יחזקאל 47:20

תנ ך עברי מודרני

ופאת ים הים הגדול מגבול עד נכח לבוא חמת זאת פאת ים׃

משאבים נוספים

פסוקים מקושרים

  • במ׳ 34:6 : 6 וגבול ים והיה לכם הים הגדול וגבול זה יהיה לכם גבול ים׃
  • יח׳ 48:1 : 1 ¶ ואלה שמות השבטים מקצה צפונה אל יד דרך חתלן לבוא חמת חצר עינן גבול דמשק צפונה אל יד חמת והיו לו פאת קדים הים דן אחד׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • במ׳ 34:2-12
    11 פסוקים
    87%

    2צו את בני ישראל ואמרת אלהם כי אתם באים אל הארץ כנען זאת הארץ אשר תפל לכם בנחלה ארץ כנען לגבלתיה׃

    3והיה לכם פאת נגב ממדבר צן על ידי אדום והיה לכם גבול נגב מקצה ים המלח קדמה׃

    4ונסב לכם הגבול מנגב למעלה עקרבים ועבר צנה והיה תוצאתיו מנגב לקדש ברנע ויצא חצר אדר ועבר עצמנה׃

    5ונסב הגבול מעצמון נחלה מצרים והיו תוצאתיו הימה׃

    6וגבול ים והיה לכם הים הגדול וגבול זה יהיה לכם גבול ים׃

    7וזה יהיה לכם גבול צפון מן הים הגדל תתאו לכם הר ההר׃

    8מהר ההר תתאו לבא חמת והיו תוצאת הגבל צדדה׃

    9ויצא הגבל זפרנה והיו תוצאתיו חצר עינן זה יהיה לכם גבול צפון׃

    10והתאויתם לכם לגבול קדמה מחצר עינן שפמה׃

    11וירד הגבל משפם הרבלה מקדם לעין וירד הגבול ומחה על כתף ים כנרת קדמה׃

    12וירד הגבול הירדנה והיו תוצאתיו ים המלח זאת תהיה לכם הארץ לגבלתיה סביב׃

  • יח׳ 47:15-19
    5 פסוקים
    85%

    15וזה גבול הארץ לפאת צפונה מן הים הגדול הדרך חתלן לבוא צדדה׃

    16חמת ברותה סברים אשר בין גבול דמשק ובין גבול חמת חצר התיכון אשר אל גבול חורן׃

    17והיה גבול מן הים חצר עינון גבול דמשק וצפון צפונה וגבול חמת ואת פאת צפון׃

    18ופאת קדים מבין חורן ומבין דמשק ומבין הגלעד ומבין ארץ ישראל הירדן מגבול על הים הקדמוני תמדו ואת פאת קדימה׃

    19ופאת נגב תימנה מתמר עד מי מריבות קדש נחלה אל הים הגדול ואת פאת תימנה נגבה׃

  • יהוש׳ 15:11-12
    2 פסוקים
    80%

    11ויצא הגבול אל כתף עקרון צפונה ותאר הגבול שכרונה ועבר הר הבעלה ויצא יבנאל והיו תצאות הגבול ימה׃

    12וגבול ים הימה הגדול וגבול זה גבול בני יהודה סביב למשפחתם׃

  • יהוש׳ 15:4-5
    2 פסוקים
    78%

    4ועבר עצמונה ויצא נחל מצרים והיה תצאות הגבול ימה זה יהיה לכם גבול נגב׃

    5וגבול קדמה ים המלח עד קצה הירדן וגבול לפאת צפונה מלשון הים מקצה הירדן׃

  • דב׳ 34:2
    78%

    2ואת כל נפתלי ואת ארץ אפרים ומנשה ואת כל ארץ יהודה עד הים האחרון׃

  • יהוש׳ 1:4
    78%

    4מהמדבר והלבנון הזה ועד הנהר הגדול נהר פרת כל ארץ החתים ועד הים הגדול מבוא השמש יהיה גבולכם׃

  • יח׳ 47:21
    77%

    21וחלקתם את הארץ הזאת לכם לשבטי ישראל׃

  • יח׳ 48:26-29
    4 פסוקים
    77%

    26ועל גבול יששכר מפאת קדימה עד פאת ימה זבולן אחד׃

    27ועל גבול זבולן מפאת קדמה עד פאת ימה גד אחד׃

    28ועל גבול גד אל פאת נגב תימנה והיה גבול מתמר מי מריבת קדש נחלה על הים הגדול׃

    29זאת הארץ אשר תפילו מנחלה לשבטי ישראל ואלה מחלקתם נאם אדני יהוה׃

  • יח׳ 48:1-7
    7 פסוקים
    76%

    1¶ ואלה שמות השבטים מקצה צפונה אל יד דרך חתלן לבוא חמת חצר עינן גבול דמשק צפונה אל יד חמת והיו לו פאת קדים הים דן אחד׃

    2ועל גבול דן מפאת קדים עד פאת ימה אשר אחד׃

    3ועל גבול אשר מפאת קדימה ועד פאת ימה נפתלי אחד׃

    4ועל גבול נפתלי מפאת קדמה עד פאת ימה מנשה אחד׃

    5ועל גבול מנשה מפאת קדמה עד פאת ימה אפרים אחד׃

    6ועל גבול אפרים מפאת קדים ועד פאת ימה ראובן אחד׃

    7ועל גבול ראובן מפאת קדים עד פאת ימה יהודה אחד׃

  • יהוש׳ 19:34
    75%

    34ושב הגבול ימה אזנות תבור ויצא משם חוקקה ופגע בזבלון מנגב ובאשר פגע מים וביהודה הירדן מזרח השמש׃

  • יהוש׳ 18:19-20
    2 פסוקים
    74%

    19ועבר הגבול אל כתף בית חגלה צפונה והיה תצאותיו הגבול אל לשון ים המלח צפונה אל קצה הירדן נגבה זה גבול נגב׃

    20והירדן יגבל אתו לפאת קדמה זאת נחלת בני בנימן לגבולתיה סביב למשפחתם׃

  • יהוש׳ 17:10
    74%

    10נגבה לאפרים וצפונה למנשה ויהי הים גבולו ובאשר יפגעון מצפון וביששכר ממזרח׃

  • יהוש׳ 15:2
    74%

    2ויהי להם גבול נגב מקצה ים המלח מן הלשן הפנה נגבה׃

  • דב׳ 3:17
    74%

    17והערבה והירדן וגבל מכנרת ועד ים הערבה ים המלח תחת אשדת הפסגה מזרחה׃

  • יהוש׳ 23:4
    74%

    4ראו הפלתי לכם את הגוים הנשארים האלה בנחלה לשבטיכם מן הירדן וכל הגוים אשר הכרתי והים הגדול מבוא השמש׃

  • יהוש׳ 13:4
    73%

    4מתימן כל ארץ הכנעני ומערה אשר לצידנים עד אפקה עד גבול האמרי׃

  • יהוש׳ 16:3
    72%

    3וירד ימה אל גבול היפלטי עד גבול בית חורן תחתון ועד גזר והיו תצאתו ימה׃

  • יהוש׳ 13:27
    72%

    27ובעמק בית הרם ובית נמרה וסכות וצפון יתר ממלכות סיחון מלך חשבון הירדן וגבל עד קצה ים כנרת עבר הירדן מזרחה׃

  • יהוש׳ 12:3
    72%

    3והערבה עד ים כנרות מזרחה ועד ים הערבה ים המלח מזרחה דרך בית הישמות ומתימן תחת אשדות הפסגה׃

  • יהוש׳ 15:47
    72%

    47אשדוד בנותיה וחצריה עזה בנותיה וחצריה עד נחל מצרים והים הגבול וגבול׃

  • יהוש׳ 18:14
    71%

    14ותאר הגבול ונסב לפאת ים נגבה מן ההר אשר על פני בית חרון נגבה והיה תצאתיו אל קרית בעל היא קרית יערים עיר בני יהודה זאת פאת ים׃

  • שמ׳ 23:31
    71%

    31ושתי את גבלך מים סוף ועד ים פלשתים וממדבר עד הנהר כי אתן בידכם את ישבי הארץ וגרשתמו מפניך׃

  • יח׳ 48:16
    71%

    16ואלה מדותיה פאת צפון חמש מאות וארבעת אלפים ופאת נגב חמש חמש מאות וארבעת אלפים ומפאת קדים חמש מאות וארבעת אלפים ופאת ימה חמש מאות וארבעת אלפים׃

  • יח׳ 47:8
    71%

    8ויאמר אלי המים האלה יוצאים אל הגלילה הקדמונה וירדו על הערבה ובאו הימה אל הימה המוצאים ונרפאו המים׃