יוחנן 11:22

תנ ך עברי מודרני

וגם עתה ידעתי כי כל אשר תשאל מאת אלהים יתן לך אלהים׃

משאבים נוספים

פסוקים מקושרים

  • יוח 9:31 : 31 והנה ידענו כי את החטאים לא ישמע אל כי אם את ירא האלהים ועשה רצונו אתו ישמע׃
  • יוח 11:41-42 : 41 וישאו את האבן אשר המת הושם שם וישוע נשא את עיניו למרום ויאמר אודך אבי כי עניתני׃ 42 ואני ידעתי כי בכל עת תענני אולם בעבור העם הזה אשר סביבותי דברתי למען יאמינו בי כי אתה שלחתני׃
  • מתי 28:18 : 18 ויגש ישוע וידבר אליהם לאמר נתן לי כל שלטן בשמים ובארץ׃
  • מרק 9:23 : 23 ויאמר אליו ישוע לאמר אם תוכל להאמין כל יוכל המאמין׃
  • יוח 3:35 : 35 האב אהב את בנו ואת כל נתן בידו׃
  • יוח 5:22-27 : 22 כי האב לא ידין איש כי אם כל המשפט נתן לבן למען יכבדו כלם את הבן כאשר יכבדו את האב׃ 23 מי אשר לא יכבד את הבן גם את האב אשר שלחו איננו מכבד׃ 24 אמן אמן אני אמר לכם השמע דברי ומאמין לשלחי יש לו חיי עולמים ולא יבא במשפט כי עבר ממות לחיים׃ 25 אמן אמן אני אמר לכם כי תבוא שעה ועתה היא אשר ישמעו המתים את קול בן האלהים והשמעים חיה יחיו׃ 26 כי כאשר לאב יש חיים בעצמו כן נתן גם לבן להיות לו חיים בעצמו׃ 27 ואף שלטן נתן לו לעשות משפט כי בן אדם הוא׃
  • יוח 17:2 : 2 כאשר נתת לו השלטן על כל בשר למען יתן חיי עולמים לכל אשר נתת לו׃
  • עבר 11:17-19 : 17 באמונה העלה אברהם את יצחק כאשר נסה ואת יחידו הקריב המקבל את ההבטחות׃ 18 אשר נאמר לו כי ביצחק יקרא לך זרע׃ 19 ויחשב בלבו כי יכול יוכל אלהים להחיות גם את המתים על כן גם הושב אליו להיות למשל׃
  • תה׳ 2:8 : 8 שאל ממני ואתנה גוים נחלתך ואחזתך אפסי ארץ׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יוח 11:23-32
    10 פסוקים
    81%

    23ויאמר אליה ישוע קום יקום אחיך׃

    24ותאמר אליו מרתא ידעתי כי יקום בתקומה ביום האחרון׃

    25ויאמר אליה ישוע אנכי התקומה והחיים המאמין בי יחיה גם כי ימות׃

    26וכל החי אשר יאמין בי לא ימות לעולם התאמיני זאת׃

    27ותאמר אליו כן אדני האמנתי כי אתה המשיח בן האלהים הבא לעולם׃

    28ויהי אחר דברה זאת ותלך ותקרא למרים אחותה בסתר לאמר הנה המורה פה וקרא לך׃

    29היא שמעה ותמהר לקום ותבא אליו׃

    30וישוע טרם יבא אל הכפר כי עודנו עמד במקום אשר פגשתו שם מרתא׃

    31והיהודים אשר באו אל ביתה לנחמה כראותם את מרים כי קמה פתאם ותצא הלכו אחריה באמרם כי הלכה לה אל הקבר לבכות שמה׃

    32ותבא מרים אל המקום אשר ישוע עמד שם ותרא אתו ותפל לרגליו ותאמר לו אדני אלו היית פה כי אז לא מת אחי׃

  • יוח 11:19-21
    3 פסוקים
    79%

    19ורבים מן היהודים באו בית מרתא ומרים לנחם אתהן על אחיהן׃

    20ויהי כשמע מרתא כי ישוע בא ותצא לקרתו ומרים יושבת בבית׃

    21ותאמר מרתא אל ישוע אדני אלו היית פה כי אז לא מת אחי׃

  • יוח 11:39-43
    5 פסוקים
    75%

    39ויאמר ישוע שאו את האבן מעליה ותאמר אליו מרתא אחות המת אדני הנה כבר באש כי ארבעה ימים לו׃

    40ויאמר אליה ישוע הלא אמרתי לך כי אם תאמיני תחזי את כבוד האלהים׃

    41וישאו את האבן אשר המת הושם שם וישוע נשא את עיניו למרום ויאמר אודך אבי כי עניתני׃

    42ואני ידעתי כי בכל עת תענני אולם בעבור העם הזה אשר סביבותי דברתי למען יאמינו בי כי אתה שלחתני׃

    43ויהי ככלותו לדבר ויקרא בקול גדול לעזר קום צא׃

  • יוח 11:3-5
    3 פסוקים
    71%

    3ותשלחנה אחיותיו אליו לאמר אדני הנה זה אשר אהבת חלה הוא׃

    4וישמע ישוע ויאמר זאת המחלה איננה למות כי אם לכבוד האלהים למען יכבד בה בן האלהים׃

    5וישוע אהב את מרתא ואת אחותה ואת לעזר׃

  • מתי 21:22
    71%

    22וכל אשר תשאלו בתפלה ואתם מאמינים תקחהו׃

  • יוח״א 5:14-15
    2 פסוקים
    71%

    14וזה הוא בטחוננו אליו אשר אם נשאל דבר כפי רצונו ישמענו׃

    15ומדעתנו כי ישמענו לכל אשר נשאל נדע גם זאת כי נשיג את המשאלות אשר שאלנו ממנו׃

  • יוח 4:10
    71%

    10ויען ישוע ויאמר אליה לו ידעת את מתת אלהים ומי הוא האמר אליך תני נא לי לשתות כי עתה שאלת ממנו ונתן לך מים חיים׃

  • יוח 16:23-24
    2 פסוקים
    70%

    23וביום ההוא לא תשאלוני דבר אמן אמן אני אמר לכם כי כל אשר תשאלו מאת אבי בשמי יתננו לכם׃

    24עד עתה לא שאלתם דבר בשמי שאלו ותקחו למען תמלא שמחתכם׃

  • יוח 16:30-31
    2 פסוקים
    70%

    30עתה ידענו כי כל ידעת ולא תצטרך כי ישאלך איש בזאת נאמין כי מאת אלהים יצאת׃

    31ויען אתם ישוע עתה תאמינו׃

  • יוח 14:13-14
    2 פסוקים
    70%

    13וכל אשר תשאלו בשמי אעשנו למען יכבד האב בבנו׃

    14כי תשאלו דבר בשמי אני אעשנו׃

  • לוק 11:8-10
    3 פסוקים
    70%

    8אני אמר לכם גם כי לא יקום לתת לו על היותו אהבו יקום בעבור עזות פניו ויתן לו ככל צרכו׃

    9וגם אני אמר לכם שאלו וינתן לכם דרשו ותמצאו דפקו ויפתח לכם׃

    10כי כל השאל יקבל והדרש ימצא ולדפק יפתח׃

  • מרק 11:24
    70%

    24על כן אני אמר לכם כל אשר תשאלו בהתפללכם האמינו כי תקחו ויהי לכם׃

  • יוח 15:7
    69%

    7והיה אם תעמדו בי ודברי יהיו בכם ככל חפצכם תשאלו ויעשה לכם׃

  • יוח 17:7
    68%

    7ועתה ידעו כי כל אשר נתת לי מעמך הוא׃

  • יוח 11:1
    68%

    1¶ ויהי איש חולה לעזר שמו מבית היני כפר מרים ומרתא אחותה׃

  • יוח 13:7
    68%

    7ויען ישוע ויאמר אליו את אשר אני עשה אינך ידע כעת ואחרי כן תדע׃

  • לוק 10:40-41
    2 פסוקים
    67%

    40ומרתא יגעה ברב שרותה ותגש ותאמר הלא תשים על לבך אדני אשר אחותי עזבתני לשרת לבדי אמר נא אליה ותעזר לי׃

    41ויען ישוע ויאמר לה מרתא מרתא את דאגת ומבהלת על הרבה׃

  • יוח 11:17
    67%

    17ויבא ישוע וימצאהו זה ארבעה ימים שכב בקבר׃

  • יוח 11:34
    67%

    34ויאמר איפה שמתם אתו ויאמרו אליו אדני בא וראה׃

  • מרק 10:36
    67%

    36ויאמר אליהם מה אויתם כי אעשה לכם׃

  • יוח 11:14
    67%

    14אז גלה ישוע את אזנם ויאמר אליהם לעזר מת׃

  • מרק 11:22
    66%

    22ויען ישוע ויאמר אליהם תהי נא בכם אמונת אלהים׃

  • מתי 14:7
    66%

    7וישבע לה ויאמר מה תשאל נפשך ואתן לך׃

  • איוב 42:2
    66%

    2ידעת כי כל תוכל ולא יבצר ממך מזמה׃

  • יוח 14:7
    66%

    7לו ידעתם אתי גם את אבי ידעתם ומעתה ידעתם אתו וראיתם אתו׃

  • יוח 11:11
    66%

    11כזאת דבר ואחרי כן אמר אליהם לעזר ידידנו ישן הוא ואנכי הלך למען אעירנו׃