לוקס 8:51

תנ ך עברי מודרני

ויבא הביתה ולא הניח לאיש לבוא אתו בלתי אם לפטרוס וליעקב וליוחנן ולאבי הילדה ולאמה׃

משאבים נוספים

פסוקים מקושרים

  • מל״א 17:19-23 : 19 ויאמר אליה תני לי את בנך ויקחהו מחיקה ויעלהו אל העליה אשר הוא ישב שם וישכבהו על מטתו׃ 20 ויקרא אל יהוה ויאמר יהוה אלהי הגם על האלמנה אשר אני מתגורר עמה הרעות להמית את בנה׃ 21 ויתמדד על הילד שלש פעמים ויקרא אל יהוה ויאמר יהוה אלהי תשב נא נפש הילד הזה על קרבו׃ 22 וישמע יהוה בקול אליהו ותשב נפש הילד על קרבו ויחי׃ 23 ויקח אליהו את הילד וירדהו מן העליה הביתה ויתנהו לאמו ויאמר אליהו ראי חי בנך׃
  • מל״ב 4:4-6 : 4 ובאת וסגרת הדלת בעדך ובעד בניך ויצקת על כל הכלים האלה והמלא תסיעי׃ 5 ותלך מאתו ותסגר הדלת בעדה ובעד בניה הם מגשים אליה והיא מיצקת׃ 6 ויהי כמלאת הכלים ותאמר אל בנה הגישה אלי עוד כלי ויאמר אליה אין עוד כלי ויעמד השמן׃
  • יש׳ 42:2 : 2 לא יצעק ולא ישא ולא ישמיע בחוץ קולו׃
  • מתי 6:5-6 : 5 וכי תתפלל אל תהי כחנפים האהבים להתפלל בעמדם בבתי הכנסיות ואצל פנות השוקים למען יראו לבני אדם אמן אמר אני לכם כי לקחו את שכרם׃ 6 ואתה כי תתפלל בוא בחדרך וסגר דלתך בעדך והתפלל אל אביך אשר בסתר ואביך הראה במסתרים הוא בגלוי יגמלך׃
  • מרק 14:33 : 33 ויקח אתו את פטרוס ואת יעקב ואת יוחנן ויחל להשמים ולמוג׃
  • לוק 9:28 : 28 ויהי כשמנה ימים אחרי הדברים האלה ויקח אליו את פטרוס ואת יוחנן ואת יעקב ויעל אל ההר להתפלל שם׃
  • מע״ש 9:40 : 40 ויוצא פטרוס את כלם החוצה ויכרע על ברכיו ויתפלל ויפן אל גויתה ויאמר טביתא קומי ותפתח את עיניה ותרא את פטרוס ותתעודד׃
  • לוק 6:14 : 14 את שמעון אשר גם קראו פטרוס ואת אנדרי אחיו את יעקב ואת יוחנן את פילפוס ואת בר תלמי׃
  • מרק 5:37-40 : 37 ולא הניח לאיש ללכת אתו בלתי אם לפטרוס וליעקב וליוחנן אחי יעקב׃ 38 ויבא בית ראש הכנסת וירא המון הבכים והמיללים הרבה׃ 39 ובבאו אמר אליהם מה תהמו ותבכו הנערה לא מתה אך ישנה היא׃ 40 וישחקו לו והוא גרש את כלם ויקח את אבי הנערה ואת אמה ואת אשר אתו ויבא החדרה אשר שם שכבת הנערה׃
  • מל״ב 4:34-36 : 34 ויעל וישכב על הילד וישם פיו על פיו ועיניו על עיניו וכפיו על כפו ויגהר עליו ויחם בשר הילד׃ 35 וישב וילך בבית אחת הנה ואחת הנה ויעל ויגהר עליו ויזורר הנער עד שבע פעמים ויפקח הנער את עיניו׃ 36 ויקרא אל גיחזי ויאמר קרא אל השנמית הזאת ויקראה ותבוא אליו ויאמר שאי בנך׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מרק 5:35-43
    9 פסוקים
    83%

    35עודנו מדבר והנה באים מבית ראש הכנסת לאמר בתך מתה למה תטריח עוד את המורה׃

    36וכשמע ישוע את הדבר אשר דברו ויאמר אל ראש הכנסת אל תירא רק האמינה׃

    37ולא הניח לאיש ללכת אתו בלתי אם לפטרוס וליעקב וליוחנן אחי יעקב׃

    38ויבא בית ראש הכנסת וירא המון הבכים והמיללים הרבה׃

    39ובבאו אמר אליהם מה תהמו ותבכו הנערה לא מתה אך ישנה היא׃

    40וישחקו לו והוא גרש את כלם ויקח את אבי הנערה ואת אמה ואת אשר אתו ויבא החדרה אשר שם שכבת הנערה׃

    41ויאחז ביד הנערה ויאמר אליה טליתא קומי אשר פרושו הילדה אני אמר לך קומי נא׃

    42ומיד קמה הילדה ותתהלך והיא בת שתים עשרה שנה וישמו שמה גדולה׃

    43ויזהר אותם מאד שלא יודע הדבר לאיש ויאמר לתת לה לאכול׃

  • לוק 8:52-56
    5 פסוקים
    81%

    52וכלם בכים וספדים לה ויאמר אל תבכו כי לא מתה אך ישנה היא׃

    53וישחקו עליו באשר ידעו כי מתה׃

    54והוא אחז בידה ויקרא לאמר הילדה קומי׃

    55ותשב רוחה ותקם פתאם ויצו לתת לה לאכול׃

    56וישתוממו אביה ואמה והוא צוה אתם לבלתי הגיד לאיש את אשר נעשה׃

  • מתי 9:23-26
    4 פסוקים
    79%

    23ויבא ישוע אל בית השר וירא את המחללים בחלילים ואת העם ההומה ויאמר׃

    24סורו מפה כי לא מתה הילדה אך ישנה היא וישחקו לו׃

    25ויהי אחרי גרש העם ויבא הביתה ויאחז בידה ותקם הנערה׃

    26ותצא השמועה הזאת בכל הארץ ההיא׃

  • לוק 8:41-43
    3 פסוקים
    79%

    41והנה בא איש ושמו יאיר והוא ראש בית הכנסת ויפל לרגלי ישוע ויתחנן לו לבוא אתו אל ביתו׃

    42כי בת יחידה כשתים עשרה שנה היתה לו והיא נוטה למות ויהי בלכתו שמה וידחקהו המון העם׃

    43ואשה זבת דם שתים עשרה שנה אשר הוציאה כל קנינה לרפאים ואין איש יכל לרפאתה׃

  • לוק 8:49-50
    2 פסוקים
    78%

    49עודנו מדבר ואיש בא מבית ראש הכנסת ויאמר מתה בתך אל תטריח את המורה׃

    50וישמע ישוע ויען ויאמר לו אל תירא אך האמן והיא תושע׃

  • מתי 8:14-15
    2 פסוקים
    76%

    14ויבא ישוע ביתה פטרוס וירא את חמותו נפלת למשכב כי אחזתה הקדחת׃

    15ויגע בידה ותרף ממנה הקדחת ותקם ותשרתם׃

  • מתי 9:18
    75%

    18ויהי הוא מדבר אליהם את אלה והנה אחד השרים בא וישתחו לו ויאמר עתה זה מתה בתי בא נא ושים את ידך עליה ותחיה׃

  • מרק 5:23-24
    2 פסוקים
    75%

    23ויתחנן אליו מאד לאמר בתי הקטנה חלתה עד למות אנא בוא נא ושים ידיך עליה למען תרפא ותחיה׃

    24וילך אתו וילכו אחריו המון רב וידחקהו׃

  • מרק 1:29-31
    3 פסוקים
    74%

    29ויהי אחרי צאתם מבית הכנסת ויבאו ביתה שמעון ואנדרי המה ויעקב ויוחנן עמם׃

    30וחמות שמעון שכבה אחוזת הקדחת וימהרו לדבר אליו עליה׃

    31ויגש ויאחז בידה ויקימה ותרף ממנה הקדחת פתאם ותשרת אותם׃

  • מרק 9:8
    74%

    8והמה הביטו כה וכה פתאם ולא ראו עוד איש בלתי את ישוע לבדו אתם׃

  • לוק 4:38
    73%

    38ויקם מבית הכנסת ויבא ביתה שמעון וחמות שמעון אחזתה קדחת חזקה וישאלהו בעדה׃

  • מתי 17:8
    73%

    8וישאו עיניהם ולא ראו איש בלתי את ישוע לבדו׃

  • מרק 9:27-28
    2 פסוקים
    73%

    27ויחזק ישוע בידו ויניעהו ויקם׃

    28ויהי כאשר בא הביתה וישאלהו תלמידיו בהיותם לבדם אתו מדוע אנחנו לא יכלנו לגרשו׃

  • מרק 5:19
    73%

    19ולא הניח לו כי אם אמר אליו שוב לביתך אל בני משפחתך והגד להם את הגדלות אשר עשה לך יהוה ויחנך׃

  • מרק 8:26
    72%

    26וישלחהו אל ביתו לאמר אל תבא בתוך הכפר ואל תדבר לאיש בכפר׃

  • לוק 7:11-15
    5 פסוקים
    72%

    11ויהי ממחרת וילך אל עיר ושמה נעים ורבים מתלמידיו הלכים אתו והמון עם רב׃

    12הוא קרב אל שער העיר והנה מוציאים מת בן יחיד לאמו והיא אלמנה ועמה רבים מעם העיר׃

    13וכראות אתה האדון נכמרו רחמיו עליה ויאמר לה אל תבכי׃

    14ויגש ויגע בארון והנשאים עמדו ויאמר עלם אמר אני אליך קומה׃

    15ויתעודד המת ויחל לדבר ויתנהו לאמו׃

  • יוח 11:31
    71%

    31והיהודים אשר באו אל ביתה לנחמה כראותם את מרים כי קמה פתאם ותצא הלכו אחריה באמרם כי הלכה לה אל הקבר לבכות שמה׃

  • מתי 8:5
    71%

    5ויהי כבאו אל כפר נחום ויגש אליו שר מאה אחד ויתחנן לו לאמר׃

  • מרק 7:30
    71%

    30ותבא אל ביתה ותמצא את הילדה משכבת על חמטה והשד יצא ממנה׃

  • מתי 15:23
    71%

    23והוא לא ענה אתה דבר ויגשו תלמידיו ויבקשו ממנו לאמר שלחה כי צעקת היא אחרינו׃

  • מרק 7:24-25
    2 פסוקים
    71%

    24ויקם משם וילך לו אל גבולות צור וצידון ובבואו הביתה לא אבה כי יודע לאיש ולא יכל להסתר׃

    25כי אשה אשר רוח טמאה נכנסה בבתה הקטנה שמעה את שמעו ותבא ותפל לרגליו׃

  • מתי 8:21
    71%

    21ואחר מן התלמידים אמר אליו אדני הניחה לי בראשונה ללכת ולקבר את אבי׃