יהושע 20:5

תנ ך עברי מודרני

וכי ירדף גאל הדם אחריו ולא יסגרו את הרצח בידו כי בבלי דעת הכה את רעהו ולא שנא הוא לו מתמול שלשום׃

משאבים נוספים

פסוקים מקושרים

  • במ׳ 35:12 : 12 והיו לכם הערים למקלט מגאל ולא ימות הרצח עד עמדו לפני העדה למשפט׃
  • במ׳ 35:25 : 25 והצילו העדה את הרצח מיד גאל הדם והשיבו אתו העדה אל עיר מקלטו אשר נס שמה וישב בה עד מות הכהן הגדל אשר משח אתו בשמן הקדש׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דב׳ 19:3-6
    4 פסוקים
    88%

    3תכין לך הדרך ושלשת את גבול ארצך אשר ינחילך יהוה אלהיך והיה לנוס שמה כל רצח׃

    4וזה דבר הרצח אשר ינוס שמה וחי אשר יכה את רעהו בבלי דעת והוא לא שנא לו מתמל שלשם׃

    5ואשר יבא את רעהו ביער לחטב עצים ונדחה ידו בגרזן לכרת העץ ונשל הברזל מן העץ ומצא את רעהו ומת הוא ינוס אל אחת הערים האלה וחי׃

    6פן ירדף גאל הדם אחרי הרצח כי יחם לבבו והשיגו כי ירבה הדרך והכהו נפש ולו אין משפט מות כי לא שנא הוא לו מתמול שלשום׃

  • יהוש׳ 20:2-4
    3 פסוקים
    85%

    2דבר אל בני ישראל לאמר תנו לכם את ערי המקלט אשר דברתי אליכם ביד משה׃

    3לנוס שמה רוצח מכה נפש בשגגה בבלי דעת והיו לכם למקלט מגאל הדם׃

    4ונס אל אחת מהערים האלה ועמד פתח שער העיר ודבר באזני זקני העיר ההיא את דבריו ואספו אתו העירה אליהם ונתנו לו מקום וישב עמם׃

  • דב׳ 4:42
    83%

    42לנס שמה רוצח אשר ירצח את רעהו בבלי דעת והוא לא שנא לו מתמול שלשום ונס אל אחת מן הערים האל וחי׃

  • יהוש׳ 20:6
    82%

    6וישב בעיר ההיא עד עמדו לפני העדה למשפט עד מות הכהן הגדול אשר יהיה בימים ההם אז ישוב הרוצח ובא אל עירו ואל ביתו אל העיר אשר נס משם׃

  • דב׳ 19:10-13
    4 פסוקים
    82%

    10ולא ישפך דם נקי בקרב ארצך אשר יהוה אלהיך נתן לך נחלה והיה עליך דמים׃

    11וכי יהיה איש שנא לרעהו וארב לו וקם עליו והכהו נפש ומת ונס אל אחת הערים האל׃

    12ושלחו זקני עירו ולקחו אתו משם ונתנו אתו ביד גאל הדם ומת׃

    13לא תחוס עינך עליו ובערת דם הנקי מישראל וטוב לך׃

  • יהוש׳ 20:9
    82%

    9אלה היו ערי המועדה לכל בני ישראל ולגר הגר בתוכם לנוס שמה כל מכה נפש בשגגה ולא ימות ביד גאל הדם עד עמדו לפני העדה׃

  • במ׳ 35:15-28
    14 פסוקים
    82%

    15לבני ישראל ולגר ולתושב בתוכם תהיינה שש הערים האלה למקלט לנוס שמה כל מכה נפש בשגגה׃

    16ואם בכלי ברזל הכהו וימת רצח הוא מות יומת הרצח׃

    17ואם באבן יד אשר ימות בה הכהו וימת רצח הוא מות יומת הרצח׃

    18או בכלי עץ יד אשר ימות בו הכהו וימת רצח הוא מות יומת הרצח׃

    19גאל הדם הוא ימית את הרצח בפגעו בו הוא ימיתנו׃

    20ואם בשנאה יהדפנו או השליך עליו בצדיה וימת׃

    21או באיבה הכהו בידו וימת מות יומת המכה רצח הוא גאל הדם ימית את הרצח בפגעו בו׃

    22ואם בפתע בלא איבה הדפו או השליך עליו כל כלי בלא צדיה׃

    23או בכל אבן אשר ימות בה בלא ראות ויפל עליו וימת והוא לא אויב לו ולא מבקש רעתו׃

    24ושפטו העדה בין המכה ובין גאל הדם על המשפטים האלה׃

    25והצילו העדה את הרצח מיד גאל הדם והשיבו אתו העדה אל עיר מקלטו אשר נס שמה וישב בה עד מות הכהן הגדל אשר משח אתו בשמן הקדש׃

    26ואם יצא יצא הרצח את גבול עיר מקלטו אשר ינוס שמה׃

    27ומצא אתו גאל הדם מחוץ לגבול עיר מקלטו ורצח גאל הדם את הרצח אין לו דם׃

    28כי בעיר מקלטו ישב עד מות הכהן הגדל ואחרי מות הכהן הגדל ישוב הרצח אל ארץ אחזתו׃

  • במ׳ 35:11-12
    2 פסוקים
    80%

    11והקריתם לכם ערים ערי מקלט תהיינה לכם ונס שמה רצח מכה נפש בשגגה׃

    12והיו לכם הערים למקלט מגאל ולא ימות הרצח עד עמדו לפני העדה למשפט׃

  • שמ׳ 21:12-14
    3 פסוקים
    78%

    12מכה איש ומת מות יומת׃

    13ואשר לא צדה והאלהים אנה לידו ושמתי לך מקום אשר ינוס שמה׃

    14וכי יזד איש על רעהו להרגו בערמה מעם מזבחי תקחנו למות׃

  • דב׳ 21:1-2
    2 פסוקים
    74%

    1¶ כי ימצא חלל באדמה אשר יהוה אלהיך נתן לך לרשתה נפל בשדה לא נודע מי הכהו׃

    2ויצאו זקניך ושפטיך ומדדו אל הערים אשר סביבת החלל׃

  • במ׳ 35:30-32
    3 פסוקים
    73%

    30כל מכה נפש לפי עדים ירצח את הרצח ועד אחד לא יענה בנפש למות׃

    31ולא תקחו כפר לנפש רצח אשר הוא רשע למות כי מות יומת׃

    32ולא תקחו כפר לנוס אל עיר מקלטו לשוב לשבת בארץ עד מות הכהן׃

  • מש׳ 28:17
    72%

    17אדם עשק בדם נפש עד בור ינוס אל יתמכו בו׃

  • שמ׳ 22:2
    71%

    2אם במחתרת ימצא הגנב והכה ומת אין לו דמים׃

  • דב׳ 22:26
    71%

    26ולנער לא תעשה דבר אין לנער חטא מות כי כאשר יקום איש על רעהו ורצחו נפש כן הדבר הזה׃

  • יהוש׳ 2:19
    70%

    19והיה כל אשר יצא מדלתי ביתך החוצה דמו בראשו ואנחנו נקים וכל אשר יהיה אתך בבית דמו בראשנו אם יד תהיה בו׃

  • דב׳ 19:19
    69%

    19ועשיתם לו כאשר זמם לעשות לאחיו ובערת הרע מקרבך׃

  • שמ׳ 21:18-19
    2 פסוקים
    69%

    18וכי יריבן אנשים והכה איש את רעהו באבן או באגרף ולא ימות ונפל למשכב׃

    19אם יקום והתהלך בחוץ על משענתו ונקה המכה רק שבתו יתן ורפא ירפא׃

  • שמ׳ 22:8
    69%

    8אם לא ימצא הגנב ונקרב בעל הבית אל האלהים אם לא שלח ידו במלאכת רעהו׃

  • דב׳ 21:7
    69%

    7וענו ואמרו ידינו לא שפכה את הדם הזה ועינינו לא ראו׃

  • שמ׳ 21:23
    69%

    23ואם אסון יהיה ונתתה נפש תחת נפש׃

  • יח׳ 35:6
    69%

    6לכן חי אני נאם אדני יהוה כי לדם אעשך ודם ירדפך אם לא דם שנאת ודם ירדפך׃

  • דב׳ 13:9
    68%

    9כי הרג תהרגנו ידך תהיה בו בראשונה להמיתו ויד כל העם באחרנה׃