דברי הימים ב׳ 35:4

תנ ך עברי מודרני

והכונו לבית אבותיכם כמחלקותיכם בכתב דויד מלך ישראל ובמכתב שלמה בנו׃

משאבים נוספים

פסוקים מקושרים

  • דה״ב 8:14 : 14 ויעמד כמשפט דויד אביו את מחלקות הכהנים על עבדתם והלוים על משמרותם להלל ולשרת נגד הכהנים לדבר יום ביומו והשוערים במחלקותם לשער ושער כי כן מצות דויד איש האלהים׃
  • דה״א 23:1-9 : 1 ¶ ודויד זקן ושבע ימים וימלך את שלמה בנו על ישראל׃ 2 ויאסף את כל שרי ישראל והכהנים והלוים׃ 3 ויספרו הלוים מבן שלשים שנה ומעלה ויהי מספרם לגלגלתם לגברים שלשים ושמונה אלף׃ 4 מאלה לנצח על מלאכת בית יהוה עשרים וארבעה אלף ושטרים ושפטים ששת אלפים׃ 5 וארבעת אלפים שערים וארבעת אלפים מהללים ליהוה בכלים אשר עשיתי להלל׃ 6 ויחלקם דויד מחלקות לבני לוי לגרשון קהת ומררי׃ 7 לגרשני לעדן ושמעי׃ 8 בני לעדן הראש יחיאל וזתם ויואל שלשה׃ 9 בני שמעי שלמות וחזיאל והרן שלשה אלה ראשי האבות ללעדן׃ 10 ובני שמעי יחת זינא ויעוש ובריעה אלה בני שמעי ארבעה׃ 11 ויהי יחת הראש וזיזה השני ויעוש ובריעה לא הרבו בנים ויהיו לבית אב לפקדה אחת׃ 12 בני קהת עמרם יצהר חברון ועזיאל ארבעה׃ 13 בני עמרם אהרן ומשה ויבדל אהרן להקדישו קדש קדשים הוא ובניו עד עולם להקטיר לפני יהוה לשרתו ולברך בשמו עד עולם׃ 14 ומשה איש האלהים בניו יקראו על שבט הלוי׃ 15 בני משה גרשם ואליעזר׃ 16 בני גרשום שבואל הראש׃ 17 ויהיו בני אליעזר רחביה הראש ולא היה לאליעזר בנים אחרים ובני רחביה רבו למעלה׃ 18 בני יצהר שלמית הראש׃ 19 בני חברון יריהו הראש אמריה השני יחזיאל השלישי ויקמעם הרביעי׃ 20 בני עזיאל מיכה הראש וישיה השני׃ 21 בני מררי מחלי ומושי בני מחלי אלעזר וקיש׃ 22 וימת אלעזר ולא היו לו בנים כי אם בנות וישאום בני קיש אחיהם׃ 23 בני מושי מחלי ועדר וירמות שלשה׃ 24 אלה בני לוי לבית אבתיהם ראשי האבות לפקודיהם במספר שמות לגלגלתם עשה המלאכה לעבדת בית יהוה מבן עשרים שנה ומעלה׃ 25 כי אמר דויד הניח יהוה אלהי ישראל לעמו וישכן בירושלם עד לעולם׃ 26 וגם ללוים אין לשאת את המשכן ואת כל כליו לעבדתו׃
  • דה״א 24:1 : 1 ¶ ולבני אהרן מחלקותם בני אהרן נדב ואביהוא אלעזר ואיתמר׃
  • נח׳ 11:10-20 : 10 מן הכהנים ידעיה בן יויריב יכין׃ 11 שריה בן חלקיה בן משלם בן צדוק בן מריות בן אחיטוב נגד בית האלהים׃ 12 ואחיהם עשי המלאכה לבית שמנה מאות עשרים ושנים ועדיה בן ירחם בן פלליה בן אמצי בן זכריה בן פשחור בן מלכיה׃ 13 ואחיו ראשים לאבות מאתים ארבעים ושנים ועמשסי בן עזראל בן אחזי בן משלמות בן אמר׃ 14 ואחיהם גבורי חיל מאה עשרים ושמנה ופקיד עליהם זבדיאל בן הגדולים׃ 15 ומן הלוים שמעיה בן חשוב בן עזריקם בן חשביה בן בוני׃ 16 ושבתי ויוזבד על המלאכה החיצנה לבית האלהים מראשי הלוים׃ 17 ומתניה בן מיכה בן זבדי בן אסף ראש התחלה יהודה לתפלה ובקבקיה משנה מאחיו ועבדא בן שמוע בן גלל בן ידיתון׃ 18 כל הלוים בעיר הקדש מאתים שמנים וארבעה׃ 19 והשוערים עקוב טלמון ואחיהם השמרים בשערים מאה שבעים ושנים׃ 20 ושאר ישראל הכהנים הלוים בכל ערי יהודה איש בנחלתו׃
  • דה״א 9:10-34 : 10 ומן הכהנים ידעיה ויהויריב ויכין׃ 11 ועזריה בן חלקיה בן משלם בן צדוק בן מריות בן אחיטוב נגיד בית האלהים׃ 12 ועדיה בן ירחם בן פשחור בן מלכיה ומעשי בן עדיאל בן יחזרה בן משלם בן משלמית בן אמר׃ 13 ואחיהם ראשים לבית אבותם אלף ושבע מאות וששים גבורי חיל מלאכת עבודת בית האלהים׃ 14 ומן הלוים שמעיה בן חשוב בן עזריקם בן חשביה מן בני מררי׃ 15 ובקבקר חרש וגלל ומתניה בן מיכא בן זכרי בן אסף׃ 16 ועבדיה בן שמעיה בן גלל בן ידותון וברכיה בן אסא בן אלקנה היושב בחצרי נטופתי׃ 17 והשערים שלום ועקוב וטלמן ואחימן ואחיהם שלום הראש׃ 18 ועד הנה בשער המלך מזרחה המה השערים למחנות בני לוי׃ 19 ושלום בן קורא בן אביסף בן קרח ואחיו לבית אביו הקרחים על מלאכת העבודה שמרי הספים לאהל ואבתיהם על מחנה יהוה שמרי המבוא׃ 20 ופינחס בן אלעזר נגיד היה עליהם לפנים יהוה עמו׃ 21 זכריה בן משלמיה שער פתח לאהל מועד׃ 22 כלם הברורים לשערים בספים מאתים ושנים עשר המה בחצריהם התיחשם המה יסד דויד ושמואל הראה באמונתם׃ 23 והם ובניהם על השערים לבית יהוה לבית האהל למשמרות׃ 24 לארבע רוחות יהיו השערים מזרח ימה צפונה ונגבה׃ 25 ואחיהם בחצריהם לבוא לשבעת הימים מעת אל עת עם אלה׃ 26 כי באמונה המה ארבעת גברי השערים הם הלוים והיו על הלשכות ועל האצרות בית האלהים׃ 27 וסביבות בית האלהים ילינו כי עליהם משמרת והם על המפתח ולבקר לבקר׃ 28 ומהם על כלי העבודה כי במספר יביאום ובמספר יוציאום׃ 29 ומהם ממנים על הכלים ועל כל כלי הקדש ועל הסלת והיין והשמן והלבונה והבשמים׃ 30 ומן בני הכהנים רקחי המרקחת לבשמים׃ 31 ומתתיה מן הלוים הוא הבכור לשלם הקרחי באמונה על מעשה החבתים׃ 32 ומן בני הקהתי מן אחיהם על לחם המערכת להכין שבת שבת׃ 33 ואלה המשררים ראשי אבות ללוים בלשכת פטירים כי יומם ולילה עליהם במלאכה׃ 34 אלה ראשי האבות ללוים לתלדותם ראשים אלה ישבו בירושלם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דה״ב 35:5
    80%

    5ועמדו בקדש לפלגות בית האבות לאחיכם בני העם וחלקת בית אב ללוים׃

  • דה״ב 35:2-3
    2 פסוקים
    76%

    2ויעמד הכהנים על משמרותם ויחזקם לעבודת בית יהוה׃

    3ויאמר ללוים המבונים לכל ישראל הקדושים ליהוה תנו את ארון הקדש בבית אשר בנה שלמה בן דויד מלך ישראל אין לכם משא בכתף עתה עבדו את יהוה אלהיכם ואת עמו ישראל׃

  • דה״ב 35:10
    75%

    10ותכון העבודה ויעמדו הכהנים על עמדם והלוים על מחלקותם כמצות המלך׃

  • דה״א 15:12
    75%

    12ויאמר להם אתם ראשי האבות ללוים התקדשו אתם ואחיכם והעליתם את ארון יהוה אלהי ישראל אל הכינותי לו׃

  • דה״א 22:5-7
    3 פסוקים
    73%

    5ויאמר דויד שלמה בני נער ורך והבית לבנות ליהוה להגדיל למעלה לשם ולתפארת לכל הארצות אכינה נא לו ויכן דויד לרב לפני מותו׃

    6ויקרא לשלמה בנו ויצוהו לבנות בית ליהוה אלהי ישראל׃

    7ויאמר דויד לשלמה בנו אני היה עם לבבי לבנות בית לשם יהוה אלהי׃

  • דה״א 28:10-12
    3 פסוקים
    73%

    10ראה עתה כי יהוה בחר בך לבנות בית למקדש חזק ועשה׃

    11ויתן דויד לשלמה בנו את תבנית האולם ואת בתיו וגנזכיו ועליתיו וחדריו הפנימים ובית הכפרת׃

    12ותבנית כל אשר היה ברוח עמו לחצרות בית יהוה ולכל הלשכות סביב לאצרות בית האלהים ולאצרות הקדשים׃

  • דה״א 23:6
    73%

    6ויחלקם דויד מחלקות לבני לוי לגרשון קהת ומררי׃

  • דה״ב 8:14
    73%

    14ויעמד כמשפט דויד אביו את מחלקות הכהנים על עבדתם והלוים על משמרותם להלל ולשרת נגד הכהנים לדבר יום ביומו והשוערים במחלקותם לשער ושער כי כן מצות דויד איש האלהים׃

  • דה״ב 5:1-2
    2 פסוקים
    72%

    1¶ ותשלם כל המלאכה אשר עשה שלמה לבית יהוה ויבא שלמה את קדשי דויד אביו ואת הכסף ואת הזהב ואת כל הכלים נתן באצרות בית האלהים׃

    2אז יקהיל שלמה את זקני ישראל ואת כל ראשי המטות נשיאי האבות לבני ישראל אל ירושלם להעלות את ארון ברית יהוה מעיר דויד היא ציון׃

  • דה״א 15:3-4
    2 פסוקים
    72%

    3ויקהל דויד את כל ישראל אל ירושלם להעלות את ארון יהוה אל מקומו אשר הכין לו׃

    4ויאסף דויד את בני אהרן ואת הלוים׃

  • דה״א 28:20-21
    2 פסוקים
    72%

    20ויאמר דויד לשלמה בנו חזק ואמץ ועשה אל תירא ואל תחת כי יהוה אלהים אלהי עמך לא ירפך ולא יעזבך עד לכלות כל מלאכת עבודת בית יהוה׃

    21והנה מחלקות הכהנים והלוים לכל עבודת בית האלהים ועמך בכל מלאכה לכל נדיב בחכמה לכל עבודה והשרים וכל העם לכל דבריך׃

  • במ׳ 4:2
    72%

    2נשא את ראש בני קהת מתוך בני לוי למשפחתם לבית אבתם׃

  • דה״א 22:17
    71%

    17ויצו דויד לכל שרי ישראל לעזר לשלמה בנו׃

  • דה״א 25:1
    71%

    1¶ ויבדל דויד ושרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשי מלאכה לעבדתם׃

  • דה״ב 35:15
    71%

    15והמשררים בני אסף על מעמדם כמצות דויד ואסף והימן וידתון חוזה המלך והשערים לשער ושער אין להם לסור מעל עבדתם כי אחיהם הלוים הכינו להם׃

  • דה״א 22:19
    71%

    19עתה תנו לבבכם ונפשכם לדרוש ליהוה אלהיכם וקומו ובנו את מקדש יהוה האלהים להביא את ארון ברית יהוה וכלי קדש האלהים לבית הנבנה לשם יהוה׃

  • דה״ב 29:25
    71%

    25ויעמד את הלוים בית יהוה במצלתים בנבלים ובכנרות במצות דויד וגד חזה המלך ונתן הנביא כי ביד יהוה המצוה ביד נביאיו׃

  • דה״א 16:4
    71%

    4ויתן לפני ארון יהוה מן הלוים משרתים ולהזכיר ולהודות ולהלל ליהוה אלהי ישראל׃

  • דה״ב 2:1
    71%

    1¶ ויאמר שלמה לבנות בית לשם יהוה ובית למלכותו׃

  • מל״א 5:5
    71%

    5והנני אמר לבנות בית לשם יהוה אלהי כאשר דבר יהוה אל דוד אבי לאמר בנך אשר אתן תחתיך על כסאך הוא יבנה הבית לשמי׃

  • נח׳ 12:45
    71%

    45וישמרו משמרת אלהיהם ומשמרת הטהרה והמשררים והשערים כמצות דויד שלמה בנו׃

  • מל״א 8:1
    71%

    1¶ אז יקהל שלמה את זקני ישראל את כל ראשי המטות נשיאי האבות לבני ישראל אל המלך שלמה ירושלם להעלות את ארון ברית יהוה מעיר דוד היא ציון׃

  • מל״א 6:12
    71%

    12הבית הזה אשר אתה בנה אם תלך בחקתי ואת משפטי תעשה ושמרת את כל מצותי ללכת בהם והקמתי את דברי אתך אשר דברתי אל דוד אביך׃

  • דה״א 29:1
    71%

    1¶ ויאמר דויד המלך לכל הקהל שלמה בני אחד בחר בו אלהים נער ורך והמלאכה גדולה כי לא לאדם הבירה כי ליהוה אלהים׃

  • דה״א 22:2
    70%

    2ויאמר דויד לכנוס את הגרים אשר בארץ ישראל ויעמד חצבים לחצוב אבני גזית לבנות בית האלהים׃

  • דה״ב 1:2
    70%

    2ויאמר שלמה לכל ישראל לשרי האלפים והמאות ולשפטים ולכל נשיא לכל ישראל ראשי האבות׃

  • דה״א 6:32
    70%

    32ויהיו משרתים לפני משכן אהל מועד בשיר עד בנות שלמה את בית יהוה בירושלם ויעמדו כמשפטם על עבודתם׃

  • עז׳ 3:10
    70%

    10ויסדו הבנים את היכל יהוה ויעמידו הכהנים מלבשים בחצצרות והלוים בני אסף במצלתים להלל את יהוה על ידי דויד מלך ישראל׃

  • דה״ב 29:15
    70%

    15ויאספו את אחיהם ויתקדשו ויבאו כמצות המלך בדברי יהוה לטהר בית יהוה׃

  • דה״א 24:6
    70%

    6ויכתבם שמעיה בן נתנאל הסופר מן הלוי לפני המלך והשרים וצדוק הכהן ואחימלך בן אביתר וראשי האבות לכהנים וללוים בית אב אחד אחז לאלעזר ואחז אחז לאיתמר׃

  • מל״א 1:35
    70%

    35ועליתם אחריו ובא וישב על כסאי והוא ימלך תחתי ואתו צויתי להיות נגיד על ישראל ועל יהודה׃

  • דה״א 15:1
    70%

    1¶ ויעש לו בתים בעיר דויד ויכן מקום לארון האלהים ויט לו אהל׃

  • במ׳ 4:46
    70%

    46כל הפקדים אשר פקד משה ואהרן ונשיאי ישראל את הלוים למשפחתם ולבית אבתם׃

  • דה״א 22:11
    69%

    11עתה בני יהי יהוה עמך והצלחת ובנית בית יהוה אלהיך כאשר דבר עליך׃

  • דה״א 24:19
    69%

    19אלה פקדתם לעבדתם לבוא לבית יהוה כמשפטם ביד אהרן אביהם כאשר צוהו יהוה אלהי ישראל׃

  • במ׳ 4:42
    69%

    42ופקודי משפחת בני מררי למשפחתם לבית אבתם׃

  • יר׳ 22:4
    69%

    4כי אם עשו תעשו את הדבר הזה ובאו בשערי הבית הזה מלכים ישבים לדוד על כסאו רכבים ברכב ובסוסים הוא ועבדו ועמו׃

  • עז׳ 6:18
    69%

    18והקימו כהניא בפלגתהון ולויא במחלקתהון על עבידת אלהא די בירושלם ככתב ספר משה׃

  • מל״א 5:18
    69%

    18ויפסלו בני שלמה ובני חירום והגבלים ויכינו העצים והאבנים לבנות הבית׃

  • דה״א 28:1
    69%

    1¶ ויקהל דויד את כל שרי ישראל שרי השבטים ושרי המחלקות המשרתים את המלך ושרי האלפים ושרי המאות ושרי כל רכוש ומקנה למלך ולבניו עם הסריסים והגבורים ולכל גבור חיל אל ירושלם׃

  • דה״ב 7:17
    69%

    17ואתה אם תלך לפני כאשר הלך דויד אביך ולעשות ככל אשר צויתיך וחקי ומשפטי תשמור׃