בראשית 34:13

תנ ך עברי מודרני

ויענו בני יעקב את שכם ואת חמור אביו במרמה וידברו אשר טמא את דינה אחתם׃

משאבים נוספים

פסוקים מקושרים

  • בר׳ 25:27-34 : 27 ויגדלו הנערים ויהי עשו איש ידע ציד איש שדה ויעקב איש תם ישב אהלים׃ 28 ויאהב יצחק את עשו כי ציד בפיו ורבקה אהבת את יעקב׃ 29 ויזד יעקב נזיד ויבא עשו מן השדה והוא עיף׃ 30 ויאמר עשו אל יעקב הלעיטני נא מן האדם האדם הזה כי עיף אנכי על כן קרא שמו אדום׃ 31 ויאמר יעקב מכרה כיום את בכרתך לי׃ 32 ויאמר עשו הנה אנכי הולך למות ולמה זה לי בכרה׃ 33 ויאמר יעקב השבעה לי כיום וישבע לו וימכר את בכרתו ליעקב׃ 34 ויעקב נתן לעשו לחם ונזיד עדשים ויאכל וישת ויקם וילך ויבז עשו את הבכרה׃
  • שופ׳ 15:3 : 3 ויאמר להם שמשון נקיתי הפעם מפלשתים כי עשה אני עמם רעה׃
  • שמ״ב 13:23-29 : 23 ויהי לשנתים ימים ויהיו גזזים לאבשלום בבעל חצור אשר עם אפרים ויקרא אבשלום לכל בני המלך׃ 24 ויבא אבשלום אל המלך ויאמר הנה נא גזזים לעבדך ילך נא המלך ועבדיו עם עבדך׃ 25 ויאמר המלך אל אבשלום אל בני אל נא נלך כלנו ולא נכבד עליך ויפרץ בו ולא אבה ללכת ויברכהו׃ 26 ויאמר אבשלום ולא ילך נא אתנו אמנון אחי ויאמר לו המלך למה ילך עמך׃ 27 ויפרץ בו אבשלום וישלח אתו את אמנון ואת כל בני המלך׃ 28 ויצו אבשלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃ 29 ויעשו נערי אבשלום לאמנון כאשר צוה אבשלום ויקמו כל בני המלך וירכבו איש על פרדו וינסו׃
  • איוב 13:4 : 4 ואולם אתם טפלי שקר רפאי אלל כלכם׃
  • איוב 13:7 : 7 הלאל תדברו עולה ולו תדברו רמיה׃
  • תה׳ 12:2 : 2 שוא ידברו איש את רעהו שפת חלקות בלב ולב ידברו׃
  • מש׳ 12:13 : 13 בפשע שפתים מוקש רע ויצא מצרה צדיק׃
  • מש׳ 12:18-20 : 18 יש בוטה כמדקרות חרב ולשון חכמים מרפא׃ 19 שפת אמת תכון לעד ועד ארגיעה לשון שקר׃ 20 מרמה בלב חרשי רע וליעצי שלום שמחה׃
  • מש׳ 24:28-29 : 28 אל תהי עד חנם ברעך והפתית בשפתיך׃ 29 אל תאמר כאשר עשה לי כן אעשה לו אשיב לאיש כפעלו׃
  • מש׳ 26:24-26 : 24 בשפתו ינכר שונא ובקרבו ישית מרמה׃ 25 כי יחנן קולו אל תאמן בו כי שבע תועבות בלבו׃ 26 תכסה שנאה במשאון תגלה רעתו בקהל׃
  • יש׳ 59:13 : 13 פשע וכחש ביהוה ונסוג מאחר אלהינו דבר עשק וסרה הרו והגו מלב דברי שקר׃
  • מיכ׳ 7:2 : 2 אבד חסיד מן הארץ וישר באדם אין כלם לדמים יארבו איש את אחיהו יצודו חרם׃
  • מתי 28:13 : 13 אמרו כי באו תלמידיו לילה ויגנבו אותו בהיותנו ישנים׃
  • רומ 12:19 : 19 אל תנקמו נקם ידידי כי אם תנו מקום לרגז כי כתוב לי נקם ושלם אמר יהוה׃
  • תס״א 5:15 : 15 וראו פן ישלם איש לאיש רעה תחת רעה כי אם רדפו בכל עת את הטוב הן לאיש איש מכם הן לכל אדם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 34:24-27
    4 פסוקים
    86%

    24וישמעו אל חמור ואל שכם בנו כל יצאי שער עירו וימלו כל זכר כל יצאי שער עירו׃

    25ויהי ביום השלישי בהיותם כאבים ויקחו שני בני יעקב שמעון ולוי אחי דינה איש חרבו ויבאו על העיר בטח ויהרגו כל זכר׃

    26ואת חמור ואת שכם בנו הרגו לפי חרב ויקחו את דינה מבית שכם ויצאו׃

    27בני יעקב באו על החללים ויבזו העיר אשר טמאו אחותם׃

  • בר׳ 34:14
    85%

    14ויאמרו אליהם לא נוכל לעשות הדבר הזה לתת את אחתנו לאיש אשר לו ערלה כי חרפה הוא לנו׃

  • בר׳ 34:1-9
    9 פסוקים
    82%

    1¶ ותצא דינה בת לאה אשר ילדה ליעקב לראות בבנות הארץ׃

    2וירא אתה שכם בן חמור החוי נשיא הארץ ויקח אתה וישכב אתה ויענה׃

    3ותדבק נפשו בדינה בת יעקב ויאהב את הנער וידבר על לב הנער׃

    4ויאמר שכם אל חמור אביו לאמר קח לי את הילדה הזאת לאשה׃

    5ויעקב שמע כי טמא את דינה בתו ובניו היו את מקנהו בשדה והחרש יעקב עד באם׃

    6ויצא חמור אבי שכם אל יעקב לדבר אתו׃

    7ובני יעקב באו מן השדה כשמעם ויתעצבו האנשים ויחר להם מאד כי נבלה עשה בישראל לשכב את בת יעקב וכן לא יעשה׃

    8וידבר חמור אתם לאמר שכם בני חשקה נפשו בבתכם תנו נא אתה לו לאשה׃

    9והתחתנו אתנו בנתיכם תתנו לנו ואת בנתינו תקחו לכם׃

  • בר׳ 34:11-12
    2 פסוקים
    81%

    11ויאמר שכם אל אביה ואל אחיה אמצא חן בעיניכם ואשר תאמרו אלי אתן׃

    12הרבו עלי מאד מהר ומתן ואתנה כאשר תאמרו אלי ותנו לי את הנער לאשה׃

  • בר׳ 34:31
    80%

    31ויאמרו הכזונה יעשה את אחותנו׃

  • בר׳ 34:18-20
    3 פסוקים
    80%

    18וייטבו דבריהם בעיני חמור ובעיני שכם בן חמור׃

    19ולא אחר הנער לעשות הדבר כי חפץ בבת יעקב והוא נכבד מכל בית אביו׃

    20ויבא חמור ושכם בנו אל שער עירם וידברו אל אנשי עירם לאמר׃