שמואל ב׳ 15:31

תנ ך עברי מודרני

ודוד הגיד לאמר אחיתפל בקשרים עם אבשלום ויאמר דוד סכל נא את עצת אחיתפל יהוה׃

משאבים נוספים

פסוקים מקושרים

  • שמ״ב 17:14 : 14 ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה׃
  • שמ״ב 17:23 : 23 ואחיתפל ראה כי לא נעשתה עצתו ויחבש את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃
  • שמ״ב 16:23 : 23 ועצת אחיתפל אשר יעץ בימים ההם כאשר ישאל בדבר האלהים כן כל עצת אחיתפל גם לדוד גם לאבשלם׃
  • תה׳ 3:1 : 1 ¶ מזמור לדוד בברחו מפני אבשלום בנו יהוה מה רבו צרי רבים קמים עלי׃
  • תה׳ 41:9 : 9 גם איש שלומי אשר בטחתי בו אוכל לחמי הגדיל עלי עקב׃
  • שמ״ב 15:12 : 12 וישלח אבשלום את אחיתפל הגילני יועץ דוד מעירו מגלה בזבחו את הזבחים ויהי הקשר אמץ והעם הולך ורב את אבשלום׃
  • יש׳ 19:11-25 : 11 אך אולים שרי צען חכמי יעצי פרעה עצה נבערה איך תאמרו אל פרעה בן חכמים אני בן מלכי קדם׃ 12 אים אפוא חכמיך ויגידו נא לך וידעו מה יעץ יהוה צבאות על מצרים׃ 13 נואלו שרי צען נשאו שרי נף התעו את מצרים פנת שבטיה׃ 14 יהוה מסך בקרבה רוח עועים והתעו את מצרים בכל מעשהו כהתעות שכור בקיאו׃ 15 ולא יהיה למצרים מעשה אשר יעשה ראש וזנב כפה ואגמון׃ 16 ביום ההוא יהיה מצרים כנשים וחרד ופחד מפני תנופת יד יהוה צבאות אשר הוא מניף עליו׃ 17 והיתה אדמת יהודה למצרים לחגא כל אשר יזכיר אתה אליו יפחד מפני עצת יהוה צבאות אשר הוא יועץ עליו׃ 18 ביום ההוא יהיו חמש ערים בארץ מצרים מדברות שפת כנען ונשבעות ליהוה צבאות עיר ההרס יאמר לאחת׃ 19 ביום ההוא יהיה מזבח ליהוה בתוך ארץ מצרים ומצבה אצל גבולה ליהוה׃ 20 והיה לאות ולעד ליהוה צבאות בארץ מצרים כי יצעקו אל יהוה מפני לחצים וישלח להם מושיע ורב והצילם׃ 21 ונודע יהוה למצרים וידעו מצרים את יהוה ביום ההוא ועבדו זבח ומנחה ונדרו נדר ליהוה ושלמו׃ 22 ונגף יהוה את מצרים נגף ורפוא ושבו עד יהוה ונעתר להם ורפאם׃ 23 ביום ההוא תהיה מסלה ממצרים אשורה ובא אשור במצרים ומצרים באשור ועבדו מצרים את אשור׃ 24 ביום ההוא יהיה ישראל שלישיה למצרים ולאשור ברכה בקרב הארץ׃ 25 אשר ברכו יהוה צבאות לאמר ברוך עמי מצרים ומעשה ידי אשור ונחלתי ישראל׃
  • קור״א 1:20 : 20 איה חכם איה ספר איה דרש העולם הזה הלא סכל האלהים את חכמת העולם הזה׃
  • איוב 12:16-20 : 16 עמו עז ותושיה לו שגג ומשגה׃ 17 מוליך יועצים שולל ושפטים יהולל׃ 18 מוסר מלכים פתח ויאסר אזור במתניהם׃ 19 מוליך כהנים שולל ואתנים יסלף׃ 20 מסיר שפה לנאמנים וטעם זקנים יקח׃
  • יעק׳ 3:15 : 15 אין זאת החכמה הירדת ממעל כי אם חכמת אדמה היא וחכמת היצר והשדים׃
  • קור״א 3:18-20 : 18 אל ירמה איש את עצמו והחשב את עצמו חכם בעולם הזה יהי לסכל למען יחכם׃ 19 כי חכמת העולם הזה סכלות היא לפני האלהים ככתוב לכד חכמים בערמם׃ 20 ועוד כתוב יהוה ידע מחשבות חכמים כי המה הבל׃
  • תה׳ 109:3 : 3 ודברי שנאה סבבוני וילחמוני חנם׃
  • יש׳ 19:3 : 3 ונבקה רוח מצרים בקרבו ועצתו אבלע ודרשו אל האלילים ואל האטים ואל האבות ואל הידענים׃
  • יר׳ 8:8-9 : 8 איכה תאמרו חכמים אנחנו ותורת יהוה אתנו אכן הנה לשקר עשה עט שקר ספרים׃ 9 הבישו חכמים חתו וילכדו הנה בדבר יהוה מאסו וחכמת מה להם׃
  • מתי 26:14-15 : 14 וילך אחד משנים העשר הנקרא יהודה איש קריות אל ראשי הכהנים׃ 15 ויאמר מה תתנו לי ואמסרנו בידכם וישקלו לו שלשים כסף׃
  • יוח 13:18 : 18 לא על כלכם דברתי יודע אני את אשר בחרתי בהם אך למען ימלא הכתוב אוכל לחמי הגדיל עלי עקב׃
  • איוב 5:12 : 12 מפר מחשבות ערומים ולא תעשינה ידיהם תושיה׃
  • תה׳ 55:12 : 12 כי לא אויב יחרפני ואשא לא משנאי עלי הגדיל ואסתר ממנו׃
  • תה׳ 55:14-15 : 14 אשר יחדו נמתיק סוד בבית אלהים נהלך ברגש׃ 15 ישימות עלימו ירדו שאול חיים כי רעות במגורם בקרבם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ״ב 17:13-16
    4 פסוקים
    83%

    13ואם אל עיר יאסף והשיאו כל ישראל אל העיר ההיא חבלים וסחבנו אתו עד הנחל עד אשר לא נמצא שם גם צרור׃

    14ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה׃

    15ויאמר חושי אל צדוק ואל אביתר הכהנים כזאת וכזאת יעץ אחיתפל את אבשלם ואת זקני ישראל וכזאת וכזאת יעצתי אני׃

    16ועתה שלחו מהרה והגידו לדוד לאמר אל תלן הלילה בערבות המדבר וגם עבור תעבור פן יבלע למלך ולכל העם אשר אתו׃

  • שמ״ב 16:19-23
    5 פסוקים
    83%

    19והשנית למי אני אעבד הלוא לפני בנו כאשר עבדתי לפני אביך כן אהיה לפניך׃

    20ויאמר אבשלום אל אחיתפל הבו לכם עצה מה נעשה׃

    21ויאמר אחיתפל אל אבשלם בוא אל פלגשי אביך אשר הניח לשמור הבית ושמע כל ישראל כי נבאשת את אביך וחזקו ידי כל אשר אתך׃

    22ויטו לאבשלום האהל על הגג ויבא אבשלום אל פלגשי אביו לעיני כל ישראל׃

    23ועצת אחיתפל אשר יעץ בימים ההם כאשר ישאל בדבר האלהים כן כל עצת אחיתפל גם לדוד גם לאבשלם׃

  • שמ״ב 15:32-35
    4 פסוקים
    81%

    32ויהי דוד בא עד הראש אשר ישתחוה שם לאלהים והנה לקראתו חושי הארכי קרוע כתנתו ואדמה על ראשו׃

    33ויאמר לו דוד אם עברת אתי והית עלי למשא׃

    34ואם העיר תשוב ואמרת לאבשלום עבדך אני המלך אהיה עבד אביך ואני מאז ועתה ואני עבדך והפרתה לי את עצת אחיתפל׃

    35והלוא עמך שם צדוק ואביתר הכהנים והיה כל הדבר אשר תשמע מבית המלך תגיד לצדוק ולאביתר הכהנים׃

  • שמ״ב 17:1-2
    2 פסוקים
    80%

    1¶ ויאמר אחיתפל אל אבשלם אבחרה נא שנים עשר אלף איש ואקומה וארדפה אחרי דוד הלילה׃

    2ואבוא עליו והוא יגע ורפה ידים והחרדתי אתו ונס כל העם אשר אתו והכיתי את המלך לבדו׃

  • שמ״ב 15:11-15
    5 פסוקים
    79%

    11ואת אבשלום הלכו מאתים איש מירושלם קראים והלכים לתמם ולא ידעו כל דבר׃

    12וישלח אבשלום את אחיתפל הגילני יועץ דוד מעירו מגלה בזבחו את הזבחים ויהי הקשר אמץ והעם הולך ורב את אבשלום׃

    13ויבא המגיד אל דוד לאמר היה לב איש ישראל אחרי אבשלום׃

    14ויאמר דוד לכל עבדיו אשר אתו בירושלם קומו ונברחה כי לא תהיה לנו פליטה מפני אבשלום מהרו ללכת פן ימהר והשגנו והדיח עלינו את הרעה והכה העיר לפי חרב׃

    15ויאמרו עבדי המלך אל המלך ככל אשר יבחר אדני המלך הנה עבדיך׃

  • שמ״ב 17:20-21
    2 פסוקים
    79%

    20ויבאו עבדי אבשלום אל האשה הביתה ויאמרו איה אחימעץ ויהונתן ותאמר להם האשה עברו מיכל המים ויבקשו ולא מצאו וישבו ירושלם׃

    21ויהי אחרי לכתם ויעלו מהבאר וילכו ויגדו למלך דוד ויאמרו אל דוד קומו ועברו מהרה את המים כי ככה יעץ עליכם אחיתפל׃

  • שמ״ב 17:4-9
    6 פסוקים
    78%

    4ויישר הדבר בעיני אבשלם ובעיני כל זקני ישראל׃

    5ויאמר אבשלום קרא נא גם לחושי הארכי ונשמעה מה בפיו גם הוא׃

    6ויבא חושי אל אבשלום ויאמר אבשלום אליו לאמר כדבר הזה דבר אחיתפל הנעשה את דברו אם אין אתה דבר׃

    7ויאמר חושי אל אבשלום לא טובה העצה אשר יעץ אחיתפל בפעם הזאת׃

    8ויאמר חושי אתה ידעת את אביך ואת אנשיו כי גברים המה ומרי נפש המה כדב שכול בשדה ואביך איש מלחמה ולא ילין את העם׃

    9הנה עתה הוא נחבא באחת הפחתים או באחד המקומת והיה כנפל בהם בתחלה ושמע השמע ואמר היתה מגפה בעם אשר אחרי אבשלם׃

  • שמ״ב 17:23-24
    2 פסוקים
    76%

    23ואחיתפל ראה כי לא נעשתה עצתו ויחבש את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃

    24ודוד בא מחנימה ואבשלם עבר את הירדן הוא וכל איש ישראל עמו׃

  • דה״א 27:33-34
    2 פסוקים
    76%

    33ואחיתפל יועץ למלך וחושי הארכי רע המלך׃

    34ואחרי אחיתפל יהוידע בן בניהו ואביתר ושר צבא למלך יואב׃

  • שמ״ב 16:15-17
    3 פסוקים
    76%

    15ואבשלום וכל העם איש ישראל באו ירושלם ואחיתפל אתו׃

    16ויהי כאשר בא חושי הארכי רעה דוד אל אבשלום ויאמר חושי אל אבשלם יחי המלך יחי המלך׃

    17ויאמר אבשלום אל חושי זה חסדך את רעך למה לא הלכת את רעך׃

  • שמ״ב 15:30
    75%

    30ודוד עלה במעלה הזיתים עלה ובוכה וראש לו חפוי והוא הלך יחף וכל העם אשר אתו חפו איש ראשו ועלו עלה ובכה׃

  • שמ״א 30:7
    73%

    7ויאמר דוד אל אביתר הכהן בן אחימלך הגישה נא לי האפד ויגש אביתר את האפד אל דוד׃

  • שמ״ב 15:37
    72%

    37ויבא חושי רעה דוד העיר ואבשלם יבא ירושלם׃

  • שמ״ב 18:30
    71%

    30ויאמר המלך סב התיצב כה ויסב ויעמד׃

  • שמ״ב 13:30
    71%

    30ויהי המה בדרך והשמעה באה אל דוד לאמר הכה אבשלום את כל בני המלך ולא נותר מהם אחד׃

  • שמ״ב 14:20
    71%

    20לבעבור סבב את פני הדבר עשה עבדך יואב את הדבר הזה ואדני חכם כחכמת מלאך האלהים לדעת את כל אשר בארץ׃

  • שמ״א 24:9
    70%

    9ויאמר דוד לשאול למה תשמע את דברי אדם לאמר הנה דוד מבקש רעתך׃

  • שמ״ב 19:4
    70%

    4והמלך לאט את פניו ויזעק המלך קול גדול בני אבשלום אבשלום בני בני׃

  • דה״א 21:8
    70%

    8ויאמר דויד אל האלהים חטאתי מאד אשר עשיתי את הדבר הזה ועתה העבר נא את עוון עבדך כי נסכלתי מאד׃

  • שמ״ב 14:32
    70%

    32ויאמר אבשלום אל יואב הנה שלחתי אליך לאמר בא הנה ואשלחה אתך אל המלך לאמר למה באתי מגשור טוב לי עד אני שם ועתה אראה פני המלך ואם יש בי עון והמתני׃

  • שמ״א 23:9
    70%

    9וידע דוד כי עליו שאול מחריש הרעה ויאמר אל אביתר הכהן הגישה האפוד׃

  • שמ״ב 18:33
    70%

    33וירגז המלך ויעל על עלית השער ויבך וכה אמר בלכתו בני אבשלום בני בני אבשלום מי יתן מותי אני תחתיך אבשלום בני בני׃

  • שמ״א 27:1
    69%

    1¶ ויאמר דוד אל לבו עתה אספה יום אחד ביד שאול אין לי טוב כי המלט אמלט אל ארץ פלשתים ונואש ממני שאול לבקשני עוד בכל גבול ישראל ונמלטתי מידו׃

  • שמ״ב 14:1
    69%

    1¶ וידע יואב בן צריה כי לב המלך על אבשלום׃

  • יר׳ 18:23
    69%

    23ואתה יהוה ידעת את כל עצתם עלי למות אל תכפר על עונם וחטאתם מלפניך אל תמחי והיו מכשלים לפניך בעת אפך עשה בהם׃