מתי 25:20

תנ ך עברי מודרני

ויגש הלקח חמש הככרים ויבא חמש ככרים אחרות לאמר אדני חמש ככרים מסרת לי הנה חמש ככרים אחרות הרוחתי בהן׃

משאבים נוספים

פסוקים מקושרים

  • לוק 19:16-17 : 16 ויבא הראשון ויאמר אדני מנה שלך הביא עשרת מנים׃ 17 ויאמר אליו כן העבד הטוב תחת אשר היית נאמן במעט מזער היה שליט על עשר ערים׃
  • מע״ש 20:24 : 24 אבל לא אחוש לאחת מהנה וגם נפשי לא יקרה בעיני למען אשלים בשמחה את מרוצתי ואת השרות אשר קבלתי מאת האדון ישוע להעיד על בשורת חסד אליהם׃
  • קור״א 15:10 : 10 אבל בחסד אלהים הייתי מה שהייתי וחסדו עלי לא היה לריק כי יותר מכלם עבדתי ולא אני כי אם חסד אלהים אשר עמדי׃
  • קול 1:29 : 29 ובזאת אף אני עמל ונלחם כפי פעלת כחו הפעל בי בגבורה׃
  • טימ״ב 4:1-8 : 1 ¶ לכן אני מעיד בך נגד האלהים ונגד אדנינו ישוע המשיח הבא לשפט את החיים ואת המתים בהופעתו ובמלכותו׃ 2 הכרז את הדבר והתמד בין בעתו בין שלא בעתו הוכח וגער והזהר בכל ארך רוח והוראה׃ 3 כי בוא תבא העת אשר לא יכילו את הלקח הבריא כי אם כאות נפשם יקבצו להם מורים לשעשעי אזנים׃ 4 ויטו אזניהם מן האמת ויפנו אל ההגדות׃ 5 אבל אתה היה ער בכל סבל הרעות ועשה מלאכת המבשר ומלא את שרותך׃ 6 כי עתה זה אסך נסך ועת פטירתי הגיעה׃ 7 המלחמה הטובה נלחמתי את המרוצה השלמתי את האמונה שמרתי׃ 8 ומעתה שמור לי כתר הצדקה אשר ביום ההוא יתננו לי האדון השפט הצדיק ולא לי לבדי כי גם לכל אהבי הופעתו׃
  • יעק׳ 2:18 : 18 אך יאמר איש אתה יש לך אמונה ואני יש לי מעשים הראני נא את אמונתך מתוך מעשיך ואני אראך מתוך מעשי את אמוני׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 25:21-30
    10 פסוקים
    92%

    21ויאמר אליו אדניו כן העבד הטוב והנאמן כי במעט נאמן היית ועל הרבה אפקידך בוא אל שמחת אדניך׃

    22ויגש גם לקח הככרים ויאמר אדני ככרים מסרת לי הנה ככרים הרוחתי בהן׃

    23ויאמר אליו אדניו היטבת העבד הטוב והנאמן במזער נאמן היית ועל הרבה אפקידך בוא אל שמחת אדניך׃

    24ויגש גם הלקח את הככר האחת ויאמר אדני ידעתיך כי איש קשה אתה קצר באשר לא זרעת וכנס מאשר לא פזרת׃

    25ואירא ואלך ואטמן את ככרך באדמה ועתה הא לך את אשר לך׃

    26ויען אדניו ויאמר אליו העבד הרע והעצל אתה ידעת כי קצר אנכי באשר לא זרעתי וכנס מאשר לא פזרתי׃

    27לכן היה עליך לתת את כספי לשלחנים ואני בבואי הייתי לקח את אשר לי בתרבית׃

    28על כן שאו ממנו את הככר ותנו אל האיש אשר לו עשר הככרים׃

    29כי כל איש אשר יש לו ינתן לו ויעדיף והאיש אשר אין לו גם את אשר לו יקח ממנו׃

    30ואת עבד הבליעל השליכו אל החשך החיצון שם תהיה היללה וחרק השנים׃

  • מתי 25:14-19
    6 פסוקים
    90%

    14כי כמו איש נסע למרחוק אשר קרא אל עבדיו וימסר להם את רכושו׃

    15ויתן לזה חמש ככרים ולזה שתים ולזה אחת לכל איש ואיש כפי ערכו וימהר ויסע משם׃

    16וילך האיש הלקח חמש ככרים ויסחר בהן ויעש לו חמש ככרים אחרות׃

    17וכן הלקח שתים גם הוא הרויח שתים אחרות׃

    18אך לקח האחת הלך ויחפר באדמה ויטמן את כסף אדניו׃

    19ואחרי ימים רבים בא אדוני העבדים ההם ויעש חשבון עמהם׃

  • לוק 19:15-26
    12 פסוקים
    84%

    15ויהי אחרי קחתו את הממלכה וישב ויאמר לקרא את העבדים ההם אשר נתן להם את הכסף למען ידע מה הרויח כל אחד במסחרו׃

    16ויבא הראשון ויאמר אדני מנה שלך הביא עשרת מנים׃

    17ויאמר אליו כן העבד הטוב תחת אשר היית נאמן במעט מזער היה שליט על עשר ערים׃

    18ויבא השני ויאמר אדני מנה שלך עשה חמשת מנים׃

    19ויאמר גם לזה אף אתה היה על חמש ערים׃

    20ויבא האחר ויאמר הא לך מנה שלך אשר היה אצלי צרור בסודר׃

    21מפני יראתי אתך כי אתה איש קשה לקח את אשר לא הנחת וקצר את אשר לא זרעת׃

    22ויאמר אליו מפיך אשפטך העבד הרע אתה ידעת כי אני איש קשה לקח את אשר לא הנחתי וקוצר את אשר לא זרעתי׃

    23ולמה לא נתת את כספי לשלחני ואני בבואי הייתי תובע אותו במרבית׃

    24ויאמר אל העמדים שם שאו ממנו את המנה ותנוהו אל אשר לו עשרת המנים׃

    25ויאמרו אליו אדנינו יש לו עשרת מנים׃

    26הן אני אמר לכם כי כל איש שיש לו ינתן לו ואשר אין לו יקח ממנו גם את אשר לו׃

  • לוק 19:12-13
    2 פסוקים
    77%

    12על כן אמר איש אחד מן האדירים הלך אל ארץ רחוקה לקחת לו ממלכה ולשוב׃

    13ויקרא אל עשרה מעבדיו ויתן להם עשרה מנים ויאמר להם סחרו בהם עד באי׃

  • מתי 18:23-24
    2 פסוקים
    73%

    23על כן דומה מלכות השמים למלך בשר ודם אשר חפץ לעשות חשבון עם עבדיו׃

    24וכאשר החל לחשב הובא לפניו איש אשר חיב לו עשרת אלפים ככרי כסף׃

  • מתי 25:1-2
    2 פסוקים
    72%

    1¶ אז תדמה מלכות השמים לעשר עלמות אשר לקחו את נרותיהן ותצאנה לקראת החתן׃

    2חמש מהן היו חכמות וחמש כסילות׃

  • מתי 20:9-10
    2 פסוקים
    71%

    9ויבאו הנשכרים בשעת אחת עשרה ויקחו איש איש דינר אחד׃

    10ובבא הראשונים דמו בנפשם כי יקחו יותר ויקחו גם הם איש איש דינר אחד׃

  • מתי 24:45-47
    3 פסוקים
    71%

    45מי הוא אפוא העבד הנאמן והנבון אשר הפקידו אדניו על בני ביתו לתת להם את אכלם בעתו׃

    46אשרי העבד אשר אדניו בבואו ימצאהו עשה כן׃

    47אמן אמר אני לכם כי יפקידהו על כל אשר לו׃

  • לוק 16:5
    71%

    5ויקרא אל כל איש אשר נשה בהם אדניו וישאל את הראשון כמה אתה חיב לאדני׃

  • מרק 4:25
    71%

    25כי מי שיש לו נתון ינתן לו ומי שאין לו גם את אשר יש לו יקח ממנו׃

  • לוק 12:43-44
    2 פסוקים
    70%

    43אשרי העבד ההוא אשר בבא אדניו ימצאהו עשה כן׃

    44אמת אמר אני לכם כי על כל אשר יש לו יפקידהו׃

  • מתי 20:1-2
    2 פסוקים
    70%

    1¶ כי דומה מלכות השמים לאדם בעל בית אשר השכים לצאת בבקר לשכר פעלים לכרמו׃

    2והתנה עם הפעלים שכר דינר ליום וישלחם אל כרמו׃

  • לוק 16:2
    69%

    2ויקרא אתו ויאמר אליו מה זאת שמעתי עליך תן חשבון פקדתך כי לא תוכל להיות עוד פקיד׃

  • מתי 25:11
    69%

    11ואחרי כן באו גם שאר העלמות ותאמרנה אדנינו אדנינו פתח לנו׃

  • מתי 20:12
    68%

    12אלה האחרונים לא עשו כי אם שעה אחת ואתה השויתם אלינו אשר סבלנו את כבד היום ואת חמו׃

  • לוק 15:5
    68%

    5והיה כמצאו אתו ישימנו על כתפיו בשמחה׃

  • לוק 16:10
    68%

    10הנאמן במעט מזער נאמן גם בהרבה והמעול במעט מזער מעול גם בהרבה׃