במדבר 15:29

תנ ך עברי מודרני

האזרח בבני ישראל ולגר הגר בתוכם תורה אחת יהיה לכם לעשה בשגגה׃

משאבים נוספים

פסוקים מקושרים

  • במ׳ 15:15 : 15 הקהל חקה אחת לכם ולגר הגר חקת עולם לדרתיכם ככם כגר יהיה לפני יהוה׃
  • רומ 3:29-30 : 29 או האלהים רק אלהי היהודים הלא גם אלהי הגוים אכן גם אלהי הגוים הוא׃ 30 כי אחד האלהים המצדיק את המולים מתוך האמונה ואת הערלים על ידי האמונה׃
  • ויק׳ 16:29 : 29 והיתה לכם לחקת עולם בחדש השביעי בעשור לחדש תענו את נפשתיכם וכל מלאכה לא תעשו האזרח והגר הגר בתוככם׃
  • ויק׳ 17:15 : 15 וכל נפש אשר תאכל נבלה וטרפה באזרח ובגר וכבס בגדיו ורחץ במים וטמא עד הערב וטהר׃
  • במ׳ 9:14 : 14 וכי יגור אתכם גר ועשה פסח ליהוה כחקת הפסח וכמשפטו כן יעשה חקה אחת יהיה לכם ולגר ולאזרח הארץ׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • במ׳ 15:24-28
    5 פסוקים
    84%

    24והיה אם מעיני העדה נעשתה לשגגה ועשו כל העדה פר בן בקר אחד לעלה לריח ניחח ליהוה ומנחתו ונסכו כמשפט ושעיר עזים אחד לחטת׃

    25וכפר הכהן על כל עדת בני ישראל ונסלח להם כי שגגה הוא והם הביאו את קרבנם אשה ליהוה וחטאתם לפני יהוה על שגגתם׃

    26ונסלח לכל עדת בני ישראל ולגר הגר בתוכם כי לכל העם בשגגה׃

    27ואם נפש אחת תחטא בשגגה והקריבה עז בת שנתה לחטאת׃

    28וכפר הכהן על הנפש השגגת בחטאה בשגגה לפני יהוה לכפר עליו ונסלח לו׃

  • במ׳ 15:14-17
    4 פסוקים
    82%

    14וכי יגור אתכם גר או אשר בתוככם לדרתיכם ועשה אשה ריח ניחח ליהוה כאשר תעשו כן יעשה׃

    15הקהל חקה אחת לכם ולגר הגר חקת עולם לדרתיכם ככם כגר יהיה לפני יהוה׃

    16תורה אחת ומשפט אחד יהיה לכם ולגר הגר אתכם׃

    17וידבר יהוה אל משה לאמר׃

  • שמ׳ 12:48-49
    2 פסוקים
    81%

    48וכי יגור אתך גר ועשה פסח ליהוה המול לו כל זכר ואז יקרב לעשתו והיה כאזרח הארץ וכל ערל לא יאכל בו׃

    49תורה אחת יהיה לאזרח ולגר הגר בתוככם׃

  • ויק׳ 24:22
    80%

    22משפט אחד יהיה לכם כגר כאזרח יהיה כי אני יהוה אלהיכם׃

  • ויק׳ 4:27
    79%

    27ואם נפש אחת תחטא בשגגה מעם הארץ בעשתה אחת ממצות יהוה אשר לא תעשינה ואשם׃

  • במ׳ 9:13-14
    2 פסוקים
    79%

    13והאיש אשר הוא טהור ובדרך לא היה וחדל לעשות הפסח ונכרתה הנפש ההוא מעמיה כי קרבן יהוה לא הקריב במעדו חטאו ישא האיש ההוא׃

    14וכי יגור אתכם גר ועשה פסח ליהוה כחקת הפסח וכמשפטו כן יעשה חקה אחת יהיה לכם ולגר ולאזרח הארץ׃

  • ויק׳ 4:1-2
    2 פסוקים
    79%

    1¶ וידבר יהוה אל משה לאמר׃

    2דבר אל בני ישראל לאמר נפש כי תחטא בשגגה מכל מצות יהוה אשר לא תעשינה ועשה מאחת מהנה׃

  • במ׳ 15:30
    77%

    30והנפש אשר תעשה ביד רמה מן האזרח ומן הגר את יהוה הוא מגדף ונכרתה הנפש ההוא מקרב עמה׃

  • ויק׳ 5:13-19
    7 פסוקים
    76%

    13וכפר עליו הכהן על חטאתו אשר חטא מאחת מאלה ונסלח לו והיתה לכהן כמנחה׃

    14וידבר יהוה אל משה לאמר׃

    15נפש כי תמעל מעל וחטאה בשגגה מקדשי יהוה והביא את אשמו ליהוה איל תמים מן הצאן בערכך כסף שקלים בשקל הקדש לאשם׃

    16ואת אשר חטא מן הקדש ישלם ואת חמישתו יוסף עליו ונתן אתו לכהן והכהן יכפר עליו באיל האשם ונסלח לו׃

    17ואם נפש כי תחטא ועשתה אחת מכל מצות יהוה אשר לא תעשינה ולא ידע ואשם ונשא עונו׃

    18והביא איל תמים מן הצאן בערכך לאשם אל הכהן וכפר עליו הכהן על שגגתו אשר שגג והוא לא ידע ונסלח לו׃

    19אשם הוא אשם אשם ליהוה׃

  • ויק׳ 4:13
    76%

    13ואם כל עדת ישראל ישגו ונעלם דבר מעיני הקהל ועשו אחת מכל מצות יהוה אשר לא תעשינה ואשמו׃

  • ויק׳ 19:33-34
    2 פסוקים
    75%

    33וכי יגור אתך גר בארצכם לא תונו אתו׃

    34כאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם׃

  • ויק׳ 18:26
    72%

    26ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם׃

  • במ׳ 35:15
    72%

    15לבני ישראל ולגר ולתושב בתוכם תהיינה שש הערים האלה למקלט לנוס שמה כל מכה נפש בשגגה׃

  • ויק׳ 4:22
    72%

    22אשר נשיא יחטא ועשה אחת מכל מצות יהוה אלהיו אשר לא תעשינה בשגגה ואשם׃

  • יהוש׳ 20:9
    71%

    9אלה היו ערי המועדה לכל בני ישראל ולגר הגר בתוכם לנוס שמה כל מכה נפש בשגגה ולא ימות ביד גאל הדם עד עמדו לפני העדה׃

  • שמ׳ 23:9
    71%

    9וגר לא תלחץ ואתם ידעתם את נפש הגר כי גרים הייתם בארץ מצרים׃

  • דב׳ 19:4
    71%

    4וזה דבר הרצח אשר ינוס שמה וחי אשר יכה את רעהו בבלי דעת והוא לא שנא לו מתמל שלשם׃

  • דב׳ 10:19
    71%

    19ואהבתם את הגר כי גרים הייתם בארץ מצרים׃

  • במ׳ 5:6
    70%

    6דבר אל בני ישראל איש או אשה כי יעשו מכל חטאת האדם למעל מעל ביהוה ואשמה הנפש ההוא׃

  • ויק׳ 17:8
    70%

    8ואלהם תאמר איש איש מבית ישראל ומן הגר אשר יגור בתוכם אשר יעלה עלה או זבח׃

  • שמ׳ 22:21
    70%

    21וגר לא תונה ולא תלחצנו כי גרים הייתם בארץ מצרים׃

  • ויק׳ 19:22
    70%

    22וכפר עליו הכהן באיל האשם לפני יהוה על חטאתו אשר חטא ונסלח לו מחטאתו אשר חטא׃

  • במ׳ 15:22
    69%

    22וכי תשגו ולא תעשו את כל המצות האלה אשר דבר יהוה אל משה׃

  • במ׳ 35:29
    69%

    29והיו אלה לכם לחקת משפט לדרתיכם בכל מושבתיכם׃

  • במ׳ 19:10
    69%

    10וכבס האסף את אפר הפרה את בגדיו וטמא עד הערב והיתה לבני ישראל ולגר הגר בתוכם לחקת עולם׃

  • ויק׳ 7:7
    69%

    7כחטאת כאשם תורה אחת להם הכהן אשר יכפר בו לו יהיה׃

  • ויק׳ 6:7
    69%

    7וכפר עליו הכהן לפני יהוה ונסלח לו על אחת מכל אשר יעשה לאשמה בה׃

  • יח׳ 47:22
    69%

    22והיה תפלו אותה בנחלה לכם ולהגרים הגרים בתוככם אשר הולדו בנים בתוככם והיו לכם כאזרח בבני ישראל אתכם יפלו בנחלה בתוך שבטי ישראל׃

  • רומ 2:12
    69%

    12כי כל אלה אשר חטאו בלי תורה גם בבלי תורה יאבדו ואשר חטאו בתורה גם על פי התורה ישפטו׃

  • ויק׳ 15:31
    68%

    31והזרתם את בני ישראל מטמאתם ולא ימתו בטמאתם בטמאם את משכני אשר בתוכם׃

  • יהוש׳ 20:3
    68%

    3לנוס שמה רוצח מכה נפש בשגגה בבלי דעת והיו לכם למקלט מגאל הדם׃

  • במ׳ 35:11
    68%

    11והקריתם לכם ערים ערי מקלט תהיינה לכם ונס שמה רצח מכה נפש בשגגה׃

  • ויק׳ 24:15
    67%

    15ואל בני ישראל תדבר לאמר איש איש כי יקלל אלהיו ונשא חטאו׃