קהלת 8:17

תנ ך עברי מודרני

וראיתי את כל מעשה האלהים כי לא יוכל האדם למצוא את המעשה אשר נעשה תחת השמש בשל אשר יעמל האדם לבקש ולא ימצא וגם אם יאמר החכם לדעת לא יוכל למצא׃

משאבים נוספים

פסוקים מקושרים

  • קה׳ 3:11 : 11 את הכל עשה יפה בעתו גם את העלם נתן בלבם מבלי אשר לא ימצא האדם את המעשה אשר עשה האלהים מראש ועד סוף׃
  • תה׳ 73:16 : 16 ואחשבה לדעת זאת עמל היא בעיני׃
  • רומ 11:33 : 33 מה עמק עשר חכמת אלהים ועשר דעתו משפטיו מי יחקר ודרכיו מי ימצא׃
  • איוב 5:9 : 9 עשה גדלות ואין חקר נפלאות עד אין מספר׃
  • קה׳ 7:23-24 : 23 כל זה נסיתי בחכמה אמרתי אחכמה והיא רחוקה ממני׃ 24 רחוק מה שהיה ועמק עמק מי ימצאנו׃
  • קה׳ 11:5 : 5 כאשר אינך יודע מה דרך הרוח כעצמים בבטן המלאה ככה לא תדע את מעשה האלהים אשר יעשה את הכל׃
  • יש׳ 40:28 : 28 הלוא ידעת אם לא שמעת אלהי עולם יהוה בורא קצות הארץ לא ייעף ולא ייגע אין חקר לתבונתו׃
  • איוב 11:7-9 : 7 החקר אלוה תמצא אם עד תכלית שדי תמצא׃ 8 גבהי שמים מה תפעל עמקה משאול מה תדע׃ 9 ארכה מארץ מדה ורחבה מני ים׃
  • תה׳ 40:5 : 5 רבות עשית אתה יהוה אלהי נפלאתיך ומחשבתיך אלינו אין ערך אליך אגידה ואדברה עצמו מספר׃
  • תה׳ 104:24 : 24 מה רבו מעשיך יהוה כלם בחכמה עשית מלאה הארץ קנינך׃
  • מש׳ 30:3-4 : 3 ולא למדתי חכמה ודעת קדשים אדע׃ 4 מי עלה שמים וירד מי אסף רוח בחפניו מי צרר מים בשמלה מי הקים כל אפסי ארץ מה שמו ומה שם בנו כי תדע׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • קה׳ 8:14-16
    3 פסוקים
    85%

    14יש הבל אשר נעשה על הארץ אשר יש צדיקים אשר מגיע אלהם כמעשה הרשעים ויש רשעים שמגיע אלהם כמעשה הצדיקים אמרתי שגם זה הבל׃

    15ושבחתי אני את השמחה אשר אין טוב לאדם תחת השמש כי אם לאכול ולשתות ולשמוח והוא ילונו בעמלו ימי חייו אשר נתן לו האלהים תחת השמש׃

    16כאשר נתתי את לבי לדעת חכמה ולראות את הענין אשר נעשה על הארץ כי גם ביום ובלילה שנה בעיניו איננו ראה׃

  • קה׳ 1:13-15
    3 פסוקים
    82%

    13ונתתי את לבי לדרוש ולתור בחכמה על כל אשר נעשה תחת השמים הוא ענין רע נתן אלהים לבני האדם לענות בו׃

    14ראיתי את כל המעשים שנעשו תחת השמש והנה הכל הבל ורעות רוח׃

    15מעות לא יוכל לתקן וחסרון לא יוכל להמנות׃

  • קה׳ 2:10-12
    3 פסוקים
    81%

    10וכל אשר שאלו עיני לא אצלתי מהם לא מנעתי את לבי מכל שמחה כי לבי שמח מכל עמלי וזה היה חלקי מכל עמלי׃

    11ופניתי אני בכל מעשי שעשו ידי ובעמל שעמלתי לעשות והנה הכל הבל ורעות רוח ואין יתרון תחת השמש׃

    12ופניתי אני לראות חכמה והוללות וסכלות כי מה האדם שיבוא אחרי המלך את אשר כבר עשוהו׃

  • קה׳ 2:15-22
    8 פסוקים
    81%

    15ואמרתי אני בלבי כמקרה הכסיל גם אני יקרני ולמה חכמתי אני אז יותר ודברתי בלבי שגם זה הבל׃

    16כי אין זכרון לחכם עם הכסיל לעולם בשכבר הימים הבאים הכל נשכח ואיך ימות החכם עם הכסיל׃

    17ושנאתי את החיים כי רע עלי המעשה שנעשה תחת השמש כי הכל הבל ורעות רוח׃

    18ושנאתי אני את כל עמלי שאני עמל תחת השמש שאניחנו לאדם שיהיה אחרי׃

    19ומי יודע החכם יהיה או סכל וישלט בכל עמלי שעמלתי ושחכמתי תחת השמש גם זה הבל׃

    20וסבותי אני ליאש את לבי על כל העמל שעמלתי תחת השמש׃

    21כי יש אדם שעמלו בחכמה ובדעת ובכשרון ולאדם שלא עמל בו יתננו חלקו גם זה הבל ורעה רבה׃

    22כי מה הוה לאדם בכל עמלו וברעיון לבו שהוא עמל תחת השמש׃

  • קה׳ 9:1
    79%

    1¶ כי את כל זה נתתי אל לבי ולבור את כל זה אשר הצדיקים והחכמים ועבדיהם ביד האלהים גם אהבה גם שנאה אין יודע האדם הכל לפניהם׃

  • קה׳ 6:11-12
    2 פסוקים
    79%

    11כי יש דברים הרבה מרבים הבל מה יתר לאדם׃

    12כי מי יודע מה טוב לאדם בחיים מספר ימי חיי הבלו ויעשם כצל אשר מי יגיד לאדם מה יהיה אחריו תחת השמש׃

  • קה׳ 1:17
    78%

    17ואתנה לבי לדעת חכמה ודעת הוללות ושכלות ידעתי שגם זה הוא רעיון רוח׃

  • קה׳ 3:22
    78%

    22וראיתי כי אין טוב מאשר ישמח האדם במעשיו כי הוא חלקו כי מי יביאנו לראות במה שיהיה אחריו׃

  • קה׳ 9:10-11
    2 פסוקים
    78%

    10כל אשר תמצא ידך לעשות בכחך עשה כי אין מעשה וחשבון ודעת וחכמה בשאול אשר אתה הלך שמה׃

    11שבתי וראה תחת השמש כי לא לקלים המרוץ ולא לגבורים המלחמה וגם לא לחכמים לחם וגם לא לנבנים עשר וגם לא לידעים חן כי עת ופגע יקרה את כלם׃

  • קה׳ 3:10-12
    3 פסוקים
    78%

    10ראיתי את הענין אשר נתן אלהים לבני האדם לענות בו׃

    11את הכל עשה יפה בעתו גם את העלם נתן בלבם מבלי אשר לא ימצא האדם את המעשה אשר עשה האלהים מראש ועד סוף׃

    12ידעתי כי אין טוב בם כי אם לשמוח ולעשות טוב בחייו׃

  • קה׳ 1:8-9
    2 פסוקים
    78%

    8כל הדברים יגעים לא יוכל איש לדבר לא תשבע עין לראות ולא תמלא אזן משמע׃

    9מה שהיה הוא שיהיה ומה שנעשה הוא שיעשה ואין כל חדש תחת השמש׃

  • קה׳ 7:24-25
    2 פסוקים
    78%

    24רחוק מה שהיה ועמק עמק מי ימצאנו׃

    25סבותי אני ולבי לדעת ולתור ובקש חכמה וחשבון ולדעת רשע כסל והסכלות הוללות׃

  • קה׳ 1:3
    77%

    3מה יתרון לאדם בכל עמלו שיעמל תחת השמש׃

  • קה׳ 8:7
    77%

    7כי איננו ידע מה שיהיה כי כאשר יהיה מי יגיד לו׃

  • קה׳ 4:4
    77%

    4וראיתי אני את כל עמל ואת כל כשרון המעשה כי היא קנאת איש מרעהו גם זה הבל ורעות רוח׃

  • קה׳ 9:13
    76%

    13גם זה ראיתי חכמה תחת השמש וגדולה היא אלי׃

  • איוב 28:12-13
    2 פסוקים
    76%

    12והחכמה מאין תמצא ואי זה מקום בינה׃

    13לא ידע אנוש ערכה ולא תמצא בארץ החיים׃

  • קה׳ 8:9
    76%

    9את כל זה ראיתי ונתון את לבי לכל מעשה אשר נעשה תחת השמש עת אשר שלט האדם באדם לרע לו׃

  • קה׳ 4:7-8
    2 פסוקים
    76%

    7ושבתי אני ואראה הבל תחת השמש׃

    8יש אחד ואין שני גם בן ואח אין לו ואין קץ לכל עמלו גם עיניו לא תשבע עשר ולמי אני עמל ומחסר את נפשי מטובה גם זה הבל וענין רע הוא׃

  • קה׳ 2:24-26
    3 פסוקים
    75%

    24אין טוב באדם שיאכל ושתה והראה את נפשו טוב בעמלו גם זה ראיתי אני כי מיד האלהים היא׃

    25כי מי יאכל ומי יחוש חוץ ממני׃

    26כי לאדם שטוב לפניו נתן חכמה ודעת ושמחה ולחוטא נתן ענין לאסוף ולכנוס לתת לטוב לפני האלהים גם זה הבל ורעות רוח׃

  • קה׳ 4:16
    75%

    16אין קץ לכל העם לכל אשר היה לפניהם גם האחרונים לא ישמחו בו כי גם זה הבל ורעיון רוח׃

  • קה׳ 6:7-8
    2 פסוקים
    75%

    7כל עמל האדם לפיהו וגם הנפש לא תמלא׃

    8כי מה יותר לחכם מן הכסיל מה לעני יודע להלך נגד החיים׃

  • קה׳ 12:8
    75%

    8הבל הבלים אמר הקוהלת הכל הבל׃

  • קה׳ 7:13
    75%

    13ראה את מעשה האלהים כי מי יוכל לתקן את אשר עותו׃

  • קה׳ 7:27
    75%

    27ראה זה מצאתי אמרה קהלת אחת לאחת למצא חשבון׃

  • קה׳ 3:14
    74%

    14ידעתי כי כל אשר יעשה האלהים הוא יהיה לעולם עליו אין להוסיף וממנו אין לגרע והאלהים עשה שיראו מלפניו׃