דברי הימים ב׳ 32:19

תנ ך עברי מודרני

וידברו אל אלהי ירושלם כעל אלהי עמי הארץ מעשה ידי האדם׃

📖 ניתוח דקדוקי

הטקסט המקורי

וַֽיְדַבְּר֔וּ אֶל־אֱלֹהֵ֖י יְרוּשָׁלָ֑͏ִם כְּעַ֗ל אֱלֹהֵי֙ עַמֵּ֣י הָאָ֔רֶץ מַעֲשֵׂ֖ה יְדֵ֥י הָאָדָֽם׃ ס

תעתיק

And-yĕdabbĕrû against-ʾĕlōhê Yĕrûšālāim like-against ʾĕlōhê ʿammê the-ʾāreṣ maʿăśê yĕdê the-ʾādām

פרטי דקדוק

• *wayĕdabbĕrû*: conjunction + verb, piel imperfect 3rd person masculine plural - and they spoke
• *ʾel*: preposition - to/against
• *ʾĕlōhê*: noun, masculine plural construct - gods of
• *Yĕrûšālāim*: proper noun - Jerusalem
• *kĕʿal*: preposition + preposition - like against
• *ʿammê*: noun, masculine plural construct - peoples of
• *hāʾāreṣ*: definite article + noun, feminine singular - the earth/land
• *maʿăśê*: noun, masculine singular construct - work of
• *yĕdê*: noun, feminine dual construct - hands of
• *hāʾādām*: definite article + noun, masculine singular - mankind/humans

משמעויות מילים

• *dibber*: speak/talk/declare
• *ʾĕlōhê*: God of/gods of
• *ʿammê*: peoples of/nations of
• *ʾāreṣ*: earth/land/ground
• *maʿăśê*: work/deed/product
• *yādayim*: hands/power
• *ʾādām*: mankind/humans/people

פסוקים מקושרים

• מל״ב 19:18 : 18 ונתנו את אלהיהם באש כי לא אלהים המה כי אם מעשה ידי אדם עץ ואבן ויאבדום׃
• יש׳ 2:8 : 8 ותמלא ארצו אלילים למעשה ידיו ישתחוו לאשר עשו אצבעתיו׃
• יש׳ 14:32 : 32 ומה יענה מלאכי גוי כי יהוה יסד ציון ובה יחסו עניי עמו׃
• יש׳ 37:19 : 19 ונתן את אלהיהם באש כי לא אלהים המה כי אם מעשה ידי אדם עץ ואבן ויאבדום׃
• יש׳ 44:16-20 : 16 חציו שרף במו אש על חציו בשר יאכל יצלה צלי וישבע אף יחם ויאמר האח חמותי ראיתי אור׃ 17 ושאריתו לאל עשה לפסלו יסגוד לו וישתחו ויתפלל אליו ויאמר הצילני כי אלי אתה׃ 18 לא ידעו ולא יבינו כי טח מראות עיניהם מהשכיל לבתם׃ 19 ולא ישיב אל לבו ולא דעת ולא תבונה לאמר חציו שרפתי במו אש ואף אפיתי על גחליו לחם אצלה בשר ואכל ויתרו לתועבה אעשה לבול עץ אסגוד׃ 20 רעה אפר לב הותל הטהו ולא יציל את נפשו ולא יאמר הלוא שקר בימיני׃
• יר׳ 1:16 : 16 ודברתי משפטי אותם על כל רעתם אשר עזבוני ויקטרו לאלהים אחרים וישתחוו למעשי ידיהם׃
• יר׳ 10:3 : 3 כי חקות העמים הבל הוא כי עץ מיער כרתו מעשה ידי חרש במעצד׃
• יר׳ 10:9 : 9 כסף מרקע מתרשיש יובא וזהב מאופז מעשה חרש וידי צורף תכלת וארגמן לבושם מעשה חכמים כלם׃
• יר׳ 32:30 : 30 כי היו בני ישראל ובני יהודה אך עשים הרע בעיני מנערתיהם כי בני ישראל אך מכעסים אתי במעשה ידיהם נאם יהוה׃
• הוש׳ 8:5-6 : 5 זנח עגלך שמרון חרה אפי בם עד מתי לא יוכלו נקין׃ 6 כי מישראל והוא חרש עשהו ולא אלהים הוא כי שבבים יהיה עגל שמרון׃
• עבר 12:22 : 22 כי אם באתם אל הר ציון ואל עיר אלהים חיים אל ירושלים שבשמים׃
• דה״ב 6:6 : 6 ואבחר בירושלם להיות שמי שם ואבחר בדויד להיות על עמי ישראל׃
• דה״ב 32:13-17 : 13 הלא תדעו מה עשיתי אני ואבותי לכל עמי הארצות היכול יכלו אלהי גוי הארצות להציל את ארצם מידי׃ 14 מי בכל אלהי הגוים האלה אשר החרימו אבותי אשר יכול להציל את עמו מידי כי יוכל אלהיכם להציל אתכם מידי׃ 15 ועתה אל ישיא אתכם חזקיהו ואל יסית אתכם כזאת ואל תאמינו לו כי לא יוכל כל אלוה כל גוי וממלכה להציל עמו מידי ומיד אבותי אף כי אלהיכם לא יצילו אתכם מידי׃ 16 ועוד דברו עבדיו על יהוה האלהים ועל יחזקיהו עבדו׃ 17 וספרים כתב לחרף ליהוה אלהי ישראל ולאמר עליו לאמר כאלהי גוי הארצות אשר לא הצילו עמם מידי כן לא יציל אלהי יחזקיהו עמו מידי׃
• איוב 15:25-26 : 25 כי נטה אל אל ידו ואל שדי יתגבר׃ 26 ירוץ אליו בצואר בעבי גבי מגניו׃
• תה׳ 10:13-14 : 13 על מה נאץ רשע אלהים אמר בלבו לא תדרש׃ 14 ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃
• תה׳ 73:8-9 : 8 ימיקו וידברו ברע עשק ממרום ידברו׃ 9 שתו בשמים פיהם ולשונם תהלך בארץ׃ 10 לכן ישיב עמו הלם ומי מלא ימצו למו׃ 11 ואמרו איכה ידע אל ויש דעה בעליון׃
• תה׳ 76:1-2 : 1 ¶ למנצח בנגינת מזמור לאסף שיר נודע ביהודה אלהים בישראל גדול שמו׃ 2 ויהי בשלם סכו ומעונתו בציון׃
• תה׳ 78:68 : 68 ויבחר את שבט יהודה את הר ציון אשר אהב׃
• תה׳ 87:1-3 : 1 ¶ לבני קרח מזמור שיר יסודתו בהררי קדש׃ 2 אהב יהוה שערי ציון מכל משכנות יעקב׃ 3 נכבדות מדבר בך עיר האלהים סלה׃
• תה׳ 115:4-8 : 4 עצביהם כסף וזהב מעשה ידי אדם׃ 5 פה להם ולא ידברו עינים להם ולא יראו׃ 6 אזנים להם ולא ישמעו אף להם ולא יריחון׃ 7 ידיהם ולא ימישון רגליהם ולא יהלכו לא יהגו בגרונם׃ 8 כמוהם יהיו עשיהם כל אשר בטח בהם׃
• תה׳ 132:13-14 : 13 כי בחר יהוה בציון אוה למושב לו׃ 14 זאת מנוחתי עדי עד פה אשב כי אותיה׃
• תה׳ 135:15-18 : 15 עצבי הגוים כסף וזהב מעשה ידי אדם׃ 16 פה להם ולא ידברו עינים להם ולא יראו׃ 17 אזנים להם ולא יאזינו אף אין יש רוח בפיהם׃ 18 כמוהם יהיו עשיהם כל אשר בטח בהם׃
• תה׳ 139:19-20 : 19 אם תקטל אלוה רשע ואנשי דמים סורו מני׃ 20 אשר יאמרך למזמה נשא לשוא עריך׃
• דב׳ 4:28 : 28 ועבדתם שם אלהים מעשה ידי אדם עץ ואבן אשר לא יראון ולא ישמעון ולא יאכלון ולא יריחן׃
• דב׳ 27:15 : 15 ארור האיש אשר יעשה פסל ומסכה תועבת יהוה מעשה ידי חרש ושם בסתר וענו כל העם ואמרו אמן׃
• שמ״א 17:36 : 36 גם את הארי גם הדוב הכה עבדך והיה הפלשתי הערל הזה כאחד מהם כי חרף מערכת אלהים חיים׃