בראשית 24:12

תנ ך עברי מודרני

ויאמר יהוה אלהי אדני אברהם הקרה נא לפני היום ועשה חסד עם אדני אברהם׃

משאבים נוספים

פסוקים מקושרים

  • בר׳ 24:27 : 27 ויאמר ברוך יהוה אלהי אדני אברהם אשר לא עזב חסדו ואמתו מעם אדני אנכי בדרך נחני יהוה בית אחי אדני׃
  • בר׳ 26:24 : 24 וירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי׃
  • שמ׳ 3:6 : 6 ויאמר אנכי אלהי אביך אלהי אברהם אלהי יצחק ואלהי יעקב ויסתר משה פניו כי ירא מהביט אל האלהים׃
  • שמ׳ 3:15 : 15 ויאמר עוד אלהים אל משה כה תאמר אל בני ישראל יהוה אלהי אבתיכם אלהי אברהם אלהי יצחק ואלהי יעקב שלחני אליכם זה שמי לעלם וזה זכרי לדר דר׃
  • בר׳ 24:42 : 42 ואבא היום אל העין ואמר יהוה אלהי אדני אברהם אם ישך נא מצליח דרכי אשר אנכי הלך עליה׃
  • בר׳ 24:48 : 48 ואקד ואשתחוה ליהוה ואברך את יהוה אלהי אדני אברהם אשר הנחני בדרך אמת לקחת את בת אחי אדני לבנו׃
  • בר׳ 15:1 : 1 ¶ אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שכרך הרבה מאד׃
  • בר׳ 17:7-8 : 7 והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃ 8 ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃
  • בר׳ 27:10 : 10 והבאת לאביך ואכל בעבר אשר יברכך לפני מותו׃
  • בר׳ 27:20 : 20 ויאמר יצחק אל בנו מה זה מהרת למצא בני ויאמר כי הקרה יהוה אלהיך לפני׃
  • בר׳ 28:13 : 13 והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשר אתה שכב עליה לך אתננה ולזרעך׃
  • בר׳ 31:42 : 42 לולי אלהי אבי אלהי אברהם ופחד יצחק היה לי כי עתה ריקם שלחתני את עניי ואת יגיע כפי ראה אלהים ויוכח אמש׃
  • בר׳ 32:9 : 9 ויאמר יעקב אלהי אבי אברהם ואלהי אבי יצחק יהוה האמר אלי שוב לארצך ולמולדתך ואיטיבה עמך׃
  • בר׳ 43:14 : 14 ואל שדי יתן לכם רחמים לפני האיש ושלח לכם את אחיכם אחר ואת בנימין ואני כאשר שכלתי שכלתי׃
  • מל״א 18:36 : 36 ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך עשיתי את כל הדברים האלה׃
  • מל״ב 2:14 : 14 ויקח את אדרת אליהו אשר נפלה מעליו ויכה את המים ויאמר איה יהוה אלהי אליהו אף הוא ויכה את המים ויחצו הנה והנה ויעבר אלישע׃
  • נח׳ 1:11 : 11 אנא אדני תהי נא אזנך קשבת אל תפלת עבדך ואל תפלת עבדיך החפצים ליראה את שמך והצליחה נא לעבדך היום ותנהו לרחמים לפני האיש הזה ואני הייתי משקה למלך׃
  • נח׳ 2:4 : 4 ויאמר לי המלך על מה זה אתה מבקש ואתפלל אל אלהי השמים׃
  • תה׳ 37:5 : 5 גול על יהוה דרכך ובטח עליו והוא יעשה׃
  • תה׳ 90:16-17 : 16 יראה אל עבדיך פעלך והדרך על בניהם׃ 17 ויהי נעם אדני אלהינו עלינו ומעשה ידינו כוננה עלינו ומעשה ידינו כוננהו׃
  • תה׳ 118:25 : 25 אנא יהוה הושיעה נא אנא יהוה הצליחה נא׃
  • תה׳ 122:6 : 6 שאלו שלום ירושלם ישליו אהביך׃
  • תה׳ 127:1 : 1 ¶ שיר המעלות לשלמה אם יהוה לא יבנה בית שוא עמלו בוניו בו אם יהוה לא ישמר עיר שוא שקד שומר׃
  • מש׳ 3:6 : 6 בכל דרכיך דעהו והוא יישר ארחתיך׃
  • מתי 22:32 : 32 אנכי אלהי אברהם ואלהי יצחק ואלהי יעקב והוא איננו אלהי המתים כי אם אלהי החיים׃
  • פיל 4:6 : 6 אל תדאגו כי אם בתפלה ובתחנונים עם תודה תודיעו בכל דבר את משאלותיכם לאלהינו׃
  • תס״א 3:10-11 : 10 לילה ויומם מפילים אנחנו תחנתנו לראות את פניכם ולהשלים את מחסרי אמונתכם׃ 11 והוא האלהים אבינו ואדנינו ישוע המשיח יישר את דרכנו אליכם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 24:39-46
    8 פסוקים
    88%

    39ואמר אל אדני אלי לא תלך האשה אחרי׃

    40ויאמר אלי יהוה אשר התהלכתי לפניו ישלח מלאכו אתך והצליח דרכך ולקחת אשה לבני ממשפחתי ומבית אבי׃

    41אז תנקה מאלתי כי תבוא אל משפחתי ואם לא יתנו לך והיית נקי מאלתי׃

    42ואבא היום אל העין ואמר יהוה אלהי אדני אברהם אם ישך נא מצליח דרכי אשר אנכי הלך עליה׃

    43הנה אנכי נצב על עין המים והיה העלמה היצאת לשאב ואמרתי אליה השקיני נא מעט מים מכדך׃

    44ואמרה אלי גם אתה שתה וגם לגמליך אשאב הוא האשה אשר הכיח יהוה לבן אדני׃

    45אני טרם אכלה לדבר אל לבי והנה רבקה יצאת וכדה על שכמה ותרד העינה ותשאב ואמר אליה השקיני נא׃

    46ותמהר ותורד כדה מעליה ותאמר שתה וגם גמליך אשקה ואשת וגם הגמלים השקתה׃

  • בר׳ 24:13-15
    3 פסוקים
    82%

    13הנה אנכי נצב על עין המים ובנות אנשי העיר יצאת לשאב מים׃

    14והיה הנער אשר אמר אליה הטי נא כדך ואשתה ואמרה שתה וגם גמליך אשקה אתה הכחת לעבדך ליצחק ובה אדע כי עשית חסד עם אדני׃

    15ויהי הוא טרם כלה לדבר והנה רבקה יצאת אשר ילדה לבתואל בן מלכה אשת נחור אחי אברהם וכדה על שכמה׃

  • בר׳ 24:27-28
    2 פסוקים
    82%

    27ויאמר ברוך יהוה אלהי אדני אברהם אשר לא עזב חסדו ואמתו מעם אדני אנכי בדרך נחני יהוה בית אחי אדני׃

    28ותרץ הנער ותגד לבית אמה כדברים האלה׃

  • בר׳ 24:31-37
    7 פסוקים
    80%

    31ויאמר בוא ברוך יהוה למה תעמד בחוץ ואנכי פניתי הבית ומקום לגמלים׃

    32ויבא האיש הביתה ויפתח הגמלים ויתן תבן ומספוא לגמלים ומים לרחץ רגליו ורגלי האנשים אשר אתו׃

    33ויישם לפניו לאכל ויאמר לא אכל עד אם דברתי דברי ויאמר דבר׃

    34ויאמר עבד אברהם אנכי׃

    35ויהוה ברך את אדני מאד ויגדל ויתן לו צאן ובקר וכסף וזהב ועבדם ושפחת וגמלים וחמרים׃

    36ותלד שרה אשת אדני בן לאדני אחרי זקנתה ויתן לו את כל אשר לו׃

    37וישבעני אדני לאמר לא תקח אשה לבני מבנות הכנעני אשר אנכי ישב בארצו׃

  • בר׳ 18:2-3
    2 פסוקים
    79%

    2וישא עיניו וירא והנה שלשה אנשים נצבים עליו וירא וירץ לקראתם מפתח האהל וישתחו ארצה׃

    3ויאמר אדני אם נא מצאתי חן בעיניך אל נא תעבר מעל עבדך׃

  • בר׳ 24:48-49
    2 פסוקים
    79%

    48ואקד ואשתחוה ליהוה ואברך את יהוה אלהי אדני אברהם אשר הנחני בדרך אמת לקחת את בת אחי אדני לבנו׃

    49ועתה אם ישכם עשים חסד ואמת את אדני הגידו לי ואם לא הגידו לי ואפנה על ימין או על שמאל׃

  • בר׳ 24:5-11
    7 פסוקים
    79%

    5ויאמר אליו העבד אולי לא תאבה האשה ללכת אחרי אל הארץ הזאת ההשב אשיב את בנך אל הארץ אשר יצאת משם׃

    6ויאמר אליו אברהם השמר לך פן תשיב את בני שמה׃

    7יהוה אלהי השמים אשר לקחני מבית אבי ומארץ מולדתי ואשר דבר לי ואשר נשבע לי לאמר לזרעך אתן את הארץ הזאת הוא ישלח מלאכו לפניך ולקחת אשה לבני משם׃

    8ואם לא תאבה האשה ללכת אחריך ונקית משבעתי זאת רק את בני לא תשב שמה׃

    9וישם העבד את ידו תחת ירך אברהם אדניו וישבע לו על הדבר הזה׃

    10ויקח העבד עשרה גמלים מגמלי אדניו וילך וכל טוב אדניו בידו ויקם וילך אל ארם נהרים אל עיר נחור׃

    11ויברך הגמלים מחוץ לעיר אל באר המים לעת ערב לעת צאת השאבת׃

  • בר׳ 24:17-20
    4 פסוקים
    77%

    17וירץ העבד לקראתה ויאמר הגמיאיני נא מעט מים מכדך׃

    18ותאמר שתה אדני ותמהר ותרד כדה על ידה ותשקהו׃

    19ותכל להשקתו ותאמר גם לגמליך אשאב עד אם כלו לשתת׃

    20ותמהר ותער כדה אל השקת ותרץ עוד אל הבאר לשאב ותשאב לכל גמליו׃

  • בר׳ 24:56-57
    2 פסוקים
    77%

    56ויאמר אלהם אל תאחרו אתי ויהוה הצליח דרכי שלחוני ואלכה לאדני׃

    57ויאמרו נקרא לנער ונשאלה את פיה׃

  • בר׳ 24:54
    76%

    54ויאכלו וישתו הוא והאנשים אשר עמו וילינו ויקומו בבקר ויאמר שלחני לאדני׃

  • בר׳ 24:2-3
    2 פסוקים
    74%

    2ויאמר אברהם אל עבדו זקן ביתו המשל בכל אשר לו שים נא ידך תחת ירכי׃

    3ואשביעך ביהוה אלהי השמים ואלהי הארץ אשר לא תקח אשה לבני מבנות הכנעני אשר אנכי יושב בקרבו׃

  • בר׳ 24:51-52
    2 פסוקים
    74%

    51הנה רבקה לפניך קח ולך ותהי אשה לבן אדניך כאשר דבר יהוה׃

    52ויהי כאשר שמע עבד אברהם את דבריהם וישתחו ארצה ליהוה׃

  • יהוש׳ 2:12
    74%

    12ועתה השבעו נא לי ביהוה כי עשיתי עמכם חסד ועשיתם גם אתם עם בית אבי חסד ונתתם לי אות אמת׃

  • בר׳ 24:23
    74%

    23ויאמר בת מי את הגידי נא לי היש בית אביך מקום לנו ללין׃

  • בר׳ 24:66
    73%

    66ויספר העבד ליצחק את כל הדברים אשר עשה׃

  • בר׳ 20:13
    73%

    13ויהי כאשר התעו אתי אלהים מבית אבי ואמר לה זה חסדך אשר תעשי עמדי אל כל המקום אשר נבוא שמה אמרי לי אחי הוא׃

  • בר׳ 26:24
    73%

    24וירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי׃