אל הרומים 11:22

תנ ך עברי מודרני

לכן ראה נא טובת אלהים וזעמו זעמו על הנפלים ועליך טובתו אם תעמד בטובתו ואם אין כי עתה גם אתה תגדע׃

משאבים נוספים

פסוקים מקושרים

  • יוח 15:2 : 2 כל שריג בי אשר איננו עשה פרי יסירנו ואשר יעשה פרי יטהרנו להרבות את פריו׃
  • קור״א 15:2 : 2 אשר גם תושעו בה אם תחזיקו בדבר אשר בשרתי אתכם אך אם לא לשוא האמנתם׃
  • עבר 3:6 : 6 אבל המשיח הוא הבן על ביתו ואנחנו ביתו אם נחזיק בבטחון ובתהלת התקוה ולא נרפנה עד הקץ׃
  • עבר 3:14 : 14 כי נתחברנו למשיח אם נחזיק בראשית הבטחה ולא נרפנה עד הקץ׃
  • עבר 10:23 : 23 נחזיקה בהודית התקוה בל נמוט כי נאמן המבטיח׃
  • עבר 10:35-39 : 35 לכן אל תשליכו את בטחונכם כי יש לו שכר רב׃ 36 כי צריכים אתם לסבלנות למען תעשו רצון אלהים ונשאתם את ההבטחה׃ 37 כי עוד מעט רגע והבא יבא לא יאחר׃ 38 הצדיק באמונתו יחיה ואם יסג אחור לא רצתה נפשי בו׃ 39 אמנם אנחנו איננו מן הנסוגים אחור לאבדם כי אם מן המאמינים להצלת הנפש׃
  • לוק 8:15 : 15 ואשר באדמה הטובה הם השמרים בלב טוב וטהור את הדבר אשר שמעו ועשים פרי בתוחלת׃
  • גל 6:9 : 9 ואנחנו בעשות הטוב אל נחת כי נקצר בעתו אם לא נרפה׃
  • תס״א 3:5 : 5 ובעבור כן לא יכלתי עוד להתאפק ואשלח לדעת אמונתכם כי אמרתי פן נסה אתכם המנסה והיתה לריק יגיעתנו׃
  • תס״א 3:8 : 8 כי עתה נחיה אם תעמדו אתם באדנינו׃
  • יוח 15:4-9 : 4 עמדו בי ואני בכם כאשר השריג בל יעשה פרי מאליו אם לא יעמד בגפן כן גם אתם אם לא תעמדו בי׃ 5 אנכי הוא הגפן ואתם השריגים העמד בי ואני בו הוא יעשה פרי לרב כי בלעדי לא תוכלון עשות מאומה׃ 6 איש אשר לא יעמד בי השלך כשריג החוצה וייבש וילקטום וישליכום אל תוך האש והיה לבער׃ 7 והיה אם תעמדו בי ודברי יהיו בכם ככל חפצכם תשאלו ויעשה לכם׃ 8 בזאת נכבד אבי בעשותכם פרי לרב והייתם לי לתלמידים׃ 9 כאשר אהבני אבי אהבתי אתכם גם אני ואתם עמדו באהבתי׃ 10 אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו׃
  • מע״ש 11:23 : 23 ויבא שמה וישמח כראתו את חסד האלהים ויזהר את כלם לדבקה באדון בלב נכון׃
  • מע״ש 14:22 : 22 ויחזקו את נפשות התלמידים ויזהירו אתם לעמד באמונה וכי רק בצרות רבות בוא נבוא אל מלכות האלהים׃
  • רומ 2:4-5 : 4 או התבוז לעתרת טובו ולחמלתו ולארך רוחו ולא תתבונן כי טובת האלהים תדריך אתך לתשובה׃ 5 ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו׃
  • רומ 2:7 : 7 למתמידים בעשות הטוב ומבקשים את הכבוד וההדר ואת אשר איננו עבד יתן את חיי העולמים׃
  • רומ 9:22-23 : 22 ומה אפוא אם האלהים החפץ להראות זעמו ולהודיע גבורתו נשא בכל ארך רוחו את כלי הזעם הנכונים לאבדון׃ 23 להודיע גם את עשר כבודו על כלי החנינה אשר יעדם לכבוד׃
  • במ׳ 14:18-22 : 18 יהוה ארך אפים ורב חסד נשא עון ופשע ונקה לא ינקה פקד עון אבות על בנים על שלשים ועל רבעים׃ 19 סלח נא לעון העם הזה כגדל חסדך וכאשר נשאתה לעם הזה ממצרים ועד הנה׃ 20 ויאמר יהוה סלחתי כדברך׃ 21 ואולם חי אני וימלא כבוד יהוה את כל הארץ׃ 22 כי כל האנשים הראים את כבדי ואת אתתי אשר עשיתי במצרים ובמדבר וינסו אתי זה עשר פעמים ולא שמעו בקולי׃
  • דב׳ 32:39-43 : 39 ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃ 40 כי אשא אל שמים ידי ואמרתי חי אנכי לעלם׃ 41 אם שנותי ברק חרבי ותאחז במשפט ידי אשיב נקם לצרי ולמשנאי אשלם׃ 42 אשכיר חצי מדם וחרבי תאכל בשר מדם חלל ושביה מראש פרעות אויב׃ 43 הרנינו גוים עמו כי דם עבדיו יקום ונקם ישיב לצריו וכפר אדמתו עמו׃
  • יהוש׳ 23:15-16 : 15 והיה כאשר בא עליכם כל הדבר הטוב אשר דבר יהוה אלהיכם אליכם כן יביא יהוה עליכם את כל הדבר הרע עד השמידו אותכם מעל האדמה הטובה הזאת אשר נתן לכם יהוה אלהיכם׃ 16 בעברכם את ברית יהוה אלהיכם אשר צוה אתכם והלכתם ועבדתם אלהים אחרים והשתחויתם להם וחרה אף יהוה בכם ואבדתם מהרה מעל הארץ הטובה אשר נתן לכם׃
  • תה׳ 58:10-11 : 10 ישמח צדיק כי חזה נקם פעמיו ירחץ בדם הרשע׃ 11 ויאמר אדם אך פרי לצדיק אך יש אלהים שפטים בארץ׃
  • תה׳ 78:49-52 : 49 ישלח בם חרון אפו עברה וזעם וצרה משלחת מלאכי רעים׃ 50 יפלס נתיב לאפו לא חשך ממות נפשם וחיתם לדבר הסגיר׃ 51 ויך כל בכור במצרים ראשית אונים באהלי חם׃ 52 ויסע כצאן עמו וינהגם כעדר במדבר׃
  • תה׳ 136:15-22 : 15 ונער פרעה וחילו בים סוף כי לעולם חסדו׃ 16 למוליך עמו במדבר כי לעולם חסדו׃ 17 למכה מלכים גדלים כי לעולם חסדו׃ 18 ויהרג מלכים אדירים כי לעולם חסדו׃ 19 לסיחון מלך האמרי כי לעולם חסדו׃ 20 ולעוג מלך הבשן כי לעולם חסדו׃ 21 ונתן ארצם לנחלה כי לעולם חסדו׃ 22 נחלה לישראל עבדו כי לעולם חסדו׃
  • יש׳ 66:14 : 14 וראיתם ושש לבכם ועצמותיכם כדשא תפרחנה ונודעה יד יהוה את עבדיו וזעם את איביו׃
  • יח׳ 3:20 : 20 ובשוב צדיק מצדקו ועשה עול ונתתי מכשול לפניו הוא ימות כי לא הזהרתו בחטאתו ימות ולא תזכרן צדקתו אשר עשה ודמו מידך אבקש׃
  • יח׳ 18:24 : 24 ובשוב צדיק מצדקתו ועשה עול ככל התועבות אשר עשה הרשע יעשה וחי כל צדקתו אשר עשה לא תזכרנה במעלו אשר מעל ובחטאתו אשר חטא בם ימות׃
  • יח׳ 33:17-19 : 17 ואמרו בני עמך לא יתכן דרך אדני והמה דרכם לא יתכן׃ 18 בשוב צדיק מצדקתו ועשה עול ומת בהם׃ 19 ובשוב רשע מרשעתו ועשה משפט וצדקה עליהם הוא יחיה׃
  • מתי 3:9-9 : 9 ואל תחשבו בלבבכם לאמר אברהם הוא אבינו כי אני אמר לכם כי מן האבנים האלה יכול האלהים להקים בנים לאברהם׃ 10 וכבר הושם הגרזן על שרש העצים והנה כל עץ אשר איננו עשה פרי טוב יגדע וישלך באש׃
  • יוח 8:31 : 31 ויאמר ישוע אל היהודים המאמינים בו אם תעמדו בדברי באמת תלמידי אתם׃
  • יוח״א 2:19 : 19 מאתנו יצאו אך לא משלנו היו כי אלו היו משלנו כי אז היו עמדים עמנו אבל למען יגלו כי לא כלם משלנו המה׃
  • יהו׳ 1:20-21 : 20 ואתם האהובים הבנו באמונתכם הנעלה על כל בקדשתה והתפללו ברוח הקדש׃ 21 ושמרתם את נפשתיכם באהבת אלהים וחכיתם לרחמי אדנינו ישוע המשיח לחיי העולם׃
  • התגל׳ 2:5 : 5 זכר אפוא אי מזה נפלת ושובה ועשה מעשיך הראשנים ואם לא הנני בא עליך מהר ונסחתי מנורתך ממקומה אם לא תשוב׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • רומ 11:15-21
    7 פסוקים
    88%

    15כי אם געילתם רצוי לעולם מה אפוא תהיה אספתם הלא חיים מן המתים׃

    16ואם התרומה קדש כן גם העסה ואם השרש קדש כן גם הענפים׃

    17וכי נקפו מקצת הענפים ואתה זית היער הרכבת במקומם ונתחברת לשרש הזית ולדשנו׃

    18אל תתפאר על הענפים ואם תתפאר דע שאינך נשא את השרש כי אם השרש הוא נשא אותך׃

    19וכי תאמר הלא נקפו הענפים למען ארכב אנכי׃

    20כן הוא המה נקפו על אשר לא האמינו ואתה הנך קים על ידי האמונה אל תתגאה כי אם ירא׃

    21כי האלהים אם לא חס על הענפים הנולדים מן העץ אולי לא יחוס גם עליך׃

  • רומ 11:23-25
    3 פסוקים
    84%

    23וגם המה אם לא יעמדו במרים ירכבו כי יכל האלהים לשוב להרכיבם׃

    24כי אם אתה נגזרת מעץ אשר הוא בטבעו זית יער והרכבת שלא כטבע בזית טוב אלה היצאים ממנו על אחת כמה וכמה שירכבו בזית שלהם׃

    25כי לא אכחד מכם אחי את הסוד הזה פן תהיו חכמים בעיניכם כי טמטום הלב למקצת נהיה לישראל עד כי יכנס מלא הגוים׃

  • רומ 11:10-12
    3 פסוקים
    74%

    10תחשכנה עיניהם מראות ומתניהם תמיד המעד׃

    11ובכן אני אמר הנכשלו למען יפלו חלילה אך בפשעם יצאה הישועה לגוים למען הקניאם׃

    12ואם פשעם עשר העולם וחסרונם עשר הגוים מלאם על אחת כמה וכמה׃

  • רומ 2:3-5
    3 פסוקים
    73%

    3ואתה בן אדם הדן את אשר פעלו כאלה ועשית כמעשיהם התחשב להמלט ממשפט האלהים׃

    4או התבוז לעתרת טובו ולחמלתו ולארך רוחו ולא תתבונן כי טובת האלהים תדריך אתך לתשובה׃

    5ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו׃

  • רומ 11:28-32
    5 פסוקים
    71%

    28הן לפי הבשורה שנואים הם למענכם אך לפי הבחירה חביבים הם למען האבות׃

    29כי לא ינחם האלהים על מתנותיו ועל קריאתו׃

    30כי כאשר גם אתם מלפנים ממרים הייתם את פי אלהים ועתה הוחנתם במרים של אלה׃

    31כן גם אלה עתה ממרים היו למען על ידי חנינתכם גם הם יחנו׃

    32כי האלהים הסגיר את כלם ביד המרי למען יחן את כלם׃

  • רומ 11:5-8
    4 פסוקים
    70%

    5וכן גם בעת הזאת נותרה שארית על פי בחירת החסד׃

    6ואם היתה זאת על ידי החסד לא היתה מתוך המעשים כי לולי כן החסד איננו עוד חסד ואם היתה מתוך המעשים איננו עוד חסד כי לולי כן המעשים יחדל להיות מעשה׃

    7ועתה מה הוא את אשר בקש ישראל לא השיג רק הנבחרים הם השיגו והנשארים השמינו לבבם׃

    8ככתוב נתן להם האלהים רוח תרדמה עינים לא לראות ואזנים לא לשמע עד היום הזה׃

  • רומ 11:1-2
    2 פסוקים
    69%

    1¶ ובכן אמר אני הכי זנח האלהים את עמו חלילה כי גם אנכי בן ישראל מזרע אברהם למטה בנימן׃

    2לא זנח האלהים את עמו אשר ידעו מקדם או הלא תדעו את אשר הכתוב אמר באליהו כאשר קרא אל האלהים על ישראל לאמר׃

  • יוח 15:6
    68%

    6איש אשר לא יעמד בי השלך כשריג החוצה וייבש וילקטום וישליכום אל תוך האש והיה לבער׃

  • לוק 13:9
    68%

    9אולי תעשה פרי ואם לא בשנה הבאה תגדענה׃

  • עבר 12:15
    68%

    15והזהרו פן יש בכם איש מתאחר מחסד אלהים פן יוגיעכם שרש פרה לענה ויטמאו בו רבים׃

  • לוק 3:9
    68%

    9וכבר הושם הגרזן על שרש העצים והנה כל עץ אשר איננו עשה פרי טוב יגדע והשלך באש׃

  • רומ 9:22
    67%

    22ומה אפוא אם האלהים החפץ להראות זעמו ולהודיע גבורתו נשא בכל ארך רוחו את כלי הזעם הנכונים לאבדון׃

  • יר׳ 2:21
    67%

    21ואנכי נטעתיך שרק כלה זרע אמת ואיך נהפכת לי סורי הגפן נכריה׃

  • מתי 3:10
    67%

    10וכבר הושם הגרזן על שרש העצים והנה כל עץ אשר איננו עשה פרי טוב יגדע וישלך באש׃

  • תה׳ 50:22
    67%

    22בינו נא זאת שכחי אלוה פן אטרף ואין מציל׃

  • יר׳ 11:16
    67%

    16זית רענן יפה פרי תאר קרא יהוה שמך לקול המולה גדלה הצית אש עליה ורעו דליותיו׃

  • קור״א 10:12
    67%

    12לכן החשב שהוא נצב ירא פן יפול׃

  • איוב 14:7-8
    2 פסוקים
    66%

    7כי יש לעץ תקוה אם יכרת ועוד יחליף וינקתו לא תחדל׃

    8אם יזקין בארץ שרשו ובעפר ימות גזעו׃

  • עבר 10:31
    66%

    31מה נורא לנפל ביד אלהים חיים׃

  • תה׳ 37:22
    66%

    22כי מברכיו יירשו ארץ ומקלליו יכרתו׃

  • דב׳ 11:17
    66%

    17וחרה אף יהוה בכם ועצר את השמים ולא יהיה מטר והאדמה לא תתן את יבולה ואבדתם מהרה מעל הארץ הטבה אשר יהוה נתן לכם׃

  • יח׳ 17:8-9
    2 פסוקים
    66%

    8אל שדה טוב אל מים רבים היא שתולה לעשות ענף ולשאת פרי להיות לגפן אדרת׃

    9אמר כה אמר אדני יהוה תצלח הלוא את שרשיה ינתק ואת פריה יקוסס ויבש כל טרפי צמחה תיבש ולא בזרע גדולה ובעם רב למשאות אותה משרשיה׃

  • איוב 18:16
    65%

    16מתחת שרשיו יבשו וממעל ימל קצירו׃

  • יוח 15:2
    65%

    2כל שריג בי אשר איננו עשה פרי יסירנו ואשר יעשה פרי יטהרנו להרבות את פריו׃

  • מתי 7:19
    65%

    19וכל עץ אשר לא יעשה פרי טוב יגדע וישלך באש׃

  • יש׳ 18:5
    65%

    5כי לפני קציר כתם פרח ובסר גמל יהיה נצה וכרת הזלזלים במזמרות ואת הנטישות הסיר התז׃

  • רומ 9:29
    65%

    29וכאשר אמר ישעיהו לפנים לולי יהוה צבאות הותיר לנו שריד כמעט כסדם היינו לעמרה דמינו׃

  • רומ 3:29
    65%

    29או האלהים רק אלהי היהודים הלא גם אלהי הגוים אכן גם אלהי הגוים הוא׃