מתי 14:6

תנ ך עברי מודרני

ויהי ביום הלדת הורדוס ותרקד בת הורודיה בתוכם ותיטב בעיני הורדוס׃

משאבים נוספים

פסוקים מקושרים

  • בר׳ 40:20 : 20 ויהי ביום השלישי יום הלדת את פרעה ויעש משתה לכל עבדיו וישא את ראש שר המשקים ואת ראש שר האפים בתוך עבדיו׃
  • מרק 6:21-23 : 21 ויבא היום המכשר כי הורדוס ביום הלדת אתו עשה משתה לגדוליו ולשרי האלפים ולראשי הגליל׃ 22 ותבא בת הורודיה ותרקד ותיטב בעיני הורדוס ובעיני המסבים עמו ויאמר המלך אל הנערה שאלי ממני את אשר תחפצי ואתן לך׃ 23 וישבע לה לאמר כל אשר תשאלי ממני אתן לך עד חצי מלכותי׃
  • לוק 3:19 : 19 והורדוס שר רבע המדינה אשר הוכח על ידו על אדות הורודיה אשת אחיו פילפוס ועל אדות כל הרע אשר עשה הורדוס׃
  • אס׳ 1:2-9 : 2 בימים ההם כשבת המלך אחשורוש על כסא מלכותו אשר בשושן הבירה׃ 3 בשנת שלוש למלכו עשה משתה לכל שריו ועבדיו חיל פרס ומדי הפרתמים ושרי המדינות לפניו׃ 4 בהראתו את עשר כבוד מלכותו ואת יקר תפארת גדולתו ימים רבים שמונים ומאת יום׃ 5 ובמלואת הימים האלה עשה המלך לכל העם הנמצאים בשושן הבירה למגדול ועד קטן משתה שבעת ימים בחצר גנת ביתן המלך׃ 6 חור כרפס ותכלת אחוז בחבלי בוץ וארגמן על גלילי כסף ועמודי שש מטות זהב וכסף על רצפת בהט ושש ודר וסחרת׃ 7 והשקות בכלי זהב וכלים מכלים שונים ויין מלכות רב כיד המלך׃ 8 והשתיה כדת אין אנס כי כן יסד המלך על כל רב ביתו לעשות כרצון איש ואיש׃ 9 גם ושתי המלכה עשתה משתה נשים בית המלכות אשר למלך אחשורוש׃ 10 ביום השביעי כטוב לב המלך ביין אמר למהומן בזתא חרבונא בגתא ואבגתא זתר וכרכס שבעת הסריסים המשרתים את פני המלך אחשורוש׃ 11 להביא את ושתי המלכה לפני המלך בכתר מלכות להראות העמים והשרים את יפיה כי טובת מראה היא׃ 12 ותמאן המלכה ושתי לבוא בדבר המלך אשר ביד הסריסים ויקצף המלך מאד וחמתו בערה בו׃
  • אס׳ 2:18 : 18 ויעש המלך משתה גדול לכל שריו ועבדיו את משתה אסתר והנחה למדינות עשה ויתן משאת כיד המלך׃
  • דנ׳ 5:1-4 : 1 ¶ בלשאצר מלכא עבד לחם רב לרברבנוהי אלף ולקבל אלפא חמרא שתה׃ 2 בלשאצר אמר בטעם חמרא להיתיה למאני דהבא וכספא די הנפק נבוכדנצר אבוהי מן היכלא די בירושלם וישתון בהון מלכא ורברבנוהי שגלתה ולחנתה׃ 3 באדין היתיו מאני דהבא די הנפקו מן היכלא די בית אלהא די בירושלם ואשתיו בהון מלכא ורברבנוהי שגלתה ולחנתה׃ 4 אשתיו חמרא ושבחו לאלהי דהבא וכספא נחשא פרזלא אעא ואבנא׃
  • הוש׳ 1:5-6 : 5 והיה ביום ההוא ושברתי את קשת ישראל בעמק יזרעאל׃ 6 ותהר עוד ותלד בת ויאמר לו קרא שמה לא רחמה כי לא אוסיף עוד ארחם את בית ישראל כי נשא אשא להם׃
  • מתי 22:24 : 24 רבי הן משה אמר איש כי ימות ובנים אין לו אחיו ייבם את אשתו והקים זרע לאחיו׃
  • מרק 6:17 : 17 כי הוא הורודס שלח לתפש את יוחנן ויאסרהו בבית הסהר בגלל הורודיה אשת פילפוס אחיו כי אתה לקח לו לאשה׃
  • מרק 6:19 : 19 ותשטם אותו הורודיה ותבקש המיתו ולא יכלה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מרק 6:16-28
    13 פסוקים
    90%

    16וישמע הורדוס ויאמר יוחנן אשר אנכי נשאתי את ראשו מעליו הוא קם מן המתים׃

    17כי הוא הורודס שלח לתפש את יוחנן ויאסרהו בבית הסהר בגלל הורודיה אשת פילפוס אחיו כי אתה לקח לו לאשה׃

    18יען אשר אמר יוחנן אל הורדוס אשת אחיך איננה מתרת לך׃

    19ותשטם אותו הורודיה ותבקש המיתו ולא יכלה׃

    20כי הורדוס ירא את יוחנן בדעתו כי הוא איש צדיק וקדוש ויגן בעדו והרבה עשה בשמעו אליו ויאהב לשמע אתו׃

    21ויבא היום המכשר כי הורדוס ביום הלדת אתו עשה משתה לגדוליו ולשרי האלפים ולראשי הגליל׃

    22ותבא בת הורודיה ותרקד ותיטב בעיני הורדוס ובעיני המסבים עמו ויאמר המלך אל הנערה שאלי ממני את אשר תחפצי ואתן לך׃

    23וישבע לה לאמר כל אשר תשאלי ממני אתן לך עד חצי מלכותי׃

    24ותצא ותאמר לאמה מה אשאל ותאמר את ראש יוחנן המטביל׃

    25ותמהר מאד לבוא אל המלך ותשאל לאמר רצוני אשר תתן לי עתה בקערה את ראש יוחנן המטביל׃

    26ויתעצב המלך מאד אך בעבור השבועה והמסבים עמו לא רצה להשיב פניה׃

    27ומיד שלח המלך אחד הטבחים ויצוהו להביא את ראשו׃

    28וילך ויכרת את ראשו בבית הסהר ויביאהו בקערה ויתנהו לנערה והנערה נתנה אתו אל אמה׃

  • מתי 14:7-11
    5 פסוקים
    81%

    7וישבע לה ויאמר מה תשאל נפשך ואתן לך׃

    8ואמה שמה את הדברים בפיה ותשאל לאמר תנה לי פה בקערה את ראש יוחנן המטביל׃

    9ויעצב המלך אך בעבור השבועה והמסבים עמו צוה לתת לה׃

    10וישלח וישא את ראש יוחנן מעליו בבית הסהר׃

    11ויביאו את ראשו בקערה ויתנו לנערה ותביאהו אל אמה׃

  • מתי 14:1-5
    5 פסוקים
    79%

    1¶ בעת ההיא שמע הורדוס שר רבע המדינה את שמע ישוע׃

    2ויאמר אל נעריו זה הוא יוחנן המטביל והוא קם מן המתים על כן הגבורות פעלות בו׃

    3כי הורדוס תפש את יוחנן ויאסרהו וישימהו בבית הסהר בגלל הורודיה אשת פילפוס אחיו׃

    4כי יוחנן אמר אליו לא נכון היתה לך לאשה׃

    5ויבקש המיתו אך ירא את ההמון כי לנביא חשבו אתו׃

  • לוק 3:19-20
    2 פסוקים
    75%

    19והורדוס שר רבע המדינה אשר הוכח על ידו על אדות הורודיה אשת אחיו פילפוס ועל אדות כל הרע אשר עשה הורדוס׃

    20הוסיף על כל אלה גם את זאת ויסגר את יוחנן במשמר׃

  • מרק 6:14
    71%

    14וישמע עליו המלך הורדוס כי נודע שמו ויאמר יוחנן הטובל קם מן המתים ועל כן פעלות בו הגבורות׃

  • מע״ש 12:1-2
    2 פסוקים
    70%

    1¶ בעת ההיא שלח המלך הורדוס את ידו להרע לאנשים מן הקהל׃

    2וימת את יעקב אחי יוחנן בחרב׃

  • לוק 23:7-9
    3 פסוקים
    70%

    7וכאשר ידע כי מממשלת הורדוס הוא שלחו אל הורדוס אשר היה גם הוא בירושלים בימים האלה׃

    8וישמח הורדוס עד מאד כראותו את ישוע כי מימים רבים אוה לראת אתו על כי שמע את שמעו ויקו לראת אות אשר יעשה׃

    9וירב לשאל אותו והוא לא השיב אתו דבר׃

  • לוק 9:9
    70%

    9ויאמר הורדוס הן אנכי נשאתי את ראש יוחנן מעליו ומי אפוא הוא אשר אני שמע עליו כזאת ויבקש לראותו׃

  • מע״ש 12:19-21
    3 פסוקים
    69%

    19ויהי כאשר בקש אותו הורדוס ולא מצאו חקר את השמרים ויצו להוציאם למות וירד מיהודה אל קסרין וישב שם׃

    20ואיבה היתה בין הורדוס ובין בני צור וצידון ויבאו אליו בלב אחד ויפתו את בלסטוס אשר על חדר המלך ויבקשו שלום יען לקחו מחית ארצותם מארץ המלך׃

    21ויהי ביום המועד וילבש הורדוס לבוש מלכות וישב על כסא המשפט ויטף אליהם אמרתו׃

  • לוק 9:7
    69%

    7וישמע הורדוס שר הרבע את כל אשר נעשה על ידו ותפעם רוחו כי יש אשר אמרו יוחנן קם מן המתים׃

  • מתי 2:3
    68%

    3ויהי כשמע הורדוס המלך את דבריהם ויבהל הוא וכל ירושלים עמו׃

  • מתי 2:16
    66%

    16וירא הורדוס כי התלו בו המגושים ויקצף מאד וישלח וימת את כל הילדים אשר בבית לחם ובכל גבוליה מבן שנתים ולמטה כפי העת אשר חקרה מפי המגושים׃

  • לוק 13:31
    66%

    31ביום ההוא נגשו מן הפרושים ויאמרו אליו צא ולך מזה כי הורדוס מבקש להרגך׃

  • מתי 2:7
    66%

    7אז קרא הורדוס למגושים בסתר ויחקר אתם לדעת עת הראות הכוכב׃

  • מתי 4:12
    65%

    12ויהי כשמעו כי הסגירו את יוחנן וילך לו ארץ הגליל׃

  • מרק 15:6
    65%

    6ובכל חג היה דרכו לפטר להם אסיר אחד את אשר יבקשו׃

  • שמ״ב 6:14
    64%

    14ודוד מכרכר בכל עז לפני יהוה ודוד חגור אפוד בד׃

  • לוק 3:1
    64%

    1¶ בשנת חמש עשרה למלכות הקיסר טיבריוס בהיות פונטיוס פילטוס הגמון ביהודה והורדוס שר רבע על הגליל ואחיו פילפוס שר רבע על מדינות יטור וטרכונה ולוסניס שר רבע על אבילין׃

  • לוק 1:14
    64%

    14והיה לך לשמחה וגיל ורבים ישמחו בהולדו׃

  • יוח 4:1
    63%

    1¶ ויהי כאשר נודע לאדון כי שמעו הפרושים אשר ישוע העמיד והטביל תלמידים הרבה מיוחנן׃

  • לוק 23:15
    63%

    15וגם הורדוס לא מצא כי שלחתי אתכם אליו והנה אין בו חטא משפט מות׃

  • מע״ש 4:27
    63%

    27כי אמנם נוסדו הורדוס ופנטיוס פילטוס עם הגוים ולאמי ישראל על ישוע עבדך הקדוש אשר משחת׃

  • לוק 15:25
    63%

    25ובנו הגדול היה בשדה ויהי כאשר בא ויקרב אל הבית וישמע קול זמרה ומחלות׃

  • מתי 2:1
    63%

    1¶ ויהי כאשר נולד ישוע בבית לחם יהודה בימי הורדוס המלך ויבאו מגושים מארץ מזרח ירושלימה לאמר׃