לוקס 2:25

תנ ך עברי מודרני

והנה איש היה בירושלים ושמו שמעון והוא איש צדיק וחסיד מחכה לנחמת ישראל ורוח הקדש היה עליו׃

משאבים נוספים

פסוקים מקושרים

  • לוק 1:6 : 6 ושניהם היו צדיקים לפני האלהים והלכי תם בכל מצות יהוה ובחקתיו׃
  • לוק 2:38 : 38 ותקם בשעה ההיא ותגש להדות ליהוה ותדבר עליו באזני כל המחכים לגאלה בירושלים׃
  • יש׳ 25:9 : 9 ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו׃
  • מרק 15:43 : 43 ויבא יוסף הרמתי יועץ נכבד אשר היה מחכה גם הוא למלכות האלהים ויתחזק ויבא אל פילטוס וישאל את גופת ישוע׃
  • יש׳ 40:1 : 1 ¶ נחמו נחמו עמי יאמר אלהיכם׃
  • לוק 23:51 : 51 אשר לא הסכים לעצתם ולפעלם ומחכה גם הוא למלכות האלהים׃
  • טיט 2:11-14 : 11 כי הופיע חסד אלהים להושיע את כל בני האדם׃ 12 וליסר אתנו אשר נתעב הרשע ותאות העולם ונחיה בעולם הזה בצניעות ובצדק ובחסידות׃ 13 ונחכה לתקוה המאשרת ולהופעת כבוד אלהינו הגדול ומושיענו ישוע המשיח׃ 14 אשר נתן את נפשו בעדנו לגאלנו מכל עול ולטהר לו עם סגלה הזריז במעשים טובים׃
  • פט״ב 1:21 : 21 כי מעולם לא יצאה נבואה ברצון האדם כי אם ברוח הקדש אשר נשאם דברו אנשי אלהים הקדושים׃
  • לוק 1:41 : 41 ויהי כשמע אלישבע את ברכת מרים וירקד הילד במעיה ותמלא אלישבע רוח הקדש׃
  • לוק 1:67 : 67 וימלא זכריה אביו רוח הקדש וינבא לאמר׃
  • מע״ש 10:2 : 2 והוא חסיד וירא אלהים עם כל בני ביתו ועשה צדקות הרבה לעם ומתפלל תמיד לאלהים׃
  • מע״ש 10:22 : 22 ויאמרו קרניליוס שר מאה איש צדיק וירא אלהים ולו שם טוב בכל עם היהודים צוה על פי מלאך קדוש לקרא לך אל ביתו ולשמע דברים מפיך׃
  • מע״ש 24:16 : 16 ובזאת גם עמלתי להיות תמים לב לאלהים ולאדם תמיד׃
  • דנ׳ 6:22-23 : 22 אלהי שלח מלאכה וסגר פם אריותא ולא חבלוני כל קבל די קדמוהי זכו השתכחת לי ואף קדמיך מלכא חבולה לא עבדת׃ 23 באדין מלכא שגיא טאב עלוהי ולדניאל אמר להנסקה מן גבא והסק דניאל מן גבא וכל חבל לא השתכח בה די הימן באלהה׃
  • מיכ׳ 6:8 : 8 הגיד לך אדם מה טוב ומה יהוה דורש ממך כי אם עשות משפט ואהבת חסד והצנע לכת עם אלהיך׃
  • בר׳ 6:9 : 9 אלה תולדת נח נח איש צדיק תמים היה בדרתיו את האלהים התהלך נח׃
  • במ׳ 11:25 : 25 וירד יהוה בענן וידבר אליו ויאצל מן הרוח אשר עליו ויתן על שבעים איש הזקנים ויהי כנוח עליהם הרוח ויתנבאו ולא יספו׃
  • במ׳ 11:29 : 29 ויאמר לו משה המקנא אתה לי ומי יתן כל עם יהוה נביאים כי יתן יהוה את רוחו עליהם׃
  • איוב 1:1 : 1 ¶ איש היה בארץ עוץ איוב שמו והיה האיש ההוא תם וישר וירא אלהים וסר מרע׃
  • איוב 1:8 : 8 ויאמר יהוה אל השטן השמת לבך על עבדי איוב כי אין כמהו בארץ איש תם וישר ירא אלהים וסר מרע׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • לוק 2:26-35
    10 פסוקים
    84%

    26ולו נגלה ברוח הקדש כי לא יראה מות עד ראותו את משיח יהוה׃

    27ויבא ברוח אל המקדש ויהי כאשר הביאו הוריו את הנער ישוע לעשות עליו כמשפט התורה׃

    28ויקחהו על זרעותיו ויברך את האלהים ויאמר׃

    29עתה תפטר את עבדך כדברך אדני בשלום׃

    30כי ראו עיני את ישועתך׃

    31אשר הכינות לפני כל העמים׃

    32אור לגלות עיני הגוים ותפארת ישראל עמך׃

    33ויוסף ואמו תמהים על הדברים הנאמרים עליו׃

    34ויברך אותם שמעון ויאמר אל מרים אמו הנה זה מוסד לנפילה ולתקומה לרבים בישראל ולאות מריבה׃

    35וגם בנפשך תחתר חרב למען תגלינה מחשבות לבב רבים׃

  • לוק 2:21-24
    4 פסוקים
    72%

    21ויהי במלאת לנער שמנה ימים וימול ויקרא שמו ישוע כשם אשר קרא לו המלאך בטרם הרה בבטן׃

    22וימלאו ימי טהרה לפי תורת משה ויעלהו לירושלים להעמידו לפני יהוה׃

    23כאשר כתוב בתורת יהוה כל זכר פטר רחם יקרא קדש ליהוה׃

    24ולתת קרבן כאמור בתורת יהוה שתי תרים או שני בני יונה׃

  • לוק 1:66-68
    3 פסוקים
    69%

    66וישימו כל השמעים אל לבם לאמר מה אפוא יהיה הילד הזה ויד יהוה היתה עמו׃

    67וימלא זכריה אביו רוח הקדש וינבא לאמר׃

    68ברוך יהוה אלהי ישראל כי פקד את עמו וישלח לו פדות׃

  • מע״ש 15:14
    68%

    14שמעון ספר איך האלהים ראה לו בראשונה לקחת מבין הגוים עם לשמו׃

  • לוק 1:14-16
    3 פסוקים
    68%

    14והיה לך לשמחה וגיל ורבים ישמחו בהולדו׃

    15כי גדול יהיה לפני יהוה ויין ושכר לא ישתה ורוח הקדש ימלא בעודנו בבטן אמו׃

    16ורבים מבני ישראל ישיב אל יהוה אלהיהם׃

  • לוק 1:79-80
    2 פסוקים
    68%

    79להאיר לישבי חשך וצלמות ולהכין את רגלינו אל דרך השלום׃

    80ויגדל הילד ויחזק ברוח ויהי במדברות עד יום הראתו אל ישראל׃

  • מע״ש 13:23
    67%

    23וזה הוא אשר מזרעו הקים האלהים כפי ההבטחה גואל לישראל את ישוע׃

  • לוק 2:38
    67%

    38ותקם בשעה ההיא ותגש להדות ליהוה ותדבר עליו באזני כל המחכים לגאלה בירושלים׃

  • לוק 2:11-12
    2 פסוקים
    67%

    11כי היום ילד לכם בעיר דוד מושיע אשר הוא המשיח האדון׃

    12וזה לכם האות תמצאון ילד מחתל ומנח באבוס׃

  • לוק 1:32
    66%

    32והוא גדול יהיה ובן עליון יקרא ויהוה אלהים יתן לו את כסא דוד אביו׃

  • מתי 1:22-23
    2 פסוקים
    66%

    22ותהי כל זאת למלאת את אשר דבר יהוה ביד הנביא לאמר׃

    23הנה העלמה הרה וילדת בן וקראו שמו עמנואל אשר פרושו האל עמנו׃

  • לוק 1:75-77
    3 פסוקים
    66%

    75בתמים ובצדקה לפניו כל ימי חיינו׃

    76ואתה הילד נביא עליון תקרא כי לפני יהוה תלך לפנות את דרכיו׃

    77לתת דעת הישועה לעמו בסליחת חטאתיהם׃

  • לוק 2:40
    66%

    40ויגדל הנער ויחזק ברוח וימלא חכמה וחסד אלהים עמו׃

  • לוק 23:50-51
    2 פסוקים
    66%

    50והנה איש ושמו יוסף והוא מן היעצים איש טוב וצדיק מן הרמתים עיר היהודים׃

    51אשר לא הסכים לעצתם ולפעלם ומחכה גם הוא למלכות האלהים׃

  • מע״ש 7:55
    66%

    55והוא מלא רוח הקדש ויבט השמימה וירא את כבוד אלהים ואת ישוע נצב לימין האלהים׃

  • לוק 1:41
    65%

    41ויהי כשמע אלישבע את ברכת מרים וירקד הילד במעיה ותמלא אלישבע רוח הקדש׃

  • לוק 1:26-27
    2 פסוקים
    65%

    26ויהי בחדש הששי וישלח המלאך גבריאל מאת האלהים גלילה אל עיר אשר שמה נצרת׃

    27אל בתולה מארשה לאיש אשר שמו יוסף מבית דוד ושם הבתולה מרים׃

  • לוק 3:22
    65%

    22וירד עליו רוח הקדש בדמות גוף כיונה ויהי קול מן השמים ויאמר אתה בני ידידי בך רצתה נפשי׃

  • לוק 1:11
    65%

    11וירא אליו מלאך יהוה עמד לימין מזבח הקטרת׃

  • לוק 2:8-9
    2 פסוקים
    65%

    8ורעים היו בארץ ההיא לנים בשדה ושמרים את משמרות הלילה בעדרם׃

    9והנה מלאך יהוה נצב עליהם וכבוד יהוה הופיע עליהם מסביב וייראו יראה גדולה׃

  • לוק 1:35-36
    2 פסוקים
    65%

    35ויען המלאך ויאמר אליה רוח הקדש תבוא עליך וגבורת עליון תצל עליך על כן גם לקדוש הילוד יקרא בן אלהים׃

    36והנה אלישבע קרובתך אשר קראו לה עקרה גם היא הרתה בן בזקנתה וזה לה החדש הששי׃

  • לוק 1:21
    65%

    21והעם היה מחכה לזכריה ויתמהו כי אחר בהיכל׃

  • מתי 2:23
    65%

    23ויבא וישב בעיר אשר שמה נצרת למלאת הדבר הנאמר על פי הנביאים כי נצרי יקרא לו׃

  • לוק 2:6
    65%

    6ויהי בהיותם שם וימלאו ימיה ללדת׃

  • לוק 2:17
    64%

    17ויראו וישמיעו את הדבר הנאמר אליהם על הגער הזה׃