יהושע 2:8

תנ ך עברי מודרני

והמה טרם ישכבון והיא עלתה עליהם על הגג׃

משאבים נוספים

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יהוש׳ 2:1-7
    7 פסוקים
    82%

    1¶ וישלח יהושע בן נון מן השטים שנים אנשים מרגלים חרש לאמר לכו ראו את הארץ ואת יריחו וילכו ויבאו בית אשה זונה ושמה רחב וישכבו שמה׃

    2ויאמר למלך יריחו לאמר הנה אנשים באו הנה הלילה מבני ישראל לחפר את הארץ׃

    3וישלח מלך יריחו אל רחב לאמר הוציאי האנשים הבאים אליך אשר באו לביתך כי לחפר את כל הארץ באו׃

    4ותקח האשה את שני האנשים ותצפנו ותאמר כן באו אלי האנשים ולא ידעתי מאין המה׃

    5ויהי השער לסגור בחשך והאנשים יצאו לא ידעתי אנה הלכו האנשים רדפו מהר אחריהם כי תשיגום׃

    6והיא העלתם הגגה ותטמנם בפשתי העץ הערכות לה על הגג׃

    7והאנשים רדפו אחריהם דרך הירדן על המעברות והשער סגרו אחרי כאשר יצאו הרדפים אחריהם׃

  • יהוש׳ 2:14-17
    4 פסוקים
    81%

    14ויאמרו לה האנשים נפשנו תחתיכם למות אם לא תגידו את דברנו זה והיה בתת יהוה לנו את הארץ ועשינו עמך חסד ואמת׃

    15ותורדם בחבל בעד החלון כי ביתה בקיר החומה ובחומה היא יושבת׃

    16ותאמר להם ההרה לכו פן יפגעו בכם הרדפים ונחבתם שמה שלשת ימים עד שוב הרדפים ואחר תלכו לדרככם׃

    17ויאמרו אליה האנשים נקים אנחנו משבעתך הזה אשר השבעתנו׃

  • יהוש׳ 2:9
    78%

    9ותאמר אל האנשים ידעתי כי נתן יהוה לכם את הארץ וכי נפלה אימתכם עלינו וכי נמגו כל ישבי הארץ מפניכם׃

  • רות 3:14
    75%

    14ותשכב מרגלתו עד הבקר ותקם בטרום יכיר איש את רעהו ויאמר אל יודע כי באה האשה הגרן׃

  • יהוש׳ 2:21-23
    3 פסוקים
    75%

    21ותאמר כדבריכם כן הוא ותשלחם וילכו ותקשר את תקות השני בחלון׃

    22וילכו ויבאו ההרה וישבו שם שלשת ימים עד שבו הרדפים ויבקשו הרדפים בכל הדרך ולא מצאו׃

    23וישבו שני האנשים וירדו מההר ויעברו ויבאו אל יהושע בן נון ויספרו לו את כל המצאות אותם׃

  • שופ׳ 9:32
    73%

    32ועתה קום לילה אתה והעם אשר אתך וארב בשדה׃

  • רות 3:7-8
    2 פסוקים
    73%

    7ויאכל בעז וישת וייטב לבו ויבא לשכב בקצה הערמה ותבא בלט ותגל מרגלתיו ותשכב׃

    8ויהי בחצי הלילה ויחרד האיש וילפת והנה אשה שכבת מרגלתיו׃

  • שופ׳ 19:26-27
    2 פסוקים
    72%

    26ותבא האשה לפנות הבקר ותפל פתח בית האיש אשר אדוניה שם עד האור׃

    27ויקם אדניה בבקר ויפתח דלתות הבית ויצא ללכת לדרכו והנה האשה פילגשו נפלת פתח הבית וידיה על הסף׃

  • יהוש׳ 6:22
    72%

    22ולשנים האנשים המרגלים את הארץ אמר יהושע באו בית האשה הזונה והוציאו משם את האשה ואת כל אשר לה כאשר נשבעתם לה׃

  • בר׳ 19:8
    70%

    8הנה נא לי שתי בנות אשר לא ידעו איש אוציאה נא אתהן אליכם ועשו להן כטוב בעיניכם רק לאנשים האל אל תעשו דבר כי על כן באו בצל קרתי׃

  • רות 3:4
    70%

    4ויהי בשכבו וידעת את המקום אשר ישכב שם ובאת וגלית מרגלתיו ושכבתי והוא יגיד לך את אשר תעשין׃

  • יהוש׳ 8:12-13
    2 פסוקים
    70%

    12ויקח כחמשת אלפים איש וישם אותם ארב בין בית אל ובין העי מים לעיר׃

    13וישימו העם את כל המחנה אשר מצפון לעיר ואת עקבו מים לעיר וילך יהושע בלילה ההוא בתוך העמק׃

  • שמ״ב 11:2
    70%

    2ויהי לעת הערב ויקם דוד מעל משכבו ויתהלך על גג בית המלך וירא אשה רחצת מעל הגג והאשה טובת מראה מאד׃

  • שופ׳ 4:20
    70%

    20ויאמר אליה עמד פתח האהל והיה אם איש יבוא ושאלך ואמר היש פה איש ואמרת אין׃

  • יהוש׳ 8:9
    70%

    9וישלחם יהושע וילכו אל המארב וישבו בין בית אל ובין העי מים לעי וילן יהושע בלילה ההוא בתוך העם׃

  • בר׳ 19:4
    69%

    4טרם ישכבו ואנשי העיר אנשי סדם נסבו על הבית מנער ועד זקן כל העם מקצה׃

  • שופ׳ 19:13-14
    2 פסוקים
    69%

    13ויאמר לנערו לך ונקרבה באחד המקמות ולנו בגבעה או ברמה׃

    14ויעברו וילכו ותבא להם השמש אצל הגבעה אשר לבנימן׃

  • שופ׳ 19:22
    69%

    22המה מיטיבים את לבם והנה אנשי העיר אנשי בני בליעל נסבו את הבית מתדפקים על הדלת ויאמרו אל האיש בעל הבית הזקן לאמר הוצא את האיש אשר בא אל ביתך ונדענו׃

  • שופ׳ 19:9
    69%

    9ויקם האיש ללכת הוא ופילגשו ונערו ויאמר לו חתנו אבי הנערה הנה נא רפה היום לערב לינו נא הנה חנות היום לין פה וייטב לבבך והשכמתם מחר לדרככם והלכת לאהלך׃

  • בר׳ 19:1-2
    2 פסוקים
    69%

    1¶ ויבאו שני המלאכים סדמה בערב ולוט ישב בשער סדם וירא לוט ויקם לקראתם וישתחו אפים ארצה׃

    2ויאמר הנה נא אדני סורו נא אל בית עבדכם ולינו ורחצו רגליכם והשכמתם והלכתם לדרככם ויאמרו לא כי ברחוב נלין׃

  • מל״ב 4:11
    69%

    11ויהי היום ויבא שמה ויסר אל העליה וישכב שמה׃

  • שופ׳ 9:51
    69%

    51ומגדל עז היה בתוך העיר וינסו שמה כל האנשים והנשים וכל בעלי העיר ויסגרו בעדם ויעלו על גג המגדל׃

  • שופ׳ 20:5
    69%

    5ויקמו עלי בעלי הגבעה ויסבו עלי את הבית לילה אותי דמו להרג ואת פילגשי ענו ותמת׃

  • שופ׳ 19:11
    69%

    11הם עם יבוס והיום רד מאד ויאמר הנער אל אדניו לכה נא ונסורה אל עיר היבוסי הזאת ונלין בה׃

  • יהוש׳ 10:9
    69%

    9ויבא אליהם יהושע פתאם כל הלילה עלה מן הגלגל׃

  • שופ׳ 1:24
    68%

    24ויראו השמרים איש יוצא מן העיר ויאמרו לו הראנו נא את מבוא העיר ועשינו עמך חסד׃

  • בר׳ 39:14
    68%

    14ותקרא לאנשי ביתה ותאמר להם לאמר ראו הביא לנו איש עברי לצחק בנו בא אלי לשכב עמי ואקרא בקול גדול׃

  • שופ׳ 1:14
    68%

    14ויהי בבואה ותסיתהו לשאול מאת אביה השדה ותצנח מעל החמור ויאמר לה כלב מה לך׃