יחזקאל 3:21

תנ ך עברי מודרני

ואתה כי הזהרתו צדיק לבלתי חטא צדיק והוא לא חטא חיו יחיה כי נזהר ואתה את נפשך הצלת׃

משאבים נוספים

פסוקים מקושרים

  • מע״ש 20:31 : 31 על כן שקדו וזכרו כי שלש שנים יומם ולילה לא חדלתי לדבר על לב כל אחד מכם בדמעות׃
  • קור״א 4:14 : 14 ולא לביש אתכם אני כתב הדברים האלה כי אם מזהיר אתכם כבני האהובים׃
  • קור״א 10:12 : 12 לכן החשב שהוא נצב ירא פן יפול׃
  • גל 1:6-9 : 6 תמה אני כי סרתם מהר מאחרי הקרא אתכם בחסד המשיח אל בשורה זרה׃ 7 והיא איננה אחרת רק שיש אנשים העכרים אתכם וחפצים להפך את בשורת המשיח׃ 8 אבל גם אנחנו או מלאך מן השמים אם יבוא לבשר אתכם בשורה מבלעדי זאת אשר בשרנו אתכם חרם יהיה׃ 9 כמו שאמרנו כבר כן אמר עתה עוד הפעם איש כי יבשר אתכם בשורה מבלעדי אשר קבלתם חרם יהיה׃ 10 ועתה המתרצה אנכי אל בני אדם אם אל האלהים או המבקש אנכי למצא חן בעיני בני אדם כי במצאי חן בעיני בני אדם לא אהיה עוד עבד המשיח׃
  • גל 2:11-13 : 11 וכאשר בא כיפא לאנטיוכיא הוכחתי אל פניו דרכו מפני שהיה בו אשם׃ 12 כי לפני בא אנשים מאת יעקב היה אכל עם הגוים יחדו וכבאם היה מתרחק ופורש מהם מיראתו את בני המילה׃ 13 ויכחשו עמו גם שאר היהודים עד כי בר נבא גם הוא נדח אחרי כחשם׃
  • גל 5:2-7 : 2 הנה אני פולוס אמר לכם כי אם תמולו לא יועיל לכם המשיח׃ 3 ומעיד אני עוד הפעם בכל איש אשר ימול כי מחיב הוא לשמר את כל התורה׃ 4 נגזרתם מן המשיח אתם המצטדקים בתורה נפלתם מן החסד׃ 5 כי אנחנו ברוח ניחל מתוך האמונה לתקות הצדקה׃ 6 כי במשיח איננה נחשבת לא המילה ולא הערלה כי אם האמונה הפעלת באהבה׃ 7 היטבתם לרוץ מי חשך אתכם משמע אל האמת׃
  • אפס 4:17-21 : 17 והנה זאת אני אמר ומעיד באדון כי מעתה לא תלכו עוד כיתר הגוים ההלכים בהבלי שכלם׃ 18 חשכי הדעת ומוזרים לחיי אלהים מפני אולתם אשר בהם כי טח מהשכיל לבבם׃ 19 אשר השמינו ויתנו את נפשם לזמה לעשות כל תועבה באהבת הבצע׃ 20 ואתם לא כן למדתם את המשיח׃ 21 אם אמנם אתו שמעתם ובו למדתם כפי האמת בישוע׃
  • אפס 5:5-6 : 5 כי זאת ידע תדעו כי כל זנה וטמא ואהב בצע שהוא עבד אלילים אין לו חלק ונחלה במלכות המשיח והאלהים׃ 6 אל ישיא איש אתכם בדברי ריק כי בגלל אלה חרון אלהים בא על בני המרי׃
  • קול 1:28 : 28 ואותו משמיעים אנחנו בהוכיחנו כל איש ובלמדנו כל איש בכל חכמה למען העמיד כל איש שלם במשיח ישוע׃
  • קול 3:5-8 : 5 על כן תמותתו את אבריכם בארץ את הזנות והטמאה והזמה והתאות הרעות ונטות אחרי הבצע אשר היא עבודת אלילים׃ 6 כי בגלל אלה בא חרון אלהים על בני חמרי׃ 7 אשר גם אתם הלכתם בהם מלפנים בחיותכם בתוכם׃ 8 אך עתה הסירו מכם כל אלה את הרגז את הכעס את הרשע את הגדוף ואת דברי נבלה מפיכם׃
  • תס״א 4:6-8 : 6 ולא יפרץ איש ויונה את אחיו בעשק כי נוקם יהוה על כל זאת כאשר כבר אמרנו והעידנו לכם׃ 7 כי לא קרא אותנו האלהים לטמאה כי אם לקדשה׃ 8 על כן הבוזה זאת לא אנשים הוא בוזה כי אם את האלהים אשר גם שם בקרבנו את רוח קדשו׃
  • תס״א 5:14 : 14 והננו מזהירים אתכם אחי הוכיחו את הסוררים אמצו את רכי הלבב תמכו את החלשים והאריכו רוח אל כל אדם׃
  • טימ״א 4:16 : 16 שית לבך לנפשך ולהוראה והחזק בזה כי בעשותך כן תושיע את נפשך ואת נפש השמעים אליך׃
  • טיט 2:15 : 15 את אלה תדבר ותזהיר ותוכיח בכל חזקה ואיש אל יבוז לך׃
  • יעק׳ 5:20 : 20 ידוע ידע כי המשיב את החוטא מעקשות דרכו הוא יושיע את נפשו ממות ויכסה על המון פשעים׃
  • יוח״א 3:6-9 : 6 כל העמד בו לא יחטא כל החוטא לא ראהו גם לא ידעו׃ 7 בני אל יתעה אתכם איש העשה צדקה צדיק הוא כאשר הוא צדיק׃ 8 והעשה חטא מן השטן הוא כי השטן חטא מראש לזאת נגלה בן האלהים להפר את פעלות השטן׃ 9 כל הנולד מאלהים לא יחטא כי זרעו בו יקום ולא יוכל לחטא כי מאלהים נולד׃
  • התגל׳ 3:19 : 19 ]12-02[ אני את כל אשר אהב אוכיחם ואיסרם לכן תשקד ותשוב, הנני עמד לפתח ודפק והיה כי ישמע איש לקולי ופתח הפתח אבוא אליו לסעוד עמו והוא עמדי׃
  • תה׳ 19:11 : 11 גם עבדך נזהר בהם בשמרם עקב רב׃
  • מש׳ 9:9 : 9 תן לחכם ויחכם עוד הודע לצדיק ויוסף לקח׃
  • מש׳ 17:10 : 10 תחת גערה במבין מהכות כסיל מאה׃
  • יח׳ 3:19-20 : 19 ואתה כי הזהרת רשע ולא שב מרשעו ומדרכו הרשעה הוא בעונו ימות ואתה את נפשך הצלת׃ 20 ובשוב צדיק מצדקו ועשה עול ונתתי מכשול לפניו הוא ימות כי לא הזהרתו בחטאתו ימות ולא תזכרן צדקתו אשר עשה ודמו מידך אבקש׃
  • מתי 24:24-25 : 24 כי יקומו משיחי שקר ונביאי שקר ויתנו אתות גדלות ומופתים למען התעות אף את הבחירים אם יוכלו׃ 25 הנה מראש הגדתי לכם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יח׳ 3:17-20
    4 פסוקים
    89%

    17בן אדם צפה נתתיך לבית ישראל ושמעת מפי דבר והזהרת אותם ממני׃

    18באמרי לרשע מות תמות ולא הזהרתו ולא דברת להזהיר רשע מדרכו הרשעה לחיתו הוא רשע בעונו ימות ודמו מידך אבקש׃

    19ואתה כי הזהרת רשע ולא שב מרשעו ומדרכו הרשעה הוא בעונו ימות ואתה את נפשך הצלת׃

    20ובשוב צדיק מצדקו ועשה עול ונתתי מכשול לפניו הוא ימות כי לא הזהרתו בחטאתו ימות ולא תזכרן צדקתו אשר עשה ודמו מידך אבקש׃

  • יח׳ 33:3-16
    14 פסוקים
    88%

    3וראה את החרב באה על הארץ ותקע בשופר והזהיר את העם׃

    4ושמע השמע את קול השופר ולא נזהר ותבוא חרב ותקחהו דמו בראשו יהיה׃

    5את קול השופר שמע ולא נזהר דמו בו יהיה והוא נזהר נפשו מלט׃

    6והצפה כי יראה את החרב באה ולא תקע בשופר והעם לא נזהר ותבוא חרב ותקח מהם נפש הוא בעונו נלקח ודמו מיד הצפה אדרש׃

    7ואתה בן אדם צפה נתתיך לבית ישראל ושמעת מפי דבר והזהרת אתם ממני׃

    8באמרי לרשע רשע מות תמות ולא דברת להזהיר רשע מדרכו הוא רשע בעונו ימות ודמו מידך אבקש׃

    9ואתה כי הזהרת רשע מדרכו לשוב ממנה ולא שב מדרכו הוא בעונו ימות ואתה נפשך הצלת׃

    10ואתה בן אדם אמר אל בית ישראל כן אמרתם לאמר כי פשעינו וחטאתינו עלינו ובם אנחנו נמקים ואיך נחיה׃

    11אמר אליהם חי אני נאם אדני יהוה אם אחפץ במות הרשע כי אם בשוב רשע מדרכו וחיה שובו שובו מדרכיכם הרעים ולמה תמותו בית ישראל׃

    12ואתה בן אדם אמר אל בני עמך צדקת הצדיק לא תצילנו ביום פשעו ורשעת הרשע לא יכשל בה ביום שובו מרשעו וצדיק לא יוכל לחיות בה ביום חטאתו׃

    13באמרי לצדיק חיה יחיה והוא בטה על צדקתו ועשה עול כל צדקתו לא תזכרנה ובעולו אשר עשה בו ימות׃

    14ובאמרי לרשע מות תמות ושב מחטאתו ועשה משפט וצדקה׃

    15חבל ישיב רשע גזלה ישלם בחקות החיים הלך לבלתי עשות עול חיו יחיה לא ימות׃

    16כל חטאתו אשר חטא לא תזכרנה לו משפט וצדקה עשה חיו יחיה׃

  • יח׳ 18:19-24
    6 פסוקים
    79%

    19ואמרתם מדע לא נשא הבן בעון האב והבן משפט וצדקה עשה את כל חקותי שמר ויעשה אתם חיה יחיה׃

    20הנפש החטאת היא תמות בן לא ישא בעון האב ואב לא ישא בעון הבן צדקת הצדיק עליו תהיה ורשעת רשע עליו תהיה׃

    21והרשע כי ישוב מכל חטאתו אשר עשה ושמר את כל חקותי ועשה משפט וצדקה חיה יחיה לא ימות׃

    22כל פשעיו אשר עשה לא יזכרו לו בצדקתו אשר עשה יחיה׃

    23החפץ אחפץ מות רשע נאם אדני יהוה הלוא בשובו מדרכיו וחיה׃

    24ובשוב צדיק מצדקתו ועשה עול ככל התועבות אשר עשה הרשע יעשה וחי כל צדקתו אשר עשה לא תזכרנה במעלו אשר מעל ובחטאתו אשר חטא בם ימות׃

  • יח׳ 18:26-28
    3 פסוקים
    79%

    26בשוב צדיק מצדקתו ועשה עול ומת עליהם בעולו אשר עשה ימות׃

    27ובשוב רשע מרשעתו אשר עשה ויעש משפט וצדקה הוא את נפשו יחיה׃

    28ויראה וישוב מכל פשעיו אשר עשה חיו יחיה לא ימות׃

  • יח׳ 33:18-19
    2 פסוקים
    77%

    18בשוב צדיק מצדקתו ועשה עול ומת בהם׃

    19ובשוב רשע מרשעתו ועשה משפט וצדקה עליהם הוא יחיה׃

  • יח׳ 14:20
    74%

    20ונח דנאל ואיוב בתוכה חי אני נאם אדני יהוה אם בן אם בת יצילו המה בצדקתם יצילו נפשם׃

  • יח׳ 18:9
    73%

    9בחקותי יהלך ומשפטי שמר לעשות אמת צדיק הוא חיה יחיה נאם אדני יהוה׃

  • יח׳ 14:14
    72%

    14והיו שלשת האנשים האלה בתוכה נח דנאל ואיוב המה בצדקתם ינצלו נפשם נאם אדני יהוה׃

  • יח׳ 18:5
    72%

    5ואיש כי יהיה צדיק ועשה משפט וצדקה׃

  • יעק׳ 5:20
    72%

    20ידוע ידע כי המשיב את החוטא מעקשות דרכו הוא יושיע את נפשו ממות ויכסה על המון פשעים׃

  • ויק׳ 5:1
    71%

    1¶ ונפש כי תחטא ושמעה קול אלה והוא עד או ראה או ידע אם לוא יגיד ונשא עונו׃

  • מש׳ 24:11
    71%

    11הצל לקחים למות ומטים להרג אם תחשוך׃

  • איוב 33:28
    70%

    28פדה נפשי מעבר בשחת וחיתי באור תראה׃

  • יש׳ 3:10
    70%

    10אמרו צדיק כי טוב כי פרי מעלליהם יאכלו׃

  • ויק׳ 5:17
    70%

    17ואם נפש כי תחטא ועשתה אחת מכל מצות יהוה אשר לא תעשינה ולא ידע ואשם ונשא עונו׃

  • יח׳ 18:14
    70%

    14והנה הוליד בן וירא את כל חטאת אביו אשר עשה וירא ולא יעשה כהן׃

  • מש׳ 13:6
    70%

    6צדקה תצר תם דרך ורשעה תסלף חטאת׃

  • מש׳ 11:30-31
    2 פסוקים
    69%

    30פרי צדיק עץ חיים ולקח נפשות חכם׃

    31הן צדיק בארץ ישלם אף כי רשע וחוטא׃

  • יח׳ 18:17
    69%

    17מעני השיב ידו נשך ותרבית לא לקח משפטי עשה בחקותי הלך הוא לא ימות בעון אביו חיה יחיה׃

  • יח׳ 18:32
    69%

    32כי לא אחפץ במות המת נאם אדני יהוה והשיבו וחיו׃

  • מש׳ 19:16
    69%

    16שמר מצוה שמר נפשו בוזה דרכיו יומת׃

  • פט״א 4:18
    69%

    18הן צדיק כמעט יושע אף כי רשע וחוטא׃

  • יח׳ 14:18
    69%

    18ושלשת האנשים האלה בתוכה חי אני נאם אדני יהוה לא יצילו בנים ובנות כי הם לבדם ינצלו׃

  • מש׳ 10:16
    69%

    16פעלת צדיק לחיים תבואת רשע לחטאת׃

  • מש׳ 11:19
    69%

    19כן צדקה לחיים ומרדף רעה למותו׃