יהושע 19:49

תנ ך עברי מודרני

ויכלו לנחל את הארץ לגבולתיה ויתנו בני ישראל נחלה ליהושע בן נון בתוכם׃

משאבים נוספים

פסוקים מקושרים

  • יח׳ 45:7-8 : 7 ולנשיא מזה ומזה לתרומת הקדש ולאחזת העיר אל פני תרומת הקדש ואל פני אחזת העיר מפאת ים ימה ומפאת קדמה קדימה וארך לעמות אחד החלקים מגבול ים אל גבול קדימה׃ 8 לארץ יהיה לו לאחזה בישראל ולא יונו עוד נשיאי את עמי והארץ יתנו לבית ישראל לשבטיהם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יהוש׳ 19:50-51
    2 פסוקים
    85%

    50על פי יהוה נתנו לו את העיר אשר שאל את תמנת סרח בהר אפרים ויבנה את העיר וישב בה׃

    51אלה הנחלת אשר נחלו אלעזר הכהן ויהושע בן נון וראשי האבות למטות בני ישראל בגורל בשלה לפני יהוה פתח אהל מועד ויכלו מחלק את הארץ׃

  • יהוש׳ 14:1-3
    3 פסוקים
    81%

    1¶ ואלה אשר נחלו בני ישראל בארץ כנען אשר נחלו אותם אלעזר הכהן ויהושע בן נון וראשי אבות המטות לבני ישראל׃

    2בגורל נחלתם כאשר צוה יהוה ביד משה לתשעת המטות וחצי המטה׃

    3כי נתן משה נחלת שני המטות וחצי המטה מעבר לירדן וללוים לא נתן נחלה בתוכם׃

  • יהוש׳ 11:23
    78%

    23ויקח יהושע את כל הארץ ככל אשר דבר יהוה אל משה ויתנה יהושע לנחלה לישראל כמחלקתם לשבטיהם והארץ שקטה ממלחמה׃

  • במ׳ 34:17-18
    2 פסוקים
    78%

    17אלה שמות האנשים אשר ינחלו לכם את הארץ אלעזר הכהן ויהושע בן נון׃

    18ונשיא אחד נשיא אחד ממטה תקחו לנחל את הארץ׃

  • יהוש׳ 18:10
    77%

    10וישלך להם יהושע גורל בשלה לפני יהוה ויחלק שם יהושע את הארץ לבני ישראל כמחלקתם׃

  • יהוש׳ 19:48
    76%

    48זאת נחלת מטה בני דן למשפחתם הערים האלה וחצריהן׃

  • יהוש׳ 22:7
    76%

    7ולחצי שבט המנשה נתן משה בבשן ולחציו נתן יהושע עם אחיהם מעבר הירדן ימה וגם כי שלחם יהושע אל אהליהם ויברכם׃

  • שופ׳ 2:6
    75%

    6וישלח יהושע את העם וילכו בני ישראל איש לנחלתו לרשת את הארץ׃

  • יהוש׳ 17:4
    75%

    4ותקרבנה לפני אלעזר הכהן ולפני יהושע בן נון ולפני הנשיאים לאמר יהוה צוה את משה לתת לנו נחלה בתוך אחינו ויתן להם אל פי יהוה נחלה בתוך אחי אביהן׃

  • יהוש׳ 18:2
    74%

    2ויותרו בבני ישראל אשר לא חלקו את נחלתם שבעה שבטים׃

  • דב׳ 1:38-39
    2 פסוקים
    74%

    38יהושע בן נון העמד לפניך הוא יבא שמה אתו חזק כי הוא ינחלנה את ישראל׃

    39וטפכם אשר אמרתם לבז יהיה ובניכם אשר לא ידעו היום טוב ורע המה יבאו שמה ולהם אתננה והם יירשוה׃

  • במ׳ 34:29
    74%

    29אלה אשר צוה יהוה לנחל את בני ישראל בארץ כנען׃

  • יהוש׳ 14:5
    74%

    5כאשר צוה יהוה את משה כן עשו בני ישראל ויחלקו את הארץ׃

  • מע״ש 13:19
    74%

    19וישמד שבעה גוים בארץ כנען ויחלק את ארצם להם לנחלה׃

  • יח׳ 47:21
    73%

    21וחלקתם את הארץ הזאת לכם לשבטי ישראל׃

  • דב׳ 34:9
    73%

    9ויהושע בן נון מלא רוח חכמה כי סמך משה את ידיו עליו וישמעו אליו בני ישראל ויעשו כאשר צוה יהוה את משה׃

  • יהוש׳ 13:29
    73%

    29ויתן משה לחצי שבט מנשה ויהי לחצי מטה בני מנשה למשפחותם׃

  • יהוש׳ 13:1
    72%

    1¶ ויהושע זקן בא בימים ויאמר יהוה אליו אתה זקנתה באת בימים והארץ נשארה הרבה מאד לרשתה׃

  • במ׳ 34:13
    72%

    13ויצו משה את בני ישראל לאמר זאת הארץ אשר תתנחלו אתה בגורל אשר צוה יהוה לתת לתשעת המטות וחצי המטה׃

  • יהוש׳ 24:28
    72%

    28וישלח יהושע את העם איש לנחלתו׃

  • יהוש׳ 1:15
    72%

    15עד אשר יניח יהוה לאחיכם ככם וירשו גם המה את הארץ אשר יהוה אלהיכם נתן להם ושבתם לארץ ירשתכם וירשתם אותה אשר נתן לכם משה עבד יהוה בעבר הירדן מזרח השמש׃

  • יהוש׳ 13:7
    72%

    7ועתה חלק את הארץ הזאת בנחלה לתשעת השבטים וחצי השבט המנשה׃

  • יהוש׳ 1:12-13
    2 פסוקים
    72%

    12ולראובני ולגדי ולחצי שבט המנשה אמר יהושע לאמר׃

    13זכור את הדבר אשר צוה אתכם משה עבד יהוה לאמר יהוה אלהיכם מניח לכם ונתן לכם את הארץ הזאת׃

  • יהוש׳ 13:32
    72%

    32אלה אשר נחל משה בערבות מואב מעבר לירדן יריחו מזרחה׃

  • יהוש׳ 14:13
    72%

    13ויברכהו יהושע ויתן את חברון לכלב בן יפנה לנחלה׃

  • דב׳ 29:8
    72%

    8ונקח את ארצם ונתנה לנחלה לראובני ולגדי ולחצי שבט המנשי׃

  • יהוש׳ 17:14
    71%

    14וידברו בני יוסף את יהושע לאמר מדוע נתתה לי נחלה גורל אחד וחבל אחד ואני עם רב עד אשר עד כה ברכני יהוה׃

  • יהוש׳ 12:7
    71%

    7ואלה מלכי הארץ אשר הכה יהושע ובני ישראל בעבר הירדן ימה מבעל גד בבקעת הלבנון ועד ההר החלק העלה שעירה ויתנה יהושע לשבטי ישראל ירשה כמחלקתם׃

  • שופ׳ 2:9
    71%

    9ויקברו אותו בגבול נחלתו בתמנת חרס בהר אפרים מצפון להר געש׃

  • יהוש׳ 24:30
    71%

    30ויקברו אתו בגבול נחלתו בתמנת סרח אשר בהר אפרים מצפון להר געש׃

  • במ׳ 34:2
    71%

    2צו את בני ישראל ואמרת אלהם כי אתם באים אל הארץ כנען זאת הארץ אשר תפל לכם בנחלה ארץ כנען לגבלתיה׃

  • דב׳ 31:23
    71%

    23ויצו את יהושע בן נון ויאמר חזק ואמץ כי אתה תביא את בני ישראל אל הארץ אשר נשבעתי להם ואנכי אהיה עמך׃

  • יהוש׳ 18:20
    71%

    20והירדן יגבל אתו לפאת קדמה זאת נחלת בני בנימן לגבולתיה סביב למשפחתם׃