בראשית 29:30

תנ ך עברי מודרני

ויבא גם אל רחל ויאהב גם את רחל מלאה ויעבד עמו עוד שבע שנים אחרות׃

משאבים נוספים

פסוקים מקושרים

  • בר׳ 31:41 : 41 זה לי עשרים שנה בביתך עבדתיך ארבע עשרה שנה בשתי בנתיך ושש שנים בצאנך ותחלף את משכרתי עשרת מנים׃
  • בר׳ 29:18 : 18 ויאהב יעקב את רחל ויאמר אעבדך שבע שנים ברחל בתך הקטנה׃
  • בר׳ 29:20 : 20 ויעבד יעקב ברחל שבע שנים ויהיו בעיניו כימים אחדים באהבתו אתה׃
  • בר׳ 29:31 : 31 וירא יהוה כי שנואה לאה ויפתח את רחמה ורחל עקרה׃
  • בר׳ 30:25-26 : 25 ויהי כאשר ילדה רחל את יוסף ויאמר יעקב אל לבן שלחני ואלכה אל מקומי ולארצי׃ 26 תנה את נשי ואת ילדי אשר עבדתי אתך בהן ואלכה כי אתה ידעת את עבדתי אשר עבדתיך׃
  • בר׳ 31:15 : 15 הלוא נכריות נחשבנו לו כי מכרנו ויאכל גם אכול את כספנו׃
  • בר׳ 44:20 : 20 ונאמר אל אדני יש לנו אב זקן וילד זקנים קטן ואחיו מת ויותר הוא לבדו לאמו ואביו אהבו׃
  • בר׳ 44:27 : 27 ויאמר עבדך אבי אלינו אתם ידעתם כי שנים ילדה לי אשתי׃
  • דב׳ 21:15 : 15 כי תהיין לאיש שתי נשים האחת אהובה והאחת שנואה וילדו לו בנים האהובה והשנואה והיה הבן הבכור לשניאה׃
  • שמ״א 18:17-27 : 17 ויאמר שאול אל דוד הנה בתי הגדולה מרב אתה אתן לך לאשה אך היה לי לבן חיל והלחם מלחמות יהוה ושאול אמר אל תהי ידי בו ותהי בו יד פלשתים׃ 18 ויאמר דוד אל שאול מי אנכי ומי חיי משפחת אבי בישראל כי אהיה חתן למלך׃ 19 ויהי בעת תת את מרב בת שאול לדוד והיא נתנה לעדריאל המחלתי לאשה׃ 20 ותאהב מיכל בת שאול את דוד ויגדו לשאול וישר הדבר בעיניו׃ 21 ויאמר שאול אתננה לו ותהי לו למוקש ותהי בו יד פלשתים ויאמר שאול אל דוד בשתים תתחתן בי היום׃ 22 ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלך׃ 23 וידברו עבדי שאול באזני דוד את הדברים האלה ויאמר דוד הנקלה בעיניכם התחתן במלך ואנכי איש רש ונקלה׃ 24 ויגדו עבדי שאול לו לאמר כדברים האלה דבר דוד׃ 25 ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתים׃ 26 ויגדו עבדיו לדוד את הדברים האלה וישר הדבר בעיני דוד להתחתן במלך ולא מלאו הימים׃ 27 ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה׃
  • הוש׳ 12:12 : 12 ויברח יעקב שדה ארם ויעבד ישראל באשה ובאשה שמר׃
  • מתי 6:24 : 24 לא יוכל איש לעבד שני אדנים כי אם ישנא את האחד ויאהב את האחר או ידבק באחד ויבזה את האחר לא תוכלו עבוד את האלהים ואת הממון׃
  • מתי 10:37 : 37 האהב את אביו ואת אמו יותר ממני איננו כדי לי והאהב את בנו ובתו יותר ממני איננו כדי לי׃
  • לוק 14:26 : 26 איש כי יבוא אלי ולא ישנא את אביו ואת אמו ואת אשתו ואת בניו ואת אחיו ואת אחיתיו ואף גם את נפשו לא יוכל להיות תלמידי׃
  • יוח 12:25 : 25 האהב את נפשו יאבדנה והשנא את נפשו בעולם הזה ינצרה לחיי נצח׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 29:16-25
    10 פסוקים
    86%

    16וללבן שתי בנות שם הגדלה לאה ושם הקטנה רחל׃

    17ועיני לאה רכות ורחל היתה יפת תאר ויפת מראה׃

    18ויאהב יעקב את רחל ויאמר אעבדך שבע שנים ברחל בתך הקטנה׃

    19ויאמר לבן טוב תתי אתה לך מתתי אתה לאיש אחר שבה עמדי׃

    20ויעבד יעקב ברחל שבע שנים ויהיו בעיניו כימים אחדים באהבתו אתה׃

    21ויאמר יעקב אל לבן הבה את אשתי כי מלאו ימי ואבואה אליה׃

    22ויאסף לבן את כל אנשי המקום ויעש משתה׃

    23ויהי בערב ויקח את לאה בתו ויבא אתה אליו ויבא אליה׃

    24ויתן לבן לה את זלפה שפחתו ללאה בתו שפחה׃

    25ויהי בבקר והנה הוא לאה ויאמר אל לבן מה זאת עשית לי הלא ברחל עבדתי עמך ולמה רמיתני׃

  • בר׳ 29:27-29
    3 פסוקים
    81%

    27מלא שבע זאת ונתנה לך גם את זאת בעבדה אשר תעבד עמדי עוד שבע שנים אחרות׃

    28ויעש יעקב כן וימלא שבע זאת ויתן לו את רחל בתו לו לאשה׃

    29ויתן לבן לרחל בתו את בלהה שפחתו לה לשפחה׃

  • בר׳ 29:31
    77%

    31וירא יהוה כי שנואה לאה ויפתח את רחמה ורחל עקרה׃

  • בר׳ 31:33
    76%

    33ויבא לבן באהל יעקב ובאהל לאה ובאהל שתי האמהת ולא מצא ויצא מאהל לאה ויבא באהל רחל׃

  • בר׳ 30:3-4
    2 פסוקים
    73%

    3ותאמר הנה אמתי בלהה בא אליה ותלד על ברכי ואבנה גם אנכי ממנה׃

    4ותתן לו את בלהה שפחתה לאשה ויבא אליה יעקב׃

  • בר׳ 29:9-12
    4 פסוקים
    73%

    9עודנו מדבר עמם ורחל באה עם הצאן אשר לאביה כי רעה הוא׃

    10ויהי כאשר ראה יעקב את רחל בת לבן אחי אמו ואת צאן לבן אחי אמו ויגש יעקב ויגל את האבן מעל פי הבאר וישק את צאן לבן אחי אמו׃

    11וישק יעקב לרחל וישא את קלו ויבך׃

    12ויגד יעקב לרחל כי אחי אביה הוא וכי בן רבקה הוא ותרץ ותגד לאביה׃

  • בר׳ 30:7
    72%

    7ותהר עוד ותלד בלהה שפחת רחל בן שני ליעקב׃

  • בר׳ 30:9
    71%

    9ותרא לאה כי עמדה מלדת ותקח את זלפה שפחתה ותתן אתה ליעקב לאשה׃

  • בר׳ 31:4
    71%

    4וישלח יעקב ויקרא לרחל וללאה השדה אל צאנו׃

  • בר׳ 30:16-17
    2 פסוקים
    71%

    16ויבא יעקב מן השדה בערב ותצא לאה לקראתו ותאמר אלי תבוא כי שכר שכרתיך בדודאי בני וישכב עמה בלילה הוא׃

    17וישמע אלהים אל לאה ותהר ותלד ליעקב בן חמישי׃

  • בר׳ 29:14
    71%

    14ויאמר לו לבן אך עצמי ובשרי אתה וישב עמו חדש ימים׃

  • בר׳ 30:19
    70%

    19ותהר עוד לאה ותלד בן ששי ליעקב׃

  • בר׳ 30:25
    70%

    25ויהי כאשר ילדה רחל את יוסף ויאמר יעקב אל לבן שלחני ואלכה אל מקומי ולארצי׃