שמואל ב׳ 11:7

תנ ך עברי מודרני

ויבא אוריה אליו וישאל דוד לשלום יואב ולשלום העם ולשלום המלחמה׃

משאבים נוספים

פסוקים מקושרים

  • בר׳ 37:14 : 14 ויאמר לו לך נא ראה את שלום אחיך ואת שלום הצאן והשבני דבר וישלחהו מעמק חברון ויבא שכמה׃
  • שמ״א 17:22 : 22 ויטש דוד את הכלים מעליו על יד שומר הכלים וירץ המערכה ויבא וישאל לאחיו לשלום׃
  • בר׳ 29:6 : 6 ויאמר להם השלום לו ויאמרו שלום והנה רחל בתו באה עם הצאן׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ״ב 11:1-6
    6 פסוקים
    85%

    1¶ ויהי לתשובת השנה לעת צאת המלאכים וישלח דוד את יואב ואת עבדיו עמו ואת כל ישראל וישחתו את בני עמון ויצרו על רבה ודוד יושב בירושלם׃

    2ויהי לעת הערב ויקם דוד מעל משכבו ויתהלך על גג בית המלך וירא אשה רחצת מעל הגג והאשה טובת מראה מאד׃

    3וישלח דוד וידרש לאשה ויאמר הלוא זאת בת שבע בת אליעם אשת אוריה החתי׃

    4וישלח דוד מלאכים ויקחה ותבוא אליו וישכב עמה והיא מתקדשת מטמאתה ותשב אל ביתה׃

    5ותהר האשה ותשלח ותגד לדוד ותאמר הרה אנכי׃

    6וישלח דוד אל יואב שלח אלי את אוריה החתי וישלח יואב את אוריה אל דוד׃

  • שמ״ב 11:8-27
    20 פסוקים
    84%

    8ויאמר דוד לאוריה רד לביתך ורחץ רגליך ויצא אוריה מבית המלך ותצא אחריו משאת המלך׃

    9וישכב אוריה פתח בית המלך את כל עבדי אדניו ולא ירד אל ביתו׃

    10ויגדו לדוד לאמר לא ירד אוריה אל ביתו ויאמר דוד אל אוריה הלוא מדרך אתה בא מדוע לא ירדת אל ביתך׃

    11ויאמר אוריה אל דוד הארון וישראל ויהודה ישבים בסכות ואדני יואב ועבדי אדני על פני השדה חנים ואני אבוא אל ביתי לאכל ולשתות ולשכב עם אשתי חיך וחי נפשך אם אעשה את הדבר הזה׃

    12ויאמר דוד אל אוריה שב בזה גם היום ומחר אשלחך וישב אוריה בירושלם ביום ההוא וממחרת׃

    13ויקרא לו דוד ויאכל לפניו וישת וישכרהו ויצא בערב לשכב במשכבו עם עבדי אדניו ואל ביתו לא ירד׃

    14ויהי בבקר ויכתב דוד ספר אל יואב וישלח ביד אוריה׃

    15ויכתב בספר לאמר הבו את אוריה אל מול פני המלחמה החזקה ושבתם מאחריו ונכה ומת׃

    16ויהי בשמור יואב אל העיר ויתן את אוריה אל המקום אשר ידע כי אנשי חיל שם׃

    17ויצאו אנשי העיר וילחמו את יואב ויפל מן העם מעבדי דוד וימת גם אוריה החתי׃

    18וישלח יואב ויגד לדוד את כל דברי המלחמה׃

    19ויצו את המלאך לאמר ככלותך את כל דברי המלחמה לדבר אל המלך׃

    20והיה אם תעלה חמת המלך ואמר לך מדוע נגשתם אל העיר להלחם הלוא ידעתם את אשר ירו מעל החומה׃

    21מי הכה את אבימלך בן ירבשת הלוא אשה השליכה עליו פלח רכב מעל החומה וימת בתבץ למה נגשתם אל החומה ואמרת גם עבדך אוריה החתי מת׃

    22וילך המלאך ויבא ויגד לדוד את כל אשר שלחו יואב׃

    23ויאמר המלאך אל דוד כי גברו עלינו האנשים ויצאו אלינו השדה ונהיה עליהם עד פתח השער׃

    24ויראו המוראים אל עבדך מעל החומה וימותו מעבדי המלך וגם עבדך אוריה החתי מת׃

    25ויאמר דוד אל המלאך כה תאמר אל יואב אל ירע בעיניך את הדבר הזה כי כזה וכזה תאכל החרב החזק מלחמתך אל העיר והרסה וחזקהו׃

    26ותשמע אשת אוריה כי מת אוריה אישה ותספד על בעלה׃

    27ויעבר האבל וישלח דוד ויאספה אל ביתו ותהי לו לאשה ותלד לו בן וירע הדבר אשר עשה דוד בעיני יהוה׃

  • שמ״ב 10:7
    76%

    7וישמע דוד וישלח את יואב ואת כל הצבא הגברים׃

  • דה״א 19:8
    73%

    8וישמע דויד וישלח את יואב ואת כל צבא הגבורים׃

  • שמ״ב 1:3-5
    3 פסוקים
    72%

    3ויאמר לו דוד אי מזה תבוא ויאמר אליו ממחנה ישראל נמלטתי׃

    4ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו׃

    5ויאמר דוד אל הנער המגיד לו איך ידעת כי מת שאול ויהונתן בנו׃

  • שמ״ב 12:9
    72%

    9מדוע בזית את דבר יהוה לעשות הרע בעינו את אוריה החתי הכית בחרב ואת אשתו לקחת לך לאשה ואתו הרגת בחרב בני עמון׃

  • דה״א 11:41
    71%

    41אוריה החתי זבד בן אחלי׃

  • שמ״ב 23:39
    71%

    39אוריה החתי כל שלשים ושבעה׃

  • שמ״ב 3:26
    71%

    26ויצא יואב מעם דוד וישלח מלאכים אחרי אבנר וישבו אתו מבור הסרה ודוד לא ידע׃

  • שמ״ב 12:15
    71%

    15וילך נתן אל ביתו ויגף יהוה את הילד אשר ילדה אשת אוריה לדוד ויאנש׃

  • מל״א 1:28
    71%

    28ויען המלך דוד ויאמר קראו לי לבת שבע ותבא לפני המלך ותעמד לפני המלך׃

  • שמ״ב 7:17-18
    2 פסוקים
    70%

    17ככל הדברים האלה וככל החזיון הזה כן דבר נתן אל דוד׃

    18ויבא המלך דוד וישב לפני יהוה ויאמר מי אנכי אדני יהוה ומי ביתי כי הביאתני עד הלם׃

  • שמ״א 23:2
    70%

    2וישאל דוד ביהוה לאמר האלך והכיתי בפלשתים האלה ויאמר יהוה אל דוד לך והכית בפלשתים והושעת את קעילה׃

  • שמ״א 17:31
    70%

    31וישמעו הדברים אשר דבר דוד ויגדו לפני שאול ויקחהו׃

  • שמ״ב 3:24
    69%

    24ויבא יואב אל המלך ויאמר מה עשיתה הנה בא אבנר אליך למה זה שלחתו וילך הלוך׃

  • שמ״ב 7:1
    69%

    1¶ ויהי כי ישב המלך בביתו ויהוה הניח לו מסביב מכל איביו׃

  • שמ״א 30:7
    69%

    7ויאמר דוד אל אביתר הכהן בן אחימלך הגישה נא לי האפד ויגש אביתר את האפד אל דוד׃

  • דה״א 21:2
    69%

    2ויאמר דויד אל יואב ואל שרי העם לכו ספרו את ישראל מבאר שבע ועד דן והביאו אלי ואדעה את מספרם׃

  • שמ״ב 2:1
    69%

    1¶ ויהי אחרי כן וישאל דוד ביהוה לאמר האעלה באחת ערי יהודה ויאמר יהוה אליו עלה ויאמר דוד אנה אעלה ויאמר חברנה׃

  • שמ״ב 8:9
    69%

    9וישמע תעי מלך חמת כי הכה דוד את כל חיל הדדעזר׃

  • שמ״א 17:29
    69%

    29ויאמר דוד מה עשיתי עתה הלוא דבר הוא׃

  • מל״א 15:5
    68%

    5אשר עשה דוד את הישר בעיני יהוה ולא סר מכל אשר צוהו כל ימי חייו רק בדבר אוריה החתי׃

  • דה״א 11:7
    68%

    7וישב דויד במצד על כן קראו לו עיר דויד׃