המרעה בהר ויתחננו לו כי יניח להם לבוא אל תוכם וינח להם׃

    33ויצאו השדים מן האדם ההוא ויבאו בחזירים וישתער העדר מן המורד אל הים ויטבע׃

    34וינוסו הרעים כראותם את אשר נעשה ויגידו הדבר בעיר ובכפרים׃

    35ויצאו לראת את אשר נעשה ויבאו אל ישוע וימצאו שם את האדם אשר יצאו ממנו השדים ישב לרגלי ישוע מלבש וטוב שכל וייראו׃

    36ויספרו להם הראים איך נרפא אחוז השדים׃

    37ויבקשו ממנו כל המון חבל הגדריים ללכת מאתם כי אימה גדולה נפלה עליהם וירד אל האניה וישב׃

    38ויבקש ממנו האיש אשר יצאו ממנו השדים לשבת אתו וישלח אתו ישוע באמרו׃

  • מרק 5:7-19
    13 פסוקים
    86%

    7ויצעק בקול גדול ויאמר מה לי ולך ישוע בן אל עליון באלהים אני משביעך אשר לא תענני׃

    8כי הוא אמר אליו צא רוח טמא מן האדם הזה׃

    9וישאל אתו מה שמך ויען ויאמר לגיון שמי כי רבים אנחנו׃

    10ויתחנן אליו מאד לבלתי שלחם אל מחוץ לארץ׃

    11ועדר חזירים רבים היה שם במרעה ההרים׃

    12ויתחננו לו כל השדים לאמר שלחנו אל החזירים ונבאה אל תוכם׃

    13וינח להם ויצאו רוחות הטמאה ויבאו בחזירים וישתער העדר מן המורד אל הים כאלפים במספר ויטבעו בים׃

    14וינוסו רעי החזירים ויגידו זאת בעיר ובשדות ויצאו לראות מה נהיתה׃

    15ויבאו אל ישוע ויראו את אחוז השדים אשר הלגיון בו והוא יושב מלבש וטוב שכל וייראו׃

    16ויספרו להם הראים את אשר נעשה לאחוז השדים ואת דבר החזירים׃

    17ויחלו להתחנן לו לסור מגבוליהם׃

    18ויהי ברדתו אל האניה התחנן אליו האיש אשר היה אחוז שדים לתתו לשבת עמו׃

    19ולא הניח לו כי אם אמר אליו שוב לביתך אל בני משפחתך והגד להם את הגדלות אשר עשה לך יהוה ויחנך׃

  • לוק 8:26-30
    5 פסוקים
    83%

    26ויעברו ויבאו אל ארץ הגדריים אשר ממול הגליל׃

    27ויצא אל היבשה ויפגשהו איש מן העיר אשר שדים בו מימים רבים ובגד לא לבש ובבית לא ישב כי אם בקברים׃

    28וירא את ישוע ויפל לפניו ויקרא בקול גדול מה לי ולך ישוע בן אל עליון מבקש אני ממך אשר לא תענני׃

    29כי צוה את הרוח הטמא לצאת מן האיש כי ימים רבים חטף אתו ונאסר בזיקים ונשמר בכבלים והיה בנתקו את המוסרות ונדחף ביד השד אל המדברות׃

    30וישאל אתו ישוע לאמר מה שמך ויאמר לגיון שמי כי שדים רבים נכנסו בו׃

  • מרק 1:23-26
    4 פסוקים
    75%

    23ואיש היה בבית כנסתם אשר רוח טמאה בו ויצעק לאמר׃

    24אהה מה לנו ולך ישוע הנצרי באת להאבידנו ידעתי מי אתה קדוש האלהים׃

    25ויגער בו ישוע לאמר האלם וצא ממנו׃

    26ויסחבהו רוח הטמאה ויצעק בקול גדול ויצא ממנו׃

  • לוק 9:40
    75%

    40ואבקש מתלמידיך לגרשו ולא יכלו׃

  • מרק 5:1-4
    4 פסוקים
    74%

    1¶ ויבאו אל עבר הים אל ארץ הגדרים׃

    2והוא יצא מן האניה והנה איש בא לקראתו מבין הקברים אשר רוח טמאה בו׃

    3ומושבו בקברים וגם בעבתים לא יכל איש לאסרו׃

    4כי פעמים הרבה אסרוהו בכבלים ובעבתים וינתק את העבתים וישבר את הכבלים ואין איש יכל לכבשו׃

  • לוק 4:34-36
    3 פסוקים
    73%

    34אתה מה לנו ולך ישוע הנצרי באת להאבידנו ידעתיך מי אתה קדוש האלהים׃

    35ויגער בו ישוע לאמר האלם וצא ממנו ויפילהו השד בתוכם ויצא ממנו לא הרע לו׃

    36ותפל אימה על כלם וידברו איש אל רעהו לאמר מה הדבר הזה כי בשלטן ובגבורה מצוה לרוחות הטמאה והמה יצאים׃

  • מתי 8:18
    73%

    18ויהי כראות ישוע המון עם רב סביבתיו ויצו לעבר משם אל עבר הים׃

  • מרק 3:11-12
    2 פסוקים
    73%

    11והרוחות הטמאות כראותן אתו נפלו לפניו ותצעקנה לאמר אתה הוא בן אלהים׃

    12ויגער בהן מאד אשר לא תגלינה אותו׃

  • לוק 4:41
    73%

    41וגם שדים יצאו מרבים צעקים ואמרים אתה הוא המשיח בן האלהים ויגער בם ולא נתנם לדבר כי ידעו אשר הוא המשיח׃

  • מרק 9:25
    72%

    25וירא ישוע את העם מתקבץ אליו ויגער ברוח הטמא לאמר רוח אלם וחרש אני מצוך צא ממנו ואל תסף לבוא בו עוד׃