במדבר 20:20

תנ ך עברי מודרני

ויאמר לא תעבר ויצא אדום לקראתו בעם כבד וביד חזקה׃

משאבים נוספים

פסוקים מקושרים

  • שופ׳ 11:17 : 17 וישלח ישראל מלאכים אל מלך אדום לאמר אעברה נא בארצך ולא שמע מלך אדום וגם אל מלך מואב שלח ולא אבה וישב ישראל בקדש׃
  • עמ׳ 1:11 : 11 כה אמר יהוה על שלשה פשעי אדום ועל ארבעה לא אשיבנו על רדפו בחרב אחיו ושחת רחמיו ויטרף לעד אפו ועברתו שמרה נצח׃
  • עובד׳ 1:10-15 : 10 מחמס אחיך יעקב תכסך בושה ונכרת לעולם׃ 11 ביום עמדך מנגד ביום שבות זרים חילו ונכרים באו שערו ועל ירושלם ידו גורל גם אתה כאחד מהם׃ 12 ואל תרא ביום אחיך ביום נכרו ואל תשמח לבני יהודה ביום אבדם ואל תגדל פיך ביום צרה׃ 13 אל תבוא בשער עמי ביום אידם אל תרא גם אתה ברעתו ביום אידו ואל תשלחנה בחילו ביום אידו׃ 14 ואל תעמד על הפרק להכרית את פליטיו ואל תסגר שרידיו ביום צרה׃ 15 כי קרוב יום יהוה על כל הגוים כאשר עשית יעשה לך גמלך ישוב בראשך׃
  • בר׳ 27:41 : 41 וישטם עשו את יעקב על הברכה אשר ברכו אביו ויאמר עשו בלבו יקרבו ימי אבל אבי ואהרגה את יעקב אחי׃
  • בר׳ 32:6 : 6 וישבו המלאכים אל יעקב לאמר באנו אל אחיך אל עשו וגם הלך לקראתך וארבע מאות איש עמו׃
  • במ׳ 20:18 : 18 ויאמר אליו אדום לא תעבר בי פן בחרב אצא לקראתך׃
  • שופ׳ 11:20 : 20 ולא האמין סיחון את ישראל עבר בגבלו ויאסף סיחון את כל עמו ויחנו ביהצה וילחם עם ישראל׃
  • תה׳ 120:7 : 7 אני שלום וכי אדבר המה למלחמה׃
  • יח׳ 35:5-9 : 5 יען היות לך איבת עולם ותגר את בני ישראל על ידי חרב בעת אידם בעת עון קץ׃ 6 לכן חי אני נאם אדני יהוה כי לדם אעשך ודם ירדפך אם לא דם שנאת ודם ירדפך׃ 7 ונתתי את הר שעיר לשממה ושממה והכרתי ממנו עבר ושב׃ 8 ומלאתי את הריו חלליו גבעותיך וגיאותיך וכל אפיקיך חללי חרב יפלו בהם׃ 9 שממות עולם אתנך ועריך לא תישבנה וידעתם כי אני יהוה׃ 10 יען אמרך את שני הגוים ואת שתי הארצות לי תהיינה וירשנוה ויהוה שם היה׃ 11 לכן חי אני נאם אדני יהוה ועשיתי כאפך וכקנאתך אשר עשיתה משנאתיך בם ונודעתי בם כאשר אשפטך׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • במ׳ 20:17-19
    3 פסוקים
    92%

    17נעברה נא בארצך לא נעבר בשדה ובכרם ולא נשתה מי באר דרך המלך נלך לא נטה ימין ושמאול עד אשר נעבר גבולך׃

    18ויאמר אליו אדום לא תעבר בי פן בחרב אצא לקראתך׃

    19ויאמרו אליו בני ישראל במסלה נעלה ואם מימיך נשתה אני ומקני ונתתי מכרם רק אין דבר ברגלי אעברה׃

  • במ׳ 20:21-23
    3 פסוקים
    90%

    21וימאן אדום נתן את ישראל עבר בגבלו ויט ישראל מעליו׃

    22ויסעו מקדש ויבאו בני ישראל כל העדה הר ההר׃

    23ויאמר יהוה אל משה ואל אהרן בהר ההר על גבול ארץ אדום לאמר׃

  • שופ׳ 11:16-19
    4 פסוקים
    79%

    16כי בעלותם ממצרים וילך ישראל במדבר עד ים סוף ויבא קדשה׃

    17וישלח ישראל מלאכים אל מלך אדום לאמר אעברה נא בארצך ולא שמע מלך אדום וגם אל מלך מואב שלח ולא אבה וישב ישראל בקדש׃

    18וילך במדבר ויסב את ארץ אדום ואת ארץ מואב ויבא ממזרח שמש לארץ מואב ויחנון בעבר ארנון ולא באו בגבול מואב כי ארנון גבול מואב׃

    19וישלח ישראל מלאכים אל סיחון מלך האמרי מלך חשבון ויאמר לו ישראל נעברה נא בארצך עד מקומי׃

  • מל״ב 3:8
    77%

    8ויאמר אי זה הדרך נעלה ויאמר דרך מדבר אדום׃

  • במ׳ 21:22-23
    2 פסוקים
    74%

    22אעברה בארצך לא נטה בשדה ובכרם לא נשתה מי באר בדרך המלך נלך עד אשר נעבר גבלך׃

    23ולא נתן סיחן את ישראל עבר בגבלו ויאסף סיחן את כל עמו ויצא לקראת ישראל המדברה ויבא יהצה וילחם בישראל׃

  • דב׳ 2:27-30
    4 פסוקים
    74%

    27אעברה בארצך בדרך בדרך אלך לא אסור ימין ושמאול׃

    28אכל בכסף תשברני ואכלתי ומים בכסף תתן לי ושתיתי רק אעברה ברגלי׃

    29כאשר עשו לי בני עשו הישבים בשעיר והמואבים הישבים בער עד אשר אעבר את הירדן אל הארץ אשר יהוה אלהינו נתן לנו׃

    30ולא אבה סיחן מלך חשבון העברנו בו כי הקשה יהוה אלהיך את רוחו ואמץ את לבבו למען תתו בידך כיום הזה׃

  • דב׳ 2:8-9
    2 פסוקים
    74%

    8ונעבר מאת אחינו בני עשו הישבים בשעיר מדרך הערבה מאילת ומעצין גבר ונפן ונעבר דרך מדבר מואב׃

    9ויאמר יהוה אלי אל תצר את מואב ואל תתגר בם מלחמה כי לא אתן לך מארצו ירשה כי לבני לוט נתתי את ער ירשה׃

  • במ׳ 20:14
    73%

    14וישלח משה מלאכים מקדש אל מלך אדום כה אמר אחיך ישראל אתה ידעת את כל התלאה אשר מצאתנו׃

  • דה״ב 20:10-11
    2 פסוקים
    73%

    10ועתה הנה בני עמון ומואב והר שעיר אשר לא נתתה לישראל לבוא בהם בבאם מארץ מצרים כי סרו מעליהם ולא השמידום׃

    11והנה הם גמלים עלינו לבוא לגרשנו מירשתך אשר הורשתנו׃

  • דב׳ 2:4-5
    2 פסוקים
    72%

    4ואת העם צו לאמר אתם עברים בגבול אחיכם בני עשו הישבים בשעיר וייראו מכם ונשמרתם מאד׃

    5אל תתגרו בם כי לא אתן לכם מארצם עד מדרך כף רגל כי ירשה לעשו נתתי את הר שעיר׃

  • מל״ב 8:20
    72%

    20בימיו פשע אדום מתחת יד יהודה וימלכו עליהם מלך׃

  • מל״ב 3:26
    72%

    26וירא מלך מואב כי חזק ממנו המלחמה ויקח אותו שבע מאות איש שלף חרב להבקיע אל מלך אדום ולא יכלו׃

  • יר׳ 25:21
    72%

    21את אדום ואת מואב ואת בני עמון׃

  • במ׳ 21:4
    72%

    4ויסעו מהר ההר דרך ים סוף לסבב את ארץ אדום ותקצר נפש העם בדרך׃

  • במ׳ 24:18
    71%

    18והיה אדום ירשה והיה ירשה שעיר איביו וישראל עשה חיל׃

  • דב׳ 1:40
    70%

    40ואתם פנו לכם וסעו המדברה דרך ים סוף׃

  • דה״ב 25:20
    70%

    20ולא שמע אמציהו כי מהאלהים היא למען תתם ביד כי דרשו את אלהי אדום׃

  • שמ׳ 10:20
    70%

    20ויחזק יהוה את לב פרעה ולא שלח את בני ישראל׃

  • שמ׳ 13:17-18
    2 פסוקים
    70%

    17ויהי בשלח פרעה את העם ולא נחם אלהים דרך ארץ פלשתים כי קרוב הוא כי אמר אלהים פן ינחם העם בראתם מלחמה ושבו מצרימה׃

    18ויסב אלהים את העם דרך המדבר ים סוף וחמשים עלו בני ישראל מארץ מצרים׃

  • שמ׳ 3:19
    70%

    19ואני ידעתי כי לא יתן אתכם מלך מצרים להלך ולא ביד חזקה׃

  • מל״ב 3:20
    69%

    20ויהי בבקר כעלות המנחה והנה מים באים מדרך אדום ותמלא הארץ את המים׃

  • במ׳ 10:30
    69%

    30ויאמר אליו לא אלך כי אם אל ארצי ואל מולדתי אלך׃

  • בר׳ 33:12
    69%

    12ויאמר נסעה ונלכה ואלכה לנגדך׃

  • דב׳ 2:1
    69%

    1¶ ונפן ונסע המדברה דרך ים סוף כאשר דבר יהוה אלי ונסב את הר שעיר ימים רבים׃

  • תה׳ 60:9
    69%

    9מי יבלני עיר מצור מי נחני עד אדום׃

  • יר׳ 49:17
    69%

    17והיתה אדום לשמה כל עבר עליה ישם וישרק על כל מכותה׃

  • בר׳ 33:14
    69%

    14יעבר נא אדני לפני עבדו ואני אתנהלה לאטי לרגל המלאכה אשר לפני ולרגל הילדים עד אשר אבא אל אדני שעירה׃

  • שמ׳ 13:20
    69%

    20ויסעו מסכת ויחנו באתם בקצה המדבר׃

  • דה״א 16:20
    69%

    20ויתהלכו מגוי אל גוי ומממלכה אל עם אחר׃

  • דב׳ 2:18
    69%

    18אתה עבר היום את גבול מואב את ער׃

  • תה׳ 108:10
    68%

    10מי יבלני עיר מבצר מי נחני עד אדום׃