שמואל ב׳ 1:12

תנ ך עברי מודרני

ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל כי נפלו בחרב׃

משאבים נוספים

פסוקים מקושרים

  • שמ״ב 3:35 : 35 ויבא כל העם להברות את דוד לחם בעוד היום וישבע דוד לאמר כה יעשה לי אלהים וכה יסיף כי אם לפני בוא השמש אטעם לחם או כל מאומה׃
  • תה׳ 35:13-14 : 13 ואני בחלותם לבושי שק עניתי בצום נפשי ותפלתי על חיקי תשוב׃ 14 כרע כאח לי התהלכתי כאבל אם קדר שחותי׃
  • מש׳ 24:17 : 17 בנפל אויביך אל תשמח ובכשלו אל יגל לבך׃
  • יר׳ 9:1 : 1 ¶ מי יתן ראשי מים ועיני מקור דמעה ואבכה יומם ולילה את חללי בת עמי׃
  • עמ׳ 6:6 : 6 השתים במזרקי יין וראשית שמנים ימשחו ולא נחלו על שבר יוסף׃
  • מתי 5:44 : 44 אבל אני אמר לכם אהבו את איביכם ברכו את מקקליכם היטיבו לשנאיכם והתפללו בעד מכאיביכם ורדפיכם׃
  • קור״ב 11:29 : 29 מי יחלש ואני לא אחלש מי יכשל ולא יבער לבי׃
  • פט״א 3:8 : 8 וסוף דבר היו כלכם לב אחד בעלי חמלה אהבי האחים רחמנים ומתקבלים על הבריות׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ״ב 1:17
    85%

    17ויקנן דוד את הקינה הזאת על שאול ועל יהונתן בנו׃

  • שמ״ב 1:11
    82%

    11ויחזק דוד בבגדו ויקרעם וגם כל האנשים אשר אתו׃

  • שמ״ב 1:22-25
    4 פסוקים
    82%

    22מדם חללים מחלב גבורים קשת יהונתן לא נשוג אחור וחרב שאול לא תשוב ריקם׃

    23שאול ויהונתן הנאהבים והנעימם בחייהם ובמותם לא נפרדו מנשרים קלו מאריות גברו׃

    24בנות ישראל אל שאול בכינה המלבשכם שני עם עדנים המעלה עדי זהב על לבושכן׃

    25איך נפלו גברים בתוך המלחמה יהונתן על במותיך חלל׃

  • שמ״ב 1:4-5
    2 פסוקים
    80%

    4ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו׃

    5ויאמר דוד אל הנער המגיד לו איך ידעת כי מת שאול ויהונתן בנו׃

  • דה״א 10:11-12
    2 פסוקים
    80%

    11וישמעו כל יביש גלעד את כל אשר עשו פלשתים לשאול׃

    12ויקומו כל איש חיל וישאו את גופת שאול ואת גופת בניו ויביאום יבישה ויקברו את עצמותיהם תחת האלה ביבש ויצומו שבעת ימים׃

  • שמ״א 31:1-2
    2 פסוקים
    78%

    1¶ ופלשתים נלחמים בישראל וינסו אנשי ישראל מפני פלשתים ויפלו חללים בהר הגלבע׃

    2וידבקו פלשתים את שאול ואת בניו ויכו פלשתים את יהונתן ואת אבינדב ואת מלכי שוע בני שאול׃

  • שמ״ב 3:31-32
    2 פסוקים
    77%

    31ויאמר דוד אל יואב ואל כל העם אשר אתו קרעו בגדיכם וחגרו שקים וספדו לפני אבנר והמלך דוד הלך אחרי המטה׃

    32ויקברו את אבנר בחברון וישא המלך את קולו ויבך אל קבר אבנר ויבכו כל העם׃

  • שמ״ב 1:27
    77%

    27איך נפלו גבורים ויאבדו כלי מלחמה׃

  • שמ״א 11:4-5
    2 פסוקים
    76%

    4ויבאו המלאכים גבעת שאול וידברו הדברים באזני העם וישאו כל העם את קולם ויבכו׃

    5והנה שאול בא אחרי הבקר מן השדה ויאמר שאול מה לעם כי יבכו ויספרו לו את דברי אנשי יביש׃

  • שמ״א 31:11-13
    3 פסוקים
    76%

    11וישמעו אליו ישבי יביש גלעד את אשר עשו פלשתים לשאול׃

    12ויקומו כל איש חיל וילכו כל הלילה ויקחו את גוית שאול ואת גוית בניו מחומת בית שן ויבאו יבשה וישרפו אתם שם׃

    13ויקחו את עצמתיהם ויקברו תחת האשל ביבשה ויצמו שבעת ימים׃

  • דה״א 10:1-2
    2 פסוקים
    76%

    1¶ ופלשתים נלחמו בישראל וינס איש ישראל מפני פלשתים ויפלו חללים בהר גלבע׃

    2וידבקו פלשתים אחרי שאול ואחרי בניו ויכו פלשתים את יונתן ואת אבינדב ואת מלכי שוע בני שאול׃

  • שמ״ב 19:1-2
    2 פסוקים
    76%

    1¶ ויגד ליואב הנה המלך בכה ויתאבל על אבשלם׃

    2ותהי התשעה ביום ההוא לאבל לכל העם כי שמע העם ביום ההוא לאמר נעצב המלך על בנו׃

  • שמ״א 30:4
    76%

    4וישא דוד והעם אשר אתו את קולם ויבכו עד אשר אין בהם כח לבכות׃

  • שמ״ב 13:36
    76%

    36ויהי ככלתו לדבר והנה בני המלך באו וישאו קולם ויבכו וגם המלך וכל עבדיו בכו בכי גדול מאד׃

  • דה״א 10:7-8
    2 פסוקים
    75%

    7ויראו כל איש ישראל אשר בעמק כי נסו וכי מתו שאול ובניו ויעזבו עריהם וינסו ויבאו פלשתים וישבו בהם׃

    8ויהי ממחרת ויבאו פלשתים לפשט את החללים וימצאו את שאול ואת בניו נפלים בהר גלבע׃

  • שמ״א 20:41
    75%

    41הנער בא ודוד קם מאצל הנגב ויפל לאפיו ארצה וישתחו שלש פעמים וישקו איש את רעהו ויבכו איש את רעהו עד דוד הגדיל׃

  • שמ״א 13:22
    75%

    22והיה ביום מלחמת ולא נמצא חרב וחנית ביד כל העם אשר את שאול ואת יונתן ותמצא לשאול וליונתן בנו׃

  • שמ״א 31:5-8
    4 פסוקים
    75%

    5וירא נשא כליו כי מת שאול ויפל גם הוא על חרבו וימת עמו׃

    6וימת שאול ושלשת בניו ונשא כליו גם כל אנשיו ביום ההוא יחדו׃

    7ויראו אנשי ישראל אשר בעבר העמק ואשר בעבר הירדן כי נסו אנשי ישראל וכי מתו שאול ובניו ויעזבו את הערים וינסו ויבאו פלשתים וישבו בהן׃

    8ויהי ממחרת ויבאו פלשתים לפשט את החללים וימצאו את שאול ואת שלשת בניו נפלים בהר הגלבע׃

  • שמ״ב 21:12-14
    3 פסוקים
    75%

    12וילך דוד ויקח את עצמות שאול ואת עצמות יהונתן בנו מאת בעלי יביש גלעד אשר גנבו אתם מרחב בית שן אשר תלום שם הפלשתים ביום הכות פלשתים את שאול בגלבע׃

    13ויעל משם את עצמות שאול ואת עצמות יהונתן בנו ויאספו את עצמות המוקעים׃

    14ויקברו את עצמות שאול ויהונתן בנו בארץ בנימן בצלע בקבר קיש אביו ויעשו כל אשר צוה המלך ויעתר אלהים לארץ אחרי כן׃

  • שמ״א 14:21
    74%

    21והעברים היו לפלשתים כאתמול שלשום אשר עלו עמם במחנה סביב וגם המה להיות עם ישראל אשר עם שאול ויונתן׃

  • שמ״א 20:34
    73%

    34ויקם יהונתן מעם השלחן בחרי אף ולא אכל ביום החדש השני לחם כי נעצב אל דוד כי הכלמו אביו׃

  • שמ״א 24:16
    73%

    16ויהי ככלות דוד לדבר את הדברים האלה אל שאול ויאמר שאול הקלך זה בני דוד וישא שאול קלו ויבך׃

  • שמ״ב 1:13
    73%

    13ויאמר דוד אל הנער המגיד לו אי מזה אתה ויאמר בן איש גר עמלקי אנכי׃

  • שמ״א 14:39
    73%

    39כי חי יהוה המושיע את ישראל כי אם ישנו ביונתן בני כי מות ימות ואין ענהו מכל העם׃

  • שמ״ב 12:21
    73%

    21ויאמרו עבדיו אליו מה הדבר הזה אשר עשיתה בעבור הילד חי צמת ותבך וכאשר מת הילד קמת ותאכל לחם׃

  • שמ״א 18:1
    73%

    1¶ ויהי ככלתו לדבר אל שאול ונפש יהונתן נקשרה בנפש דוד ויאהבו יהונתן כנפשו׃

  • שמ״ב 1:19
    73%

    19הצבי ישראל על במותיך חלל איך נפלו גבורים׃

  • שמ״א 15:35
    72%

    35ולא יסף שמואל לראות את שאול עד יום מותו כי התאבל שמואל אל שאול ויהוה נחם כי המליך את שאול על ישראל׃

  • שמ״ב 13:31
    72%

    31ויקם המלך ויקרע את בגדיו וישכב ארצה וכל עבדיו נצבים קרעי בגדים׃

  • שמ״א 14:13
    72%

    13ויעל יונתן על ידיו ועל רגליו ונשא כליו אחריו ויפלו לפני יונתן ונשא כליו ממותת אחריו׃

  • שמ״א 13:16
    72%

    16ושאול ויונתן בנו והעם הנמצא עמם ישבים בגבע בנימן ופלשתים חנו במכמש׃

  • שופ׳ 20:26
    72%

    26ויעלו כל בני ישראל וכל העם ויבאו בית אל ויבכו וישבו שם לפני יהוה ויצומו ביום ההוא עד הערב ויעלו עלות ושלמים לפני יהוה׃