ויקרא 7:34

תנ ך עברי מודרני

כי את חזה התנופה ואת שוק התרומה לקחתי מאת בני ישראל מזבחי שלמיהם ואתן אתם לאהרן הכהן ולבניו לחק עולם מאת בני ישראל׃

משאבים נוספים

פסוקים מקושרים

  • במ׳ 18:18-19 : 18 ובשרם יהיה לך כחזה התנופה וכשוק הימין לך יהיה׃ 19 כל תרומת הקדשים אשר ירימו בני ישראל ליהוה נתתי לך ולבניך ולבנתיך אתך לחק עולם ברית מלח עולם הוא לפני יהוה לך ולזרעך אתך׃
  • ויק׳ 10:14-15 : 14 ואת חזה התנופה ואת שוק התרומה תאכלו במקום טהור אתה ובניך ובנתיך אתך כי חקך וחק בניך נתנו מזבחי שלמי בני ישראל׃ 15 שוק התרומה וחזה התנופה על אשי החלבים יביאו להניף תנופה לפני יהוה והיה לך ולבניך אתך לחק עולם כאשר צוה יהוה׃
  • דב׳ 18:3 : 3 וזה יהיה משפט הכהנים מאת העם מאת זבחי הזבח אם שור אם שה ונתן לכהן הזרע והלחיים והקבה׃
  • שמ׳ 29:9 : 9 וחגרת אתם אבנט אהרן ובניו וחבשת להם מגבעת והיתה להם כהנה לחקת עולם ומלאת יד אהרן ויד בניו׃
  • שמ׳ 29:27-28 : 27 וקדשת את חזה התנופה ואת שוק התרומה אשר הונף ואשר הורם מאיל המלאים מאשר לאהרן ומאשר לבניו׃ 28 והיה לאהרן ולבניו לחק עולם מאת בני ישראל כי תרומה הוא ותרומה יהיה מאת בני ישראל מזבחי שלמיהם תרומתם ליהוה׃
  • ויק׳ 3:17 : 17 חקת עולם לדרתיכם בכל מושבתיכם כל חלב וכל דם לא תאכלו׃
  • ויק׳ 7:30-32 : 30 ידיו תביאינה את אשי יהוה את החלב על החזה יביאנו את החזה להניף אתו תנופה לפני יהוה׃ 31 והקטיר הכהן את החלב המזבחה והיה החזה לאהרן ולבניו׃ 32 ואת שוק הימין תתנו תרומה לכהן מזבחי שלמיכם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • ויק׳ 7:29-33
    5 פסוקים
    86%

    29דבר אל בני ישראל לאמר המקריב את זבח שלמיו ליהוה יביא את קרבנו ליהוה מזבח שלמיו׃

    30ידיו תביאינה את אשי יהוה את החלב על החזה יביאנו את החזה להניף אתו תנופה לפני יהוה׃

    31והקטיר הכהן את החלב המזבחה והיה החזה לאהרן ולבניו׃

    32ואת שוק הימין תתנו תרומה לכהן מזבחי שלמיכם׃

    33המקריב את דם השלמים ואת החלב מבני אהרן לו תהיה שוק הימין למנה׃

  • ויק׳ 10:13-15
    3 פסוקים
    85%

    13ואכלתם אתה במקום קדש כי חקך וחק בניך הוא מאשי יהוה כי כן צויתי׃

    14ואת חזה התנופה ואת שוק התרומה תאכלו במקום טהור אתה ובניך ובנתיך אתך כי חקך וחק בניך נתנו מזבחי שלמי בני ישראל׃

    15שוק התרומה וחזה התנופה על אשי החלבים יביאו להניף תנופה לפני יהוה והיה לך ולבניך אתך לחק עולם כאשר צוה יהוה׃

  • שמ׳ 29:26-28
    3 פסוקים
    84%

    26ולקחת את החזה מאיל המלאים אשר לאהרן והנפת אתו תנופה לפני יהוה והיה לך למנה׃

    27וקדשת את חזה התנופה ואת שוק התרומה אשר הונף ואשר הורם מאיל המלאים מאשר לאהרן ומאשר לבניו׃

    28והיה לאהרן ולבניו לחק עולם מאת בני ישראל כי תרומה הוא ותרומה יהיה מאת בני ישראל מזבחי שלמיהם תרומתם ליהוה׃

  • במ׳ 18:6-9
    4 פסוקים
    81%

    6ואני הנה לקחתי את אחיכם הלוים מתוך בני ישראל לכם מתנה נתנים ליהוה לעבד את עבדת אהל מועד׃

    7ואתה ובניך אתך תשמרו את כהנתכם לכל דבר המזבח ולמבית לפרכת ועבדתם עבדת מתנה אתן את כהנתכם והזר הקרב יומת׃

    8וידבר יהוה אל אהרן ואני הנה נתתי לך את משמרת תרומתי לכל קדשי בני ישראל לך נתתים למשחה ולבניך לחק עולם׃

    9זה יהיה לך מקדש הקדשים מן האש כל קרבנם לכל מנחתם ולכל חטאתם ולכל אשמם אשר ישיבו לי קדש קדשים לך הוא ולבניך׃

  • ויק׳ 7:35-37
    3 פסוקים
    80%

    35זאת משחת אהרן ומשחת בניו מאשי יהוה ביום הקריב אתם לכהן ליהוה׃

    36אשר צוה יהוה לתת להם ביום משחו אתם מאת בני ישראל חקת עולם לדרתם׃

    37זאת התורה לעלה למנחה ולחטאת ולאשם ולמלואים ולזבח השלמים׃

  • במ׳ 18:18-20
    3 פסוקים
    80%

    18ובשרם יהיה לך כחזה התנופה וכשוק הימין לך יהיה׃

    19כל תרומת הקדשים אשר ירימו בני ישראל ליהוה נתתי לך ולבניך ולבנתיך אתך לחק עולם ברית מלח עולם הוא לפני יהוה לך ולזרעך אתך׃

    20ויאמר יהוה אל אהרן בארצם לא תנחל וחלק לא יהיה לך בתוכם אני חלקך ונחלתך בתוך בני ישראל׃

  • ויק׳ 8:29
    78%

    29ויקח משה את החזה ויניפהו תנופה לפני יהוה מאיל המלאים למשה היה למנה כאשר צוה יהוה את משה׃

  • ויק׳ 9:20-21
    2 פסוקים
    77%

    20וישימו את החלבים על החזות ויקטר החלבים המזבחה׃

    21ואת החזות ואת שוק הימין הניף אהרן תנופה לפני יהוה כאשר צוה משה׃

  • ויק׳ 8:25-27
    3 פסוקים
    77%

    25ויקח את החלב ואת האליה ואת כל החלב אשר על הקרב ואת יתרת הכבד ואת שתי הכלית ואת חלבהן ואת שוק הימין׃

    26ומסל המצות אשר לפני יהוה לקח חלת מצה אחת וחלת לחם שמן אחת ורקיק אחד וישם על החלבים ועל שוק הימין׃

    27ויתן את הכל על כפי אהרן ועל כפי בניו וינף אתם תנופה לפני יהוה׃

  • במ׳ 18:11
    77%

    11וזה לך תרומת מתנם לכל תנופת בני ישראל לך נתתים ולבניך ולבנתיך אתך לחק עולם כל טהור בביתך יאכל אתו׃

  • ויק׳ 24:9
    76%

    9והיתה לאהרן ולבניו ואכלהו במקום קדש כי קדש קדשים הוא לו מאשי יהוה חק עולם׃

  • דב׳ 18:3
    76%

    3וזה יהיה משפט הכהנים מאת העם מאת זבחי הזבח אם שור אם שה ונתן לכהן הזרע והלחיים והקבה׃

  • שמ׳ 29:22
    75%

    22ולקחת מן האיל החלב והאליה ואת החלב המכסה את הקרב ואת יתרת הכבד ואת שתי הכלית ואת החלב אשר עליהן ואת שוק הימין כי איל מלאים הוא׃

  • שמ׳ 29:24
    75%

    24ושמת הכל על כפי אהרן ועל כפי בניו והנפת אתם תנופה לפני יהוה׃

  • במ׳ 18:28
    75%

    28כן תרימו גם אתם תרומת יהוה מכל מעשרתיכם אשר תקחו מאת בני ישראל ונתתם ממנו את תרומת יהוה לאהרן הכהן׃

  • ויק׳ 7:8
    74%

    8והכהן המקריב את עלת איש עור העלה אשר הקריב לכהן לו יהיה׃

  • במ׳ 31:29
    74%

    29ממחציתם תקחו ונתתה לאלעזר הכהן תרומת יהוה׃

  • ויק׳ 7:14
    74%

    14והקריב ממנו אחד מכל קרבן תרומה ליהוה לכהן הזרק את דם השלמים לו יהיה׃

  • במ׳ 3:9
    74%

    9ונתתה את הלוים לאהרן ולבניו נתונם נתונם המה לו מאת בני ישראל׃

  • ויק׳ 6:18
    74%

    18כל זכר בבני אהרן יאכלנה חק עולם לדרתיכם מאשי יהוה כל אשר יגע בהם יקדש׃

  • ויק׳ 4:10
    74%

    10כאשר יורם משור זבח השלמים והקטירם הכהן על מזבח העלה׃

  • ויק׳ 2:10
    74%

    10והנותרת מן המנחה לאהרן ולבניו קדש קדשים מאשי יהוה׃

  • במ׳ 8:19
    74%

    19ואתנה את הלוים נתנים לאהרן ולבניו מתוך בני ישראל לעבד את עבדת בני ישראל באהל מועד ולכפר על בני ישראל ולא יהיה בבני ישראל נגף בגשת בני ישראל אל הקדש׃

  • ויק׳ 2:3
    73%

    3והנותרת מן המנחה לאהרן ולבניו קדש קדשים מאשי יהוה׃

  • ויק׳ 3:9
    73%

    9והקריב מזבח השלמים אשה ליהוה חלבו האליה תמימה לעמת העצה יסירנה ואת החלב המכסה את הקרב ואת כל החלב אשר על הקרב׃

  • ויק׳ 7:10-11
    2 פסוקים
    73%

    10וכל מנחה בלולה בשמן וחרבה לכל בני אהרן תהיה איש כאחיו׃

    11וזאת תורת זבח השלמים אשר יקריב ליהוה׃

  • במ׳ 7:9
    73%

    9ולבני קהת לא נתן כי עבדת הקדש עלהם בכתף ישאו׃

  • במ׳ 5:9
    73%

    9וכל תרומה לכל קדשי בני ישראל אשר יקריבו לכהן לו יהיה׃

  • במ׳ 8:11
    72%

    11והניף אהרן את הלוים תנופה לפני יהוה מאת בני ישראל והיו לעבד את עבדת יהוה׃

  • במ׳ 18:24
    72%

    24כי את מעשר בני ישראל אשר ירימו ליהוה תרומה נתתי ללוים לנחלה על כן אמרתי להם בתוך בני ישראל לא ינחלו נחלה׃

  • במ׳ 8:13
    72%

    13והעמדת את הלוים לפני אהרן ולפני בניו והנפת אתם תנופה ליהוה׃