שמואל א׳ 20:30

תנ ך עברי מודרני

ויחר אף שאול ביהונתן ויאמר לו בן נעות המרדות הלוא ידעתי כי בחר אתה לבן ישי לבשתך ולבשת ערות אמך׃

משאבים נוספים

פסוקים מקושרים

  • מש׳ 21:24 : 24 זד יהיר לץ שמו עושה בעברת זדון׃
  • יעק׳ 1:19-20 : 19 על זאת אחי אהובי יהי כל איש מהיר לשמע קשה לדבר וקשה לכעוס׃ 20 כי כעס אדם לא יפעל צדקת אלהים׃
  • מש׳ 25:28 : 28 עיר פרוצה אין חומה איש אשר אין מעצר לרוחו׃
  • מש׳ 27:3 : 3 כבד אבן ונטל החול וכעס אויל כבד משניהם׃
  • מתי 5:22 : 22 אבל אני אמר לכם כל אשר יקצף על אחיו חנם מחיב הוא לבית דין ואשר יאמר אל אחיו רקא מחיב הוא לסנהדרין ואשר יאמר אתה הנבל מחיב לאש גיהנם׃
  • אפס 4:31 : 31 כל מרירות וחמה ורגז וצעקה וגדוף תסירו מכם עם כל הרשעה׃
  • אפס 6:4 : 4 ואתם האבות אל תכעיסו את בניכם אך גדלום במוסר אדנינו ובתוכחתו׃
  • איוב 5:2 : 2 כי לאויל יהרג כעש ופתה תמית קנאה׃
  • מש׳ 14:29 : 29 ארך אפים רב תבונה וקצר רוח מרים אולת׃
  • מש׳ 15:2 : 2 לשון חכמים תיטיב דעת ופי כסילים יביע אולת׃
  • מש׳ 19:12 : 12 נהם ככפיר זעף מלך וכטל על עשב רצונו׃
  • מש׳ 19:19 : 19 גרל חמה נשא ענש כי אם תציל ועוד תוסף׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ״א 20:31-34
    4 פסוקים
    79%

    31כי כל הימים אשר בן ישי חי על האדמה לא תכון אתה ומלכותך ועתה שלח וקח אתו אלי כי בן מות הוא׃

    32ויען יהונתן את שאול אביו ויאמר אליו למה יומת מה עשה׃

    33ויטל שאול את החנית עליו להכתו וידע יהונתן כי כלה היא מעם אביו להמית את דוד׃

    34ויקם יהונתן מעם השלחן בחרי אף ולא אכל ביום החדש השני לחם כי נעצב אל דוד כי הכלמו אביו׃

  • שמ״א 19:1-7
    7 פסוקים
    75%

    1¶ וידבר שאול אל יונתן בנו ואל כל עבדיו להמית את דוד ויהונתן בן שאול חפץ בדוד מאד׃

    2ויגד יהונתן לדוד לאמר מבקש שאול אבי להמיתך ועתה השמר נא בבקר וישבת בסתר ונחבאת׃

    3ואני אצא ועמדתי ליד אבי בשדה אשר אתה שם ואני אדבר בך אל אבי וראיתי מה והגדתי לך׃

    4וידבר יהונתן בדוד טוב אל שאול אביו ויאמר אליו אל יחטא המלך בעבדו בדוד כי לוא חטא לך וכי מעשיו טוב לך מאד׃

    5וישם את נפשו בכפו ויך את הפלשתי ויעש יהוה תשועה גדולה לכל ישראל ראית ותשמח ולמה תחטא בדם נקי להמית את דוד חנם׃

    6וישמע שאול בקול יהונתן וישבע שאול חי יהוה אם יומת׃

    7ויקרא יהונתן לדוד ויגד לו יהונתן את כל הדברים האלה ויבא יהונתן את דוד אל שאול ויהי לפניו כאתמול שלשום׃

  • שמ״א 14:38-44
    7 פסוקים
    73%

    38ויאמר שאול גשו הלם כל פנות העם ודעו וראו במה היתה החטאת הזאת היום׃

    39כי חי יהוה המושיע את ישראל כי אם ישנו ביונתן בני כי מות ימות ואין ענהו מכל העם׃

    40ויאמר אל כל ישראל אתם תהיו לעבר אחד ואני ויונתן בני נהיה לעבר אחד ויאמרו העם אל שאול הטוב בעיניך עשה׃

    41ויאמר שאול אל יהוה אלהי ישראל הבה תמים וילכד יונתן ושאול והעם יצאו׃

    42ויאמר שאול הפילו ביני ובין יונתן בני וילכד יונתן׃

    43ויאמר שאול אל יונתן הגידה לי מה עשיתה ויגד לו יונתן ויאמר טעם טעמתי בקצה המטה אשר בידי מעט דבש הנני אמות׃

    44ויאמר שאול כה יעשה אלהים וכה יוסף כי מות תמות יונתן׃

  • שמ״א 20:8-10
    3 פסוקים
    73%

    8ועשית חסד על עבדך כי בברית יהוה הבאת את עבדך עמך ואם יש בי עון המיתני אתה ועד אביך למה זה תביאני׃

    9ויאמר יהונתן חלילה לך כי אם ידע אדע כי כלתה הרעה מעם אבי לבוא עליך ולא אתה אגיד לך׃

    10ויאמר דוד אל יהונתן מי יגיד לי או מה יענך אביך קשה׃

  • שמ״א 22:13
    73%

    13ויאמר אלו שאול למה קשרתם עלי אתה ובן ישי בתתך לו לחם וחרב ושאול לו באלהים לקום אלי לארב כיום הזה׃

  • שמ״א 22:8
    72%

    8כי קשרתם כלכם עלי ואין גלה את אזני בכרת בני עם בן ישי ואין חלה מכם עלי וגלה את אזני כי הקים בני את עבדי עלי לארב כיום הזה׃

  • שמ״ב 1:25-26
    2 פסוקים
    72%

    25איך נפלו גברים בתוך המלחמה יהונתן על במותיך חלל׃

    26צר לי עליך אחי יהונתן נעמת לי מאד נפלאתה אהבתך לי מאהבת נשים׃

  • שמ״ב 1:17
    72%

    17ויקנן דוד את הקינה הזאת על שאול ועל יהונתן בנו׃

  • שמ״א 14:1
    71%

    1¶ ויהי היום ויאמר יונתן בן שאול אל הנער נשא כליו לכה ונעברה אל מצב פלשתים אשר מעבר הלז ולאביו לא הגיד׃

  • שמ״א 20:27-29
    3 פסוקים
    71%

    27ויהי ממחרת החדש השני ויפקד מקום דוד ויאמר שאול אל יהונתן בנו מדוע לא בא בן ישי גם תמול גם היום אל הלחם׃

    28ויען יהונתן את שאול נשאל נשאל דוד מעמדי עד בית לחם׃

    29ויאמר שלחני נא כי זבח משפחה לנו בעיר והוא צוה לי אחי ועתה אם מצאתי חן בעיניך אמלטה נא ואראה את אחי על כן לא בא אל שלחן המלך׃

  • שמ״א 26:17
    71%

    17ויכר שאול את קול דוד ויאמר הקולך זה בני דוד ויאמר דוד קולי אדני המלך׃

  • שמ״ב 3:8
    71%

    8ויחר לאבנר מאד על דברי איש בשת ויאמר הראש כלב אנכי אשר ליהודה היום אעשה חסד עם בית שאול אביך אל אחיו ואל מרעהו ולא המציתך ביד דוד ותפקד עלי עון האשה היום׃

  • שמ״א 31:2
    71%

    2וידבקו פלשתים את שאול ואת בניו ויכו פלשתים את יהונתן ואת אבינדב ואת מלכי שוע בני שאול׃

  • שמ״א 17:28
    70%

    28וישמע אליאב אחיו הגדול בדברו אל האנשים ויחר אף אליאב בדוד ויאמר למה זה ירדת ועל מי נטשת מעט הצאן ההנה במדבר אני ידעתי את זדנך ואת רע לבבך כי למען ראות המלחמה ירדת׃

  • דה״א 20:7
    70%

    7ויחרף את ישראל ויכהו יהונתן בן שמעא אחי דויד׃

  • שמ״א 14:20
    70%

    20ויזעק שאול וכל העם אשר אתו ויבאו עד המלחמה והנה היתה חרב איש ברעהו מהומה גדולה מאד׃

  • שמ״א 20:1
    70%

    1¶ ויברח דוד מנוית ברמה ויבא ויאמר לפני יהונתן מה עשיתי מה עוני ומה חטאתי לפני אביך כי מבקש את נפשי׃

  • שמ״א 18:8
    70%

    8ויחר לשאול מאד וירע בעיניו הדבר הזה ויאמר נתנו לדוד רבבות ולי נתנו האלפים ועוד לו אך המלוכה׃

  • שמ״א 20:13
    70%

    13כה יעשה יהוה ליהונתן וכה יסיף כי ייטב אל אבי את הרעה עליך וגליתי את אזנך ושלחתיך והלכת לשלום ויהי יהוה עמך כאשר היה עם אבי׃

  • שמ״א 18:21
    70%

    21ויאמר שאול אתננה לו ותהי לו למוקש ותהי בו יד פלשתים ויאמר שאול אל דוד בשתים תתחתן בי היום׃

  • שמ״ב 14:7
    70%

    7והנה קמה כל המשפחה על שפחתך ויאמרו תני את מכה אחיו ונמתהו בנפש אחיו אשר הרג ונשמידה גם את היורש וכבו את גחלתי אשר נשארה לבלתי שום לאישי שם ושארית על פני האדמה׃

  • תה׳ 50:20
    69%

    20תשב באחיך תדבר בבן אמך תתן דפי׃

  • שמ״ב 21:21
    69%

    21ויחרף את ישראל ויכהו יהונתן בן שמעי אחי דוד׃

  • שמ״א 18:2
    69%

    2ויקחהו שאול ביום ההוא ולא נתנו לשוב בית אביו׃

  • שמ״ב 1:22
    69%

    22מדם חללים מחלב גבורים קשת יהונתן לא נשוג אחור וחרב שאול לא תשוב ריקם׃

  • שמ״א 18:25
    69%

    25ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתים׃

  • שמ״א 14:17
    69%

    17ויאמר שאול לעם אשר אתו פקדו נא וראו מי הלך מעמנו ויפקדו והנה אין יונתן ונשא כליו׃

  • שמ״א 23:17
    69%

    17ויאמר אליו אל תירא כי לא תמצאך יד שאול אבי ואתה תמלך על ישראל ואנכי אהיה לך למשנה וגם שאול אבי ידע כן׃

  • שמ״א 15:33
    69%

    33ויאמר שמואל כאשר שכלה נשים חרבך כן תשכל מנשים אמך וישסף שמואל את אגג לפני יהוה בגלגל׃

  • שמ״א 17:55
    69%

    55וכראות שאול את דוד יצא לקראת הפלשתי אמר אל אבנר שר הצבא בן מי זה הנער אבנר ויאמר אבנר חי נפשך המלך אם ידעתי׃