ויקרא 15:16

תנ ך עברי מודרני

ואיש כי תצא ממנו שכבת זרע ורחץ במים את כל בשרו וטמא עד הערב׃

משאבים נוספים

פסוקים מקושרים

  • ויק׳ 22:4 : 4 איש איש מזרע אהרן והוא צרוע או זב בקדשים לא יאכל עד אשר יטהר והנגע בכל טמא נפש או איש אשר תצא ממנו שכבת זרע׃
  • דב׳ 23:10-11 : 10 כי יהיה בך איש אשר לא יהיה טהור מקרה לילה ויצא אל מחוץ למחנה לא יבא אל תוך המחנה׃ 11 והיה לפנות ערב ירחץ במים וכבא השמש יבא אל תוך המחנה׃
  • ויק׳ 15:5 : 5 ואיש אשר יגע במשכבו יכבס בגדיו ורחץ במים וטמא עד הערב׃
  • קור״ב 7:1 : 1 ¶ לכן חביבי בהיות לנו ההבטחות האלה נטהרה את עצמנו מכל טמאת בשר ורוח להשלים קדשתנו ביראת אלהים׃
  • פט״א 2:11 : 11 אהובים אזהירכם כגרים ותושבים הנזרו מתאות הבשר המתגרות בנפש׃
  • יוח״א 1:7 : 7 אך אם באור נלך כאשר הוא באור הנה נתחברנו יחד ודם ישוע המשיח בנו יטהרנו מכל חטא׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • ויק׳ 15:17-28
    12 פסוקים
    93%

    17וכל בגד וכל עור אשר יהיה עליו שכבת זרע וכבס במים וטמא עד הערב׃

    18ואשה אשר ישכב איש אתה שכבת זרע ורחצו במים וטמאו עד הערב׃

    19ואשה כי תהיה זבה דם יהיה זבה בבשרה שבעת ימים תהיה בנדתה וכל הנגע בה יטמא עד הערב׃

    20וכל אשר תשכב עליו בנדתה יטמא וכל אשר תשב עליו יטמא׃

    21וכל הנגע במשכבה יכבס בגדיו ורחץ במים וטמא עד הערב׃

    22וכל הנגע בכל כלי אשר תשב עליו יכבס בגדיו ורחץ במים וטמא עד הערב׃

    23ואם על המשכב הוא או על הכלי אשר הוא ישבת עליו בנגעו בו יטמא עד הערב׃

    24ואם שכב ישכב איש אתה ותהי נדתה עליו וטמא שבעת ימים וכל המשכב אשר ישכב עליו יטמא׃

    25ואשה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה טמאה הוא׃

    26כל המשכב אשר תשכב עליו כל ימי זובה כמשכב נדתה יהיה לה וכל הכלי אשר תשב עליו טמא יהיה כטמאת נדתה׃

    27וכל הנוגע בם יטמא וכבס בגדיו ורחץ במים וטמא עד הערב׃

    28ואם טהרה מזובה וספרה לה שבעת ימים ואחר תטהר׃

  • ויק׳ 15:2-13
    12 פסוקים
    86%

    2דברו אל בני ישראל ואמרתם אלהם איש איש כי יהיה זב מבשרו זובו טמא הוא׃

    3וזאת תהיה טמאתו בזובו רר בשרו את זובו או החתים בשרו מזובו טמאתו הוא׃

    4כל המשכב אשר ישכב עליו הזב יטמא וכל הכלי אשר ישב עליו יטמא׃

    5ואיש אשר יגע במשכבו יכבס בגדיו ורחץ במים וטמא עד הערב׃

    6והישב על הכלי אשר ישב עליו הזב יכבס בגדיו ורחץ במים וטמא עד הערב׃

    7והנגע בבשר הזב יכבס בגדיו ורחץ במים וטמא עד הערב׃

    8וכי ירק הזב בטהור וכבס בגדיו ורחץ במים וטמא עד הערב׃

    9וכל המרכב אשר ירכב עליו הזב יטמא׃

    10וכל הנגע בכל אשר יהיה תחתיו יטמא עד הערב והנושא אותם יכבס בגדיו ורחץ במים וטמא עד הערב׃

    11וכל אשר יגע בו הזב וידיו לא שטף במים וכבס בגדיו ורחץ במים וטמא עד הערב׃

    12וכלי חרש אשר יגע בו הזב ישבר וכל כלי עץ ישטף במים׃

    13וכי יטהר הזב מזובו וספר לו שבעת ימים לטהרתו וכבס בגדיו ורחץ בשרו במים חיים וטהר׃

  • ויק׳ 15:31-33
    3 פסוקים
    86%

    31והזרתם את בני ישראל מטמאתם ולא ימתו בטמאתם בטמאם את משכני אשר בתוכם׃

    32זאת תורת הזב ואשר תצא ממנו שכבת זרע לטמאה בה׃

    33והדוה בנדתה והזב את זובו לזכר ולנקבה ולאיש אשר ישכב עם טמאה׃

  • ויק׳ 15:15
    82%

    15ועשה אתם הכהן אחד חטאת והאחד עלה וכפר עליו הכהן לפני יהוה מזובו׃

  • ויק׳ 20:18
    79%

    18ואיש אשר ישכב את אשה דוה וגלה את ערותה את מקרה הערה והיא גלתה את מקור דמיה ונכרתו שניהם מקרב עמם׃

  • ויק׳ 17:16
    79%

    16ואם לא יכבס ובשרו לא ירחץ ונשא עונו׃

  • במ׳ 19:19-22
    4 פסוקים
    79%

    19והזה הטהר על הטמא ביום השלישי וביום השביעי וחטאו ביום השביעי וכבס בגדיו ורחץ במים וטהר בערב׃

    20ואיש אשר יטמא ולא יתחטא ונכרתה הנפש ההוא מתוך הקהל כי את מקדש יהוה טמא מי נדה לא זרק עליו טמא הוא׃

    21והיתה להם לחקת עולם ומזה מי הנדה יכבס בגדיו והנגע במי הנדה יטמא עד הערב׃

    22וכל אשר יגע בו הטמא יטמא והנפש הנגעת תטמא עד הערב׃

  • ויק׳ 22:4-6
    3 פסוקים
    78%

    4איש איש מזרע אהרן והוא צרוע או זב בקדשים לא יאכל עד אשר יטהר והנגע בכל טמא נפש או איש אשר תצא ממנו שכבת זרע׃

    5או איש אשר יגע בכל שרץ אשר יטמא לו או באדם אשר יטמא לו לכל טמאתו׃

    6נפש אשר תגע בו וטמאה עד הערב ולא יאכל מן הקדשים כי אם רחץ בשרו במים׃

  • במ׳ 19:7-8
    2 פסוקים
    78%

    7וכבס בגדיו הכהן ורחץ בשרו במים ואחר יבוא אל המחנה וטמא הכהן עד הערב׃

    8והשרף אתה יכבס בגדיו במים ורחץ בשרו במים וטמא עד הערב׃

  • דב׳ 23:10-11
    2 פסוקים
    78%

    10כי יהיה בך איש אשר לא יהיה טהור מקרה לילה ויצא אל מחוץ למחנה לא יבא אל תוך המחנה׃

    11והיה לפנות ערב ירחץ במים וכבא השמש יבא אל תוך המחנה׃

  • ויק׳ 5:3
    77%

    3או כי יגע בטמאת אדם לכל טמאתו אשר יטמא בה ונעלם ממנו והוא ידע ואשם׃

  • במ׳ 5:28
    76%

    28ואם לא נטמאה האשה וטהרה הוא ונקתה ונזרעה זרע׃

  • במ׳ 19:15
    75%

    15וכל כלי פתוח אשר אין צמיד פתיל עליו טמא הוא׃

  • ויק׳ 11:25
    75%

    25וכל הנשא מנבלתם יכבס בגדיו וטמא עד הערב׃

  • ויק׳ 11:32
    75%

    32וכל אשר יפל עליו מהם במתם יטמא מכל כלי עץ או בגד או עור או שק כל כלי אשר יעשה מלאכה בהם במים יובא וטמא עד הערב וטהר׃

  • במ׳ 19:11-12
    2 פסוקים
    74%

    11הנגע במת לכל נפש אדם וטמא שבעת ימים׃

    12הוא יתחטא בו ביום השלישי וביום השביעי יטהר ואם לא יתחטא ביום השלישי וביום השביעי לא יטהר׃

  • ויק׳ 12:2
    74%

    2דבר אל בני ישראל לאמר אשה כי תזריע וילדה זכר וטמאה שבעת ימים כימי נדת דותה תטמא׃

  • ויק׳ 20:21
    74%

    21ואיש אשר יקח את אשת אחיו נדה הוא ערות אחיו גלה ערירים יהיו׃