לוקס 15:14

תנ ך עברי מודרני

ואחרי כלותו את הכל היה רעב חזק בארץ ההיא ויחל להיות חסר לחם׃

משאבים נוספים

פסוקים מקושרים

  • דה״ב 33:11 : 11 ויבא יהוה עליהם את שרי הצבא אשר למלך אשור וילכדו את מנשה בחחים ויאסרהו בנחשתים ויוליכהו בבלה׃
  • יח׳ 16:27 : 27 והנה נטיתי ידי עליך ואגרע חקך ואתנך בנפש שנאותיך בנות פלשתים הנכלמות מדרכך זמה׃
  • הוש׳ 2:9-9 : 9 לכן אשוב ולקחתי דגני בעתו ותירושי במועדו והצלתי צמרי ופשתי לכסות את ערותה׃ 10 ועתה אגלה את נבלתה לעיני מאהביה ואיש לא יצילנה מידי׃ 11 והשבתי כל משושה חגה חדשה ושבתה וכל מועדה׃ 12 והשמתי גפנה ותאנתה אשר אמרה אתנה המה לי אשר נתנו לי מאהבי ושמתים ליער ואכלתם חית השדה׃ 13 ופקדתי עליה את ימי הבעלים אשר תקטיר להם ותעד נזמה וחליתה ותלך אחרי מאהביה ואתי שכחה נאם יהוה׃ 14 לכן הנה אנכי מפתיה והלכתיה המדבר ודברתי על לבה׃
  • עמ׳ 8:9-9 : 9 והיה ביום ההוא נאם אדני יהוה והבאתי השמש בצהרים והחשכתי לארץ ביום אור׃ 10 והפכתי חגיכם לאבל וכל שיריכם לקינה והעליתי על כל מתנים שק ועל כל ראש קרחה ושמתיה כאבל יחיד ואחריתה כיום מר׃ 11 הנה ימים באים נאם אדני יהוה והשלחתי רעב בארץ לא רעב ללחם ולא צמא למים כי אם לשמע את דברי יהוה׃ 12 ונעו מים עד ים ומצפון ועד מזרח ישוטטו לבקש את דבר יהוה ולא ימצאו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • לוק 15:15-32
    18 פסוקים
    85%

    15וילך וידבק באחד מבני המדינה בארץ ההיא וישלח אותו אל שדותיו לרעות חזירים׃

    16ויתאו למלא את בטנו בחרובים אשר יאכלו החזירים ואין נתן לו׃

    17וישב אל לבו ויאמר מה רבו שכירי אבי ויש להם לחם לשבע ואני אבד ברעב׃

    18אקומה נא ואלכה אל אבי ואמר אליו אבי חטאתי לשמים ולפניך׃

    19ונקלתי מהקרא עוד בנך שימני כאשר שכיריך׃

    20ויקם ויבא אל אביו עודנו מרחוק ואביו ראהו ויהמו מעיו וירץ ויפל על צואריו וישקהו׃

    21ויאמר אליו הבן אבי חטאתי לשמים ולפניך ואני נקלתי מהקרא עוד בנך׃

    22ויאמר האב אל עבדיו הוציאו את השמלה הטובה מכלן והלבישהו ותנו טבעת על ידו ונעלים ברגליו׃

    23והביאו את עגל המרבק וטבחו אתו ונאכלה ונשמח׃

    24כי זה בני היה מת ויחי ואובד היה וימצא ויחלו לשמח׃

    25ובנו הגדול היה בשדה ויהי כאשר בא ויקרב אל הבית וישמע קול זמרה ומחלות׃

    26ויקרא אל אחד הנערים וישאל מה זאת׃

    27ויאמר אליו כי בא אחיך ויטבח אביך את עגל המרבק על אשר הושב לו שלם׃

    28ויחר לו ולא אבה לבוא הביתה ויצא אביו וידבר על לבו׃

    29ויען ויאמר אל אביו הנה זה שנים רבות אני עבד אתך ומימי לא עברתי את מצותך ומימי לא נתת לי גדי למען אשיש עם רעי׃

    30ויבא בנך זה אשר בלע את נחלתך עם הזנות ותזבח לו את עגל המרבק׃

    31ויאמר אליו בני אתה תמיד עמדי וכל אשר לי לך הוא׃

    32אבל נכון לשוש ולשמח כי אחיך זה היה מת ויחי ואבד היה וימצא׃

  • לוק 15:11-13
    3 פסוקים
    85%

    11ויאמר איש אחד היו לו שני בנים׃

    12ויאמר הצעיר אל אביו אבי תנה לי את חלק הרכוש אשר יפל לי ויחלק להם את הנחלה׃

    13ויהי מקץ ימים ויאסף הבן הצעיר את הכל וילך אל ארץ רחוקה ושם פזר את רכשו וילך בדרך סובאים וזוללים׃

  • לוק 16:1-5
    5 פסוקים
    73%

    1¶ ויאמר גם אל תלמידיו איש עשיר היה ולו פקיד על ביתו וילשינהו אליו באמרם כי מפזר הוא את קניניך׃

    2ויקרא אתו ויאמר אליו מה זאת שמעתי עליך תן חשבון פקדתך כי לא תוכל להיות עוד פקיד׃

    3ויאמר הפקיד בלבו מה אעשה כי יקח אדני ממני את הפקדה לעדר לא אוכל ולשאל על הפתחים אני בוש׃

    4ידעתי מה אעשה למען יאספוני אל בתיהם בעת אוסר מפקדתי׃

    5ויקרא אל כל איש אשר נשה בהם אדניו וישאל את הראשון כמה אתה חיב לאדני׃

  • בר׳ 43:1
    73%

    1¶ והרעב כבד בארץ׃

  • לוק 15:3-6
    4 פסוקים
    72%

    3וידבר אליהם את המשל הזה לאמר׃

    4מי זה האיש מכם אשר לו מאה כבשים ואבד לו אחד מהם ולא יטוש את התשעים ותשעה במדבר והלך אחרי האבד עד כי ימצאהו׃

    5והיה כמצאו אתו ישימנו על כתפיו בשמחה׃

    6ובא אל ביתו וקרא לאהביו ולשכניו יחד לאמר שמחו אתי כי מצאתי את שיי האבד׃

  • בר׳ 41:30-31
    2 פסוקים
    71%

    30וקמו שבע שני רעב אחריהן ונשכח כל השבע בארץ מצרים וכלה הרעב את הארץ׃

    31ולא יודע השבע בארץ מפני הרעב ההוא אחרי כן כי כבד הוא מאד׃

  • מתי 4:2
    71%

    2ויהי אחרי צומו ארבעים יום וארבעים לילה וירעב׃

  • לוק 12:16-17
    2 פסוקים
    70%

    16וישא משלו ויאמר אליהם לאמר שדה איש עשיר אחד עשה תבואה הרבה׃

    17ויחשב בלבו לאמר מה אעשה כי אין לי מקום לכנוס בו את תבואתי׃

  • בר׳ 47:13
    70%

    13ולחם אין בכל הארץ כי כבד הרעב מאד ותלה ארץ מצרים וארץ כנען מפני הרעב׃

  • מע״ש 7:11
    70%

    11ויהי רעב על כל ארץ מצרים וכנען וצרה גדולה ואבותינו לא מצאו אכל׃

  • איוב 30:3
    70%

    3בחסר ובכפן גלמוד הערקים ציה אמש שואה ומשאה׃

  • קה׳ 5:14
    70%

    14ואבד העשר ההוא בענין רע והוליד בן ואין בידו מאומה׃

  • בר׳ 47:15
    70%

    15ויתם הכסף מארץ מצרים ומארץ כנען ויבאו כל מצרים אל יוסף לאמר הבה לנו לחם ולמה נמות נגדך כי אפס כסף׃

  • שמ״ב 12:3
    69%

    3ולרש אין כל כי אם כבשה אחת קטנה אשר קנה ויחיה ותגדל עמו ועם בניו יחדו מפתו תאכל ומכסו תשתה ובחיקו תשכב ותהי לו כבת׃

  • מש׳ 13:23
    69%

    23רב אכל ניר ראשים ויש נספה בלא משפט׃

  • לוק 16:19
    69%

    19איש עשיר היה והוא לבוש ארגמן ושש ויתעגג וישמח יום יום׃

  • מתי 18:24-25
    2 פסוקים
    69%

    24וכאשר החל לחשב הובא לפניו איש אשר חיב לו עשרת אלפים ככרי כסף׃

    25ולא היה לו לשלם ויצו אדניו למכר אותו ואת אשתו ואת בניו ואת כל אשר לו וכן ישלם׃

  • לוק 19:15
    69%

    15ויהי אחרי קחתו את הממלכה וישב ויאמר לקרא את העבדים ההם אשר נתן להם את הכסף למען ידע מה הרויח כל אחד במסחרו׃

  • לוק 14:16
    69%

    16והוא אמר אליו איש אחד עשה סעודה גדולה ויקרא לרבים׃

  • מש׳ 6:11
    68%

    11ובא כמהלך ראשך ומחסרך כאיש מגן׃

  • בר׳ 41:54
    68%

    54ותחלינה שבע שני הרעב לבוא כאשר אמר יוסף ויהי רעב בכל הארצות ובכל ארץ מצרים היה לחם׃