ויקרא 25:53

תנ ך עברי מודרני

כשכיר שנה בשנה יהיה עמו לא ירדנו בפרך לעיניך׃

משאבים נוספים

פסוקים מקושרים

  • ויק׳ 25:43 : 43 לא תרדה בו בפרך ויראת מאלהיך׃
  • ויק׳ 25:46 : 46 והתנחלתם אתם לבניכם אחריכם לרשת אחזה לעלם בהם תעבדו ובאחיכם בני ישראל איש באחיו לא תרדה בו בפרך׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • ויק׳ 25:39-52
    14 פסוקים
    88%

    39וכי ימוך אחיך עמך ונמכר לך לא תעבד בו עבדת עבד׃

    40כשכיר כתושב יהיה עמך עד שנת היבל יעבד עמך׃

    41ויצא מעמך הוא ובניו עמו ושב אל משפחתו ואל אחזת אבתיו ישוב׃

    42כי עבדי הם אשר הוצאתי אתם מארץ מצרים לא ימכרו ממכרת עבד׃

    43לא תרדה בו בפרך ויראת מאלהיך׃

    44ועבדך ואמתך אשר יהיו לך מאת הגוים אשר סביבתיכם מהם תקנו עבד ואמה׃

    45וגם מבני התושבים הגרים עמכם מהם תקנו וממשפחתם אשר עמכם אשר הולידו בארצכם והיו לכם לאחזה׃

    46והתנחלתם אתם לבניכם אחריכם לרשת אחזה לעלם בהם תעבדו ובאחיכם בני ישראל איש באחיו לא תרדה בו בפרך׃

    47וכי תשיג יד גר ותושב עמך ומך אחיך עמו ונמכר לגר תושב עמך או לעקר משפחת גר׃

    48אחרי נמכר גאלה תהיה לו אחד מאחיו יגאלנו׃

    49או דדו או בן דדו יגאלנו או משאר בשרו ממשפחתו יגאלנו או השיגה ידו ונגאל׃

    50וחשב עם קנהו משנת המכרו לו עד שנת היבל והיה כסף ממכרו במספר שנים כימי שכיר יהיה עמו׃

    51אם עוד רבות בשנים לפיהן ישיב גאלתו מכסף מקנתו׃

    52ואם מעט נשאר בשנים עד שנת היבל וחשב לו כפי שניו ישיב את גאלתו׃

  • ויק׳ 25:54-55
    2 פסוקים
    84%

    54ואם לא יגאל באלה ויצא בשנת היבל הוא ובניו עמו׃

    55כי לי בני ישראל עבדים עבדי הם אשר הוצאתי אותם מארץ מצרים אני יהוה אלהיכם׃

  • שמ׳ 21:2
    76%

    2כי תקנה עבד עברי שש שנים יעבד ובשבעת יצא לחפשי חנם׃

  • ויק׳ 25:26-28
    3 פסוקים
    76%

    26ואיש כי לא יהיה לו גאל והשיגה ידו ומצא כדי גאלתו׃

    27וחשב את שני ממכרו והשיב את העדף לאיש אשר מכר לו ושב לאחזתו׃

    28ואם לא מצאה ידו די השיב לו והיה ממכרו ביד הקנה אתו עד שנת היובל ויצא ביבל ושב לאחזתו׃

  • דב׳ 15:16-18
    3 פסוקים
    74%

    16והיה כי יאמר אליך לא אצא מעמך כי אהבך ואת ביתך כי טוב לו עמך׃

    17ולקחת את המרצע ונתתה באזנו ובדלת והיה לך עבד עולם ואף לאמתך תעשה כן׃

    18לא יקשה בעינך בשלחך אתו חפשי מעמך כי משנה שכר שכיר עבדך שש שנים וברכך יהוה אלהיך בכל אשר תעשה׃

  • דב׳ 15:12-14
    3 פסוקים
    74%

    12כי ימכר לך אחיך העברי או העבריה ועבדך שש שנים ובשנה השביעת תשלחנו חפשי מעמך׃

    13וכי תשלחנו חפשי מעמך לא תשלחנו ריקם׃

    14העניק תעניק לו מצאנך ומגרנך ומיקבך אשר ברכך יהוה אלהיך תתן לו׃

  • יר׳ 34:14
    73%

    14מקץ שבע שנים תשלחו איש את אחיו העברי אשר ימכר לך ועבדך שש שנים ושלחתו חפשי מעמך ולא שמעו אבותיכם אלי ולא הטו את אזנם׃

  • דב׳ 24:14-15
    2 פסוקים
    73%

    14לא תעשק שכיר עני ואביון מאחיך או מגרך אשר בארצך בשעריך׃

    15ביומו תתן שכרו ולא תבוא עליו השמש כי עני הוא ואליו הוא נשא את נפשו ולא יקרא עליך אל יהוה והיה בך חטא׃

  • ויק׳ 25:13-16
    4 פסוקים
    73%

    13בשנת היובל הזאת תשבו איש אל אחזתו׃

    14וכי תמכרו ממכר לעמיתך או קנה מיד עמיתך אל תונו איש את אחיו׃

    15במספר שנים אחר היובל תקנה מאת עמיתך במספר שני תבואת ימכר לך׃

    16לפי רב השנים תרבה מקנתו ולפי מעט השנים תמעיט מקנתו כי מספר תבואת הוא מכר לך׃

  • דב׳ 23:15-16
    2 פסוקים
    72%

    15לא תסגיר עבד אל אדניו אשר ינצל אליך מעם אדניו׃

    16עמך ישב בקרבך במקום אשר יבחר באחד שעריך בטוב לו לא תוננו׃

  • יח׳ 46:17
    71%

    17וכי יתן מתנה מנחלתו לאחד מעבדיו והיתה לו עד שנת הדרור ושבת לנשיא אך נחלתו בניו להם תהיה׃

  • ויק׳ 25:30
    71%

    30ואם לא יגאל עד מלאת לו שנה תמימה וקם הבית אשר בעיר אשר לא חמה לצמיתת לקנה אתו לדרתיו לא יצא ביבל׃

  • שמ׳ 21:5-7
    3 פסוקים
    71%

    5ואם אמר יאמר העבד אהבתי את אדני את אשתי ואת בני לא אצא חפשי׃

    6והגישו אדניו אל האלהים והגישו אל הדלת או אל המזוזה ורצע אדניו את אזנו במרצע ועבדו לעלם׃

    7וכי ימכר איש את בתו לאמה לא תצא כצאת העבדים׃

  • איוב 41:4
    71%

    4היכרת ברית עמך תקחנו לעבד עולם׃

  • מש׳ 29:21
    71%

    21מפנק מנער עבדו ואחריתו יהיה מנון׃

  • שמ׳ 12:45
    70%

    45תושב ושכיר לא יאכל בו׃

  • ויק׳ 25:6
    70%

    6והיתה שבת הארץ לכם לאכלה לך ולעבדך ולאמתך ולשכירך ולתושבך הגרים עמך׃

  • שמ׳ 21:26
    70%

    26וכי יכה איש את עין עבדו או את עין אמתו ושחתה לחפשי ישלחנו תחת עינו׃

  • ויק׳ 27:23
    70%

    23וחשב לו הכהן את מכסת הערכך עד שנת היבל ונתן את הערכך ביום ההוא קדש ליהוה׃

  • יר׳ 34:9
    70%

    9לשלח איש את עבדו ואיש את שפחתו העברי והעבריה חפשים לבלתי עבד בם ביהודי אחיהו איש׃

  • שמ׳ 22:25
    69%

    25אם כסף תלוה את עמי את העני עמך לא תהיה לו כנשה לא תשימון עליו נשך׃

  • ויק׳ 25:11
    69%

    11יובל הוא שנת החמשים שנה תהיה לכם לא תזרעו ולא תקצרו את ספיחיה ולא תבצרו את נזריה׃

  • מש׳ 22:7
    69%

    7עשיר ברשים ימשול ועבד לוה לאיש מלוה׃