יוחנן 11:42

תנ ך עברי מודרני

ואני ידעתי כי בכל עת תענני אולם בעבור העם הזה אשר סביבותי דברתי למען יאמינו בי כי אתה שלחתני׃

משאבים נוספים

פסוקים מקושרים

  • יוח 3:17 : 17 כי האלהים לא שלח את בנו אל העולם לדין את העולם כי אם למען יושע בו העולם׃
  • יוח 17:21 : 21 למען יהיו כלם אחד כאשר אתה אבי בי אתה ואני בך והיו גם המה בנו כאשר למען יאמין העולם כי אתה שלחתני׃
  • יוח 11:22 : 22 וגם עתה ידעתי כי כל אשר תשאל מאת אלהים יתן לך אלהים׃
  • מתי 26:53 : 53 או היחשב לבך כי לא יכלתי לשאל עתה מאת אבי והוא יצוה לי יותר משנים עשר לגיונות של מלאכים׃
  • יוח 17:8 : 8 כי הדברים אשר נתת לי נתתי להם והם קבלום ויכירו באמת כי מעמך יצאתי ויאמינו כי אתה שלחתני׃
  • מתי 12:22-24 : 22 אז הובא אליו איש עור ואלם אשר אחזו שד וירפאהו וידבר האלם וגם ראה׃ 23 וישתוממו כל המון העם ויאמרו הכי זה הוא בן דוד׃ 24 והפרושים כשמעם זאת אמרו זה איננו מגרש את השדים כי אם על ידי בעל זבוב שר השדים׃
  • יוח 11:31 : 31 והיהודים אשר באו אל ביתה לנחמה כראותם את מרים כי קמה פתאם ותצא הלכו אחריה באמרם כי הלכה לה אל הקבר לבכות שמה׃
  • יוח 11:45-50 : 45 ורבים מן היהודים אשר באו אל מרים בראותם את אשר עשה ישוע האמינו בו׃ 46 ומקצתם הלכו אל הפרושים ויגידו להם את אשר עשה ישוע׃ 47 אז יקהילו הכהנים הגדולים והפרושים את הסנהדרין ויאמרו מה נעשה כי האיש הלזה עשה אתות הרבה׃ 48 אם נניח לו לעשות כלם יאמינו בו ובאו הרומיים ולקחו גם את אדמתנו וגם את עמנו׃ 49 ואחד מהם קיפא שמו והוא כהן גדול בשנה ההיא אמר אליהם הן לא תדעו מאומה׃ 50 אף לא תתבוננו כי טוב לנו מות איש אחד בעד הגוי מאבד העם כלו׃
  • יוח 12:27-30 : 27 עתה נבהלה נפשי ומה אמר הושיעני אבי מן השעה הזאת אך על כן באתי אל השעה הזאת׃ 28 אבי פאר את שמך ותצא בת קול מן השמים גם פארתי וגם אוסיף לפאר׃ 29 והעם העמדים שמה כשמעם אמרו רעם נשמע ואחרים אמרו מלאך דבר אתו׃ 30 ויען ישוע ויאמר לא למעני היה הקול הזה כי אם למענכם׃
  • יוח 17:25 : 25 אבי הצדיק הן העולם לא ידעך ואני ידעתיך ואלה הכירו כי אתה שלחתני׃
  • יוח 20:31 : 31 אך אלה נכתבו למען תאמינו כי ישוע הוא המשיח בן אלהים ולמען יהיו לכם המאמינים חיי עולם בשמו׃
  • רומ 8:3 : 3 כי מה שלא יכלה התורה לעשות הנחלשה על יד הבשר עשה האלהים בשלחו את בנו בתואר בשר החטא ובעד החטא וירשיע את החטא בבשר׃
  • גל 4:4 : 4 ובמלאת העת שלח האלהים את בנו אשר נולד מאשה ונתן תחת יד התורה׃
  • עבר 5:7 : 7 אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃
  • עבר 7:25 : 25 אשר על כן יוכל גם להושיע בכל וכל את הנגשים על ידו לאלהים כי חי הוא תמיד להפגיע בעדם׃
  • יוח״א 4:9-9 : 9 בזאת נראתה אהבת האלהים לנו כי שלח האלהים את בנו את יחידו לעולם למען נחיה על ידו׃ 10 בזאת היא האהבה לא שאנחנו אהבנו את האלהים כי אם הוא אהב אותנו וישלח את בנו לכפרה על חטאתינו׃
  • יוח״א 4:14 : 14 ואנחנו חזינו ונעידה כי האב שלח את הבן מושיע העולם׃
  • יוח 6:38-40 : 38 כי ירדתי מן השמים לא לעשות רצוני כי אם רצון שלחי׃ 39 וזה רצון האב אשר שלחני כי כל אשר נתן לי לא יאבד לי כי אם אקימנו ביום האחרון׃ 40 וזה רצון שלחי אשר כל הראה את הבן ומאמין בו יהיו לו חיי עולמים ואני אקימנו ביום האחרון׃
  • יוח 7:28-29 : 28 אז קרא ישוע במקדש וילמד לאמר הן ידעתם אתי אף ידעתם מאין אני ומנפשי לא באתי אכן יש אמתי אשר שלחני ואתו לא ידעתם׃ 29 ואני ידעתיו כי מאתו אני והוא שלחני׃
  • יוח 8:16 : 16 ואם אנכי אשפט משפטי אמת כי לא לבדי הנני כי אם אני והאב אשר שלחני׃
  • יוח 8:29 : 29 ואשר שלח אתי הוא עמדי האב לא עזבני לבדד כי את הטוב בעיניו אני עשה תמיד׃
  • יוח 8:42 : 42 ויאמר אליהם ישוע אלו אלהים הוא אביכם כי עתה אהבתם אתי כי אנכי יצאתי ובאתי מאת האלהים הן לא ממני באתי אך הוא שלחני׃
  • יוח 9:24-34 : 24 ויקראו שנית לאיש אשר היה עור ויאמרו אליו תן כבוד לאלהים אנחנו ידענו כי האיש הזה חטא הוא׃ 25 ויען ויאמר אם האיש חטא הוא אינני ידע אחת ידעתי כי עור הייתי ועתה הנני ראה׃ 26 ויאמרו אליו עוד מה עשה לך איכה פקח עיניך׃ 27 ויען אתם כבר אמרתי לכם הלא שמעתם ומה לכם לשמע שנית התאבו גם אתם להיות תלמידיו׃ 28 ויחרפו אתו ויאמרו אתה תלמידו ואנחנו תלמידיו של משה׃ 29 אנחנו יודעים כי אל משה דבר האלהים ואת זה לא ידענו מאין הוא׃ 30 ויען האיש ויאמר אליהם זאת היא הפלא ופלא כי לא ידעתם מאין הוא והוא פקח את עיני׃ 31 והנה ידענו כי את החטאים לא ישמע אל כי אם את ירא האלהים ועשה רצונו אתו ישמע׃ 32 מעולם לא נשמע כי פקח איש עיני עור מרחם׃ 33 לולא היה זה מאת אלהים לא היה יכל לעשות מאומה׃ 34 ויענו ויאמרו אליו הן בחטאים נולדת כלך ואתה תלמדנו ויהדפהו החוצה׃
  • יוח 10:36-38 : 36 ואיך תאמרו על אשר קדשו האב ושלחו לעולם מגדף אתה יען אמרתי בן אלהים אני׃ 37 אם לא אעשה את מעשי אבי אל תאמינו לי׃ 38 ואם עשיתי ולא תאמינו לי האמינו נא למעשי למען תדעו ותאמינו כי בי האב ואני בו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יוח 11:37-41
    5 פסוקים
    83%

    37ומקצתם אמרו הפקח עיני העור הלא יכל לעשות שגם זה לא ימות׃

    38ויוסף עוד ישוע להזעם ברוחו ויבא אל הקבר והוא מערה ואבן על מבואה׃

    39ויאמר ישוע שאו את האבן מעליה ותאמר אליו מרתא אחות המת אדני הנה כבר באש כי ארבעה ימים לו׃

    40ויאמר אליה ישוע הלא אמרתי לך כי אם תאמיני תחזי את כבוד האלהים׃

    41וישאו את האבן אשר המת הושם שם וישוע נשא את עיניו למרום ויאמר אודך אבי כי עניתני׃

  • יוח 11:43-45
    3 פסוקים
    77%

    43ויהי ככלותו לדבר ויקרא בקול גדול לעזר קום צא׃

    44ויצא המת וידיו ורגליו כרוכת בתכריכין ופיו לוטים בסודר ויאמר אליהם ישוע התירו אתו וילך לדרכו׃

    45ורבים מן היהודים אשר באו אל מרים בראותם את אשר עשה ישוע האמינו בו׃

  • יוח 12:9
    74%

    9וישמעו עם רב ביהודה כי שם הוא ויבאו לא בעבור ישוע לבדו כי אם לראות גם את לעזר אשר העירו מעם המתים׃

  • יוח 11:22-23
    2 פסוקים
    74%

    22וגם עתה ידעתי כי כל אשר תשאל מאת אלהים יתן לך אלהים׃

    23ויאמר אליה ישוע קום יקום אחיך׃

  • יוח 17:7-8
    2 פסוקים
    73%

    7ועתה ידעו כי כל אשר נתת לי מעמך הוא׃

    8כי הדברים אשר נתת לי נתתי להם והם קבלום ויכירו באמת כי מעמך יצאתי ויאמינו כי אתה שלחתני׃

  • יוח 12:28-30
    3 פסוקים
    72%

    28אבי פאר את שמך ותצא בת קול מן השמים גם פארתי וגם אוסיף לפאר׃

    29והעם העמדים שמה כשמעם אמרו רעם נשמע ואחרים אמרו מלאך דבר אתו׃

    30ויען ישוע ויאמר לא למעני היה הקול הזה כי אם למענכם׃

  • יוח 12:17-18
    2 פסוקים
    72%

    17ויעידו העם אשר היו אצלו בקראו אל לעזר לצאת מן הקבר ויער אתו מעם המתים׃

    18על זאת גם המון העם יצא לקראתו על שמעם כי עשה האות הזה׃

  • יוח 12:11
    72%

    11כי בגללו באו שמה רבים מן היהודים ויאמינו בישוע׃

  • יוח 17:20-21
    2 פסוקים
    71%

    20אולם לא לבד בעד אלה אנכי מעתיר לך כי אם גם בעד המאמינים בי על פי דברם׃

    21למען יהיו כלם אחד כאשר אתה אבי בי אתה ואני בך והיו גם המה בנו כאשר למען יאמין העולם כי אתה שלחתני׃

  • יוח 11:25-27
    3 פסוקים
    71%

    25ויאמר אליה ישוע אנכי התקומה והחיים המאמין בי יחיה גם כי ימות׃

    26וכל החי אשר יאמין בי לא ימות לעולם התאמיני זאת׃

    27ותאמר אליו כן אדני האמנתי כי אתה המשיח בן האלהים הבא לעולם׃

  • יוח 16:30-31
    2 פסוקים
    71%

    30עתה ידענו כי כל ידעת ולא תצטרך כי ישאלך איש בזאת נאמין כי מאת אלהים יצאת׃

    31ויען אתם ישוע עתה תאמינו׃

  • יוח 12:44-45
    2 פסוקים
    71%

    44ויקרא ישוע ויאמר המאמין בי לא בי הוא מאמין כי אם בשלח אתי׃

    45והראה אתי את אשר שלחני הוא ראה׃

  • יוח 14:31
    71%

    31אך למען ידע העולם כי את אבי אני אהב וכאשר צוני אבי כן אני עשה קומו ונלכה מזה׃

  • יוח 7:28-29
    2 פסוקים
    70%

    28אז קרא ישוע במקדש וילמד לאמר הן ידעתם אתי אף ידעתם מאין אני ומנפשי לא באתי אכן יש אמתי אשר שלחני ואתו לא ידעתם׃

    29ואני ידעתיו כי מאתו אני והוא שלחני׃

  • יוח 14:11
    70%

    11האמינו לי כי אנכי באבי ואבי בי הוא ואם לא אך בגלל המעשים האמינו לי׃

  • יוח 17:25
    70%

    25אבי הצדיק הן העולם לא ידעך ואני ידעתיך ואלה הכירו כי אתה שלחתני׃

  • יוח 16:27
    70%

    27כי אבי גם הוא אהב אתכם עקב אשר אהבתוני והאמנתם כי מאת אלהים יצאתי׃

  • יוח 9:37
    70%

    37ויאמר אליו ישוע הן ראית אתו והמדבר אליך הנה זה הוא׃

  • יוח 18:21
    70%

    21ומה תשאל אתי שאל נא את השמעים מה שדברתי אליהם הנם יודעים את אשר אמרתי׃

  • יוח 11:11
    70%

    11כזאת דבר ואחרי כן אמר אליהם לעזר ידידנו ישן הוא ואנכי הלך למען אעירנו׃

  • יוח 11:14-15
    2 פסוקים
    70%

    14אז גלה ישוע את אזנם ויאמר אליהם לעזר מת׃

    15ושמח אני בגללכם כי לא הייתי שם למען תאמינו ועתה נסעה ונלכה אליו׃

  • יוח 17:1
    69%

    1¶ את אלה דבר ישוע וישא עיניו השמימה ויאמר אבי הנה באה השעה פאר את בנך למען גם בנך יפארך׃

  • יוח 17:23
    69%

    23אני בהם ואתה בי למען יהיו משלמים לאחד ולמען ידע העולם כי אתה שלחתני ואהבת אתם כאשר אהבתני׃

  • יוח 10:38
    69%

    38ואם עשיתי ולא תאמינו לי האמינו נא למעשי למען תדעו ותאמינו כי בי האב ואני בו׃

  • יוח 8:28-29
    2 פסוקים
    69%

    28אז אמר להם ישוע בעת תנשאו את בן האדם וידעתם כי אני הוא וכי אינני עשה דבר מנפשי כי אם כאשר למדני אבי אלה אדבר׃

    29ואשר שלח אתי הוא עמדי האב לא עזבני לבדד כי את הטוב בעיניו אני עשה תמיד׃

  • יוח 11:4
    69%

    4וישמע ישוע ויאמר זאת המחלה איננה למות כי אם לכבוד האלהים למען יכבד בה בן האלהים׃

  • יוח 4:42
    69%

    42ויאמרו אל האשה מעתה לא בעבור מאמרך נאמין כי באזנינו שמענו ונדע כי אמנם זה הוא המשיח מושיע העולם׃

  • יוח 8:26
    69%

    26רבות עמי לדבר ולשפט עליכם אכן שלחי נאמן הוא ואשר שמעתי ממנו אתו אני מדבר אל העולם׃

  • יוח 13:19
    69%

    19מעתה אני אמר לכם בטרם היותה למען בבואה תאמינו כי אני הוא׃

  • יוח 10:25
    69%

    25ויען אתם ישוע הן אמרתי אליכם ולא האמנתם בי המעשים אשר אני עשה בשם אבי הם יעידו עלי׃

  • יוח 11:34
    69%

    34ויאמר איפה שמתם אתו ויאמרו אליו אדני בא וראה׃