שופטים 19:14

תנ ך עברי מודרני

ויעברו וילכו ותבא להם השמש אצל הגבעה אשר לבנימן׃

משאבים נוספים

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שופ׳ 19:15-18
    4 פסוקים
    85%

    15ויסרו שם לבוא ללון בגבעה ויבא וישב ברחוב העיר ואין איש מאסף אותם הביתה ללון׃

    16והנה איש זקן בא מן מעשהו מן השדה בערב והאיש מהר אפרים והוא גר בגבעה ואנשי המקום בני ימיני׃

    17וישא עיניו וירא את האיש הארח ברחב העיר ויאמר האיש הזקן אנה תלך ומאין תבוא׃

    18ויאמר אליו עברים אנחנו מבית לחם יהודה עד ירכתי הר אפרים משם אנכי ואלך עד בית לחם יהודה ואת בית יהוה אני הלך ואין איש מאסף אותי הביתה׃

  • שופ׳ 19:8-13
    6 פסוקים
    84%

    8וישכם בבקר ביום החמישי ללכת ויאמר אבי הנערה סעד נא לבבך והתמהמהו עד נטות היום ויאכלו שניהם׃

    9ויקם האיש ללכת הוא ופילגשו ונערו ויאמר לו חתנו אבי הנערה הנה נא רפה היום לערב לינו נא הנה חנות היום לין פה וייטב לבבך והשכמתם מחר לדרככם והלכת לאהלך׃

    10ולא אבה האיש ללון ויקם וילך ויבא עד נכח יבוס היא ירושלם ועמו צמד חמורים חבושים ופילגשו עמו׃

    11הם עם יבוס והיום רד מאד ויאמר הנער אל אדניו לכה נא ונסורה אל עיר היבוסי הזאת ונלין בה׃

    12ויאמר אליו אדניו לא נסור אל עיר נכרי אשר לא מבני ישראל הנה ועברנו עד גבעה׃

    13ויאמר לנערו לך ונקרבה באחד המקמות ולנו בגבעה או ברמה׃

  • שופ׳ 20:42-43
    2 פסוקים
    76%

    42ויפנו לפני איש ישראל אל דרך המדבר והמלחמה הדביקתהו ואשר מהערים משחיתים אותו בתוכו׃

    43כתרו את בנימן הרדיפהו מנוחה הדריכהו עד נכח הגבעה ממזרח שמש׃

  • שופ׳ 20:19-20
    2 פסוקים
    74%

    19ויקומו בני ישראל בבקר ויחנו על הגבעה׃

    20ויצא איש ישראל למלחמה עם בנימן ויערכו אתם איש ישראל מלחמה אל הגבעה׃

  • שופ׳ 20:12-14
    3 פסוקים
    74%

    12וישלחו שבטי ישראל אנשים בכל שבטי בנימן לאמר מה הרעה הזאת אשר נהיתה בכם׃

    13ועתה תנו את האנשים בני בליעל אשר בגבעה ונמיתם ונבערה רעה מישראל ולא אבו בנימן לשמע בקול אחיהם בני ישראל׃

    14ויאספו בני בנימן מן הערים הגבעתה לצאת למלחמה עם בני ישראל׃

  • שופ׳ 20:31-32
    2 פסוקים
    73%

    31ויצאו בני בנימן לקראת העם הנתקו מן העיר ויחלו להכות מהעם חללים כפעם בפעם במסלות אשר אחת עלה בית אל ואחת גבעתה בשדה כשלשים איש בישראל׃

    32ויאמרו בני בנימן נגפים הם לפנינו כבראשנה ובני ישראל אמרו ננוסה ונתקנהו מן העיר אל המסלות׃

  • שמ״א 9:4
    73%

    4ויעבר בהר אפרים ויעבר בארץ שלשה ולא מצאו ויעברו בארץ שעלים ואין ויעבר בארץ ימיני ולא מצאו׃

  • לוק 24:28-29
    2 פסוקים
    73%

    28ויקרבו אל הכפר אשר הם הלכים שמה וישם פניו כהלך לו לדרכו׃

    29ויפצרו בו לאמר שבה אתנו כי עת ערב הגיע ונטה היום ויבא הביתה לשבת אתם׃

  • יהוש׳ 2:5
    73%

    5ויהי השער לסגור בחשך והאנשים יצאו לא ידעתי אנה הלכו האנשים רדפו מהר אחריהם כי תשיגום׃

  • שמ״ב 2:24
    73%

    24וירדפו יואב ואבישי אחרי אבנר והשמש באה והמה באו עד גבעת אמה אשר על פני גיח דרך מדבר גבעון׃

  • שופ׳ 20:3-5
    3 פסוקים
    73%

    3וישמעו בני בנימן כי עלו בני ישראל המצפה ויאמרו בני ישראל דברו איכה נהיתה הרעה הזאת׃

    4ויען האיש הלוי איש האשה הנרצחה ויאמר הגבעתה אשר לבנימן באתי אני ופילגשי ללון׃

    5ויקמו עלי בעלי הגבעה ויסבו עלי את הבית לילה אותי דמו להרג ואת פילגשי ענו ותמת׃

  • שופ׳ 19:21-23
    3 פסוקים
    73%

    21ויביאהו לביתו ויבול לחמורים וירחצו רגליהם ויאכלו וישתו׃

    22המה מיטיבים את לבם והנה אנשי העיר אנשי בני בליעל נסבו את הבית מתדפקים על הדלת ויאמרו אל האיש בעל הבית הזקן לאמר הוצא את האיש אשר בא אל ביתך ונדענו׃

    23ויצא אליהם האיש בעל הבית ויאמר אלהם אל אחי אל תרעו נא אחרי אשר בא האיש הזה אל ביתי אל תעשו את הנבלה הזאת׃

  • יש׳ 10:29
    73%

    29עברו מעברה גבע מלון לנו חרדה הרמה גבעת שאול נסה׃

  • בר׳ 19:2-3
    2 פסוקים
    72%

    2ויאמר הנה נא אדני סורו נא אל בית עבדכם ולינו ורחצו רגליכם והשכמתם והלכתם לדרככם ויאמרו לא כי ברחוב נלין׃

    3ויפצר בם מאד ויסרו אליו ויבאו אל ביתו ויעש להם משתה ומצות אפה ויאכלו׃

  • שופ׳ 19:25-26
    2 פסוקים
    72%

    25ולא אבו האנשים לשמע לו ויחזק האיש בפילגשו ויצא אליהם החוץ וידעו אותה ויתעללו בה כל הלילה עד הבקר וישלחוה בעלות השחר׃

    26ותבא האשה לפנות הבקר ותפל פתח בית האיש אשר אדוניה שם עד האור׃

  • שופ׳ 18:13
    72%

    13ויעברו משם הר אפרים ויבאו עד בית מיכה׃

  • יהוש׳ 19:27
    71%

    27ושב מזרח השמש בית דגן ופגע בזבלון ובגי יפתח אל צפונה בית העמק ונעיאל ויצא אל כבול משמאל׃

  • שמ״ב 2:29
    71%

    29ואבנר ואנשיו הלכו בערבה כל הלילה ההוא ויעברו את הירדן וילכו כל הבתרון ויבאו מחנים׃

  • שופ׳ 19:28
    71%

    28ויאמר אליה קומי ונלכה ואין ענה ויקחה על החמור ויקם האיש וילך למקמו׃

  • שופ׳ 20:36
    71%

    36ויראו בני בנימן כי נגפו ויתנו איש ישראל מקום לבנימן כי בטחו אל הארב אשר שמו אל הגבעה׃

  • שמ״א 14:16
    71%

    16ויראו הצפים לשאול בגבעת בנימן והנה ההמון נמוג וילך והלם׃

  • שופ׳ 20:25
    71%

    25ויצא בנימן לקראתם מן הגבעה ביום השני וישחיתו בבני ישראל עוד שמנת עשר אלף איש ארצה כל אלה שלפי חרב׃

  • יהוש׳ 2:22
    71%

    22וילכו ויבאו ההרה וישבו שם שלשת ימים עד שבו הרדפים ויבקשו הרדפים בכל הדרך ולא מצאו׃

  • שופ׳ 20:9
    71%

    9ועתה זה הדבר אשר נעשה לגבעה עליה בגורל׃

  • שמ״א 9:14
    70%

    14ויעלו העיר המה באים בתוך העיר והנה שמואל יצא לקראתם לעלות הבמה׃

  • שופ׳ 1:22
    70%

    22ויעלו בית יוסף גם הם בית אל ויהוה עמם׃