דברים 15:14

תנ ך עברי מודרני

העניק תעניק לו מצאנך ומגרנך ומיקבך אשר ברכך יהוה אלהיך תתן לו׃

משאבים נוספים

פסוקים מקושרים

  • נח׳ 8:10 : 10 ויאמר להם לכו אכלו משמנים ושתו ממתקים ושלחו מנות לאין נכון לו כי קדוש היום לאדנינו ואל תעצבו כי חדות יהוה היא מעזכם׃
  • תה׳ 68:10 : 10 חיתך ישבו בה תכין בטובתך לעני אלהים׃
  • מש׳ 10:22 : 22 ברכת יהוה היא תעשיר ולא יוסף עצב עמה׃
  • מע״ש 20:35 : 35 ובכל הראיתי אתכם כי כן עלינו לעמל ולתמך את החלשים ולזכר את דברי האדון ישוע כי הוא אמר טוב אשר תתן משתקח׃
  • קור״א 16:2 : 2 בכל אחד בשבת יניח אצלו איש איש מכם ויאצר את אשר עלה בידו למען אשר בבאי לא יקבץ עוד׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דב׳ 15:7-13
    7 פסוקים
    84%

    7כי יהיה בך אביון מאחד אחיך באחד שעריך בארצך אשר יהוה אלהיך נתן לך לא תאמץ את לבבך ולא תקפץ את ידך מאחיך האביון׃

    8כי פתח תפתח את ידך לו והעבט תעביטנו די מחסרו אשר יחסר לו׃

    9השמר לך פן יהיה דבר עם לבבך בליעל לאמר קרבה שנת השבע שנת השמטה ורעה עינך באחיך האביון ולא תתן לו וקרא עליך אל יהוה והיה בך חטא׃

    10נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשך ובכל משלח ידך׃

    11כי לא יחדל אביון מקרב הארץ על כן אנכי מצוך לאמר פתח תפתח את ידך לאחיך לעניך ולאבינך בארצך׃

    12כי ימכר לך אחיך העברי או העבריה ועבדך שש שנים ובשנה השביעת תשלחנו חפשי מעמך׃

    13וכי תשלחנו חפשי מעמך לא תשלחנו ריקם׃

  • דב׳ 15:15-16
    2 פסוקים
    82%

    15וזכרת כי עבד היית בארץ מצרים ויפדך יהוה אלהיך על כן אנכי מצוך את הדבר הזה היום׃

    16והיה כי יאמר אליך לא אצא מעמך כי אהבך ואת ביתך כי טוב לו עמך׃

  • דב׳ 18:4
    80%

    4ראשית דגנך תירשך ויצהרך וראשית גז צאנך תתן לו׃

  • דב׳ 16:10-11
    2 פסוקים
    80%

    10ועשית חג שבעות ליהוה אלהיך מסת נדבת ידך אשר תתן כאשר יברכך יהוה אלהיך׃

    11ושמחת לפני יהוה אלהיך אתה ובנך ובתך ועבדך ואמתך והלוי אשר בשעריך והגר והיתום והאלמנה אשר בקרבך במקום אשר יבחר יהוה אלהיך לשכן שמו שם׃

  • דב׳ 16:17
    79%

    17איש כמתנת ידו כברכת יהוה אלהיך אשר נתן לך׃

  • דב׳ 15:18-19
    2 פסוקים
    78%

    18לא יקשה בעינך בשלחך אתו חפשי מעמך כי משנה שכר שכיר עבדך שש שנים וברכך יהוה אלהיך בכל אשר תעשה׃

    19כל הבכור אשר יולד בבקרך ובצאנך הזכר תקדיש ליהוה אלהיך לא תעבד בבכר שורך ולא תגז בכור צאנך׃

  • דב׳ 14:25-29
    5 פסוקים
    77%

    25ונתתה בכסף וצרת הכסף בידך והלכת אל המקום אשר יבחר יהוה אלהיך בו׃

    26ונתתה הכסף בכל אשר תאוה נפשך בבקר ובצאן וביין ובשכר ובכל אשר תשאלך נפשך ואכלת שם לפני יהוה אלהיך ושמחת אתה וביתך׃

    27והלוי אשר בשעריך לא תעזבנו כי אין לו חלק ונחלה עמך׃

    28מקצה שלש שנים תוציא את כל מעשר תבואתך בשנה ההוא והנחת בשעריך׃

    29ובא הלוי כי אין לו חלק ונחלה עמך והגר והיתום והאלמנה אשר בשעריך ואכלו ושבעו למען יברכך יהוה אלהיך בכל מעשה ידך אשר תעשה׃

  • במ׳ 18:30
    77%

    30ואמרת אלהם בהרימכם את חלבו ממנו ונחשב ללוים כתבואת גרן וכתבואת יקב׃

  • דב׳ 24:18-19
    2 פסוקים
    76%

    18וזכרת כי עבד היית במצרים ויפדך יהוה אלהיך משם על כן אנכי מצוך לעשות את הדבר הזה׃

    19כי תקצר קצירך בשדך ושכחת עמר בשדה לא תשוב לקחתו לגר ליתום ולאלמנה יהיה למען יברכך יהוה אלהיך בכל מעשה ידיך׃

  • דב׳ 24:14-15
    2 פסוקים
    76%

    14לא תעשק שכיר עני ואביון מאחיך או מגרך אשר בארצך בשעריך׃

    15ביומו תתן שכרו ולא תבוא עליו השמש כי עני הוא ואליו הוא נשא את נפשו ולא יקרא עליך אל יהוה והיה בך חטא׃

  • דב׳ 14:22
    76%

    22עשר תעשר את כל תבואת זרעך היצא השדה שנה שנה׃

  • דב׳ 12:17-18
    2 פסוקים
    76%

    17לא תוכל לאכל בשעריך מעשר דגנך ותירשך ויצהרך ובכרת בקרך וצאנך וכל נדריך אשר תדר ונדבתיך ותרומת ידך׃

    18כי אם לפני יהוה אלהיך תאכלנו במקום אשר יבחר יהוה אלהיך בו אתה ובנך ובתך ועבדך ואמתך והלוי אשר בשעריך ושמחת לפני יהוה אלהיך בכל משלח ידך׃

  • שמ״א 8:15
    75%

    15וזרעיכם וכרמיכם יעשר ונתן לסריסיו ולעבדיו׃

  • במ׳ 18:27
    75%

    27ונחשב לכם תרומתכם כדגן מן הגרן וכמלאה מן היקב׃

  • דב׳ 26:11
    75%

    11ושמחת בכל הטוב אשר נתן לך יהוה אלהיך ולביתך אתה והלוי והגר אשר בקרבך׃

  • דב׳ 16:13-14
    2 פסוקים
    74%

    13חג הסכת תעשה לך שבעת ימים באספך מגרנך ומיקבך׃

    14ושמחת בחגך אתה ובנך ובתך ועבדך ואמתך והלוי והגר והיתום והאלמנה אשר בשעריך׃

  • דב׳ 28:11-12
    2 פסוקים
    74%

    11והותרך יהוה לטובה בפרי בטנך ובפרי בהמתך ובפרי אדמתך על האדמה אשר נשבע יהוה לאבתיך לתת לך׃

    12יפתח יהוה לך את אוצרו הטוב את השמים לתת מטר ארצך בעתו ולברך את כל מעשה ידך והלוית גוים רבים ואתה לא תלוה׃

  • ויק׳ 19:9-10
    2 פסוקים
    74%

    9ובקצרכם את קציר ארצכם לא תכלה פאת שדך לקצר ולקט קצירך לא תלקט׃

    10וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם׃

  • דב׳ 15:1-4
    4 פסוקים
    74%

    1¶ מקץ שבע שנים תעשה שמטה׃

    2וזה דבר השמטה שמוט כל בעל משה ידו אשר ישה ברעהו לא יגש את רעהו ואת אחיו כי קרא שמטה ליהוה׃

    3את הנכרי תגש ואשר יהיה לך את אחיך תשמט ידך׃

    4אפס כי לא יהיה בך אביון כי ברך יברכך יהוה בארץ אשר יהוה אלהיך נתן לך נחלה לרשתה׃

  • יר׳ 34:14
    74%

    14מקץ שבע שנים תשלחו איש את אחיו העברי אשר ימכר לך ועבדך שש שנים ושלחתו חפשי מעמך ולא שמעו אבותיכם אלי ולא הטו את אזנם׃

  • דב׳ 24:21-22
    2 פסוקים
    74%

    21כי תבצר כרמך לא תעולל אחריך לגר ליתום ולאלמנה יהיה׃

    22וזכרת כי עבד היית בארץ מצרים על כן אנכי מצוך לעשות את הדבר הזה׃

  • דב׳ 23:15
    74%

    15לא תסגיר עבד אל אדניו אשר ינצל אליך מעם אדניו׃

  • ויק׳ 25:37
    73%

    37את כספך לא תתן לו בנשך ובמרבית לא תתן אכלך׃

  • דב׳ 28:8
    73%

    8יצו יהוה אתך את הברכה באסמיך ובכל משלח ידך וברכך בארץ אשר יהוה אלהיך נתן לך׃

  • שמ׳ 23:11
    73%

    11והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתך׃

  • במ׳ 18:12
    73%

    12כל חלב יצהר וכל חלב תירוש ודגן ראשיתם אשר יתנו ליהוה לך נתתים׃

  • ויק׳ 25:40
    73%

    40כשכיר כתושב יהיה עמך עד שנת היבל יעבד עמך׃