במדבר 6:10

תנ ך עברי מודרני

וביום השמיני יבא שתי תרים או שני בני יונה אל הכהן אל פתח אהל מועד׃

משאבים נוספים

פסוקים מקושרים

  • ויק׳ 1:14 : 14 ואם מן העוף עלה קרבנו ליהוה והקריב מן התרים או מן בני היונה את קרבנו׃
  • ויק׳ 15:14 : 14 וביום השמיני יקח לו שתי תרים או שני בני יונה ובא לפני יהוה אל פתח אהל מועד ונתנם אל הכהן׃
  • ויק׳ 15:29 : 29 וביום השמיני תקח לה שתי תרים או שני בני יונה והביאה אותם אל הכהן אל פתח אהל מועד׃
  • יוח 2:1-2 : 1 ¶ וביום השלישי היתה חתנה בקנה אשר בגליל ואם ישוע היתה שם׃ 2 וישוע ותלמידיו היו גם הם קרואים אל החתנה׃
  • רומ 4:25 : 25 אשר נמסר בעבור פשעינו ונעור לבעבור צדקנו׃
  • ויק׳ 5:7-9 : 7 ואם לא תגיע ידו די שה והביא את אשמו אשר חטא שתי תרים או שני בני יונה ליהוה אחד לחטאת ואחד לעלה׃ 8 והביא אתם אל הכהן והקריב את אשר לחטאת ראשונה ומלק את ראשו ממול ערפו ולא יבדיל׃ 9 והזה מדם החטאת על קיר המזבח והנשאר בדם ימצה אל יסוד המזבח חטאת הוא׃ 10 ואת השני יעשה עלה כמשפט וכפר עליו הכהן מחטאתו אשר חטא ונסלח לו׃
  • ויק׳ 9:1-9 : 1 ¶ ויהי ביום השמיני קרא משה לאהרן ולבניו ולזקני ישראל׃ 2 ויאמר אל אהרן קח לך עגל בן בקר לחטאת ואיל לעלה תמימם והקרב לפני יהוה׃ 3 ואל בני ישראל תדבר לאמר קחו שעיר עזים לחטאת ועגל וכבש בני שנה תמימם לעלה׃ 4 ושור ואיל לשלמים לזבח לפני יהוה ומנחה בלולה בשמן כי היום יהוה נראה אליכם׃ 5 ויקחו את אשר צוה משה אל פני אהל מועד ויקרבו כל העדה ויעמדו לפני יהוה׃ 6 ויאמר משה זה הדבר אשר צוה יהוה תעשו וירא אליכם כבוד יהוה׃ 7 ויאמר משה אל אהרן קרב אל המזבח ועשה את חטאתך ואת עלתך וכפר בעדך ובעד העם ועשה את קרבן העם וכפר בעדם כאשר צוה יהוה׃ 8 ויקרב אהרן אל המזבח וישחט את עגל החטאת אשר לו׃ 9 ויקרבו בני אהרן את הדם אליו ויטבל אצבעו בדם ויתן על קרנות המזבח ואת הדם יצק אל יסוד המזבח׃ 10 ואת החלב ואת הכלית ואת היתרת מן הכבד מן החטאת הקטיר המזבחה כאשר צוה יהוה את משה׃ 11 ואת הבשר ואת העור שרף באש מחוץ למחנה׃ 12 וישחט את העלה וימצאו בני אהרן אליו את הדם ויזרקהו על המזבח סביב׃ 13 ואת העלה המציאו אליו לנתחיה ואת הראש ויקטר על המזבח׃ 14 וירחץ את הקרב ואת הכרעים ויקטר על העלה המזבחה׃ 15 ויקרב את קרבן העם ויקח את שעיר החטאת אשר לעם וישחטהו ויחטאהו כראשון׃ 16 ויקרב את העלה ויעשה כמשפט׃ 17 ויקרב את המנחה וימלא כפו ממנה ויקטר על המזבח מלבד עלת הבקר׃ 18 וישחט את השור ואת האיל זבח השלמים אשר לעם וימצאו בני אהרן את הדם אליו ויזרקהו על המזבח סביב׃ 19 ואת החלבים מן השור ומן האיל האליה והמכסה והכלית ויתרת הכבד׃ 20 וישימו את החלבים על החזות ויקטר החלבים המזבחה׃ 21 ואת החזות ואת שוק הימין הניף אהרן תנופה לפני יהוה כאשר צוה משה׃
  • ויק׳ 12:6 : 6 ובמלאת ימי טהרה לבן או לבת תביא כבש בן שנתו לעלה ובן יונה או תר לחטאת אל פתח אהל מועד אל הכהן׃
  • ויק׳ 14:22-23 : 22 ושתי תרים או שני בני יונה אשר תשיג ידו והיה אחד חטאת והאחד עלה׃ 23 והביא אתם ביום השמיני לטהרתו אל הכהן אל פתח אהל מועד לפני יהוה׃
  • ויק׳ 14:31 : 31 את אשר תשיג ידו את האחד חטאת ואת האחד עלה על המנחה וכפר הכהן על המטהר לפני יהוה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • ויק׳ 15:13-15
    3 פסוקים
    93%

    13וכי יטהר הזב מזובו וספר לו שבעת ימים לטהרתו וכבס בגדיו ורחץ בשרו במים חיים וטהר׃

    14וביום השמיני יקח לו שתי תרים או שני בני יונה ובא לפני יהוה אל פתח אהל מועד ונתנם אל הכהן׃

    15ועשה אתם הכהן אחד חטאת והאחד עלה וכפר עליו הכהן לפני יהוה מזובו׃

  • ויק׳ 15:28-30
    3 פסוקים
    91%

    28ואם טהרה מזובה וספרה לה שבעת ימים ואחר תטהר׃

    29וביום השמיני תקח לה שתי תרים או שני בני יונה והביאה אותם אל הכהן אל פתח אהל מועד׃

    30ועשה הכהן את האחד חטאת ואת האחד עלה וכפר עליה הכהן לפני יהוה מזוב טמאתה׃

  • ויק׳ 14:22-24
    3 פסוקים
    87%

    22ושתי תרים או שני בני יונה אשר תשיג ידו והיה אחד חטאת והאחד עלה׃

    23והביא אתם ביום השמיני לטהרתו אל הכהן אל פתח אהל מועד לפני יהוה׃

    24ולקח הכהן את כבש האשם ואת לג השמן והניף אתם הכהן תנופה לפני יהוה׃

  • ויק׳ 12:6-8
    3 פסוקים
    83%

    6ובמלאת ימי טהרה לבן או לבת תביא כבש בן שנתו לעלה ובן יונה או תר לחטאת אל פתח אהל מועד אל הכהן׃

    7והקריבו לפני יהוה וכפר עליה וטהרה ממקר דמיה זאת תורת הילדת לזכר או לנקבה׃

    8ואם לא תמצא ידה די שה ולקחה שתי תרים או שני בני יונה אחד לעלה ואחד לחטאת וכפר עליה הכהן וטהרה׃

  • במ׳ 6:11-14
    4 פסוקים
    83%

    11ועשה הכהן אחד לחטאת ואחד לעלה וכפר עליו מאשר חטא על הנפש וקדש את ראשו ביום ההוא׃

    12והזיר ליהוה את ימי נזרו והביא כבש בן שנתו לאשם והימים הראשנים יפלו כי טמא נזרו׃

    13וזאת תורת הנזיר ביום מלאת ימי נזרו יביא אתו אל פתח אהל מועד׃

    14והקריב את קרבנו ליהוה כבש בן שנתו תמים אחד לעלה וכבשה אחת בת שנתה תמימה לחטאת ואיל אחד תמים לשלמים׃

  • ויק׳ 5:6-8
    3 פסוקים
    82%

    6והביא את אשמו ליהוה על חטאתו אשר חטא נקבה מן הצאן כשבה או שעירת עזים לחטאת וכפר עליו הכהן מחטאתו׃

    7ואם לא תגיע ידו די שה והביא את אשמו אשר חטא שתי תרים או שני בני יונה ליהוה אחד לחטאת ואחד לעלה׃

    8והביא אתם אל הכהן והקריב את אשר לחטאת ראשונה ומלק את ראשו ממול ערפו ולא יבדיל׃

  • ויק׳ 1:14-15
    2 פסוקים
    82%

    14ואם מן העוף עלה קרבנו ליהוה והקריב מן התרים או מן בני היונה את קרבנו׃

    15והקריבו הכהן אל המזבח ומלק את ראשו והקטיר המזבחה ונמצה דמו על קיר המזבח׃

  • ויק׳ 14:30-31
    2 פסוקים
    82%

    30ועשה את האחד מן התרים או מן בני היונה מאשר תשיג ידו׃

    31את אשר תשיג ידו את האחד חטאת ואת האחד עלה על המנחה וכפר הכהן על המטהר לפני יהוה׃

  • ויק׳ 14:4-12
    9 פסוקים
    81%

    4וצוה הכהן ולקח למטהר שתי צפרים חיות טהרות ועץ ארז ושני תולעת ואזב׃

    5וצוה הכהן ושחט את הצפור האחת אל כלי חרש על מים חיים׃

    6את הצפר החיה יקח אתה ואת עץ הארז ואת שני התולעת ואת האזב וטבל אותם ואת הצפר החיה בדם הצפר השחטה על המים החיים׃

    7והזה על המטהר מן הצרעת שבע פעמים וטהרו ושלח את הצפר החיה על פני השדה׃

    8וכבס המטהר את בגדיו וגלח את כל שערו ורחץ במים וטהר ואחר יבוא אל המחנה וישב מחוץ לאהלו שבעת ימים׃

    9והיה ביום השביעי יגלח את כל שערו את ראשו ואת זקנו ואת גבת עיניו ואת כל שערו יגלח וכבס את בגדיו ורחץ את בשרו במים וטהר׃

    10וביום השמיני יקח שני כבשים תמימים וכבשה אחת בת שנתה תמימה ושלשה עשרנים סלת מנחה בלולה בשמן ולג אחד שמן׃

    11והעמיד הכהן המטהר את האיש המטהר ואתם לפני יהוה פתח אהל מועד׃

    12ולקח הכהן את הכבש האחד והקריב אתו לאשם ואת לג השמן והניף אתם תנופה לפני יהוה׃

  • ויק׳ 5:10-12
    3 פסוקים
    78%

    10ואת השני יעשה עלה כמשפט וכפר עליו הכהן מחטאתו אשר חטא ונסלח לו׃

    11ואם לא תשיג ידו לשתי תרים או לשני בני יונה והביא את קרבנו אשר חטא עשירת האפה סלת לחטאת לא ישים עליה שמן ולא יתן עליה לבנה כי חטאת היא׃

    12והביאה אל הכהן וקמץ הכהן ממנה מלוא קמצו את אזכרתה והקטיר המזבחה על אשי יהוה חטאת הוא׃

  • לוק 2:24
    77%

    24ולתת קרבן כאמור בתורת יהוה שתי תרים או שני בני יונה׃

  • במ׳ 6:9
    75%

    9וכי ימות מת עליו בפתע פתאם וטמא ראש נזרו וגלח ראשו ביום טהרתו ביום השביעי יגלחנו׃

  • ויק׳ 6:6
    74%

    6ואת אשמו יביא ליהוה איל תמים מן הצאן בערכך לאשם אל הכהן׃

  • במ׳ 6:16
    74%

    16והקריב הכהן לפני יהוה ועשה את חטאתו ואת עלתו׃

  • ויק׳ 22:27
    72%

    27שור או כשב או עז כי יולד והיה שבעת ימים תחת אמו ומיום השמיני והלאה ירצה לקרבן אשה ליהוה׃

  • שמ׳ 22:30
    72%

    30כן תעשה לשרך לצאנך שבעת ימים יהיה עם אמו ביום השמיני תתנו לי׃

  • ויק׳ 12:3
    72%

    3וביום השמיני ימול בשר ערלתו׃

  • ויק׳ 16:7
    72%

    7ולקח את שני השעירם והעמיד אתם לפני יהוה פתח אהל מועד׃

  • ויק׳ 14:2
    72%

    2זאת תהיה תורת המצרע ביום טהרתו והובא אל הכהן׃

  • ויק׳ 19:21
    72%

    21והביא את אשמו ליהוה אל פתח אהל מועד איל אשם׃

  • במ׳ 29:32
    72%

    32וביום השביעי פרים שבעה אילם שנים כבשים בני שנה ארבעה עשר תמימם׃

  • במ׳ 29:29
    72%

    29וביום הששי פרים שמנה אילם שנים כבשים בני שנה ארבעה עשר תמימם׃

  • בר׳ 15:9
    72%

    9ויאמר אליו קחה לי עגלה משלשת ועז משלשת ואיל משלש ותר וגוזל׃

  • במ׳ 29:17
    72%

    17וביום השני פרים בני בקר שנים עשר אילם שנים כבשים בני שנה ארבעה עשר תמימם׃

  • ויק׳ 14:50
    72%

    50ושחט את הצפר האחת אל כלי חרש על מים חיים׃